OJEE 9:4 - Bibəl ta Sar̄

⁴ Loo ń noō tə́ nin̄ a ɓōkə́n̄ kasə nduú nang tə́ yā ndējə̄ Kɔ́ɔ̄ɓē to̰ alé. Yá̰á̰ gə̄ ń nin̄ tun̄ adə̄nən̄ ní, a nelə̄n alé. Kə́ tām̄ yādə́ nin̄ tə́ ɓáa, yá̰a̰ kəsa a tél a to i tītə̄ yá̰a̰ kəsa kə́ loo yo tə́ beē. De gə̄ malang ń a əsan̄ ní a télən̄ de kə́ yḛr gə̄. Mápa yādə́ a ul̄də́, banī nin̄ a asən̄ kudə kə mápá ní kem kújə yā Kɔ́ɔ̄ɓē tə́ alé. ba a ɔtə̄ kem kújə yā Kɔ́ɔ̄ɓē tə́ alé.

Bible sar

⁴ Loo ń noō tə́ nin̄ a ɓōkə́n̄ kasə *nduú nang tə́ yā ndējə̄ Kɔ́ɔ̄ɓē to̰ alé. Yá̰á̰ gə̄ ń nin̄ tun̄ adə̄nən̄ ní, a nelə̄n alé. Kə́ tām̄ yādə́ nin̄ tə́ ɓáa, yá̰a̰ kəsa a tél a to i tītə̄ yá̰a̰ kəsa kə́ loo yo tə́ beē. De gə̄ malang ń a əsan̄ ní a télən̄ de kə́ yḛr gə̄. Mápa yādə́ a ul̄də́, banī nin̄ a asən̄ kudə kə mápá ní kem kújə yā Kɔ́ɔ̄ɓē tə́ alé. ba a ɔtə̄ kem *kújə yā Kɔ́ɔ̄ɓē tə́ alé.

OJEE 9:4 Referans Kwoze

OJEE 8:13

Nin̄ ndə̄jə̄mə̄n̄ yá̰á̰ kə́ tun̄ gə̄, i tɔdɔ̄ nin̄ gḛyn̄ kəsa dā̰. Banī mā Kɔ́ɔ̄ɓē m̄-ndigə yá̰a̰ tun̄ yādə́ gə̄ alé. Ngɔlaā ní, a əga kemḿ dɔ yá̰a̰ rāādə́ gə̄ kə́ gōtə́ aĺ gə̄ tə́, m-ā m̄-rāādə́ yá̰á̰ kə́ tōr̄ najə̄ mān̄ ń nin̄ mānə̄n̄ dɔ ndūḿ gə̄ ní tə́. I gáŕ kadə̄ nin̄ a télən̄ yā kaw̄ gogə́ dɔ nang kə́ Ejiptə tə́.

JEREMI 6:20

Usəm̄ i rí dɔ kajaja kə́ kḭḭ Saba tə́ ō, dɔ tə̄ɓā kə́ kotə majə kə́ kḭḭ dɔ ɓē kə́ sa̰y ngá̰ý tə́ ō? m̄-gḛy yá̰a̰ tun̄ yāsí kə́ róō horoó gə̄ alé, yá̰á̰ ndējə̄ yāsí gə̄ nelə̄m alé.

NDŪ NAJƏ̄ 26:14

Dan ń m̄-rāā ndoō deē yāḿ kə́ koy ní, m-ə́sá yá̰á̰ ní aĺ ō, dan ń m̄-tél de kə́ yḛr ní, m-ɔ̄r̄ yá̰á̰ kógə̄ḿ tū tə́ aĺ ō, m-ún m-ādə̄ de kə́ koy kɔ̄ɔ́ aĺ ō. M-ōō ndū Kɔ́ɔ̄ɓē Nə́ɓā yāḿ, adə̄ m̄-rāā yá̰a̰ malang ń ədam̄ kadə̄ m̄-rāā ní.

JOEL 2:14

Majanī Nə́ɓā a tél yā tūr̄ ndūn ō, kemən a sɔl̄ ō, adə̄ a nujə sejí kɔ̄ɔ́ alé. Ni a adə̄jí yá̰a̰ kənge ngá̰ý ō. Adə̄ ā ī-tunī yá̰a̰ ō, ā ī-tə́teī kasə nduú ō, yā kadə̄ Kɔ́ɔ̄ɓē yāsí.

OJEE 3:4

Tɔdɔ̄ ngán Israel gə̄ a ndin̄ dan i ngá̰ý kanjə̄ mban̄g ō, kanjə̄ ngār ō, kanjə̄ mbal̄ kə́ kudə nang tə́ kə́ yā ɓōĺ gidə gə̄. Nin̄ a tunən̄ yá̰a̰ to̰ aĺ ō, nin̄ a aw̄n̄ kə yá̰á̰ kə́ yā sāāń rɔ̄ Nə́ɓā tə́ to̰ aĺ ō.

