OJEE 9:8 - Bibəl ta Sar̄

⁸ Deē ń a ndi kə kumneé já̰já̰ yā ngɔ̄m̄ Epəraim ní, i mā nge koō ta. Mā i naā tə́ kə Nə́ɓā yāḿ. Tá loo malang ń m-ā m-āw̄ kə̄ tū tə́ ní, de gə̄ əyān̄ gūmbə̄ noḿ tə́. Nin̄ ənīmə̄n̄ rɔ̄ɔ̄ bátə́ kem kújə yā Nə́ɓā yāḿ tə́.

Bible sar

⁸ Deē ń a ndi kə kumneé já̰já̰ yā ngɔ̄m̄ *Epəraim ní, i mā *nge koō ta. Mā i naā tə́ kə Nə́ɓā yāḿ. Tá loo malang ń m-ā m-āw̄ kə̄ tū tə́ ní, de gə̄ əyān̄ gūmbə̄ noḿ tə́. Nin̄ ənīmə̄n̄ rɔ̄ɔ̄ bátə́ kem kújə yā Nə́ɓā yāḿ tə́.

OJEE 9:8 Referans Kwoze

OJEE 5:1

Kɔ́ɔ̄ɓē əda na: Sḭḭ̄ ngé tun̄ yá̰a̰ gə̄, ōōī majə, sḭḭ̄ ngār gə̄ yā Israel gə̄, ī-nēlī mbīsí, ba sḭḭ̄ de kə́ ndogó mbangāá gə̄, ī-teēī mbīsí! Majə kadə̄ ī-gāngī sarya kə́ gōtə́. Ɓá tā banī sḭḭ̄ ə́hɔī de gə̄ kə gūmbūú Misəpa. Sḭḭ̄ ī-selíī réńg nodə́ tə́ dɔ mbal̄ Tabor tə́.

EJEKIEL 3:17

Ḭ̄ ngōn̄ deē, m-ə̄ndāī i nge kum̄ loo tə́ tām̄ yā ngán Israel gə̄ tə́. Ā ōō najə̄ kɔrə̄ḿ ō, ā ī-tāā ngán Israel gə̄ yā kadə̄m̄ ō.

MISE 7:4

De kə́ dandə́ tə́ kə́ majə tɔȳ gotə́ gə̄, to i tītə̄ mu kə́ ndo̰ō̰ kə́ to dɔ naā tə́ bing beé ō, majaĺ tɔȳ túpə kō̰n̄ ō. Ndɔ̄ kə́ yā kəndańsí tām̄ yá̰a̰ rāāsí kə́ gōtə́ aĺ tə́ n toó. Ngé ngɔ̄m̄ loo yāsí gə̄ ń i ngé koō ta gə̄ ní, ədan̄sí najə̄n kété. Sḭḭ̄ ə́laī gír ndi kə ɓōló kɔ̄ɔ́ ɓá.

IJAI 62:6

Jerusalem, m̄-tə́ndā ngé ngɔ̄m̄ loo gə̄ dɔ ndogə̄ mbal̄ yāí gə̄ tə́. Kadaá gē ndɔ̄ɔ́ gē ní, i gáŕ kadə̄ nin̄ a ndin̄ tadə́ mbóo alé. Sḭḭ̄ ngé ngɔ̄m̄ loo gə̄ ń ī-raī kə Kɔ́ɔ̄ɓēé kadə̄ əga kemən dɔ Jerusalem tə́ ní, ī-lōōī kɔr̄ koō.

HEBƏRO 13:17

Ōōī najə̄ ta nge kɔr no ngé kán̄ naā gə̄ ō, ə́laī dɔsí gír tɔ́gə yādə́ tə́ ō. Tɔdɔ̄ nin̄-əndān̄ kumdə́ gíŕsí tə́ tām̄ a ɔjən̄ Nə́ɓā gotə. Ré ōōī tadə́ anī, a rāān̄ kəla kə rɔ̄nelēé. Ré i beé aĺ anī a nōōn̄ i rɔ̄də́ n a rāān̄neé, ba ngé ń noō a teēsí yá̰á̰ tə́ alé.

