OJEE 8:14 - Bibəl ta Sar̄

¹⁴ Israel rāā kújə́ kə́ majə ngá̰ý gə̄ tām̄ yān tə́, banī dɔn ndígə̄naləḿ mā nge rāān kɔ̄kə́. Juda ra yān noó rāā ɓē kə́ ngan̄g gə̄ ngá̰ý. Banī m-ā m-ə́la hor dɔ ɓē yān gə̄ tə́, kadə̄ a o̰o̰ kújə yān kə́ majə gə̄ kɔ̄ɔ́.

Bible sar

¹⁴ *Israel rāā kújə́ kə́ majə ngá̰ý gə̄ tām̄ yān tə́, banī dɔn ndígə̄naləḿ mā nge rāān kɔ̄kə́. Juda ra yān noó rāā ɓē kə́ ngan̄g gə̄ ngá̰ý. Banī m-ā m-ə́la hor dɔ ɓē yān gə̄ tə́, kadə̄ a o̰o̰ kújə yān kə́ majə gə̄ kɔ̄ɔ́.

OJEE 8:14 Referans Kwoze

NDŪ NAJƏ̄ 32:18

Ngán Israel gə̄, mbal̄ ń ojəsí ní sḭḭ̄ ī-rāāniī nja bə̄yā̰ kə́ gogə́ tə́. Dɔsí ndígə̄nal dɔ Nə́ɓā ń i bɔbə̄sí tə́ ní.

JEREMI 17:27

Banī ré sḭḭ̄ ī-mbātíī koō najə̄ yāḿ, adə̄ ɔ̄rī kam̄ ndɔ̄ sabat aĺ ō, ə̄tōī yá̰á̰ kə́ kɔȳ gə̄ ō, údiī kə ta róbə́ kə́ Jerusalem tə́ gə̄ ndɔ̄ sabat tə́ ō anī, m-ā m̄-rāā hor ta róbə ɓē gə̄ tə́ kadə̄ a o̰o̰ kújə́ kə́ majə ngá̰ý kə́ Jerusalem tə́ gə̄ ō, a oy aĺ ō.

AMOS 2:5

M-ā m-ə́la hor dɔ ɓē kə́ Juda tə́, adə̄ a o̰o̰ kújə́ kə́ majə gə̄ kə́ Jerusalem kɔ̄ɔ́.

OJEE 13:6

M-ɔ́riī ta róbə m-āw̄ seí ko̰ó̰ ō, ə́sá yá̰a̰ adə̄ tɔ̄l̄ ɓōí ō. Ba dan ń ī-ndān̄ anī, ɔ́jə rɔ̄í ō, dɔí ndígə̄naləḿ kɔ̄ɔ́ ō.

IJAI 17:10

Israel, dɔí ndígə̄nal Nə́ɓā kə́ nge kajiī. Mbal̄ ń ngɔ̄mī ní, əga kemií dɔn tə́ alé, i tām̄ najə̄ ń toō tə́ n ī-rāā adə̄ kāgə̄ kə́ nel̄ gə̄ əɓan̄ ō, ī-dubə̄ kum yá̰á̰ kə́ mbā gə̄ ō ní.

AMOS 1:10

M-ā m-ə́la hor dɔ ɓē kə́ Tir tə́ tə́. Adə̄ a o̰o̰ kújə yān kə́ majə ngá̰ý gə̄.

EPEJƏ 2:10

Tɔdɔ̄ i Nə́ɓā n rāājí ní. Ni-rāājí kə ta kūl̄ Kərist Jeju i yā kadə̄ kəla kə́ majə gə̄ ń nəkɔ́ əndā dɔ danaá kété ní, jə-rāāīdə́.

AMOS 1:14

M-ā m-ə́la hor dɔ ɓē yādə́ kə́ Raba tə́ tə́. Adə̄ a o̰o̰ kújə yān kə́ majə ngá̰ý gə̄ ndɔ̄ rɔ̄ɔ̄ tə́, dan ń de gə̄ a urnə̄ń kɔĺ rɔ̄ɔ̄ tə́ ní, dan ń nél man̄ a əlań ndɔ̄ kedə man̄ kə́ ngá̰ý tə́ ní.

