OJEE 9:10 - Bibəl ta Sar̄

¹⁰ Kɔ́ɔ̄ɓē əda na: Kété ní Israel gə̄ nelə̄n̄ taḿ tītə̄ kan̄ nduú kə́ kem dəla loo tə́ beé. m̄-teē dɔ kaasí gə̄ tə́ i kə rɔ̄nelēé tītə̄ ń deē a teēń dɔ kan̄ kótə̄ kə́ ta kəga dɔ tə́ dɔ kāgə̄ kótə̄ tə́ ní beē. Banī dan nəkɔ́ ń nin̄ reē ɔtə̄n̄ Bet Peor anī, unən̄ rɔ̄də́ adə̄n̄ ɓesə̄ Baal rɔ̄sɔl̄ i kə́ njɔ́ḿ gə̄ tə́. Adə̄ nin̄ télən̄ i de gə̄ kə́ nelə̄m̄ sedə́ aĺ ngá̰ý, tītə̄ ń nel̄məń aĺ ngá̰ý kə ɓesə̄ ń nin̄ tárnən̄ ní beē.

Bible sar

¹⁰ Kɔ́ɔ̄ɓē əda na: Kété ní *Israel gə̄ nelə̄n̄ taḿ tītə̄ kan̄ nduú kə́ kem dəla loo tə́ beé. m̄-teē dɔ kaasí gə̄ tə́ i kə rɔ̄nelēé tītə̄ ń deē a teēń dɔ kan̄ kótə̄ kə́ ta kəga dɔ tə́ dɔ kāgə̄ kótə̄ tə́ ní beē. Banī dan nəkɔ́ ń nin̄ reē ɔtə̄n̄ Bet Peor anī, unən̄ rɔ̄də́ adə̄n̄ ɓesə̄ *Baal rɔ̄sɔl̄ i kə́ njɔ́ḿ gə̄ tə́. Adə̄ nin̄ télən̄ i de gə̄ kə́ nelə̄m̄ sedə́ aĺ ngá̰ý, tītə̄ ń nel̄məń aĺ ngá̰ý kə ɓesə̄ ń nin̄ tárnən̄ ní beē.

OJEE 9:10 Referans Kwoze

OJEE 4:14

M-ā m̄-rāā yá̰a̰ kə ngáńsí kə́ dəyá̰ gēé tām̄ ájə́ba ń nin̄ a rāān̄ tə́ ní aĺ ō, kə umsí kə́ dəyá̰ gēé tām̄ gól̄ ń nin̄ a gólə̄n̄ ngaadə́ gə̄ ní aĺ ō. M-ā m̄-rāā yá̰a̰ i sesí sḭḭ̄ ngé tun̄ yá̰a̰ gēé, tɔdɔ̄ āwī loo kə́ rang tə́ kə kéŕsí kə dəyá̰ ájə́ba gēé ō, ə́saī yá̰á̰ kə́ yā ɓōĺ gidə gə̄ naā tə́ kə ájə́ba gə̄ kə́ gíŕ kújə ndɔ̄ȳ yāsí gə̄ tə́ ō. Gír de gə̄ ń gerə̄n̄ kum yá̰á̰ kógə̄ḿ aĺ ní, i gír de gə̄ kə́ tadə́ tḭ̄ḭ̄ kɔ̄ɔ́ gə̄, tītə̄ ń ngɔ̄ý tām̄ ədań ní.

JEREMI 11:13

Ḭ̄ Juda, kutə nə́ɓā yāí gə̄ asə naā kə kutə ɓē yāí gə̄ ō, kutə loo tun̄ yá̰a̰ kə́ to rɔ̄sɔl̄ ń i loo róō yá̰á̰ kə́ tun̄ gə̄ yā kadə̄ Baal ní asə naā kə kutə kəla róbə gə̄ kə́ Jerusalem tə́ ō.

