OJEE 9:6 - Bibəl ta Sar̄

⁶ Dan ń ā ī-teēī kɔ̄ɔ́ kem ɓē yāsí kə́ nujə tə́ anī, ɓē kə́ Ejiptə a əhɔsí kə̄ rɔ̄n tə́, banī ɓē kə́ Mempis a tél i bəlo yosí. Mu kə́ majaĺ gə̄ a ɔrən̄ rɔ̄ɔ̄ dɔ yá̰a̰ yāsí gə̄ kə́ gātə̄də́ i ngá̰ý tə́, túpə kōn̄ gə̄ a taān̄ loo kem kújə yāsí gə̄ tə́.

Bible sar

⁶ Dan ń ā ī-teēī kɔ̄ɔ́ kem ɓē yāsí kə́ nujə tə́ anī, ɓē kə́ Ejiptə a əhɔsí kə̄ rɔ̄n tə́, banī ɓē kə́ Mempis a tél i bəlo yosí. Mu kə́ majaĺ gə̄ a ɔrən̄ rɔ̄ɔ̄ dɔ yá̰a̰ yāsí gə̄ kə́ gātə̄də́ i ngá̰ý tə́, túpə kōn̄ gə̄ a taān̄ loo kem kújə yāsí gə̄ tə́.

OJEE 9:6 Referans Kwoze

OJEE 10:8

A nujən̄ loo ndɔ̄ȳ gə̄ kɔ̄ɔ́, tɔdɔ̄ Israel mān̄ i dɔ ndū Nə́ɓā n rāańdə́ ní. Túpə kōn̄ gə̄ kə túpə ngar̄ gə̄ a alə̄n̄ dɔ loo tun̄ yá̰a̰ yādə́ gə̄ tə́. De kə́ Samari gə̄ a ədan̄ mbal̄ bo gə̄ na: Ī-ɓɔ̄ɔ̄ījí kɔ̄ɔ́! Nin̄ a ədan̄ ngán mbal̄ gə̄ na: Ī-tə́sōī dɔjí tə́!

IJAI 5:6

M-ā m̄-rāān dɔ nang kə́ kem bembeé tə́. Deē a gán̄g ta jī kāgə̄ kə́ kemeé gə̄ aĺ ō, deē a ró̰ȳ mu kə́ kemeé aĺ ō. Túpə kōn̄ gə̄ a əɓan̄ kem ndɔr̄ kāgə̄ nduú yāḿ tə́ ō, m-ā m-ɔ̄gə̄ kil̄ man̄ gə̄ kəya̰ man̄ kadə̄ edə dɔ tə́ ō.

OJEE 9:3

Epəraim gə̄ a asən̄ ndi dɔ nang yā Kɔ́ɔ̄ɓē tə́ alé. Nin̄ a télən̄ yā kaw̄ gogə́ dɔ nang kə́ Ejiptə tə́, aĺ ɓáa a aw̄n̄ Asiri. Nin̄ a əsan̄ yá̰á̰ kə́ yḛr loo ń noō tə́.

OJEE 8:13

Nin̄ ndə̄jə̄mə̄n̄ yá̰á̰ kə́ tun̄ gə̄, i tɔdɔ̄ nin̄ gḛyn̄ kəsa dā̰. Banī mā Kɔ́ɔ̄ɓē m̄-ndigə yá̰a̰ tun̄ yādə́ gə̄ alé. Ngɔlaā ní, a əga kemḿ dɔ yá̰a̰ rāādə́ gə̄ kə́ gōtə́ aĺ gə̄ tə́, m-ā m̄-rāādə́ yá̰á̰ kə́ tōr̄ najə̄ mān̄ ń nin̄ mānə̄n̄ dɔ ndūḿ gə̄ ní tə́. I gáŕ kadə̄ nin̄ a télən̄ yā kaw̄ gogə́ dɔ nang kə́ Ejiptə tə́.

