OJEE 9:15 - Bibəl ta Sar̄

¹⁵ Kɔ́ɔ̄ɓē əda ɓáý to̰ na: Kem ndul yādə́ ɔjə rɔ̄n kə̄ ndágá malang i loo kə́ yā ɓōĺ gidən ń rīn na i Gilgal ní tə́. Əla gír kadə̄ a nelə̄m̄ sedə́ aĺ i loo ń noō tə́. M-ā m̄-tə̄ɓādə́ kɔ̄ɔ́ kem kújə yāḿ tə́, a nelə̄m̄ sedə́ to̰ alé, i najə̄ yá̰a̰ rāādə́ kə́ majaĺ tə́. Ngār yādə́ gə̄ malang mbātə́n̄ najə̄ yāḿ.

Bible sar

¹⁵ Kɔ́ɔ̄ɓē əda ɓáý to̰ na: Kem ndul yādə́ ɔjə rɔ̄n kə̄ ndágá malang i loo kə́ yā ɓōĺ gidən ń rīn na i Gilgal ní tə́. Əla gír kadə̄ a nelə̄m̄ sedə́ aĺ i loo ń noō tə́. M-ā m̄-tə̄ɓādə́ kɔ̄ɔ́ kem kújə yāḿ tə́, a nelə̄m̄ sedə́ to̰ alé, i najə̄ yá̰a̰ rāādə́ kə́ majaĺ tə́. Ngār yādə́ gə̄ malang mbātə́n̄ najə̄ yāḿ.

OJEE 9:15 Referans Kwoze

OJEE 12:11

Dan ngeé ń noō tə́ ní, m-ɔ̄r̄ najə̄ kə ngé koō ta gēé. Adə̄ yá̰á̰ kə́ yā ká̰ā̰ gə̄ ní, m-ə́lań i ngá̰ý m-ādə̄də́ adə̄ a̰a̰n̄. Tá kə ta kūl̄ ngé koō ta gə̄ ní, m-ə́da najə̄ yá̰a̰ gə̄ ń m̄-núm̄ rāā ní ɓáý to̰.

OJEE 4:15

Ḭ̄ Israel, ún rɔ̄í ī-rāā ń ájə́ba. Ba majə kadə̄ Juda rāā yá̰á̰ kə́ gōtə́ aĺ kə́ kógə̄ḿ beē nəkɔ́ ń noō alé. Ī-lōōī kaw̄ loo kə́ yā ɓōĺ gidə kə́ Gilgal tə́ ō, ī-lōōī kaw̄ Bet Aben ō. Ī-lōōī túbə kəda na: Tītə̄ ń Kɔ́ɔ̄ɓē ndiń kə kumneé noō ō.

IJAI 1:23

Ngār yāí gə̄ i de kə́ ngé kəsō wōn̄g gə̄ ō, nin̄ ɓoon̄ rɔ̄də́ tū yā ngé ɓogə gə̄ tə́ ō. Nel̄də́ kə yá̰á̰ gə̄ kə́ adə̄n̄də́ karī ngá̰ý ō, nin̄ ndin̄ dɔ rɔ̄də́ tə́ yā rāā yá̰a̰ malang kə́ tām̄ yā kəngeń yá̰á̰ kə́ kadə̄ karī gə̄ ní ō. Nin̄ rɔ̄ɔ̄n̄ dɔ yá̰á̰ kə́ súmūú yā ngán hal gə̄ tə́ aĺ ō, mbātə́n̄ kun najə̄ yā dəyá̰ kə́ ngaa koy gə̄ kə̄ jīdə́ tə́ ō.

AMOS 5:5

Banī ī-lōōī sāām̄ kem kújə yā Kɔ́ɔ̄ɓē kə́ Betel tə́ tə́. Loo kə́ yā ɓōĺ gidə kə́ Gilgal tə́ ní, ī-lōōī kudə tū tə́. Ī-lōōī kaw̄ nge kə́ Beer Seba tə́ tə́. A̰á̰ā̰, a ɔyn̄ de kə́ Gilgal gə̄ yā kaw̄ sedə́ dɔ ɓē kə́ rang tə́ ō, Betel ń i kújə yā Nə́ɓā ní, a tél kújə yā nə́ɓā kə́ rɔ̄kum aĺ gə̄ ō.

1 SAMUEL 7:16

Kə dɔ ɓāl̄ gə̄ ń noō ní a njə̄rā a teē Betel ō, Gilgal ō, Misəpa ō, a gāngəń sarya yā Israel gə̄ ń ndin̄ kə gō loo gə̄ ń noō ní.

