OJEE 9:12 - Bibəl ta Sar̄

¹² Ká ré nin̄ a ngɔ̄mə̄n̄ ngán gə̄ gə̄gē anī, m-ā m̄-taādə́ jīdə́ tə́ kɔ̄ɔ́ yā kadə̄ deē kógə̄ḿ na̰yń alé. A̰á̰ā̰, kə́ rɔ̄kum tə́ ní, i yá̰á̰ kə́ to kum kaȳ aĺ kə́ ba̰ý beē tām̄ yā Epəraim gə̄ tə́ dan ń m-ā-ə́yá̰də́ ba m-ā m-āw̄ sa̰y kɔ̄ɔ́ ní!

Bible sar

¹² Ká ré nin̄ a ngɔ̄mə̄n̄ ngán gə̄ gə̄gē anī, m-ā m̄-taādə́ jīdə́ tə́ kɔ̄ɔ́ yā kadə̄ deē kógə̄ḿ na̰yń alé. A̰á̰ā̰, kə́ rɔ̄kum tə́ ní, i yá̰á̰ kə́ to kum kaȳ aĺ kə́ ba̰ý beē tām̄ yā *Epəraim gə̄ tə́ dan ń m-ā-ə́yá̰də́ ba m-ā m-āw̄ sa̰y kɔ̄ɔ́ ní!

OJEE 9:12 Referans Kwoze

OJEE 7:13

Yá̰á̰ kə́ to kum kaȳ aĺ kə́ ba̰ý beē tām̄ yā Epəraim gə̄ tə́! Nin̄ a̰ȳn̄ rɔ̄ḿ tə́ kɔ̄ɔ́ aw̄n̄ sa̰y! A nujən̄də́ kɔ̄ɔ́, tɔdɔ̄ nin̄ əsōn̄ wōn̄g taḿ tə́. Nin̄ ɔrə̄n̄ najə̄ kə́ sor̄ gə̄ dɔḿ tə́. Loo ń noō tə́ ní, m-ā m̄-rāā i ba̰ý n m-ā m-ásəń gān̄g dɔdə́ ní?

OJEE 9:16

Əndan̄ Epəraim ndéy jī ngá̰ý. Ngəran gə̄ tutən̄ kɔ̄ɔ́, ni a an̄ to̰ alé. Ká ré dəyá̰ gə̄ aw̄n̄ kə ngán gə̄ ɓáý gə̄gē anī, ngán kemdə́ gə̄ ń gātə̄də́ i ngá̰ý ní, m-ā m̄-rāā kadə̄ oyn̄ kɔ̄ɔ́.

NDŪ NAJƏ̄ 32:25

Kəyā kaskar a tɔ̄l̄ de gə̄ ndágá ō, ɓōĺ a tɔ̄l̄ de gə̄ kújú ō. Balsáa a oy ō, ngōmandə a oy ō, ngōn̄ kásə̄ a oy ō, de kə́ tɔgə ɓə́ga a oy ō.

NDŪ NAJƏ̄ 31:17

Ndɔ̄ ń noō tə́ wōn̄g a rāām̄ sedə́ ngá̰ý, adə̄ m-ā m-ə́yá̰də́ kɔ̄ɔ́ ō, m-ā m̄-tūr̄ gidəḿ tadə́ tə́ kɔ̄ɔ́ kadə̄ nin̄ a a̰a̰n̄ ta kumḿ aĺ ō. Loo ń noō tə́ ngé ba̰ā̰də́ gə̄ a əsan̄də́ ō, yá̰á̰ kə́ to kum kaȳ aĺ ngá̰ý gə̄, kə wur kɔl kə́ ngá̰ý gə̄ a rāān̄də́ ō. Adə̄ ndɔ̄ ń noō tə́ nin̄ a ədan̄ na: Yá̰á̰ kə́ to kum kaȳ aĺ gə̄ ń toō rāān̄jí i tām̄ Nə́ɓā yājí ń gətóo dɔ dáńjí tə́ ní aĺ a?

OJEE 9:13

Tītə̄ ń m-á̰a̰ń ní, Epəraim rāā ngánən gə̄ i dā̰ gə̄ ń deē a tɔ̄l̄də́ bembeé loo ndo̰o̰ tə́ ní tə́. Ni əya̰də́ adə̄ a tínə̄n̄ ta nge ndo̰o̰.

NŌŌ RƆ̄ 2:20

Á̰a̰ā̰, Kɔ́ɔ̄ɓē, á̰a̰ā̰ majə ké i náā n ī-rāān beé toō wa. Ní, kə dəyá̰ gə̄ kə əsan̄ ngán kemdə́ gə̄ ń i ngáń kə́ majə asə naā beé gə̄ ní a? Ní, kə de gə̄ kə tɔ̄lə̄n̄ ngé tun̄ yá̰a̰ gə̄ ō, ngé koō ta gə̄ ō, kem loo kə́ táĺ yā Kɔ́ɔ̄ɓē tə́ kɔ̄ɔ́ a?

JEREMI 15:7

M-ún keē kógə̄ḿ kadə̄ m̄-tə̄ndā m̄-tḭ̄ḭń de kə́ kem ɓēé gə̄ kə̄ loo gə̄ tə́. m̄-tɔ̄l̄ ngán kem gír deē yāḿ gə̄ kɔ̄ɔ́. m̄-nujə kə gír deē yāḿ gēé sák sák kɔ̄ɔ́, banī tūrə̄n̄ háĺdə́ alé.

Makətūbə̄ yā Job 27:14

Ré ngánən gə̄ ojən̄ naā ngá̰ý anī, rɔ̄ɔ̄ a tɔ̄ldə́ kɔ̄ɔ́ ō, ngán kaan gə̄ a nalə̄n̄ yá̰a̰ kəsa ō.