OJEE 7:16

Ré a tél a reēn̄ i kə̄ rɔ̄ deē kógə̄ḿ tə́ anī, i kə̄ rɔ̄ḿ mā tə́ alé. Nin̄ ton̄ i tītə̄ ga̰ gərā kə́ rugə beé. Ngār yādə́ gə̄ a oyn̄ ta rɔ̄ tə́, tɔdɔ̄ nin̄ ɔrə̄n̄ najə̄ kə́ majaĺ dɔḿ tə́. Ba de gə̄ a mbóōn̄ sedə́ dɔ nang kə́ Ejiptə tə́.

IJAI 7:23

Ndɔ̄ ngeé ń noō tə́ ɓáý to̰ ní, ndɔr̄ kāgə̄ nduú kə́ kāgə̄ nduú gə̄ i dūbūú kemeé, kə́ gatən i sə́lē gində̄ arjā̰a̰ dūbú ní, a əya̰n̄ kɔ̄ɔ́ yā kadə̄ túpə kōn̄ gə̄.

OJEE 11:11

Nin̄ ḭḭn̄ Ejiptə reēn̄ kə rɔ̄ ndebeé tītə̄ ngán yel̄ kə́ dūú gə̄ beé ō, ḭḭn̄ Asiri reēn̄ tītə̄ dér dum gə̄ kə́ ḭḭn̄ bɔ̄gə̄ beé ō. M-ā m̄-rāā kadə̄ nin̄ a ndin̄ kə̄ kem ɓē yādə́ gə̄ tə́. Najə̄ ń Kɔ́ɔ̄ɓē əda ní n noó.

OJEE 7:13

Yá̰á̰ kə́ to kum kaȳ aĺ kə́ ba̰ý beē tām̄ yā Epəraim gə̄ tə́! Nin̄ a̰ȳn̄ rɔ̄ḿ tə́ kɔ̄ɔ́ aw̄n̄ sa̰y! A nujən̄də́ kɔ̄ɔ́, tɔdɔ̄ nin̄ əsōn̄ wōn̄g taḿ tə́. Nin̄ ɔrə̄n̄ najə̄ kə́ sor̄ gə̄ dɔḿ tə́. Loo ń noō tə́ ní, m-ā m̄-rāā i ba̰ý n m-ā m-ásəń gān̄g dɔdə́ ní?

IJAI 34:13

Túpə̄ kōn̄ gə̄ a əɓan̄ kem kújə ngol gə̄ tə́, mu kə́ majaĺ gə̄ ō, ngar̄ gə̄ ō, a taān̄ loo dɔ ndogə̄ mbal̄ gə̄ kə́ yā rɔ̄ɔń dɔ ɓē tə́ kɔ̄ɔ́. Tal̄ gə̄ a rāān̄ ɓē loo ń noō tə́ ō, burum gə̄ a ndin̄ tū tə́ ō.

IJAI 32:13

Ī-noōī tām̄ dɔ nang yā gír deē yāḿ gə̄ ń túpə kōn̄ gə̄ taān̄ loo malang tū tə́ ní tə́. Ī-nōōī tām̄ rɔ̄nel̄ kə́ kem kújə gə̄ tə́ malang ō, tām̄ yā nāā ń de gə̄ a rāān̄ kem ɓēé tə́ ní ō.

IJAI 27:12

Ndɔ̄ ngeé ń noō tə́ ní, Kɔ́ɔ̄ɓē a ənda dɔ kōō gə̄, a əla gír i bā Opəratə tə́ bátə́ ngōn̄ man̄ dɔ mbal̄ kə́ Ejiptə tə́. Ba sḭḭ̄ Israel gə̄, ni a kə̄tósí kógə̄ḿ kógə̄ḿ tītə̄ loo kə̄tó dɔ kōō beé.

IJAI 19:13

Ngār gə̄ kə́ Soan télən̄ ngé kɔ̄r̄ gə̄, i ngār gə̄ kə́ kem ngán ɓē kə́ ndágá tə́ n ndɔ́rə̄n̄ ɓē kə́ Ejiptə aw̄n̄ seneé dɔ róbə́ kə́ majaĺ tə́ ní.

