PĀ GƏ̄ 1:3 - Bibəl ta Sar̄

³ Ni to i tītə̄ kāgə̄ kə́ əhɔn̄ kadə man̄ tə́ beē, adə̄ a a̰a̰n̄ i kə dɔ nāaneé ō, mbīn ndəlē aĺ ō. Yá̰a̰ malang ń ni-rāā ní teē majə.

Bible sar

³ Ni to i tītə̄ kāgə̄ kə́ əhɔn̄ kadə man̄ tə́ beē, adə̄ a a̰a̰n̄ i kə dɔ nāaneé ō, mbīn ndəlē aĺ ō. Yá̰a̰ malang ń ni-rāā ní teē majə.

PĀ GƏ̄ 1:3 Referans Kwoze

JEREMI 17:8

Ni to tītə̄ kāgə̄ ń əhɔn kadə man̄ tə́ ní. Əla ngəran kum kə̄ maná. Ni a ger̄ gō ngā nəngā ń a reē ní alé. Mbīn to mbōl̄ ngándáńg. Ɓāl̄ ń man̄ əhɔń laa tə́ ní, ni sōl̄ yá̰a̰ alé. Ni an̄ kə̄ non tə́.

EJEKIEL 47:12

Gír kāgə̄ kə́ tayā tayā gə̄ kə́ a anə̄n̄ a əɓan̄ kadə man̄ ní tə́ dɔ gɔ́sə bāá dām̄ jōó mbak. Mbīdə́ a ndəlē aĺ ō, kan̄də́ a təgā aĺ ō. Nin̄ a anə̄n̄ kə dɔ nāā gə̄, tɔdɔ̄ man̄ ní teē i kem loo kə́ táĺ tə́. De gə̄ a əsan̄ kan̄də́ gə̄ ō, mbīdə́ a adə̄ de kə́ mo̰y rɔ̄ ngan̄g ō.

PĀ GƏ̄ 92:14

Ni i kāgə̄ kə́ deē əhɔn ɓē yā Kɔ́ɔ̄ɓē tə́. Ni hútə̄ ndágə loo kə́ gīr̄ gidə kújə yā Kɔ́ɔ̄ɓē Nə́ɓā yājí tə́.

JA̰A̰ 15:6

Ré deē kógə̄ḿ ndi kemḿ tə́ aĺ anī, a ənīnən̄ ndágá kɔ̄ɔ́ tītə̄ ta jī kāgə̄ kadə̄ tutə. Gō tə́ anī, a kánə̄n̄ tajī kāgə̄ gə̄ yā ɓōkə́də́ horoó kadə̄ hor o̰o̰.

EJEKIEL 19:10

Kó̰ó̰sí to i tītə̄ kāgə̄ nduú kə́ əhɔn̄ kadə man̄ tə́ beē. Ni an̄ ngá̰ý ō, mbīn i ngá̰ý ō, tɔdɔ̄ man̄ asən.

TA KƏLA 39:23

Ngol ngé ngɔ̄m̄ dəngáy gə̄ ní əya̰ kəla yān jī Jəjep tə́ malang, əndā kumən gírí to̰ alé, tɔdɔ̄ Kɔ́ɔ̄ɓē i naā tə́ kə Jəjepé, adə̄ kəla rāān i kə́ majə malang.

JEJU TEĒ KUM JA̰A̰ 22:2

Kāgə̄ kógə̄ḿ ra dan ɓē ní tə́ ta mba bā kə́ tɔ̄ɔ̄ dām̄ jōó tə́. Kāgə̄ ní i kāgə̄ kə́ deē əsa anī a ndi kə kumneé ō, i kāgə̄ kə́ a an̄ nja kutə gidə i jōó kem ɓāl̄ kógə̄ḿ ō. Ni a an̄ i kə dɔ nāā gə̄ ō, mbīn i dáwá kə́ yā ngáań mo̰y yā nápar de gə̄ ō.

EJEKIEL 17:8

Tá əndānən̄ i dɔ nang kə́ majə tə́, kadə bā kə́ man̄ i ngá̰ý tū tə́ tə́. Adə̄ ni asə tɔ̄ɔ̄ ta jīn gə̄ ō, asə kan̄ ō, asə tél kāgə̄ nduú kə́ majə ngá̰ý ō.

MATIYE 13:6

Banī dan ń mbang ḭḭ kə̄ dɔɔ́ anī, ndəlēn̄ ō, tutən̄ kɔ̄ɔ́ ō, tɔdɔ̄ ngəradə́ aw̄ nang tə́ ngá̰ý alé.