AMOS 1:12

M-ā m-ə́la hor dɔ ɓē yādə́ kə́ Teman tə́ tə́, adə̄ a o̰o̰ kújə yādə́ kə́ majə gə̄ kə́ kem ɓē kə́ Bosra tə́ kɔ̄ɔ́.

AMOS 1:4

M-ā m-ə́la hor dɔ kújə mban̄g yā mban̄g gə̄ kə́ Aram tə́. A̰á̰ā̰, m-ā m-ə́la hor dɔ kújə mban̄g yā Hajael tə́ ō, yā Ben Hadad tə́ ō.

OJEE 2:13

Yá̰a̰ malang ń adə̄n rɔ̄nel̄ á i pétə yān gə̄ ō, ndɔ̄ rāā nāā kə́ kijə yān gə̄ ō, ndɔ̄ sabat yān gə̄ ō, kán̄ naā kə́ bo yān gə̄ malang ō ní, m-ā m̄-rāā kadə̄ gíŕdə́ a gān̄g kɔ̄ɔ́.

JEREMI 23:27

Nin̄ gírə̄n̄ kadə̄ nī yādə́ gə̄ ń a ənīn̄ gotə adə̄n̄ naā noó gól̄ gír deē yāḿ gə̄ adə̄ dɔdə́ ndígə̄nal dɔ rīḿ tə́ tītə̄ ń ɓesə̄ Baal góləń kaadə́ gə̄ adə̄ dɔdə́ ndigənal dɔ rīḿ tə́ ní.

JEREMI 3:21

Ndū kógə̄ḿ ɓār̄ dɔ loo kə́ kḭḭ kə́ dɔɔ́ gə̄ tə́, i ngán Israel gə̄ n a nōōn̄ ō, a rāān̄ ɓɔ́ ō ní. Háĺdə́ nujə sák sák kɔ̄ɔ́. tɔdɔ̄ dɔdə́ ndigə̄nal Kɔ́ɔ̄ɓē Nə́ɓā yādə́.

JEREMI 2:32

Dɔ ngōmandə a ndígə̄nal yá̰á̰ súū rɔ̄ yān? Dəyá̰ ń a aw̄ kə̄ ngaawaá ní, dɔn a ndígə̄nal dɔ kəlā do̰ō̰ ɓōdə̄n tə́ a? Banī ngé kə́ dan gír deē yāḿ gə̄ tə́ mbātə́mə̄n̄ dan i ngá̰ý kɔ̄ɔ́.

IJAI 43:21

Gír de gə̄ ń toō ń m̄-rāādə́ tām̄ yāḿ tə́ ní, a ənīn̄ pā yā tɔ̄ȳməń.

IJAI 42:25

I tām̄ najə̄ ń toō tə́ n Kɔ́ɔ̄ɓē bə̄gā wōn̄g yān kə́ ngá̰ý dɔdə́ tə́ ō, rāā adə̄ yá̰á̰ kə́ to ka̰ā̰ aĺ ngá̰ý gə̄ ń rɔ̄ɔ̄ a reēń ní, teē dɔdə́ tə́ ō ní. Wōn̄g yān ní əla hor kə̄ loo gə̄ tə́, banī Israel gə̄ gerə̄n̄ kum alé. Hor o̰o̰ Israel gə̄, banī nin̄ rāān̄ i yá̰a̰ ngōn̄ ndām̄ tə́.

IJAI 42:13

Kɔ́ɔ̄ɓē njə̄rā kə̄ kété tītə̄ áskar kə́ nge wur kil beé, ni əhɔ rɔ̄n tɔgə tītə̄ de kə́ nge rɔ̄ɔ̄ beé. Ni ur kɔĺ rɔ̄ɔ̄ kə tɔ́gəneé, rɔ̄ɔ̄ madə̄ ba̰ā̰n gə̄ tītə̄ áskar kə́ nge wur kil beé.

IJAI 29:23

Tām̄ nin̄ ō ngáńdə́ gə̄ ō a a̰a̰n̄ yá̰á̰ m-ā m̄-rāā dɔ dáńdə́ tə́ ní. Loo ń noō tə́ nin̄ a ger̄mə̄n̄, mā Nə́ɓā kə́ táĺ yā Jakob. Nin̄ a ɓōlə́n̄ rāā yá̰á̰ kə́ kadə̄ nelə̄m̄ alé, mā ń i Nə́ɓā yā Israel ní.