IJAI 11:11

Ndɔ̄ ngeé ń noō tə́ ní, Kɔ́ɔ̄ɓē a əla jīn kə́ kə tɔ́gɔ́ ɓáý to̰ yā kɔrə̄ń gotə gír deē yān gə̄ ń na̰yn̄ ní ɓəloó, adə̄ i ngé gə̄ ń a ndin̄ dɔ nang kə́ Asiri tə́ ō, Ejiptə tə́ ō, Patəros tə́ ō, Kus tə́ ō, Elam tə́ ō, Sinear tə́ ō, Hamat tə́ ō, dor̄ loo gə̄ kə́ kum bā bo gə̄ tə́ ō ní.

Gōsə̄ najə̄ gə̄ 24:31

Anī loo i túpə kōn̄ ngar̄ gə̄ malang ō, kōn̄ gə̄ ɔrən rɔ̄ dɔ yá̰a̰ gə̄ tə́ malang ō, ngōn̄ ndogə̄ kə́ rāā kə kūbə̄rū mbal̄ gēé əsō nang tə́ kɔ̄ɔ́ ō.

PĀ GƏ̄ 107:34

I ni n i nge rāā kadə̄ dɔ nang kə́ teē yá̰a̰ tél dɔ nang kə́ teē yá̰a̰ aĺ, sɔɔ̄ń kem ndul yā de gə̄ kə́ ndin̄ tū tə́ ní.

2 MBAN̄G 13:7

Ngé rɔ̄ɔ̄ gə̄ ń əya̰n̄də́ adə̄n̄ Joakajə ní, ngé kal̄ sə́nda gə̄ i kutə mí ō, púsə rɔ̄ɔ̄ gə̄ i kutə kógə̄ḿ ō, ngé rɔ̄ɔ̄ kə́ ngé njə̄rā kə njadə́ gə̄ i dūbú kutə kógə̄ḿ ō ngóy. Tɔdɔ̄ mban̄g kə́ Aram tɔ̄l̄ gotə gə̄ ngá̰ý kɔ̄ɔ́. Ni rāādə́ i bumbə́ru nja de gə̄ tə́.

1 SAMUEL 13:6

Dan ń de kə́ Israel gə̄ a̰a̰n̄ kadə̄ yo otə́ bḭḭ tɔdɔ̄ Pilistin gə̄ ń gīrə̄n̄də́ ní reēn̄ ngɔr ngá̰ý anī ɓɔ̄ɔ̄n̄ rɔ̄də́ kə̄ kem bəlo gə̄ tə́ ō, kem bəlo mbal̄ gə̄ tə́ ō, dɔ mbal̄ gə̄ tə́ ō, kem loo kə́ rāā gíŕ nángāá gə̄ tə́ ō, kə̄ kem bəlo kə́ ndēr̄ yā taāń man̄ ndī gə̄ tə́ ō.

JEREMI 2:16

De gə̄ kə́ Mempis ō, Tapanes ō gə̄gē a dəsān̄ nənga dɔí.

JEREMI 42:22

Ngɔlaā ní, ī-gerī majə kadə̄ ā óyiī yo kaskar ō, yo ɓō ō, yo mo̰y ngāl̄bɔ̄gīí ō, loo ń sḭḭ̄ ī-gḛyiī kaw̄ ɓɔ̄ɔ̄ rɔ̄sí tū tə́ ní tə́.

JEREMI 44:1

Kɔ́ɔ̄ɓē əndā najə̄ ta Jeremi tə́ kadə̄ ɔr̄ kə Juda gə̄ malang ń aw̄ ndin̄ Ejiptə tə́ adə̄ i kem ɓē kə́ Migədol tə́ ō, Tapanes tə́ ō, Mempis tə́ ō, gō nang kə́ Patəros tə́ ō ní:

JEREMI 46:14

Yá̰á̰ ń a rāā yā rāā yá̰á̰ ní Ə̄nīī mbēr̄də́ Ejiptə tə́, ə́daī ādə̄ de gə̄ oōn̄ Migədol ō, Mempis ō, Tapanes ō. Ədaī na: Ɔ̄r̄ dɔí dɔɔ́! Ī-ndi dɔ rɔ̄í tə́! Á̰a̰ā̰, kaskar nujə loo kə gō gidií.