JA̰A̰ 15:24

Nə́ngētə́ m̄-rāā kəla kə́ de kə́ rang rāā aĺ ɓáý dandə́ tə́ aĺ anī, majaĺ yādə́ a gətóo. Banī ngɔlaā nin̄-a̰a̰n̄ kəla rāāḿ gə̄ ba imə̄n̄jí mbak kə Bɔbə́ḿ.

EJEKIEL 33:7

Ejekiel, ḭ̄ ngōn̄ deē ní, m-ə̄ndāī nge kum̄ loo tə́ tām̄ yā ngán Israel gə̄ tə́. A ōō najə̄ kɔrə̄ḿ ō, ā ī-tāā ngán Israel gə̄ ādə̄m̄ ō.

NŌŌ RƆ̄ 4:13

Yá̰á̰ ń noō rāā yá̰a̰ i najə̄ majaĺ yā ngé koō ta yān gə̄ tə́ ō, najə̄ yá̰á̰ kə́ gōtə́ aĺ gə̄ yā ngé tun̄ yá̰a̰ yān gə̄ ń ɓōkə́n̄ mósə de kə́ gōtə́ gə̄ nang tə́ kem ɓēé ní ō.

NŌŌ RƆ̄ 2:14

Ngé koō ta yāí gə̄ a̰a̰n̄ yá̰á̰ kə́ kanjə̄ kumən gə̄ ō, kə́ rɔ̄kum aĺ gə̄ ō tām̄ yāí tə́. Nin̄ ɔjən̄ yá̰á̰ kə́ gōtə́ aĺ yāí kə̄ ndágá wáńg alé, yā kadə̄ yá̰á̰ ń a reē kə̄ dɔí tə́ ní kə rāāī gáŕ. Yá̰a̰ gə̄ ń nin̄ a̰ā̰n̄ ba ədanī ní i yá̰á̰ kə́ kanjə̄ kumən gə̄ ō, i gól̄ loo ō.

JEREMI 31:6

Ndɔ̄ ń ngé ngɔ̄m̄ loo gə̄ a əgan̄neé kɔŕ dɔ mbal̄ kə́ Epəraim tə́ ní i kə́ kɔjə kɔ̄ɔ́ ɓá. A ədan̄ na ḭ́ḭī dɔɔ́, j-al̄ j-awī Siyo̰, kum kə̄ rɔ̄ Kɔ́ɔ̄ɓē Nə́ɓā yājí tə́

JEREMI 14:13

m̄-téĺ m-ə́da na: Á, Kɔ́ɔ̄ɓē Nə́ɓā, yá̰á̰ ń ngé koō ta gə̄ ədan̄də́ ní n toó: Sḭḭ̄ ā á̰a̰ī kaskar aĺ ō, ɓō a rāāsí aĺ ō. Banī m-ādə̄ ā ī-ndiī majə rɔ̄kum loo ń toō tə́.

JEREMI 6:17

m̄-ɓāŕ ngé ngɔ̄m̄ loo gə̄ kadə̄ əndān̄ kumdə́ gíŕsí tə́. Ī-nēlī mbīsí majə ōōneé kōō tōw̄. Ba nin̄ ədan̄ na: J-a jə-nēl̄ mbījí alé.

JEREMI 6:14

Nin̄ tebəlen̄ ngá̰ý loo kəda gír deē yāḿ gə̄ ń nujən̄ sák sák tə́ ní na: Loo to majə, loo to majə. Banī yá̰á̰ kógə̄ḿ sḛ́ý kə́ to majə gətóo.

PĀ KƏ́ MAJƏ 3:3

Ngé ngɔ̄m̄ loo gə̄ ń njə̄rā a gīrə̄n̄ gidə ɓē ní əngemə̄n̄, m̄-dəjedə́ na: Nge ń kemḿ gḛyn ní á̰a̰niī a?

