PĀ GƏ̄ 1:4 - Bibəl ta Sar̄

⁴ Banī yā ngé kem ndul gə̄ i tītə̄ ń noō alé, nin̄ ton̄ i tītə̄ təsá kə́ nél tə̄ndā tḭ̄ḭ̄ kə̄ loo gə̄ tə́ beē.

Bible sar

⁴ Banī yā ngé kem ndul gə̄ i tītə̄ ń noō alé, nin̄ ton̄ i tītə̄ təsá kə́ nél tə̄ndā tḭ̄ḭ̄ kə̄ loo gə̄ tə́ beē.

PĀ GƏ̄ 1:4 Referans Kwoze

Makətūbə̄ yā Job 21:18

Ɓá ta ba de gə̄ ədan̄ na: Ādə̄ nin̄ ton̄ tītə̄ mu kə́ nél un aw̄ń beé ō, təsá kə́ nél man̄ ɔy aw̄ń beé ō.

MATIYE 3:12

Yá̰á̰ tóó yá̰a̰ i jīn tə́. Ni a ɔr̄ njár̄ kōō tayā ō, a ɔr̄ təsá kōō tayā ō. Ni a ɔy njár̄ kōō yān kə́ kem gárāá kə̄ mō̰yō̰ó̰, ba təsán tá a róō kum hor kə́ a oy aĺ bátə́ tə́.

PĀ GƏ̄ 35:5

Loo ń nge kaw̄ kəla yā Kɔ́ɔ̄ɓē a mbəredə́ kə̄ gogə́ anī, ādə̄ ton̄ tītə̄ təsá kə́ nél ɔy dáyń beē!

IJAI 17:13

Kōō do̰ rɔ̄ɔ̄ yā nápar de gə̄ ɓār̄ tītə̄ kōō bā bo gə̄ beé. Kɔ́ɔ̄ɓē əla ɓōĺ kemdə́ tə́, anī nin̄ a̰ȳ aw̄n̄ sa̰y. Tə̄ɓān̄də́ tītə̄ mu kə́ néĺ kə́ dɔ mbal̄ bo gə̄ tə́ tə̄ɓān aw̄ seneé beē, tītə̄ bumbə́rú kə́ əga nding kə́ nél mān̄ tə̄ɓān kɔ̄ɔ́ beē.

OJEE 13:3

I tām̄ najə̄ noō tə́ n nin̄ a ton̄ tītə̄ kil̄ man̄ kə́ dəloí ní. A ton̄ tītə̄ man̄ kə́ tə́sō kok kok kə́ iī láẃ kɔ̄ɔ́ beē. A ton̄ tītə̄ mu kə́ nél un loo kənda kōō gémē tə́ aw̄ń sa̰y kɔ̄ɔ́ beē. A ton̄ tītə̄ sa hor kə́ teē ta bəlo kógə̄ḿ tə́ beē.

IJAI 29:5

Kósə madə̄ ba̰ā̰í gə̄ ton̄ tītə̄ bumbə́rú kə́ ḭḭ tuy beé. Ɓūtə̄ ngé rējīí gə̄ ton̄ tītə̄ mu kə́ nél ɔy aw̄ń beē. Anī kə̄ ta jī tə́ noō,

Makətūbə̄ yā Job 8:13

Ngé gə̄ ń dɔdə́ ndígə̄nal Nə́ɓā kɔ̄ɔ́ ní, yá̰á̰ ń əndān̄ dɔdə́ tə́ kadə̄ rāādə́ ní n noó. Kəndā kem dɔ tə́ yā nge tɔ́sə̄ najə̄ kə̄ ndágá a oy kɔ̄ɔ́.

PĀ GƏ̄ 37:36

Banī ni gətóo gír yān gān̄g kɔ̄ɔ́. m̄-sāā njan banī loo kəngen dum̄.

JEREMI 13:24

M-ā m̄-tə̄ndā m̄-tḭ̄ḭ̄də́ tītə̄ buĺ mu kə́ néĺ kə́ mángá ɔy dáyń beé.