JEREMI 46:19

Ejiptə gə̄, ī-kánī yá̰a̰ mbā yāsí gə̄ na a əhɔn̄sí yā kaw̄ sesí dɔ nang kə́ rang tə́. Mempis a téĺ ndágə loo kə́ to kum ko̰ ō, ɓē kə́ hor nujəń ō, kə́ deē gətóo tū tə́ ō.

EJEKIEL 30:13

Najə̄ ń mā Kɔ́ɔ̄ɓē Nə́ɓā m-ə́dá ɓáý to̰ ní n toó: M-ā m̄-rāā kadə̄ ɓesə̄ gə̄ gətóon̄ kɔ̄ɔ́ ō, m-ā m̄-rāā kadə̄ yá̰á̰ kə́ tɔ́sə̄ kum gotədə́ gə̄ ń ton̄ kem ɓē kə́ Mempis tə́ ní gətóon̄ kɔ̄ɔ́ ō. Ngār gə̄ a ton̄ dɔ nang kə́ Ejiptə tə́ to̰ aĺ ō, m-ā m-ə́la ɓōĺ kem de gə̄ tə́ kem ɓēé malang kə taá ō.

EJEKIEL 30:16

M-ā m-ə́la hor dɔ Ejiptə tə́, ɓōĺ a rāā de kə́ Sin gə̄ adə̄ nin̄ a ndewn̄. A mbutən̄ bəlo kógə̄ḿ tū ndogə̄ mbal̄ kə́ Tebə tə́, adə̄ man̄ a taā loo kem ɓēé.

OJEE 2:6

M-ā m̄-táŕ ngánən gə̄ alé: I ngán dəyá̰ kə́ nge rāā ájə́ba.

OJEE 7:11

Epəraim to i tītə̄ déŕ kə́ mbóo beé. Ni gír̄ yá̰a̰ alé. Ni ɓāŕ Ejiptə ba gō tə́ anī, ni aw̄ dɔ nang kə́ Asiri tə́.

SOPONI 1:11

Sḭḭ̄ de kə́ Wóló gə̄, ī-sōmíī, tɔdɔ̄ ngé gātə̄ gə̄ malang a oyn̄, a tɔ̄lə̄n̄ ngé mbɔ̄jə́ kɔȳ gində̄ arjā̰a̰ gə̄ malang kɔ̄ɔ́.

LEBI GƏ̄ 26:33

M-ā m̄-tə̄ndā yā tḭ̄ḭ̄sí kɔ̄ɔ́ kadə̄ āwī kə̄ dan nápar de gə̄ tə́ ō, m-ā m-ɔ̄r̄ njár̄ kaskar kem hɔ̄pə̄n tə́ yā ngɔ̄dəńsí ō, ɓē yāsí a nujə sák sák kɔ̄ɔ́ ō, ɓē bo yāsí gə̄ a telən̄ ndeba ɓē ō.

JEREMI 44:12

M-ā m-ə̄ndā kumḿ gír Juda gə̄ ń teēn̄ ta yo tə́ á əsōn̄ róbó yā kaw̄ ɓɔ̄ɔ̄ rɔ̄də́ Ejiptə tə́ ní kə gōó. Nin̄ malang a oyn̄, a tə́sōn̄ kem ɓē kə́ Ejiptə tə́. A oyn̄ yo kaskar ō, yo ɓō ō, a télən̄ yá̰á̰ kə́ to kum ko̰ ō, a ndə̄ngān̄də́ yo ō, a ndɔ̄lə́n̄də́ ō, a tájə̄n̄də́ ō.

JEREMI 44:13

M-ā m-ə́nda de gə̄ malang ń ndin̄ kem ɓē kə́ Ejiptə tə́ ní tītə̄ ń m-ə́ndań ɓē kə́ Jerusalem kə kaskaraá ō, kə ɓōó ō, kə mo̰y ngāl̄bɔ̄gīí ō ní.