OJEE 8:6 - Bibəl ta Sar̄

⁶ Ngōn̄ man̄g yāsí ḭḭ i Israel, i kɔdə̄ kógə̄ḿ n rāān. Ngōn̄ man̄g ní i Nə́ɓā alé! A̰á̰ā̰, ngōn̄ man̄g kə́ Samari a əsō yā tétə̄ rárák kɔ̄ɔ́.

Bible sar

⁶ Ngōn̄ man̄g yāsí ḭḭ i *Israel, i kɔdə̄ kógə̄ḿ n rāān. Ngōn̄ man̄g ní i Nə́ɓā alé! A̰á̰ā̰, ngōn̄ man̄g kə́ Samari a əsō yā tétə̄ rárák kɔ̄ɔ́.

OJEE 8:6 Referans Kwoze

KƏLA RĀĀ 19:26

Ba yá̰á̰ ń Pol ngeé ń noō rāā ní, sḭḭ̄ á̰a̰ī ō ōōī ō. Ni-əda na nə́ɓā gə̄ ń de gə̄ rāān̄ kə jīdə́ ní na i nə́ɓā gə̄ alé. Ni-ɔsə ngóy de gə̄, adə̄ de gə̄ ngá̰ý ndigən̄ najə̄ gōn tə́. I kem ɓē yājí kə́ Epejə tə́ laā ngóy alé, na̰y sḛ́ý beē kadə̄ i gō nang kə́ Aji tə́ malang.

KƏLA RĀĀ 17:29

Ba ré jḭḭ̄ i gír kaa kə́ kógə̄ḿ beē kə Nə́ɓāá anī, i só tə́ kadə̄ jə-gírī na Nə́ɓā i yá̰á̰ kə́ tītə̄ ɓesə̄ lɔ́r, aláa ɓesə̄ gində̄ arjā̰a̰, aláa ɓesə̄ mbal̄ marbər kə́ deē tɔ́sə̄ kə jīneé kə gō kum kedə̄ yānneé alé.

HABAKUK 2:18

Rāā nə́ɓā kə́ rɔ̄kum aĺ gə̄ ní, i yā rāań rí? Nin̄ i gində̄ kə́ nō horoó rāā yá̰á̰ tə́ ngóy. Nin̄ rāān̄ adə̄ deē taā kem yá̰á̰ kə́ rɔ̄kum aĺ gə̄. I kɔdə̄ kógə̄ḿ n rāādə́ ní ō, nin̄ ɔrə̄n̄ najə̄ aĺ ō. Ní, i tām̄ rí tə́ á kɔdə̄ ngeé ń toō ənī kemən mámák adə̄də́ ní?

OJEE 10:2

Israel gə̄ i de kə́ rɔ̄kum aĺ gə̄. Ngɔlaā ní, nin̄ a əgān̄ kə̄rān: Kɔ́ɔ̄ɓē nəkɔ́ a tɔ̄ɔ̄ loo tun̄ yá̰a̰ yādə́ gə̄ kɔ̄ɔ́, ni a nujə mbal̄ kə́ kudə nang tə́ kə́ yā ɓōĺ gidə yādə́ gə̄ kɔ̄ɔ́.

JEREMI 50:2

Ədaī najə̄ ń toō dan nápar de gə̄ tə́ ādə̄ de gə̄ gerə̄n̄ gō. Ə̄nīī najə̄ ní mbīdə́ tə́ ādə̄ oōn̄. Ə́daī ādə̄ de gə̄ oōn̄, ba ī-lōōī ɓɔ̄ɔ̄ dɔ najə̄ ní. Ədaī na: Taān̄ ɓē kə́ Babilon kɔ̄ɔ́, ɓesə̄ Bel i kə rɔ̄sɔlɔ̄ɔ́, ɓesə̄ Marduk əsō tétə̄ rárák kɔ̄ɔ́. Nujən̄ ɓesə̄ yān gə̄ sák sák kɔ̄ɔ́.

JEREMI 10:14

De gə̄ malang ndin̄ tadə́ mbóo kóńg. Rɔ̄ ngé nōō lɔ́r gə̄ malang sɔl̄də́ dɔ ɓesə̄ yādə́ gə̄ tə́. Yá̰a̰ yādə́ kə́ tɔ́sə̄ gə̄ i yá̰á̰ kə́ rɔ̄kum aĺ gə̄. Koō gətóo kemdə́ tə́.

2 YÁ̰A̰ GƏ̄ 31:1

Dan ń gír yá̰a̰ gə̄ ń noō malang gān̄g anī, ngán Israel gə̄ malang ń nin̄ i noó ní, aw̄n̄ kə̄ kem ɓē gə̄ kə́ Juda tə́ aw̄ tɔ̄ɔ̄n̄ mbal̄ kə́ túdə̄ kə nja dɔɔ́ gə̄ kɔ̄ɔ́ ō, jéngə̄n̄ kāgə̄ ɓesə̄ kə́ yā ɓōĺ gidə gə̄ kɔ̄ɔ́ ō, nujən̄ kə loo ndɔ̄ȳ gə̄ ō, kə loo tun̄ yá̰á̰ kə́ tū tə́ gə̄ ō kɔ̄ɔ́. Rāān̄ tītə̄ ń noō dɔ nang kə́ Juda tə́ malang ō, kə́ Benjamḛ tə́ ō, Epəraim tə́ ō, Manase tə́ ō. Gō tə́ anī nin̄ malang télən kógə̄ḿ kógə̄ḿ kə̄ ɓē yādə́ gə̄ tə́.

