OJEE 8:9 - Bibəl ta Sar̄

⁹ Epəraim aw̄ dɔ nang kə̄ Asiri tə́, ni to i tītə̄ kərō kə́ bembeé kə́ a rāā yá̰a̰ i kə kérneé beē. Tá ni-adə̄ yá̰á̰ gíŕ ngé sāān gə̄ tə́ yā kəngeńdə́.

Bible sar

⁹ *Epəraim aw̄ dɔ nang kə̄ Asiri tə́, ni to i tītə̄ kərō kə́ bembeé kə́ a rāā yá̰a̰ i kə kérneé beē. Tá ni-adə̄ yá̰á̰ gíŕ ngé sāān gə̄ tə́ yā kəngeńdə́.

OJEE 8:9 Referans Kwoze

JEREMI 2:24

Kó̰o̰ kərō kə́ bembeé, kə́ ger̄ dəla loo majə! Dan ń ngur kadə̄ kərō kə́ bəra ḭḭ dɔn tə́ rāān á ni un sēēn kə gō nélé ní, i náā n asə dəban ní? Kɔr rāā ngé gə̄ malang ń ndəlenən̄ ní alé, nin̄ əngenən̄ kem nāā yān tə́.

OJEE 7:11

Epəraim to i tītə̄ déŕ kə́ mbóo beé. Ni gír̄ yá̰a̰ alé. Ni ɓāŕ Ejiptə ba gō tə́ anī, ni aw̄ dɔ nang kə́ Asiri tə́.

OJEE 5:13

Epəraim ger̄ kadə̄ ni i mo̰y ō, Juda ger̄ kadə̄ ni-ənge do ō. Loo ń noō tə́ Epəraim tūr̄ rɔ̄n kə̄ rɔ̄ Asiri tə́, ni-əla de gə̄ rɔ̄ mban̄g kə́ bo kə́ ɓē ngeé ń noō tə́. Banī mban̄g ní asə rāā kadə̄ rɔ̄sí ngáā aĺ ō, asə rāā kadə̄ do yāsí edə̄ aĺ ō.

2 MBAN̄G 15:19

Pul, mban̄g kə́ Asiri, reē dɔ nang kə́ Israel tə́. Anī Menahem adə̄n sə́lē arjā̰a̰ kə́ kɔȳn i kəlōo dūbú kutə mətá kadə̄ rāań seneé kadə̄ n-ndiń ngan̄g dɔ ɓē tə́.

OJEE 12:1

Kɔ́ɔ̄ɓē əda na: Gír deē yā Epəraim gə̄ sorə̄n̄ gīr̄nəń gidəḿ. A̰á̰ā̰, Israel gə̄ ɓír̄mə̄n̄ kə gól̄ looó. Deē yā Juda gə̄ i seḿ ɓáý, banī nin̄ na̰yn̄ kə̄ loo kəhɔ gō nə́ɓā kə́ rang gə̄ tə́.

OJEE 2:10

Ni-a̰a̰ yá̰á̰ ń toō ger̄ alé: I mā n m-ādə̄n gémē ō, kasə nduú kə́ kijə ō, yibə̄ kə́ kijə ō ní. M-ādə̄n gində̄ arjā̰a̰ ō, lɔ́ŕ ō, ɔy aw̄ ndējə̄ ɓesə̄ Baal ní alé. Banī ni ɔy tām̄ yā Baal tə́.

IJAI 30:6

Dā̰ gə̄ kə́ ətōn̄ yá̰a̰ ədan̄ dan dəla loo kə́ Negeb a mānə̄n̄. I gō nang yā wur kɔl kə́ nge rāā kadə̄ deē ndew ndew sōl̄ ō. Ɓɔl kə́ dəngam gə̄ ō, ɓɔl kə́ dəyá̰ gə̄ ō, lī kakə́m gə̄ ō, dā̰ kə́ majaĺ gə̄ kə́ a ḭḭn̄ bɔ̄gə̄ ō, ndin̄ tū tə́. Ngámbang kəla yāsí gə̄ ətōn̄ yá̰a̰ kənge yādə́ gə̄ ō, yá̰a̰ ɓɔ̄ɔ̄ yādə́ kə́ gātə̄də́ i ngá̰ý gə̄ ō, gidə kərō gə̄ tə́ ō, dɔ gɔ́sə́ jámbal gə̄ tə́ ō. I kadə̄ karī gə̄ kə́ tām̄ yā gír de gə̄ kə́ asən̄ rāā yá̰á̰ kógə̄ḿ tām̄ yādə́ tə́.

IJAI 30:2

Sḭḭ̄ ə̄sōī róbó ta kaw̄ kə̄ Ejiptə, banī ī-dəjeī gír̄ yāḿ mā kə́ dɔ tə́ alé. Ī-sāāī kadə̄ mban̄g kə́ Ejiptə ngɔ̄m̄sí ō, ī-sāāī ɓɔ̄ɔ̄ rɔ̄sí ndíl ɓē yān tə́ ō!

OJEE 12:2

Epəraim adə̄ de gə̄ kə́ Ejiptə tə́ yibə̄ ō, əndā jīn gír makətūbə̄ koō naā yādə́ kə de kə́ Asiri gēé tə́ ō. I tītə̄ ń noō n ni ulə̄ń rɔ̄n kə nélé ō, a̰ȳń ngɔ̄də̄ gō néĺ kə́ dūn̄ ɓē tə́ dəloí bátə́ loo tíbə dɔn tə́ ō ní. Ni seĺ sor̄ kə̄ loo gə̄ tə́ ō, nujə loo ɔyń yá̰a̰ yā de gə̄ dɔ gúú tə́ ō.