SOPONI 3:3

De kə́ bo yān gə̄ ton̄ i tītə̄ ɓɔl gə̄ kə́ a nōōn̄ beé ō, ngé sarya yān gə̄ ton̄ i tītə̄ soó gə̄ kə́ aw̄n̄ ndo̰ó̰ ta loo tíbə́ tə́, ba dəloí anī, yá̰a̰ kəsa yādə́ gətóo kɔ̄ɔ́ beē ō.

MISE 6:5

Sḭḭ̄ gír deē yāḿ gə̄, ādə̄ əga kemsí dɔ tə́! Balak ń i mban̄g kə́ Moab ní, sāā rāāsí yá̰á̰ kə́ majaĺ. Ādə̄ əga kemsí dɔ yá̰á̰ ń Balam kə́ ngōn̄ Beor tél ədan ní tə́. Gō tə́ anī, sḭḭ̄ ḭ́ḭḭ̄ Sitim āwī bátə́ ūgī Gilgal. Sḭḭ̄ á̰a̰ī yá̰á̰ kə́ to tayā gə̄ ń mā Kɔ́ɔ̄ɓē m̄-rāā tām̄ yāsí tə́ ní.

KƏLA RĀĀ 4:27

Najə̄ ní i rɔ̄kum, tɔdɔ̄ Herod ō, Po̰sə Pilatə ō, nápar de kə́ rang gə̄ ō, Israel gə̄ ō, ɓoon̄ naā kem ɓē ń toō tə́ dɔ Jeju nge kəla yāí kə́ táĺ tə́, ni ń úr yibə̄ ngār dɔn tə́ ní.

JAKARI 11:8

Kem nāā kógə̄ḿ ní, m-ɔ̄r̄ ngé kul̄də́ gə̄ mətá kem kəlaá kɔ̄ɔ́. Gō tə́ anī, m̄-tə́gā taḿ sétə́ dɔ batə̄ gə̄ tə́ ō, nin̄ batə̄ gə̄ asən̄ tə́gā tadə́ dɔḿ mā tə́ to̰ aĺ ō.

MISE 3:11

Ngé rāā sarya gə̄ a gāngə̄n̄ sarya i gíŕ yá̰á̰ kə́ kadə̄də́ karī tə́ tə́ ō, ngé tun̄ yá̰a̰ gə̄ a ndóōn̄ de gə̄ ndū najə̄ i gíŕ yá̰a̰ kəngeé ō, ngé koō ta gə̄ a ədan̄ yá̰á̰ kə́ ndɔ̄ń tə́ i gír naraá ō. Nin̄ əndān̄ tɔ́gə́də́ dɔ Kɔ́ɔ̄ɓē tə́, ba ədan̄ na: Kɔ́ɔ̄ɓē i sejí, adə̄ yá̰á̰ kə́ to kum kaȳ aĺ a teē dɔjí tə́ alé.

AMOS 5:27

I beé ní, m-ā m-ɔ́ýsí ba m-ā m̄-mān̄ sesí dɔ ɓē kə́ Damas tə́ yā kaw̄ sesí sa̰y. I Kɔ́ɔ̄ɓē ń əda najə̄ ń noō ní. Rīn na i Nə́ɓā kə́ kɔ́ɔ̄ dɔ rā̰ ō dɔ nang ō.

AMOS 4:4

Sḭḭ̄ Israel gə̄, ī-na̰yiī kə̄ loo mbātə́ najə̄ gōḿ tə́ tə́ kə̄ nosí tə́, tɔdɔ̄ āwī kújə ɓesə̄ kə́ Betel tə́ ō, ī-mbātíī najə̄ gōḿ tə́ ɓáý to̰ kə̄ nosí tə́, tɔdɔ̄ āwī Gilgal ō. I tītə̄ ń noō n ā ī-mānīiń dɔ ndūḿ kum kə̄ kété ɓáý to̰ ní! Teē gidə gō ndɔ̄ ń sḭḭ̄ ūgīiń tə́ ní, ī-ndējī yá̰a̰ tun̄ yāsí gə̄ ō, kə ndɔ̄ kə́ nge ko̰ mətá anī, ī-ndējī kadə̄ karī yāsí gə̄ ō.

OJEE 9:17

Nə́ɓā yāḿ a mbātə́ Epəraim gə̄, tɔdɔ̄ nin̄ oōn̄ najə̄ yān alé. Nin̄ a aw̄n̄ kə̄ loo gə̄ tə́ malang dan nápar de gə̄ tə́.