2 MBAN̄G 13:21

Ndɔ̄ kógə̄ḿ tə́ anī de kə́ ngé kaw̄ dubə̄ yoó gə̄ a̰a̰n̄ dɔ ɓūtə̄ ngé ɓogə gə̄ ní sa̰y loo reē tə́. Anī ənīn̄ nīń deē ń a aw̄n̄ kə dūbūú ní kem bāá ɓádə́ ń dubə̄n̄ Elije tū tə́ ní tə́, ba ɔtə a̰ȳn̄ naā. Dan ń nīń deē ní ɔdə kə̄ngā Elije anī ndól̄ ba ḭḭ ra dɔɔ́.

2 MBAN̄G 7:19

nge kətō der yā mban̄g əda deē yā Nə́ɓā na ká ré Kɔ́ɔ̄ɓē mbutəń i ko̰rō̰ kújə gə̄ dɔ rā̰ tə́ gə̄gē anī, najə̄ ń ə́da noó na a reē yā kudə gírí nəkɔ́ a? Ba Elije tél ədan na: Majə, ā á̰a̰ā̰ kə kumií ba a ɔdə taí alé.

2 MBAN̄G 7:2

Nge kətō der yā mban̄g ń mban̄g ndə̄nā rɔ̄n dɔ jīn tə́ ní tél əda deē yā Nə́ɓā na: Ká ré Kɔ́ɔ̄ɓē mbútəń i ko̰rō̰ kújə gə̄ dɔ rā̰ tə́ gə̄gē anī, yá̰á̰ ń ə́da noō a reē yā kudə gíŕ nəkɔ́ a? Anī Elije tél ədan na: Majə, ā á̰a̰ā̰ kə kumií ba a ɔdə taí alé.

2 MBAN̄G 5:27

Á̰a̰ā̰ bānjə̄ yā Naaman a əhɔ gōí ḭ̄ ō, gō ngání gə̄ ō, ngán kaaí gə̄ ō yā rāāsí bátə́ kə no tə́. Geaji əya̰ Elije ba aw̄. Rɔ̄ Geaji i bānjə̄ malang adə̄ tetə ndaa túĺ túĺ tītə̄ búy kūbə̄ beé.

2 MBAN̄G 5:14

Naaman aw̄ əla rɔ̄n kum bā Jurdḛ tə́ nja sīrí tītə̄ ń deē yā Nə́ɓā ədań ní, anī bānjə̄ kə́ rɔ̄n tə́ ur̄ ō, dā̰n tél to tītə̄ dā̰ ngōn̄ kásə̄ beé ō.

2 MBAN̄G 4:43

Anī nge kəla yān tél ədan na ké loo kadə̄ n-adə̄ de gə̄ ɓú ké i ba̰ý wa. Elije tél ədan ɓáý to̰ na: Ī-nə̄ɓō de gə̄ ādə̄ əsan̄, tɔdɔ̄ Kɔ́ɔ̄ɓē əda na: de gə̄ a əsan̄ ba gotən a teē.

2 MBAN̄G 4:41

Deē yā Nə́ɓā əda na: Ī-reēī kə ndujú ādə̄mī! Ni ndégə̄ ndujə̄ ní ɓōkə́ kem jóó kum yá̰á̰ ní tə́, ba əda nge kəla yān na kə adə̄ de gə̄ kadə̄ əsan̄. Yá̰á̰ kə́ kem jóó ní tél to kəsa kɔ̄ɔ́.

2 MBAN̄G 2:21

Ni teē aw̄ loo ń man̄ a əɓa nang tə́ tū tə́ ní, ɓōkə́ katə̄ kum man̄ tə́ ba əda na: Kɔ́ɔ̄ɓē əda na n-a n-rāā man̄ kə́ majaĺ ń toō kadə̄ tél to ka̰ȳ. A tɔ̄l̄ deē to̰ aĺ ō, a rāā kadə̄ dɔ nang teē yá̰a̰ aĺ to̰ aĺ ō.