MISE 7:1

Yá̰á̰ kə́ to kum kaȳ aĺ kə́ ba̰ý beē! m̄-to i tītə̄ deē kógə̄ḿ kə́ dan yā sāā kan̄ yá̰a̰ gə̄ tə́ anī, teē aw̄ sāā kan̄ kāgə̄ nduú tə́. I dan kə́ yá̰a̰ gətóo kɔ̄ɔ́ tə́. Dɔ bəra nduú kə́ yā kəsa gətóo! Ka̰n̄ kótə̄ kə́ ta kəga dɔ ń nelə̄m̄ ngá̰ý ní, kógə̄ḿ gē gətóo!

OJEE 2:15

M-ā m̄-rɔ̄ɔ̄n najə̄ kum mbang ń ni un rɔȳń ɓesə̄ Baal gə̄ ní. Ni róō ndujə̄ yá̰á̰ kə́ kotə majə adə̄də́. Ni o̰ō̰ nə̄ngá gə̄ ō, yá̰á̰ súū rɔ̄ gə̄ ō tām̄ yādə́ tə́. Ni un gō ngé sāān gə̄, mā ɓáa dɔn ndígə̄naləḿ kɔ̄ɔ́ ō. Najə̄ ń Kɔ́ɔ̄ɓē əda ní n noó.

EJEKIEL 20:8

Banī kaasí gə̄ rāān̄ dɔ ngan̄g, nin̄ mbātə́n̄ koō najə̄ yāḿ. Ɓesə̄ kə́ majaĺ ngá̰ý gə̄ ń əsōn̄ kumdə́ ní, deē kógə̄ḿ dandə́ tə́ kə́ mbātə́də́ gətóo. Adə̄ ɓesə̄ gə̄ kə́ Ejiptə tə́ ní, deē kógə̄ḿ kə́ əya̰də́ kɔ̄ɔ́ gətóo. Loo ń noō tə́ m̄-gír̄ bə̄gā wōn̄g yāḿ kə́ ngá̰ý dɔdə́ tə́ dɔ nang kə́ Ejiptə tə́, kadə̄ wōn̄g yāḿ ní rāā kəla bátə́ ta tɔ̄l̄ ta tə́.

AMOS 4:5

Ī-róōī mápá kə́ kaa mápa i tū tə́ dɔ loo tun̄ yá̰á̰ tə́, kadə̄ i yá̰a̰ tun̄ yāsí kə́ yā ɓōkə́nń tɔ̄ȳ. Israel gə̄, yá̰a̰ ndējə̄ yāsí gə̄ ń ī-ndējə̄mī kə gō kem ndigə yāsí ní, ə̄nīī mbēr̄ dɔ tə́ ta kum de gə̄ tə́ malang, tām̄ i nge ń noō n nel̄sí ní! Najə̄ ń Kɔ́ɔ̄ɓē Nə́ɓā əda ní n noó.

OJEE 11:1

Kɔ́ɔ̄ɓē əda na: Dan ń Israel i ngōn̄ ɓáý ní, m̄-tárən ō, m̄-ɓārə́n ni ngōnə̄ḿ kadə̄ teē kɔ̄ɔ́ kem ɓē kə́ Ejiptə tə́ ō.

JEREMI 31:2

Najə̄ ń Kɔ́ɔ̄ɓē əda ní n toó: m̄-rāā kem ndaa kə gír de gə̄ ń teēn̄ ta yo kaskar tə́ ní kem dəla loo tə́. Israel a tél yā ndi lɔm.

JEREMI 5:31

Ngé koō ta gə̄ ɔrə̄n̄ najə̄ kə́ rɔ̄kum aĺ ō, ngé tun̄ yá̰a̰ gə̄ sāān̄ i kə̄ ta yādə́ nin̄ kɔ́ gə̄ tə́ ō, ba hál gə̄ ń noō malang asə kum gír deē yāḿ gə̄. Ní ḭ̄ deē ā ī-rāā i rí kə́ rang gō tə́ to̰?