2 MBAN̄G 17:23

Ta tɔ̄l̄ ta anī Kɔ́ɔ̄ɓē gḛy ka̰a̰də́ ta kumən tə́ to̰ alé. Ni ɔydə́ aw̄ sedə́ dɔ nang kə́ Asiri tə́, adə̄ ndin̄ noó bátə́ ɓōólaā gə̄gē. I beé n Kɔ́ɔ̄ɓē rāań adə̄ najə̄ ń ni-əda kété ní reē udəń gírí ní. Ni-əndā najə̄ ní i ta ngé kəla gə̄ ń i ngé koō ta yān gə̄ tə́ ní.

2 MBAN̄G 17:18

Loo ń noō tə́ wōn̄g yā Kɔ́ɔ̄ɓē ḭḭ seneé kə Israel gēé, ni ɔydə́ aw̄ sedə́ sa̰y kɔ̄ɔ́ rɔ̄n tə́. I gír ɓē yā Juda ngóy n ndi gotoó ní.

1 SAMUEL 16:14

Ndíĺ Kɔ́ɔ̄ɓē əya̰ Saul ba ndíĺ kə́ majaĺ kógə̄ḿ kə́ ḭḭ rɔ̄ Kɔ́ɔ̄ɓē tə́ tá reē a tápə̄ Saul.

NGÉ SARYA 4:16

Barak ngɔ̄də̄ gō púsə rɔ̄ɔ̄ gə̄ kə ngé rɔ̄ɔ̄ gə̄ bátə́ ugə̄ sedə́ kem ɓē kə́ Haroset Goim tə́. Tɔ̄lə̄n̄ ngé rɔ̄ɔ̄ gə̄ yā Sisəra malang kɔ̄ɔ́ kə kəyā kaskaraá. De kógə̄ḿ kə́ teē gətóo.

NDŪ NAJƏ̄ 28:32

Ngání kə́ dəngam gə̄ ō, kə́ dəyá̰ gə̄ ō a aw̄n̄ ɓəloó ɓē gír de kə́ rang gēé ta kumií tə́. A ɔr loo gó̰ō̰ ta róbə́də́ tə́ dəloí bátə́ kadə̄ mbang udəń. Ba ḭ̄ ā ásə rāā yá̰á̰ kógə̄ḿ alé.

TƏ́DA 26:65

Tɔdɔ̄ Kɔ́ɔ̄ɓē ədadə́ na a oyn̄ kem dəla loo tə́. Nin̄ oyn̄ rɔ̄kum tām̄ deē kógə̄ḿ kə́ dandə́ tə́ kə́ teē gətóo, ba i Kaleb ngōn̄ Yepune ō, Jojue ngōn̄ Nun ō, ngóy n teēn̄ ní.

JEREMI 6:8

Jerusalem, ādə̄ yá̰á̰ ń m̄-ndóōī ní udə dɔí tə́. Ré i beé aĺ anī, m-ā m-ɔ̄r̄ jīḿ gírí tə́ kɔ̄ɔ́. M-ā m̄-rāāī kadə̄ ī-tél loo kə́ nujə sák sák kɔ̄ɔ́ ō, ɓē kə́ de gə̄ ndin̄ kemeé aĺ ō.

MALASI 2:12

Ré deē kógə̄ḿ rāā yá̰á̰ kə́ tītə̄ ń noō anī, ādə̄ Kɔ́ɔ̄ɓē rāā adə̄ gír kojə yān malang gətóo kɔ̄ɔ́, dan ngán Israel gə̄ tə́! Ādə̄ de kə́ nge kadə̄ Kɔ́ɔ̄ɓē kə́ bo kə́ tɔ́gən i ngá̰ý yá̰a̰ ndējə̄ gə̄ kə rīneé to̰ gətóo!

TƏ́DA 14:34

Ə̄ndāī ma̰ȳ dɔ nang kə́ Kanaan i ndɔ̄ kutə sɔ́, adə̄ yá̰á̰ kə́ tōr̄ kə́ tām̄ majaĺ yāsí tə́ a rāāsí i ɓāl̄ kutə sɔ́. Ɓāl̄ kógə̄ḿ i tām̄ yā ndɔ̄ kə́ kógə̄ḿ tə́. I beé tá ā ī-gerīiń yá̰á̰ ń a rāā de gə̄ ń m̄-mbātə́ najə̄ gōdə́ tə́ ní.

NDŪ NAJƏ̄ 28:18

Ndɔ̄ĺ a reē dɔ ngání gə̄ tə́ ō, dɔ kōō yāí tə́ ō, dɔ kó̰o̰ man̄g yāí gə̄ tə́ ō, kó̰o̰ batə̄ yāí gə̄ tə́ ō, kó̰o̰ bə̄yā̰ yāí gə̄ tə́ ō.

NŌŌ RƆ̄ 2:22

Ī-rāā ādə̄ ɓōĺ kə́ ngá̰ý teē kə̄ ta loo gə̄ tə́ reē dɔḿ tə́, tītə̄ ń de gə̄ a teēn̄neé kə̄ loo gə̄ tə́ yā reē rāā nāā tə́ noó beé. Ndɔ̄ rāā wōn̄g yā Kɔ́ɔ̄ɓē tə́ ní, de kə́ teē ta yo tə́, aláa ndi kə kumneé gətóo. Madə̄ ba̰ā̰ḿ tɔ̄l̄ ngánə́ḿ gə̄ ń m-ə̄tōdə́ kə tárá ngá̰ý ní kɔ̄ɔ́.