EJEKIEL 24:17

Ī-lōō kɔjə wur tōr̄ yāí kadə̄ deē a̰ā̰ ō, ī-lōō rāā yá̰a̰ kāgə̄ ɓē kə́ ɔjə dɔ yo ō. Banī ə́nda dɔí kə ta kūbūú ō, ādə̄ sākə̄rā yāí to njaí tə́ ō, ī-lōō seĺ yá̰a̰ ta kumií tə́, ko̰o̰ mur̄ yo ō.

JA̰A̰ 6:51

Mā i mápá kə́ kə kumuú kə́ ḭḭ dɔ rā̰ tə́ reē dɔ nang tə́. Ré deē əsa mápá ń toō anī, a ndi kə kumneé ngándáńg. Ba mápá ń m-ā m-ādə̄ ní, i dā̰ rɔ̄ḿ. M-ādə̄ i yā kadə̄ de kə́ dɔ nang tə́ gə̄ ndin̄neé kə kumdə́.

MALASI 2:13

Yá̰á̰ kə́ rang ń ī-rāāī ɓáý to̰ ní n toó: Sḭḭ̄ ī-nōōī adə̄ man̄ kumsí taā loo dɔ loo tun̄ yá̰a̰ yā Kɔ́ɔ̄ɓē tə́. Sḭḭ̄ ī-nōōī kə man̄ kumsí ō, ī-nōōī rɔ̄sí ō, tɔdɔ̄ yá̰a̰ ndējə̄ yāsí gə̄ ní, usə Kɔ́ɔ̄ɓē dɔ tə́ to̰ aĺ ō, ni ndigədə́ to̰ aĺ ō.

AMOS 5:22

Dā̰ kə́ tɔ̄l̄ ba róō horoó kə taá malang gə̄ ō, kan̄ yá̰á̰ kə́ teē dɔ nang tə́ gə̄ ō ń ī-ndējə̄mī ní, nelə̄m̄ alé. Dā̰ kə́ yḛmbə yāsí gə̄ ń ī-tun̄ ādə̄mī ní, ka̰a̰ kə kumḿ gē a m-á̰ā̰ alé.

JOEL 1:13

Ngé tun̄ yá̰a̰ gə̄ ī-dō̰ō̰ī ɓōdə̄sí ō, ī-nōōī rɔ̄sí ō. Sḭḭ̄ ngé rāā kəla tun̄ yá̰a̰ ī-gāngī kɔŕ. Sḭḭ̄ de kə́ bo gə̄ yā Nə́ɓā yāḿ, ī-reēī, ō̰ō̰ī kūbə̄ kəhɔ ndoō ī-ɓīīneé. Tɔdɔ̄ ndəjə̄ yá̰a̰ aláa tə́te kasə nduú kem kújə yā Nə́ɓā yāsí tə́ kɔ̄ɔ́.

EJEKIEL 24:22

Loo ń noō tə́ ā ī-r̄āāī yá̰a̰ tītə̄ yā Ejekiel. Adə̄ ā ī-selíī yá̰a̰ ta kumsí tə́ aĺ ō, ā ó̰o̰ī mur̄ yo aĺ ō.

IJAI 66:3

Tá kə́ tām̄ yā yá̰á̰ kə́ yā tun̄ tə́ ní, de gə̄ tɔ̄lə̄n̄ man̄g kə́ bəra gə̄, banī nin̄-ran̄ dɔ tə́ noō tɔ̄lə̄n̄ de gə̄. Nin̄ əjan̄ míndə batə̄ gə̄, banī nin̄ ran̄ dɔ tə́ noō ndējə̄n̄ bísə gə̄. Nin̄-ndējə̄mə̄n̄ yá̰a̰, banī nin̄ ran̄ dɔ tə́ noō ɓōkə́n̄ mósə kosong nang tə́. Nin̄-róōn̄ ndujə̄ yá̰á̰ kə́ kotə majə gə̄ adə̄mə̄n̄, banī nin̄-ran̄ dɔ tə́ noō rɔȳn̄ nə́ɓā kə́ rɔ̄kum aĺ gə̄. Nin̄ gə̄rān̄ i rāā yá̰á̰ kə́ nel̄də́ ō, yá̰á̰ kə́ majaĺ ngá̰ý gə̄ ń noō nel̄də́ ō.

IJAI 57:6

Israel, ngán mbal̄ kə́ gidə ndə́lē gə̄ kə́ kum ngōn̄ man̄ tə́ i tām̄ yāí tə́, i núsə́ yá̰á̰ kə́ tām̄ yāí tə́ n noó. Kasə nduú ń ī-tə́te nang tə́ ní, i nin̄ n ī-tun̄ ādə̄də́ ní. I nīn n ī-ndējə̄də́ kadə̄ karī gə̄ ní. Kɔ́ɔ̄ɓē dəje najə̄ əda na: Majə kadə̄ m̄-ndigə yá̰á̰ ń noō a?

