OJEE 8:8 - Bibəl ta Sar̄

⁸ Urən̄ Israel kɔ̄ɔ́. Ngɔlaā ní, ni-ndi dan nápar de gə̄ tə́ i tītə̄ yá̰á̰ kógə̄ḿ kə́ gātə̄n gətóo beé.

Bible sar

⁸ Urən̄ *Israel kɔ̄ɔ́. Ngɔlaā ní, ni-ndi dan nápar de gə̄ tə́ i tītə̄ yá̰á̰ kógə̄ḿ kə́ gātə̄n gətóo beé.

OJEE 8:8 Referans Kwoze

JEREMI 22:28

Konia ngeé ń toō ní, i jóó kə́ tɔ̄ɔ̄ adə̄ majə rāań yá̰a̰ to̰ aĺ, aké i bay kə́ de gə̄ əyan̄ kɔ̄ɔ́ kə̄ nodə́ tə́ a? I tām̄ rí tə́ á tə́ɓānən̄ kə ngánən gēé ō, ɓōkə́n̄də́ kɔ̄ɔ́ dɔ nang kə́ gerə̄n̄ aĺ tə́ ō ní?

JEREMI 51:34

Nabukodonosor, mban̄g kə́ Babilon, rə́yā̰m̄ naā tə́ ō, əsam̄ ō. Ni rāām̄ ādə̄ m̄-tél səmbē kə́ tō̰ń kem kɔ̄ɔ́. Ni urəm̄ kemən tə́ tītə̄ dā̰ kə́ bo kə́ to ɓōĺ ngá̰ý beē. Ni njúū yibə̄ kə́ kəngāḿ tə́ adə̄ ndān̄ kemən ba əya̰m̄ kɔ̄ɔ́.

Makətūbə̄ ń Pol ndang adə̄ Rom gə̄ ní 9:22

Nə́ɓā gḛy i kɔjə wōn̄g yān ō, tɔ́gən ō. Ɓá tā ba ni-tə́gā tan dɔ ngé gə̄ ń asə kadə̄ ni-rāā wōn̄g sedə́ ō, nujədə́ kɔ̄ɔ́ ō ní tə́.

EJEKIEL 36:3

I beé ní, ḭ̄ ngōn̄ deē, najə̄ ń m-ə̄ndā taí tə́ ní, ə́dá Israel gə̄, najə̄ ń mā Kɔ́ɔ̄ɓē Nə́ɓā m-āwń kadə̄ m-ə́dádə́ ní n toó. De gə̄ teēn̄ kə̄ ta loo gə̄ tə́ malang ndigən̄ nujəsí kɔ̄ɔ́ ō, ndigən̄ rāāsí kadə̄ ī-gətóoī kɔ̄ɔ́ ō. Nin̄ ndigən̄ kəhɔsí ō, sḭḭ̄ ə̄sōī kem jī nápar de kə́ rang gə̄ tə́ adə̄ o̰o̰n̄ ɓē dɔsí tə́ ō. Nin̄ mbóon̄ sesí ō, tájə̄n̄sí ō.

NŌŌ RƆ̄ 2:16

Madə̄ ba̰ā̰í gə̄ malang teēn̄ tadə́ ɔrə̄n̄neé najə̄ dɔí tə́. Nin̄ kɔ̄rə́n̄ ngél ō, ngórə̄n̄ ngān̄gdə́ ō. Nin̄ ədan̄ na: Ādə̄ jə-nujiī seneé. I ndɔ̄ ń jə-ndi j-a jə-ngóō ta mandang ní n toó. J-ugə̄ kem ndɔ̄ ní tə́ ō, j-a̰a̰ ndɔ̄ ní kə kumjí ō.

NŌŌ RƆ̄ 2:5

Kɔ́ɔ̄ɓē rāā yá̰a̰ tītə̄ kə́ ni i madə̄ ba̰ā̰n beé. Nujə kə Israel ō, kə kújə yān kə́ majə ngá̰ý gə̄ ō, gidə kógə̄ḿ. Ni tɔ̄ɔ̄ kújə yān kə́ ngan̄g ngá̰ý gə̄ kɔ̄ɔ́. Rāā adə̄ de gə̄ nōōn̄ rɔ̄də́ ngá̰ý ō, to̰ō̰n̄ ō, kem ɓē yā ngōmandə kə́ Juda tə́.

NŌŌ RƆ̄ 2:2

Kɔ́ɔ̄ɓē nujə kə loo ndi gə̄ yā Jakob malang kanjə̄ kadə̄ kumən o̰o̰n. Ni tɔ̄ɔ̄ kújə́ kə́ ngan̄g ngá̰ý gə̄ kə́ Juda tə́ kə wōngōó ngá̰ý. Tɔɔ̄də́ nang tə́ kɔ̄ɔ́ ba əla rɔ̄sɔl̄ dɔ ɓē ko̰o̰ tə́ ō, ngār yān gə̄ tə́ ō.