IJAI 28:4

Hútə̄ yá̰á̰ kə́ tutə gə̄ ń súūnən̄neé dɔ ngōn̄ mbal̄ kə́ deē ra dɔ tə́ anī a̰a̰ wól loo kə́ teē yá̰á̰ ngá̰ý kə̄ gírí nang tə́ ní, a dubə̄n̄ hútə́ yá̰a̰ gə̄ ní kɔ̄ɔ́. Samari a to tītə̄ kan̄ kótə̄ kə́ ta kəga dɔ kə́ kərē no ndɔ̄ kəjan tə́ beē. Nəkɔ́ ń deē kógə̄ḿ əla kumən a̰a̰n lap toó, kɔ́ɔ̄ əjan ō, əsan kə̄ ta jī tə́ noō ō.

PĀ GƏ̄ 81:12

Banī gír deē yāḿ gə̄ oōn̄ ndūḿ alé, Israel ndigə najə̄ yāḿ alé.

1 MBAN̄G GƏ̄ 16:31

Majaĺ gə̄ yā Jeroboam ngōn̄ Nebat ń ni ndájə̄ ní asən aĺ ɓáý, adə̄ taā Jesabel ngōn̄ Etəbaal mban̄g yā Sidon gə̄ ɓáý to̰ ō, ɔsə non nang tə́ no ɓesə̄ Baal tə́ ō.

NGÉ SARYA 6:32

Əla gír i ndɔ̄ n noō tə́ ń a ɓāŕnəń Jedeo̰ na i Yerubaal, kə gō najə̄ ń Yoas əda ní. Yerubaal ní kumən na i: Ādə̄ Baal nəkɔ́ ɔr̄ najə̄ dɔ rɔ̄n tə́, tām̄ i loo tun̄ yá̰a̰ yā Baal n i kə́ nujəń kɔ̄ɔ́ ní.

NDŪ NAJƏ̄ 32:17

Nin̄ tunə̄n̄ yá̰a̰ adə̄n̄ ndíĺ kə́ majə aĺ gə̄ ń nin̄ i Nə́ɓā aĺ ō ní, nin̄ gerə̄n̄də́ nja kógə̄ḿ aĺ ō, ɓesə̄ kə́ kijə gə̄ ń kaadə́ gə̄ gerə̄n̄ gíŕdə́ aĺ ō ní.

NDŪ NAJƏ̄ 32:10

Kɔ́ɔ̄ɓē ənge gír deē yān gə̄ i kem dəla loo tə́, loo kə́ tal̄ gə̄ a nōn̄ tū tə́ tə́. Ni-a̰a̰ gōdə́ ō, ɔjədə́ yá̰a̰ ō, Ni-ngɔ̄m̄də́ tītə̄ loo ngɔ̄m̄ kumən beé ō.

NDŪ NAJƏ̄ 4:3

Yá̰á̰ ń Kɔ́ɔ̄ɓē rāā Baal Peor ní, sḭḭ̄ kɔ́ gə̄ á̰a̰ī kə kumsí malang. De gə̄ malang ń unən̄ gō ɓesə̄ Baal kə́ Peor ní, Kɔ́ɔ̄ɓē Nə́ɓā yāsí nujə sedə́ kɔ̄ɔ́ malang dɔ dáńsí tə́.

TƏ́DA 15:39

Adə̄ ā ō̰ō̰ī kūbə̄ gə̄ kə́ ta kəlā kəjōdə́ gə̄ teēn̄ kə̄ ndágá, yā kadə̄ ré á̰a̰ī tadə́ anī, əga kemsí dɔ ndū najə̄ gə̄ yā Kɔ́ɔ̄ɓē tə́ malang, kadə̄ ī-rāāiń yá̰a̰ gə̄ ń ədan̄ ní. Loo ń noō tə́ ā úniī gō ngur yá̰a̰ gə̄ kə́ kemsí tə́ ō, kum kəsō yá̰a̰ gə̄ ō, kadə̄ ī-téliīń ngé rāā yá̰a̰ gōtə́ aĺ gə̄ alé.

