PĀ GƏ̄ 1:6 - Bibəl ta Sar̄

⁶ Tɔdɔ̄ Kɔ́ɔ̄ɓē ger̄ róbə yā de kə́ súmūú gə̄. Banī róbə yā ngé kem ndul gə̄ i róbə́ kə́ ta to siriri.

Bible sar

⁶ Tɔdɔ̄ Kɔ́ɔ̄ɓē ger̄ róbə yā de kə́ súmūú gə̄. Banī róbə yā ngé kem ndul gə̄ i róbə́ kə́ ta to siriri.

PĀ GƏ̄ 1:6 Referans Kwoze

2 TIMOTE 2:19

Ba gíŕ kújə́ ń Nə́ɓā əndā adə̄ ndi ngan̄g ní, to gotoó. Ndangən̄ najə̄ gə̄ ń toō tū tə́ ədan̄ na: Kɔ́ɔ̄ɓē ger̄ ngé gə̄ ń nin̄ i yān gə̄ ní ō, ādə̄ náā nəkɔ́ ń ɓāŕ rī Kɔ́ɔ̄ɓē ní, əya̰ yá̰á̰ kə́ gō tə́ aĺ gə̄ kɔ̄ɔ́ ō.

JA̰A̰ 10:14

Mā i nge kul̄ kə́ majə, adə̄ m̄-ger̄ batə̄ yāḿ gə̄ ō, nin̄-ger̄mə̄n̄ ō,

Gōsə̄ najə̄ gə̄ 15:9

Háĺ ngé kem ndul gə̄ i yá̰á̰ kə́ yḛr ta kum Kɔ́ɔ̄ɓē tə́, banī ni táŕ ngé ngɔ̄də̄ gō yá̰á̰ kə́ gōtə́ gə̄ tə́.

NAHUM 1:7

Kɔ́ɔ̄ɓē i de kə́ majə. Ni i dabə kə́ yā ndi gírí dan wur kɔl tə́. Ngé gə̄ ń əndān̄ kemdə́ dɔn tə́ ní, ni-a̰a̰ gōdə́

PĀ GƏ̄ 146:9

Kɔ́ɔ̄ɓē ngɔ̄m̄ ngé nam̄ ɓē gə̄. Ni i nge rāā kə ngōn̄ halaá ō, kə dəyá̰ kə́ ngaa koyoó ō. Banī yá̰á̰ ń ngé kem ndul gə̄ nómə̄n̄ rāā ní, ni nujəń kɔ̄ɔ́.

JA̰A̰ 10:27

Batə̄ yāḿ gə̄ oōn̄ ndūḿ, ba mā m̄-ger̄də́ ō, nin̄-unən̄ gōḿ ō.

Gōsə̄ najə̄ gə̄ 14:12

De kə́rēý a̰a̰ kadə̄ hálən i háĺ kə́ súmūú, banī ta tɔ̄l̄ ta anī i háĺ kə́ a əla deē ta yo tə́.

MATIYE 7:13

Údiī kə ta róbə́ kə́ dūú. Tɔdɔ̄ róbə́ kə́ bo mbo̰o̰ ō, kə́ laa binding ō, a tḭ̄ḭ̄ i ta deē. Ba ngé kunən gə̄ i ngá̰ý.

Makətūbə̄ yā Job 23:10

Tá ni ger̄ róbə́ ń m-úń ní majə. Ré ni nāām̄ anī, m-ā m̄-teē kum tə́ ō, m-ā m-ūnjə̄ njáý njáý tītə̄ lɔ́r beé ō.

PĀ GƏ̄ 142:3

M-ɔ́jən wur kɔl ń əsō dɔḿ tə́ ní, m-ɔ́jən yá̰á̰ ń tɔȳ dɔḿ ní.

2 PIYER 2:12

Banī ngé ndóō de gə̄ yá̰á̰ kə́ rɔ̄kum aĺ gə̄ ngeé ń toō a rāān̄ yá̰a̰ i kanjə̄ gír̄ yá̰a̰, tītə̄ yā dā̰ kə́ bembeé gə̄ ń ojən̄də́ i kə rī kəhɔ tɔ̄l̄də́ ní beē. Nin̄-tájə̄n̄ yá̰á̰ ń nin̄-gerə̄n̄ aĺ ní. Nin̄ a oyn̄ i yo kə́ tītə̄ yā dā̰ kə́ bembeé gə̄ beé.

PĀ GƏ̄ 112:10

Nge kem ndul a̰a̰ anī wōn̄g rāān ngá̰ý, adə̄ do̰ tan ba jīn ur̄ wak. Ndə̄ngā yā ngé kem ndul gə̄ ní gotə a to i karī.

PĀ GƏ̄ 9:6

Ḭ̄ ɔ́jə rāā yá̰á̰ kə́ tōr̄ kə nápar de gə̄ ń noō. Ī-rāā ādə̄ de kə́ sew aĺ gə̄ oyn̄. Ɔ̄r̄ rīdə́ kɔ̄ɔ́ dɔ nang tə́ kə́ njɔ́ḿ gə̄ tə́.

1 SAMUEL 2:9

Ni a ngɔ̄m̄ nge ra dɔ ndūn tə́ loo njə̄rān gə̄ tə́, banī ngé kem ndul gə̄ tá a oyn̄ kum til tə́. Tɔdɔ̄ i tɔ́gə deē n i nge tetə rɔ̄ɔ̄ kadə̄n ní alé.

PĀ GƏ̄ 142:4

Dan ń tɔ́gə́ḿ ur̄ wak kɔ̄ɔ́ ní, loo ń m-ā m-āw̄ kə̄ tū tə́ ní ḭ̄ ī-ger̄. Əyān̄ gūmbə̄ dɔ róbə́ ń m-úń tə́ ní.