JEREMI 50:17

Kété ní Israel i batə̄ kə́ ra kə keŕneé adə̄ ɓɔl gə̄ ngɔ̄də̄nən̄. I mban̄g kə́ Asiri tə́ n ənī ta kəsan ta kəga dɔ ní. Gō tə́ anī, i Nabukodonosor, mban̄g kə́ Babilon tə́ n əsan bátə́ ngor kə̄ngān dɔ tə́ ní.

JEREMI 48:38

Deē a oō i nōō rɔ̄ dɔ kújə gə̄ kə́ Moab tə́ ō, ndágə loo gə̄ tə́ ō. m̄-tetə Moab naā tə́ tītə̄ yá̰á̰ kə́ nelə̄m̄ aĺ beē. Najə̄ ń Kɔ́ɔ̄ɓē əda ní n noó.

IJAI 30:14

Ndogə̄ mbal̄ ní a əsō tétə̄ ká káḿ kadə̄ gajən gə̄ a dūún̄ tītə̄ bay kə́ laa yā kɔdə̄ jóo beé. Deē a əndā kemən dɔ tə́ to̰ alé, deē a ənge gájən kə́ tə́sō sḛ́ý yā kunəń hor aĺ ō, yā kɔdəń man̄ kə́ tə́gā aĺ ō.

2 MBAN̄G 18:11

Mban̄g kə́ Asiri ɔy Israel gə̄ aw̄ sedə́ dɔ nang kə́ Asiri tə́, aw̄ tə̄ndādə́ gō nang kə́ Hala tə́ ō, dɔ gɔ́sə Habor ń i bā kə́ gō nang kə́ Gojan tə́ ní ō, kem ɓē gə̄ kə́ Medi tə́ ō.

NDŪ NAJƏ̄ 28:64

Kɔ́ɔ̄ɓē a tə̄ndā yā tḭ̄ḭ̄sí kə̄ dan gír de gə̄ tə́ malang. A əla gír i ta ngóy dɔ nang kə́rēý tə́ bátə́ ta ngóy dɔ nang kə́ noō tə́. Loo ń noō tə́ ā ī-rāā kəla yā kadə̄ ɓesə̄ kāgə̄ gə̄, kə ɓesə̄ mbal̄ gə̄ ń i nə́ɓā gə̄ ń ḭ̄ gə̄gē kaaí gə̄ gə̄gē ī-gerīdə́ aĺ ní.

NDŪ NAJƏ̄ 28:25

Kɔ́ɔ̄ɓē a rāā kadə̄ madə̄ ba̰ā̰í gə̄ a tetənī rɔ̄ɔ̄. Ré ún i róbə́ kə́ kógə̄ḿ beē n āw̄ ə̄nińdə́ rɔ̄ɔ̄ anī, ā ī-tél yā ka̰ȳ nodə́ tə́ i kə ta róbə́ kə́ rang gēé gír sīrí. Ā ī-téĺ yá̰á̰ kə́ əga deē kə̄ngā sāā tə́ tām̄ yā ɓē ko̰o̰ gə̄ malang kə́ dɔ nang tə́ ń a a̰a̰n̄ yá̰á̰ ń a rāāī ní tə́.

LEBI GƏ̄ 26:33

M-ā m̄-tə̄ndā yā tḭ̄ḭ̄sí kɔ̄ɔ́ kadə̄ āwī kə̄ dan nápar de gə̄ tə́ ō, m-ā m-ɔ̄r̄ njár̄ kaskar kem hɔ̄pə̄n tə́ yā ngɔ̄dəńsí ō, ɓē yāsí a nujə sák sák kɔ̄ɔ́ ō, ɓē bo yāsí gə̄ a telən̄ ndeba ɓē ō.

JEREMI 25:34

Ngé kul̄ yá̰a̰ gə̄, ī-nōōī, ə́gaī kɔŕ ādə̄ dḭḭ̄n̄sí. Kɔ́ɔ̄ yá̰a̰ kul̄ gə̄ ī-wángə̄lāī nang tə́ na kum mbang yāsí asə kadə̄ tə́jān̄ míndə́sí. A tə̄ndā tḭ̄ḭ̄n̄sí kə loo gə̄ tə́ ō, ā ī-teēī yā tə́sō tītə̄ yá̰a̰ rāā kəla kə́ gātə̄n i ngá̰ý beé ō.

NŌŌ RƆ̄ 5:2

Télən̄ kə yá̰a̰ kənge yājí adə̄n̄ tə̄rā gə̄ ō, kújə yājí gə̄ télən̄ yá̰a̰ kənge yā de kə́ deē ger̄də́ aĺ gə̄ ō.

NŌŌ RƆ̄ 4:2

Ngán kə́ Siyo̰ gə̄ majən̄ ngá̰ý ō, gātə̄də́ asə kə yā lɔ́ŕ kə́ unjə̄ njáý njáý ō, ba i ba̰ý tā á rāān̄də́ i jóó nánjə́ ń i yá̰á̰ kə́ kɔdə̄ jóo rāā kə jīneé tə́ ní?