OJEE 9:13 - Bibəl ta Sar̄

¹³ Tītə̄ ń m-á̰a̰ń ní, Epəraim rāā ngánən gə̄ i dā̰ gə̄ ń deē a tɔ̄l̄də́ bembeé loo ndo̰o̰ tə́ ní tə́. Ni əya̰də́ adə̄ a tínə̄n̄ ta nge ndo̰o̰.

Bible sar

¹³ Tītə̄ ń m-á̰a̰ń ní, *Epəraim rāā ngánən gə̄ i dā̰ gə̄ ń deē a tɔ̄l̄də́ bembeé loo ndo̰o̰ tə́ ní tə́. Ni əya̰də́ adə̄ a tínə̄n̄ ta nge ndo̰o̰.

OJEE 9:13 Referans Kwoze

EJEKIEL 27:3

Ni-ndi i ta bā bo tə́ ō, a rāā gātə̄ i kə gír de kə́ ngá̰ý gə̄ kə́ ndin̄ ɓē dɔ dor̄ gə̄ tə́ ō. Ā ə́dan na: Najə̄ ń Kɔ́ɔ̄ɓē Nə́ɓā ɔr̄ ní n toó: Ḭ̄ ɓē kə́ Tir, ḭ̄ ɔ́jə rɔ̄í tām̄ majə kə́ ī-majə ɔ̄tə̄ ta tə́.

AMOS 7:17

I beé ní, najə̄ ń Kɔ́ɔ̄ɓē əda ní n toó: Nə̄yá̰í a téĺ ájə́ba kem ɓēé ō, a tɔ̄lə̄n̄ ngání kə́ dəngam gə̄ ō kə́ dəyá̰ gə̄ ō, a mbɔ̄jə́n̄ ngāl̄ dɔ nang yāí yā nə̄ɓō de kə́ rang gə̄ ō. Ba ḭ̄ ā óy kem ɓē kógə̄ḿ kə́ yḛr tə́ ō, a ɔyn̄ Israel gə̄ yā kaw̄ sedə́ dɔ ɓē kə́ rang tə́ dɔ gúú tə́, kadə̄ nin̄ i sa̰y rɔ̄ ɓē yādə́ tə́ ō.

OJEE 13:8

m̄-teē dɔsí tə́ i tītə̄ dā̰ úrsə. kə́ deē ɔy ngánən gə̄ kɔ̄ɔ́ beē. m̄-rə́yā̰ ngɔgərɔsí naā tə́. M-ə́sásí tītə̄ ɓɔl kə́ dəyá̰ kə́ a əsa yá̰a̰ beé ō, dā̰ kə́ bembeé gə̄ a gángə̄n̄sí naā tə́ bét bét ō.

OJEE 10:14

I tām̄ najə̄ ń noō tə́ n rɔ̄ɔ̄ a təngā dan gír deē yāí gə̄ tə́ ō, a nujən̄ ɓē yāí kə́ ngan̄g gə̄ malang kɔ̄ɔ́ ō ní. Nin̄ a ton̄ tītə̄ Bet Arbel. Dan ń mban̄g Salman ənī ɓē ń toō rɔ̄ɔ̄ ní, ni rējə̄ kó̰ó̰ ngán gə̄ ō, ngáńdə́ gə̄ ō.

OJEE 9:16

Əndan̄ Epəraim ndéy jī ngá̰ý. Ngəran gə̄ tutən̄ kɔ̄ɔ́, ni a an̄ to̰ alé. Ká ré dəyá̰ gə̄ aw̄n̄ kə ngán gə̄ ɓáý gə̄gē anī, ngán kemdə́ gə̄ ń gātə̄də́ i ngá̰ý ní, m-ā m̄-rāā kadə̄ oyn̄ kɔ̄ɔ́.

JEREMI 9:21

Ɔ̄r̄ najə̄ ə́da na, najə̄ ń Kɔ́ɔ̄ɓē əda ní n toó: Nīń de gə̄ tə́sō, tītə̄ yedə̄ yá̰á̰ kə́ seĺ kem ndɔrɔ́ ō, tītə̄ dɔ kōō kə́ teē tə́sō gō nge sāā kōō tə́ ō, ba de kə́ yā kɔy gətóo ō.

2 MBAN̄G 15:16

Dan ń noō tə́ ní Menahem rɔ̄ɔ̄ ɓē kə́ Tipəsa ba tɔ̄l̄ de kə́ kemeé gə̄ malang. Ni nujə loo gō nang ń ḭḭ Tirsa bátə́ ugə̄ń Tapua ní tə́. Ni rɔ̄ɔ̄ ɓē ní i tām̄ mbātə́ ń mbātə́n̄ teē ta róbə́ kə́ yā kudəń kə̄ kem ɓēé kadə̄n ní. Ni njár̄ kem dəyá̰ kə́ ndān̄ ngán gə̄ malang.

JEREMI 7:15

M-ā m̄-tə̄ɓāsí rɔ̄ḿ tə́ kɔ̄ɔ́ sa̰y tītə̄ ń m̄-tə̄ɓāń ngákó̰ó̰sí gə̄ malang kə́ gír kaa yā Epəraim tə́ ní ō.

Makətūbə̄ yā Job 27:14

Ré ngánən gə̄ ojən̄ naā ngá̰ý anī, rɔ̄ɔ̄ a tɔ̄ldə́ kɔ̄ɔ́ ō, ngán kaan gə̄ a nalə̄n̄ yá̰a̰ kəsa ō.

NŌŌ RƆ̄ 2:22

Ī-rāā ādə̄ ɓōĺ kə́ ngá̰ý teē kə̄ ta loo gə̄ tə́ reē dɔḿ tə́, tītə̄ ń de gə̄ a teēn̄neé kə̄ loo gə̄ tə́ yā reē rāā nāā tə́ noó beé. Ndɔ̄ rāā wōn̄g yā Kɔ́ɔ̄ɓē tə́ ní, de kə́ teē ta yo tə́, aláa ndi kə kumneé gətóo. Madə̄ ba̰ā̰ḿ tɔ̄l̄ ngánə́ḿ gə̄ ń m-ə̄tōdə́ kə tárá ngá̰ý ní kɔ̄ɔ́.

OJEE 14:1

De kə́ Samari gə̄ a əgān̄ kə̄rā yá̰a̰ rāādə́ kə́ gōtə́ aĺ gə̄, tɔdɔ̄ nin̄ mbātə́n̄ najə̄ gō Nə́ɓā yādə́ tə́. Nin̄ a oyn̄ ta rɔ̄ɔ̄ tə́ ō, a rējə̄n̄ ngáń kásə̄ yādə́ gə̄ ō, a njarən̄ kem dəyá̰ yādə́ gə̄ kə́ ndānə̄n̄ ngán gə̄ ō.