PĀ GƏ̄ 10:15 - Bibəl ta Sar̄

¹⁵ Ī-taā tɔ́gə nge kem ndul. Ādə̄ əgā kə̄rā yá̰á̰ kə́ gōtə́ aĺ ń ni-rāā ní ō, ādə̄ deē ɓār̄ rīn to̰ aĺ ō.

Bible sar

¹⁵ Ī-taā tɔ́gə nge kem ndul. Ādə̄ əgā kə̄rā yá̰á̰ kə́ gōtə́ aĺ ń ni-rāā ní ō, ādə̄ deē ɓār̄ rīn to̰ aĺ ō.

PĀ GƏ̄ 10:15 Referans Kwoze

SOPONI 1:12

Kum mbang ngeé ń noō tə́ ní, m-ā m-ə̄ndā hor tū lámbá kógə̄ḿ tə́, yā ndəleń ɓē kə́ Jerusalem. De kə́ kem ɓēé gə̄ ń ndin̄ kanjə̄ rāā yá̰á̰ kógə̄ḿ, tītə̄ kasə nduú kə́ ɗīgə̄ adə̄ manə̄n a ɔr̄ koō dɔ bisə̄n tə́ ní, m-ā m̄-rāā yá̰á̰ kógə̄ḿ sedə́. Nin̄ ədan̄ na: Kɔ́ɔ̄ɓē na asə rāā yá̰á̰ kógə̄ḿ alé. Ni na asə rāā yá̰á̰ kə́ majə aĺ ō, kə́ majaĺ aĺ ō.

PĀ GƏ̄ 37:17

Tɔdɔ̄ jī ngé kem ndul gə̄ a tétə̄. Banī Kɔ́ɔ̄ɓē rāā kə de kə́ súmūú gēé.

Makətūbə̄ yā Job 38:15

Banī dan ń loo tīī unjə̄ anī, ngé kem ndul gə̄ tḭ̄ḭ̄n̄ ta loo kə́ unjə̄ kow yādə́ kɔ̄ɔ́ ō, deē ń un jīn kə̄ dɔɔ́ yā kəndań ndéy ní, jīn tetə ō.

PĀ GƏ̄ 7:9

Kɔ́ɔ̄ɓē, nge gān̄g sarya yā nápar de gə̄, ī-gān̄g sarya yāḿ sɔɔ̄ń yá̰a̰ rāāḿ kə́ gōtə́ ō, najə̄ kə́ gətóo dɔḿ tə́ ō!

JAKARI 11:17

I yá̰á̰ kə́ to kum kaȳ aĺ kə́ ba̰ý beē tām̄ yā nge kul̄ yá̰á̰ kə́ ger̄ yá̰a̰ aĺ ngá̰ý, kə́ əya̰ yá̰a̰ kul̄ gə̄ kɔ̄ɔ́ tə́! Ādə̄ ta rɔ̄ɔ̄ tə́ ɓáa jīn kə́ ko̰ó̰ gān̄g kɔ̄ɔ́ ō, kumən kə́ dām̄ kə́ ko̰ó̰ tə́ ɔr̄ kɔ̄ɔ́ ō! Ādə̄ jīn i kə́ tutə njururu malang ō, ādə̄ kumən kə́ dām̄ kə́ ko̰ó̰ tə́ a̰a̰ loo to̰ aĺ ō!

JEREMI 2:34

Mósə́ ngé rɔ̄ tō ndoō gə̄ kə́ kanjə̄ najə̄ dɔdə́ tə́ ō, kə́ ə́hɔ́də́ dɔ rāā yá̰á̰ kógə̄ḿ kə́ majaĺ tə́ aĺ gə̄ ō, aw̄ mbóńg to ta kūbə̄ yāí gə̄ tə́.

EJEKIEL 23:48

Yá̰á̰ kə́ to rɔ̄sɔl̄ gə̄ ń de gə̄ rāān̄ kem ɓēé ní, m-ā m̄-rāā kadə̄ gír a gān̄g kɔ̄ɔ́. Nge ń noō a tél i yá̰a̰ kɔjə̄ tām̄ yā dəyá̰ gə̄ tə́ malang ō, nin̄ a ndájə̄n̄ háĺ kə́ majaĺ yā ngákó̰o̰ naā kə́ dəyá̰ kə́ jōó gə̄ ń toō aĺ ō.

PĀ GƏ̄ 3:7

Loo ń noō tə́ m̄-ɓōĺ dūbə̄ de kə́ ngá̰ý gə̄ ń tə́nīn̄ rɔ̄də́ kə̄ loo gə̄ tə́ gīrə̄n̄ gidəḿ ní to̰ alé.