2 MBAN̄G 2:14

Ni-un kūbə̄ ní əndań man̄ bā ba əda na: Kɔ́ɔ̄ɓē Nə́ɓā yā Eli i rá? Adə̄ ni-ənda man̄ bā tītə̄ yā Eli ō. Man̄ kēgə̄ naā tə́ jōó anī ni mān̄ danaá.

1 MBAN̄G GƏ̄ 22:28

Mise əda mban̄g na: Kə́ rɔ̄kum tə́, ré ī-tél kə lápə́ya anī, kumən na Kɔ́ɔ̄ɓē ɔr̄ najə̄ kə kūlə̄ḿ alé. Gō tə́ anī Mise əda ɓáý to̰ na: Sḭḭ̄ gír de gə̄ ōōī.

1 MBAN̄G GƏ̄ 22:22

Anī ndíĺ ní əda na n-a n-aw̄, ba n-a n-tél ndíĺ kə́ nge sor̄ kə́ a ndi ta ngé koō ta gə̄ malang yā mban̄g tə́. Anī Kɔ́ɔ̄ɓē tél əda ndíĺ ní na: Ā ī-gólən, ta róbə i yāí. Āw̄ ī-rāā tītə̄ ń noō.

Makətūbə̄ ń Pol ndang adə̄ Rom gə̄ ní 3:7

Ré najə̄ yāḿ kə́ sor̄ gə̄ ɔjən̄ kadə̄ Nə́ɓā i de kə́ rɔ̄kum ō, teēn̄ i kɔsə gɔn yā Nə́ɓā ō ɓáý to̰ anī, i tām̄ rí tə́ á tél əndān̄ sarya dɔḿ tə́ ɓáý to̰ najə̄ majaĺ yāḿ gə̄ tə́ ní?

1 MBAN̄G GƏ̄ 22:11

Sidekia kə́ ngōn̄ Kenana rāā gajə dā̰ kə gindīí ba əda na: Kɔ́ɔ̄ɓē əda na ā ī-tetə Aram gə̄ rɔ̄ɔ̄ kə gajə dā̰ ń toō.

1 MBAN̄G GƏ̄ 22:6

Anī mban̄g kə́ Israel tə́ ɔsə dɔ ngé koō ta gə̄ ɓú sɔ́ naā tə́, ba dəjedə́ na ké kə n-aw̄ kə n-rɔ̄ɔ̄ Aram gə̄ dɔ ɓē kə́ Ramot kə́ Galaad tə́, aké kə n-lōō gírí wa. Anī ngé koō ta gə̄ ní tél ədanən̄ na kə aw̄ Kɔ́ɔ̄ɓē na a əla ɓē ní kem jīn tə́.

1 MBAN̄G GƏ̄ 18:19

Banī kə́ ngɔr ń toō tə́ ní ə́la de gə̄ ādə̄ ɓārə́n̄ Israel gə̄ malang ādə̄ reēn̄ rɔ̄ḿ tə́ dɔ mbal̄ Karmel tə́ ō, ādə̄ ngé koō ta gə̄ ɓú sɔ́ yā ɓesə̄ Baal ɓú sɔ́ kə kutə mí ō, ngé koō ta gə̄ kə́ yā ɓesə̄ Asera ō ń a əsan̄ yá̰a̰ ta tábəl yā Jesabel tə́ ní adə̄ reēn̄ ō.

1 MBAN̄G GƏ̄ 18:1

Gō tə́ ndɔ̄ gə̄ ngá̰ý mānə̄n̄, anī Kɔ́ɔ̄ɓē ɔr̄ najə̄ kə Eli kem ɓāl̄ kə́ nge ko̰o̰ mətá ń man̄ edəń aĺ tə́ ní, ədan na: Āw̄ ādə̄ mban̄g Akab a̰a̰ī, tɔdɔ̄ m-ā m̄-rāā kadə̄ man̄ a edə dɔ nang tə́.