Makətūbə̄ ń Pol ndang adə̄ Rom gə̄ ní 6:21

Ní, nge ń noō teēsí i yá̰á̰ rí gə̄? Sḭḭ̄ i kə rɔ̄sɔlɔ̄ɔ́ tū tə́ ɓōólaā, tɔdɔ̄ yá̰a̰ gə̄ ń ə́ngeī ní ta tɔ̄l̄ tadə́ i yo.

PĀ GƏ̄ 115:8

Ādə̄ ngé rāādə́ gə̄ ton̄ tītə̄də́ beē ō, ādə̄ ngé kəndā kemdə́ dɔdə́ tə́ gə̄ malang ton̄ tītə̄də́ beē ō!

JEREMI 3:24

Banī rɔ̄sɔl̄ nujə kə kəla yā kaají gēé kɔ̄ɔ́, i kə ngōn̄ dūújí nú, nujə kə ngáń yá̰a̰ kul̄ yādə́ gə̄ ō, yá̰a̰ kul̄ kə́ bo yādə́ gə̄ ō, ngáńdə́ kə́ dəngam gə̄ ō, kə́ dəyá̰ gə̄ ō.

JEREMI 24:2

Kan̄ kótə̄ kə́ majə ngá̰ý gə̄ ton̄ kem jáng kə́ kógə̄ḿ tə́, tītə̄ kan̄ kótə̄ kə́ kíjə gə̄ beé. Kan̄ kótə̄ kə́ majaĺ adə̄ i kə́ dum̄ kəsa gə̄ ton̄ kem jáńg kə́ noō tə́ ō.

OJEE 4:18

Dan ń nin̄ a̰ȳn̄ adə̄ mān̄ dɔ majən anī, rāān̄ ájə́ba. Nin̄ ndigən̄ i rɔ̄sɔl̄ tá banī i hɔ̄r̄mɔ̄ alé.

TƏ́DA 18:13

Kan̄ yá̰á̰ kə́ ta kəga dɔ gə̄ kə́ kem ndɔr̄ yādə́ tə́ ń a adə̄mə̄n̄ ní, i tām̄ yāí tə́. De gə̄ malang kə́ kem ndogə̄ yāí tə́ ń majaĺ tákə̄də́ aĺ ní a əsan̄.

2 MBAN̄G 17:11

Róōn̄ ndujə̄ yá̰á̰ kə́ kotə majə gə̄ dɔ loo ndɔ̄ȳ gə̄ tə́ malang tītə̄ yā nápar de gə̄ ń Kɔ́ɔ̄ɓē ɔydə́ aw̄ sedə́ loo kə́ rang tə́ ba əya̰ń loo adə̄də́ ní. Nin̄-rāān̄ yá̰á̰ kə́ majaĺ gə̄ adə̄ tōr̄ Kɔ́ɔ̄ɓē.

PĀ KƏ́ MAJƏ 3:6

I náā n m-á̰a̰n ḭḭ kem dəla loo tə́ tītə̄ sa hor kə́ ra kə ngālāá ɓururu a reē noó? Ḭḭ tuy ō otə majə ō tītə̄ nō kāgə̄ mír ō kajaja ō, ndujə̄ yá̰á̰ kə́ kotə majə kə́ tayā tayā gə̄ kə́ ḭḭn̄neé dɔ ɓē kə́ rang tə́ ō?

JEREMI 3:25

Ādə̄ jə-laaī kemjí nang tə́ kə rɔ̄sɔlɔ̄ɔ́, ādə̄ yá̰á̰ kə́ to rɔ̄sɔl̄ yājí taā loo dɔjí tə́, tɔdɔ̄ jə-rāāī yá̰á̰ kə́ gōtə́ aĺ kə Kɔ́ɔ̄ɓē Nə́ɓā yājí, jḭḭ̄ ō, bɔbə̄jí gə̄ ō, i kə ngōn̄ dūújí nú bátə́ ɓōólaā. Jə-mbātíī koō ndū Kɔ́ɔ̄ɓē Nə́ɓā yājí kɔ̄ɔ́.

OJEE 13:5

Mā m̄-gerī i dəla loo tə́, dɔ nang kə́ loo tū tə́ i kə́ tutə tə́.