OJEE 9:3

Epəraim gə̄ a asən̄ ndi dɔ nang yā Kɔ́ɔ̄ɓē tə́ alé. Nin̄ a télən̄ yā kaw̄ gogə́ dɔ nang kə́ Ejiptə tə́, aĺ ɓáa a aw̄n̄ Asiri. Nin̄ a əsan̄ yá̰á̰ kə́ yḛr loo ń noō tə́.

OJEE 7:2

Banī nin̄ gírə̄n̄ yá̰á̰ ń toō alé: Yá̰á̰ kə́ majaĺ gə̄ malang ń nin̄ rāān̄ ní, əga kemḿ dɔ tə́. Ngɔlaā ní, yá̰a̰ rāādə́ gə̄ gīr̄ gidədə́ əla ta naā tə́. M-á̰á̰də́ ta kumḿ tə́ ngándáńg.

OJEE 4:9

Banī m-ā m̄-rāā ngé tun̄ yá̰a̰ gə̄ yá̰á̰ ń m̄-rāā kə gír deē yāḿ gēé ní: Yá̰á̰ ń m-ā m̄-rāā sedə́ ní, sɔɔ̄ń i háĺdə́ ō, yá̰á̰ ń nin̄ rāān̄ ní, m-ā m̄-téləń yā kadə̄də́ gogə́ ō.

OJEE 3:4

Tɔdɔ̄ ngán Israel gə̄ a ndin̄ dan i ngá̰ý kanjə̄ mban̄g ō, kanjə̄ ngār ō, kanjə̄ mbal̄ kə́ kudə nang tə́ kə́ yā ɓōĺ gidə gə̄. Nin̄ a tunən̄ yá̰a̰ to̰ aĺ ō, nin̄ a aw̄n̄ kə yá̰á̰ kə́ yā sāāń rɔ̄ Nə́ɓā tə́ to̰ aĺ ō.

OJEE 1:9

Anī Kɔ́ɔ̄ɓē əda Ojee na kə əndā rī ngōn̄ ní na i Loo Ami ń kumən na i gír deē yāḿ gə̄ aĺ ní. Tɔdɔ̄ sḭḭ̄ Israel gə̄, sḭḭ̄ i gír deē yāḿ gə̄ to̰ alé ō, mā i yá̰á̰ kógə̄ḿ tām̄ yāsí to̰ aĺ ō.

OJEE 1:6

Gomer ndān̄ ngōn̄ ɓáý to̰ ba ojə ngōn̄ kógə̄ḿ kə́ dəyá̰. Anī Kɔ́ɔ̄ɓē əda Ojee na kə əndā rī ngōn̄ ní na i Loo Ruhama ń kumən na i tárəm̄ alé ní. Tɔdɔ̄ m-ā m̄-ɔ́jə́ tár kə̄ ndágá tām̄ yā de gə̄ kə́ Israel tə́ to̰ alé, m-ā m̄-táŕdə́ to̰ aĺ i kə́ bátə́ gə̄ tə́.

EJEKIEL 23:18

Ni-rāā ájə́ba i ta kum de gə̄ tə́ malang, rāā adə̄ de gə̄ a̰ā̰n̄ rɔ̄n kə́ karī. Loo ń noō tə́ nelə̄m̄ seneé aĺ ngá̰ý, tītə̄ ń nel̄məń kə ngōkó̰o̰n kə́ dəyá̰ aĺ ngá̰ý ní.

EJEKIEL 22:27

Ngār gə̄ kə́ dɔ gír de gə̄ tə́ ton̄ i tītə̄ soó gə̄ kə́ ngé rə́yā̰ dā̰ kəhɔdə́ gə̄ naā tə́ beē kem ɓē kə́ Jerusalem tə́. Nin̄ tɔ̄lə̄n̄ de gə̄ yā ɓogəń yá̰a̰ kənge yādə́ gə̄.

JEREMI 11:15

I rí n kó tár yāḿ kə́ dəyá̰ reē a sāā kem kújə yāḿ tə́ ɓáý ní? Ni-rāā yá̰a̰ i kə kum kedēé ngá̰ý. Yá̰á̰ kə́ to kum kaȳ aĺ ń i dɔí tə́ ní i gír̄ kadə̄ kənī ndū yāí ō, dā̰ ń ɔ̄r̄ kam̄ ní ō, a asən̄ kun kɔ̄ɔ́ a? Ī-gír̄ kadə̄ ā ásə teē kum tə́ i tītə̄ ń noō a?