2 YÁ̰A̰ GƏ̄ 31:21

Dan ń ni gḛy rāā loo kújə yā Kɔ́ɔ̄ɓē Nə́ɓā kə́ nujə gə̄ ō, gḛy rāā kadə̄ de gə̄ ɓōlə́n̄ ndū najə̄ yā Nə́ɓā ō, gō míndə́ Nə́ɓā gə̄ ō ní, ni-əhɔ rɔ̄n tɔgə ger̄ yá̰á̰ ń kem Nə́ɓā ndigə ní. Ni-rāā yá̰a̰ tītə̄ ń noō i kə ngarā̰ kemən gēé mámák, adə̄ Nə́ɓā rāā adə̄ kəla yān teē yá̰a̰.

TA KƏLA 39:3

Kɔ́ɔ̄n ger̄ kadə̄ Kɔ́ɔ̄ɓē i naā tə́ seneé. Ni a̰a̰ kadə̄ yá̰a̰ malang ń Jəjep rāā ní, Kɔ́ɔ̄ɓē rāā adə̄ majə.

PĀ GƏ̄ 128:2

Əsa tətōí īkɔ́ a ā ī-ndi majə ō rɔ̄í a nelī ō!

IJAI 3:10

Ngé gə̄ ń oōn̄ ta Nə́ɓā ní, ásiī kəda na nin̄ i ngé rɔ̄nel̄ gə̄. Yá̰á̰ ń nin̄ rāān̄ ní, a əngen̄ yá̰á̰ kə́ majə tām̄ yādə́ tə́ gírí.

IJAI 44:4

Nin̄ a əɓan̄ ō, a tɔgən̄ tītə̄ mu kə́ mbōl̄ kə́ ra kem bembeé beē ō, tītə̄ kāgə̄ gə̄ kə́ ran̄ kadə man̄ tə́ beē ō.

Makətūbə̄ yā Job 14:9

ré usə man̄ otən anī ni sitə ō, tɔ̄ɔ̄ ta jīn gə̄ tītə̄ yā ngōn̄ kāgə̄ kə́ dūú ō.

MATIYE 21:34

Dan yā sāā kan̄ kāgə̄ nduú gə̄ ugə̄, anī ni-əla ngé kəla yān gə̄ rɔ̄ ngé ndɔr̄ gə̄ ní tə́ kadə̄ adə̄nən̄ kan̄ nduú yān.

MATIYE 21:19

Ni-a̰a̰ kāgə̄ kótə̄ kógə̄ḿ bɔ̄gə̄ róbə́ tə́ anī aw̄ gírí, banī yá̰á̰ ń ni-ənge tū tə́ ní i mbīn gə̄ ngóy. Anī əda kāgə̄ kótə̄ ní na: Ḭ̄ ā ān̄ to̰ aĺ bátə́! Anī kāgə̄ kótə̄ ní tutə njarara kə̄ ta jī tə́ noō kɔ̄ɔ́.

Makətūbə̄ ń Jud ndang ní 1:12

Dan ń ī-ndiī ā ə́saī yá̰a̰ kə naá kə́ loo ngákó̰o̰ naā gə̄ tə́ ɓáa, nin̄ i yá̰á̰ kə́ adə̄ deē wōn̄g gə̄ dansí tə́. Nin̄ i de kə́ ngé kəsa wa kanjə̄ kadə̄ rɔ̄də́ sɔl̄də́ gə̄ ō, gírə̄n̄ i dɔ rɔ̄də́ nin̄ kɔ́ gə̄ tə́ ngóy ō. Nin̄-ton̄ i tītə̄ man̄ kə́ il̄ kanjə̄ kedə kə́ nél tə̄ndā tḭ̄ḭ̄ kɔ̄ɔ́ beē ō, ton̄ i tītə̄ kāgə̄ gə̄ kə́ nāā kan̄də́ ugə̄ banī anə̄n̄ aĺ gə̄ beé ō, ton̄ i tītə̄ kāgə̄ gə̄ kə́ ɔrə̄n̄də́ kɔ̄ɔ́ kə ngəradə́ gēé adə̄ oyn̄ kɔ̄ɔ́ beé ō.

IJAI 27:11

Dan ń ta jī kāgə̄ gə̄ a tutən̄ anī, nin̄ tétə̄n̄ ō, dəyá̰ gə̄ reē əlan̄ hor dɔ tə́ kɔ̄ɔ́ ō. Gír de gə̄ ń toō gerə̄n̄ kum yá̰a̰ alé. I tām̄ najə̄ ń toō tə́ n kum nge kəndān o̰o̰n tām̄ yān tə́ aĺ ní, nge rāān mā̰ȳ rɔ̄n dɔn tə́ alé.

MATIYE 21:41

Ngé gə̄ ń Jeju a ɔr̄ najə̄ ní sedə́ ní tél ədanən̄ na: Ni a tɔ̄l̄ de kə́ majaĺ gə̄ ń noō kanjə̄ kadə̄ kumən o̰o̰n tām̄ yādə́ tə́, ba a adə̄ ngé ndɔr̄ kə́ rang gə̄ ndɔr̄ kāgə̄ nduú yān ní, kadə̄ ngɔ̄mə̄n̄ ba adə̄nən̄ kanə̄n kə kum mbangneé.