LEBI GƏ̄ 21:21

i de kə́ nujə kə́ gír kaa yā Aaro̰ nge tun̄ yá̰á̰ tə́ ní, a reē ta loo tun̄ yá̰á̰ tə́ yā ndējə̄ yá̰a̰ kəsa yā Nə́ɓā yān dɔ tə́ alé.

LEBI GƏ̄ 21:17

kəda Aaro̰ ndū najə̄ gə̄ ń toō:

LEBI GƏ̄ 21:8

Ā ī-rāā nge tun̄ yá̰a̰ i de kə́ táĺ tə́ tām̄ i ni n i nge kadə̄ Nə́ɓā yāí yá̰a̰ ndējə̄ ní. Ā ī-rāān i de kə́ táĺ tə́, tām̄ mā Kɔ́ɔ̄ɓē nge kɔr̄ kam̄sí ní mā i de kə́ táĺ.

LEBI GƏ̄ 21:6

A ɔrə̄n̄ kam̄də́ tām̄ yā Nə́ɓā yādə́ tə́ ō, nujə̄n rīn aĺ ō. Ādə̄ nin̄ i de kə́ táĺ gə̄, tām̄ i nin̄ ń i ngé ndējə̄ Kɔ́ɔ̄ɓē yá̰a̰ tun̄ gə̄ ń i yá̰a̰ kəsa yā Nə́ɓā yādə́ ní.

LEBI GƏ̄ 17:11

Tɔdɔ̄ dā̰ rɔ̄ a ndi kə kumuú i kə ta kūl̄ mósə. Ba ādə̄ ī-rāāī mósə dɔ loo tun̄ yá̰á̰ tə́ i yā kutə̄ń dɔ majaĺ yāsí gə̄ tām̄ mósə a utə̄ dɔ majaĺ gə̄ tɔdɔ̄ mósə́ ní asə rāā kadə̄ deē ndi kə kumuú.

Teē Ngán Israel gə̄ 40:23

Ɓōkə́ mápá kə́ ndējə̄ gə̄ dɔ tə́ kə ta naá tītə̄ ń Kɔ́ɔ̄ɓē ədanneé ní.

TƏ́DA 19:11

Deē ń ɔdə nīń deē ní, tél de kə́ yḛr ndɔ̄ sīrí.

TƏ́DA 4:7

A selə́n̄ kūbə̄ kə́ ndul gusə gusə dɔ tábəl ndējə̄ yá̰á̰ tə́ ō, a tə́ndān̄ səmbē kə́ laa gə̄ ō, kópə gə̄ ō, ngán bay gə̄ ō, səmbē kə́ rúu gə̄ ń a tə́tenə̄ń kasə nduú ní ō, dɔ tə́. Tá mápá ń a ndējə̄mə̄n̄ ngándáńg ní a to dɔ tə́ ō.

Teē Ngán Israel gə̄ 29:40

A əndān̄ ndujə̄ kem lāngá mətá dɔ ngōn̄ batə̄ kə́ ta kəga dɔ ní tə́. A ló̰ȳn̄ kə yibə̄ olibə kə́ unjə̄ njáý njáý kə́ rosə lāngá kógə̄ḿ kə núsə. A əndān̄ kasə kan̄ kāgə̄ nduú kə́ rosə lāngá kógə̄ḿ kə núsə dɔ tə́ ō.

JEREMI 16:7

Deē a gān̄g ta mápa yā kadə̄ nge kəhɔ ndoō yā sɔlə̄ń kemən najə̄ ngeen de kə́ oy tə́ aĺ ō, deē a ndējə̄n kópə sɔl̄ kem najə̄ yā bɔbə̄n deē aláa kó̰o̰n de kə́ oy tə́ aĺ ō.

DANIEL 1:8

Banī Daniel gḛy yḛr rɔ̄n kə yá̰a̰ kəsa yā mbangāá aĺ ō, kə kasə nduú yā mbangāá aĺ ō. Adə̄ ni dəjə ngol ngé rāā kəla gə̄ kadə̄ ra seneé ta yḛr rɔ̄n kə yá̰a̰ kəsa gə̄ ń noō alé.

JOEL 1:9

De gə̄ ndējə̄n̄ yá̰á̰ aláa tə́tən̄ kasə nduú kem kújə yā Kɔ́ɔ̄ɓē tə́ to̰ alé. Ngé tun̄ yá̰a̰ gə̄ ń i de kə́ bo gə̄ yā Kɔ́ɔ̄ɓē ní əhɔn̄ ndoō.

OJEE 7:16

Ré a tél a reēn̄ i kə̄ rɔ̄ deē kógə̄ḿ tə́ anī, i kə̄ rɔ̄ḿ mā tə́ alé. Nin̄ ton̄ i tītə̄ ga̰ gərā kə́ rugə beé. Ngār yādə́ gə̄ a oyn̄ ta rɔ̄ tə́, tɔdɔ̄ nin̄ ɔrə̄n̄ najə̄ kə́ majaĺ dɔḿ tə́. Ba de gə̄ a mbóōn̄ sedə́ dɔ nang kə́ Ejiptə tə́.