JEREMI 5:5

Adə̄ m-ə́da na m-ā m̄-tūr̄ rɔ̄ḿ kə̄ rɔ̄ de kə́ bo gə̄ tə́ yā kɔr̄ najə̄ sedə́. Tɔdɔ̄ nin̄ gerə̄n̄ róbə yā Kɔ́ɔ̄ɓē ō, gerə̄n̄ jī bēl̄ loo rāā yá̰á̰ yā Nə́ɓā yādə́ ō. Ba m-á̰a̰ kadə̄ i de kə́ tītə̄ naā gə̄, adə̄ nin̄ tétə̄n̄ júk kɔ̄ɔ́ ō, gángə̄n̄ kəlā gə̄ kɔ̄ɔ́ ō.

JEREMI 3:8

mā m-á̰a̰ā̰ ō. Kə́ rɔ̄kum tə́ m̄-mbātə́ Israel kə́ nge túy taā kem yān ō, m-ādə̄n makətūbə̄ mbātə́ naā ō i najə̄ rāā rāȳ yān tə́. Banī yá̰á̰ ń toō əla ɓōĺ kem ngōkó̰o̰n kə́ dəyá̰ ń i Juda kə́ sew aĺ tə́ ní sḛ́ý aĺ bátə́. Adə̄ ni yḛr loo kə́ dɔ nang tə́ tɔdɔ̄ ni-əndā kum kedə̄ dɔ rɔ̄n tə́ alé, ba əla gír rāā ájə́ba ō. Ni-rāā rāȳ tɔdɔ̄ ndɔ̄ȳ mbal̄ ō ndɔ̄ȳ kāgə̄ ō.

PĀ GƏ̄ 78:60

Ni əya̰ kújə́ kə́ Silo kɔ̄ɔ́, kújə tandā ń ni udə dan de gə̄ tə́ ní.

JOJUE 10:43

Gō tə́ anī, Jojue nin̄ kə ngán Israel gēé télən̄ malang aw̄n̄ gogə́ gérger kə́ Gilgal tə́.

LEBI GƏ̄ 26:30

Wurəḿ a atə̄m̄ sesí ngá̰ý, adə̄ m-ā m̄-nujə loo ndɔ̄ȳ yāsí gə̄ kɔ̄ɔ́ ō, m-ā m̄-tɔ̄ɔ̄ loo róō ndujə̄ yá̰á̰ kə́ kotə majə yāsí gə̄ kɔ̄ɔ́ ō, m-ā m̄-tétə̄ ɓesə̄ yāsí gə̄ ba m-ā m̄-kán̄ nīńsí gə̄ dɔ tə́ ō.

KƏLA RĀĀ 5:21

Nin̄-oōn̄ najə̄ yā de kə́ dɔ rā̰ tə́ yā Kɔ́ɔ̄ɓē ní, adə̄ teēn̄ dəloí ɓatə aw̄ ran̄ kem kújə yā Kɔ́ɔ̄ɓē tə́ a ndóōn̄ de gə̄ yá̰a̰. Ngol ngé tun̄ yá̰a̰ gə̄ reē ugə̄ anī, ni ō de kə́ gōn tə́ gə̄ ō, ɓārə́n̄ ngé sarya kə́ bo gə̄ ō, kum kɔɔ̄ gə̄ malang yā ngán Israel gə̄ ō ɔsən̄ dɔdə́ naā tə́, ba əlan̄ gō ngámbang kəla gə̄ tə́ kújə dəngáyá kadə̄ reēn̄ sedə́.

JEREMI 12:8

Yá̰a̰ kənge yāḿ tél to tītə̄ ɓɔl kə́ ku kāgə̄ tə́ kə̄ dɔḿ tə́. Ni tṵ́ṵ̄m̄ rɔ̄ɔ̄, adə̄ mā gə̄gē a m̄-gḛyn to̰ alé.

OJEE 12:2

Epəraim adə̄ de gə̄ kə́ Ejiptə tə́ yibə̄ ō, əndā jīn gír makətūbə̄ koō naā yādə́ kə de kə́ Asiri gēé tə́ ō. I tītə̄ ń noō n ni ulə̄ń rɔ̄n kə nélé ō, a̰ȳń ngɔ̄də̄ gō néĺ kə́ dūn̄ ɓē tə́ dəloí bátə́ loo tíbə dɔn tə́ ō ní. Ni seĺ sor̄ kə̄ loo gə̄ tə́ ō, nujə loo ɔyń yá̰a̰ yā de gə̄ dɔ gúú tə́ ō.

JEREMI 15:1

Kɔ́ɔ̄ɓē ədam̄ na: Ká ré Moijə nin̄ kə Samuel reē ran̄neé ta kumḿ tə́ gə̄gē anī, m-ā m-ōō ndɔ̄ȳ yādə́ kə́ tām̄ yā de gə̄ ń noō tə́ alé. Ī-tə́ɓādə́ kɔ̄ɔ́ ta kumḿ tə́, ādə̄ aw̄n̄.