1 YÁ̰A̰ GƏ̄ 22:11

Beé ní, ngōnə̄ḿ, ādə̄ Kɔ́ɔ̄ɓē Nə́ɓā yāí i naā seí kadə̄ ī-rāań kújə yān ādə̄ majə tītə̄ ń əndāń dɔí tə́ ní.

PĀ GƏ̄ 129:8

Najə̄ ń na: Ādə̄ Kɔ́ɔ̄ɓē rāā majə sesí ní, ngé mān̄ róbə gə̄ ədan̄də́ aĺ ō. Jə-tɔ́r̄ tají dɔsí tə́ kə rī Kɔ́ɔ̄ɓēé.

2 YÁ̰A̰ GƏ̄ 32:23

De gə̄ ngá̰ý reēn̄ Jerusalem kə yá̰a̰ ndējə̄ yādə́ gēé adə̄n̄ Kɔ́ɔ̄ɓē ō, kə kadə̄ karī gēé adə̄n̄ Ejekias mban̄g kə́ Juda tə́ ō. I loo ń noō tə́ n nápar de gə̄ malang əlan̄ gír ɓōĺ ndíl Ejekias ngá̰ý ní.

TƏ́DA 24:6

Taān̄ loo tītə̄ man̄ kə́ ḭḭ dɔ mbalá, ton̄ tītə̄ ndɔr̄ gə̄ kə́ kadə bā tə́. Ton̄ tītə̄ kāgə̄ aloe gə̄ ō, kāgə̄ sédər gə̄ ō, kə́ Kɔ́ɔ̄ɓē əndādə́ kadə man̄ tə́.

NDŪ NAJƏ̄ 28:8

Kɔ́ɔ̄ɓē Nə́ɓā yāí a ngɔ̄m̄ yá̰a̰ malang ń ī-kán̄ nja kə̄ kem mō̰ȳ yāí gə̄ tə́ ní ō, kəla malang ń ā ə́lá gír rāā ní, a rāādə́ kadə̄ teēī yá̰á̰ tə́ ō. Ni a rāā majə seí kem ɓē ń adī tə́ ní.

2 MBAN̄G 18:7

Kɔ́ɔ̄ɓē i naā tə́ seneé adə̄ yá̰a̰ malang ń əla gír rāā ní tɔ̄l̄ ta majə. Ni-mbātə́ kəla dɔn gíŕ tɔ́gə yā mban̄g kə́ Asiri tə́.

1 YÁ̰A̰ GƏ̄ 22:13

Ndū kə́ kun gə̄ ō, yá̰a̰ kāgə̄ ɓē gə̄ ō ń Kɔ́ɔ̄ɓē adə̄ Moijə tām̄ yā ngán Israel gə̄ tə́ ní, ré ī-ngɔ̄m̄də́ ō, ī-rāań yá̰a̰ ō anī, ā ī-teē deē. Ə́hɔ rɔ̄í tɔgə ō, ī-ra dəngam ō! Ī-sōl̄ yá̰á̰ kógə̄ḿ aĺ ō, ī-lōō ɓōĺ ō.

Makətūbə̄ yā Job 22:28

Ré ī-gḛy rāā yá̰á̰ kógə̄ḿ anī, yá̰á̰ ní a udə róbó majə ō, loo a unjə̄ kow dɔ róbə yāí tə́ ō.

PĀ GƏ̄ 92:15

Ká ré ni tɔgə ɓə́ga kɔ̄ɔ́ gə̄gē anī a a̰a̰n̄ ɓáý. Bəton i ngá̰ý ɓáý ō, rɔ̄n to mbōl̄ ō.

IJAI 58:11

Kɔ́ɔ̄ɓē a tél nge kɔjiī róbə́ ngándáńg. Dəla loo tə́ gə̄gē ni a adī yá̰a̰ kəsa ō, a adī tɔ́gə gogə́ rang ō. Ā ī-to tītə̄ ndɔr̄ kə́ rāān̄ man̄ dɔ tə́ adə̄ man̄ asən beé, tītə̄ man̄ kə́ əɓa nang tə́ kə́ a nūgə́ ngándáńg beē.

EJEKIEL 31:5

Ni ngāl̄ mān̄ kāgə̄ gə̄ malang kə́ bembeé i kə ta kūl̄ man̄ kə́ ngá̰ý ngeé ń toō. Ta jīn kə́ tɔ̄ɔ̄ gə̄ i ngá̰ý ō, ta jīn kə́ dūú gə̄ ngālə̄n̄ ta kaw̄ sa̰y ō.