1 MBAN̄G GƏ̄ 17:1

Eli kə́ Tisbe ń i de kə́ gō nang kə́ Galaad tə́ ní əda mban̄g Akab na: Tītə̄ ń Kɔ́ɔ̄ɓē Nə́ɓā yā Israel ń mā i nge kəla yān ní ndiń kə kumneé noō, man̄ a edə to̰ aĺ ō, tal a əhɔ to̰ aĺ ō, kem ɓāl̄ gə̄ ń a reēn̄ tə́ noō bátə́ ré m-ə́da najə̄ pá tá.

PĀ GƏ̄ 124:7

Jə-teē jīdə́ tə́ kɔ̄ɔ́ tītə̄ ń yel̄ teēń kum réng yā nge ndo̰ tə́ ní: Réng gān̄g adə̄ jə-teē kum tə́.

KOHELET 9:12

Tām̄ deē ndul ger̄ ndɔ̄ ń yá̰á̰ kə́ majaĺ a teēń dɔn tə́ ní alé. Yá̰á̰ kə́ to kum kaȳ aĺ a teē dɔn tə́ rétə́ gēé kānjə̄ kadə̄ ni ger̄ gō, tītə̄ kānjə̄ ń réng əhɔn aké yel̄ ń gūmbə̄ əhɔn ní.

JEREMI 23:13

M-á̰á̰ yá̰á̰ kə́ ngɔr mbiti gə̄ rɔ̄ ngé koō ta kə́ Samari tə́ gə̄ tə́. Nin̄ ɔrə̄n̄ najə̄ kə rī Baal adə̄ gír deē yāḿ gə̄ ń i Israel gə̄ ní ndɔmə̄n̄ róbə.

OJEE 9:7

Kum mbang ń Kɔ́ɔ̄ɓē a rɔ̄ɔ̄ńsí ní n toó. A̰á̰ā̰, i kum mbang kə́ yā kadə̄ deē ɔjəń gíŕ yá̰a̰ rāān gə̄, majə kadə̄ Israel ger̄ nge ń noō. Sḭḭ̄ ə́daī na nge koō ta ń toō dɔn na ndi gōtə́ alé, ə́daī na nge kəda yá̰á̰ kə́ reē dɔn tə́ toō na a ɔr̄ i najə̄ kə̄ noó. I beé ɓá ní, ré dɔḿ ndi gōtə́ aĺ anī, i najə̄ yá̰a̰ rāāsí kə́ majaĺ ngá̰ý gə̄ kə́ i ngá̰ý tə́, i najə̄ kənī kə́ ə̄nīmī rɔ̄ɔ̄ kə ngangá ngá̰ý tə́.

OJEE 9:9

Sḭḭ̄ ə̄sōī kum yá̰a̰ rāā kə́ majaĺ ngá̰ý tə́, tītə̄ ń ə̄sōiń kum tə́ kété kem ɓē kə́ Gibea tə́ ní. A əga kem Nə́ɓā dɔ yá̰a̰ rāāsí gə̄ kə́ majaĺ ngá̰ý tə́, ni a rāā yá̰á̰ kógə̄ḿ sesí najə̄ mān̄ kə́ ī-mānī dɔ ndūn tə́ tə́.

JEREMI 11:19

Mā, m̄-to tītə̄ ngōn̄ batə̄ kə́ dɔn sɔl̄ lɔ́ḿ lɔ́ḿ ń aw̄n̄ seneé kə̄ loo tɔ̄lən tə́ ní. m̄-ger̄ kadə̄ gír̄ yādə́ kə́ majaĺ gə̄ ní sɔɔ̄ i dɔḿ mā alé. Nin̄ ədan̄ na: Jə-nujiī kə kāgə̄ kə́ a̰ȳ bəto ngá̰ý, jə-tɔ̄l̄niī kɔ̄ɔ́ kem ɓē yā de kə́ ndin̄ kə kumdə́ gə̄ tə́.