2 MBAN̄G 23:19

Kújə gə̄ ń mban̄g kə́ Israel tə́ gə̄ rāān̄ dɔ loo ndɔ̄ȳ gə̄ tə́ kə gō kem ɓē gə̄ kə́ Samari adə̄n̄neé Kɔ́ɔ̄ɓē wōn̄g ní, Josias bótə̄yō̰də́ malang kɔ̄ɔ́ tītə̄ ń rāań Betel ní.

2 MBAN̄G 23:15

Josias bótə̄yō̰ loo tun̄ yá̰á̰ kə́ Betel kɔ̄ɔ́ ō, nujə loo ndɔ̄ȳ kə́ kḭḭ kə̄ dɔɔ́ ń Jeroboam ngōn̄ Nebat rāā ba sə̄lā Israel gə̄ adə̄ rāān̄ majaĺ ní kɔ̄ɔ́ ō. Ni-əla hor dɔ tə́ ō, rāā adə̄ əsō bū ō, róō kāgə̄ ɓesə̄ kə́ yā ɓōĺ gidə kɔ̄ɔ́ horoó ō.

JEREMI 48:13

Rɔ̄ Moab gə̄ a sɔldə́ najə̄ yā Kemos tə́, tītə̄ ń rɔ̄ Israel gə̄ sɔlə̄ńdə́ najə̄ yā Betel ń nin̄ ənīn̄ kemdə́ adə̄nən̄ tə́ ní.

OJEE 13:2

Ba ɓōólaā Epəraim gə̄ na̰yn̄ kə̄ loo rāā yá̰á̰ kə́ majaĺ tə́ ɓáý: Nin̄ nōōn̄ gində̄ rāān̄ kum gotə yá̰a̰ gə̄ tə́. Nin̄ rāān̄ nə́ɓā kə́ rɔ̄kum aĺ gə̄ kə gində̄ arjā̰a̰ yādə́ ō, kə jīī ger̄ yá̰a̰ yādə́ ō. I kɔdə̄ gə̄ n rāān̄ yá̰a̰ gə̄ ní, banī nin̄ ədan̄ na: Ī-ndējīdə́ yá̰á̰ kə́ tun̄ gə̄! Deē ndul gə̄ əhɔn̄ ngán man̄g gə̄ ɓirə̄n̄də́ dagə kə̄ rɔ̄də́ tə́ wa!

OJEE 14:3

Ī-tél ī-reēī rɔ̄ Kɔ́ɔ̄ɓē tə́ kə najə̄ gə̄ ń toō: Ī-mā̰ȳ rɔ̄í dɔ yá̰a̰ rāājí kə́ gōtə́ aĺ gə̄ tə́ ō, ī-taā yá̰á̰ kə́ majə ń jə-ndējī ní ō. J-a jə-ndējī najə̄ kə́ tají tə́ kum gotə man̄g kə́ bəra kə́ tun̄ gə̄.

2 YÁ̰A̰ GƏ̄ 13:8

Ba ń toō ɓáa ɔ̄rī i najə̄ mbātə́ ko̰o̰ ɓē yā Kɔ́ɔ̄ɓē ń i kem jī ngán Dabid tə́ ní! Sḭḭ̄ i kósə de kə́ ngá̰ý gə̄ ō, ngán man̄g lɔ́r gə̄ ń Jeroboam rāādə́ nə́ɓā gə̄ tə́ adə̄sí ní nin̄ i sesí ō.

MISE 1:7

Yá̰a̰ malang kə́ nō horoó rāā nə́ɓā yān kə́ rɔ̄kum aĺ gə̄ tə́ ní, a tétə̄n̄ rárák kɔ̄ɔ́ ō, yá̰a̰ malang ń ənge karī ní, a ɓōkə́n̄ kum hor tə́ kɔ̄ɔ́ ō. Yá̰a̰ gə̄ ń ni nōōdə́ horoó rāādə́ nə́ɓā yān gə̄ tə́ ní, m-ā m̄-tétə̄də́ kɔ̄ɔ́. Tɔdɔ̄ Samari rāādə́ i kə nar gíŕ dəyá̰ yān gə̄ kə́ ngé rāā ájə́ba gíŕ kújə ɓesēé. Ba gində̄ kə́ tɔ̄ɔ̄ kɔ̄ɔ́ gə̄ ń i gində̄ kə́ nō horoó rāā nə́ɓā kə́ rɔ̄kum aĺ gə̄ tə́ ní, i yā kɔy kadə̄ gíŕ ájə́ba kə́ rang gə̄ tə́.