PĀ GƏ̄ 106:21

Dɔdə́ ndígə̄nal Nə́ɓā kə́ nge kajədə́ ń rāā yá̰á̰ kə́ bo gə̄ kété dɔ nang kə́ Ejiptə tə́ ō,

2 YÁ̰A̰ GƏ̄ 27:4

Ni rāā ɓē gə̄ gō nang kə́ mbalá kə́ Juda tə́ ō, ngán ndogə̄ mbal̄ kə́ ngan̄g gə̄ kə kújə́ kə́ ngāl̄ kə̄ dɔɔ́ gə̄ loo gə̄ kə́ ku kāgə̄ gə̄ i tū tə́ tə́ ō.

2 YÁ̰A̰ GƏ̄ 26:10

Ni-rāā kújə́ kə́ ngāl̄ ɓururu gə̄ kem dəla loo tə́ ō, ndēr̄ bəlo taā man̄ gə̄ ngá̰ý ō, tɔdɔ̄ yá̰a̰ kul̄ yān gə̄ i ngá̰ý loo kə́ mbal̄ bo gə̄ gətóon̄ tū tə́ tə́ ō, wól loo tə́ ō. Ni-aw̄ kə ngé ndɔr̄ gə̄ ō, ngé ndɔr̄ kāgə̄ nduú gə̄ ō, tɔdɔ̄ kəla ndɔr̄ nelə̄n ngá̰ý.

1 MBAN̄G GƏ̄ 16:31

Majaĺ gə̄ yā Jeroboam ngōn̄ Nebat ń ni ndájə̄ ní asən aĺ ɓáý, adə̄ taā Jesabel ngōn̄ Etəbaal mban̄g yā Sidon gə̄ ɓáý to̰ ō, ɔsə non nang tə́ no ɓesə̄ Baal tə́ ō.

1 MBAN̄G GƏ̄ 12:31

Jeroboam rāā kújə gə̄ dɔ loo ndɔ̄ȳ tə́, ba gə̄rā de gə̄ kə́ gír ɓē yā Lebi tə́ aĺ gə̄ dan ngán Israel gə̄ tə́ əndādə́ ngé tun̄ yá̰a̰ gə̄ tə́.

2 MBAN̄G 18:13

Kem ɓāl̄ ko̰o̰ ɓē kə́ nge ko̰ kutə gidə i sɔ́ yā Ejekias tə́ ní, Senakerib mban̄g kə́ Asiri reē ənī rɔ̄ɔ̄ ɓē kə́ ngan̄g ngan̄g gə̄ malang kə́ kem ɓē ko̰o̰ kə́ Juda tə́ ba táā.

PĀ GƏ̄ 95:6

Údiī! J-aw̄ j-əlaī dɔjí nang tə́ no Kɔ́ɔ̄ɓē tə́. J-aw̄ j-ɔsiī nojí nang tə́ non tə́. Jə-tétī kejəjí nang tə́ no nge kəndājí tə́.

IJAI 9:9

Ndogə̄ bəríkə gə̄ ń tə́sōn̄ nang tə́ ní, j-a jə-tél yā kəndādə́ gogə́ kə mbal̄ kə́ tɔ́sə̄ kadə gēé. Sáā kāgə̄ kə́ karī gə̄ ń rāānəń kújə a tə́sō kɔ̄ɔ́ ní, j-a jə-mbél̄ gíŕdə́ kə sáā kāgə̄ sédər gēé.

IJAI 9:10

Loo ń noō tə́ Kɔ́ɔ̄ɓē sə̄lā madə̄ ba̰ā̰ Israel gə̄ ń i Asiri gə̄ yā Resin ní dɔ Israel gə̄ tə́ ō, əla go̰ kem ngé rɔ̄ɔ̄də́ gə̄ tə́ ō.

JEREMI 5:17

Əsan̄ kōō yāí ō, mápa yāí ō. Nin̄ əsan̄ ngání kə́ dəngam gə̄ ō kə́ dəyá̰ gə̄ ō. Əsan̄ yá̰a̰ kul̄ yāí kə́ dūú ō, kə́ bo ō. Əsan̄ kan̄ kāgə̄ nduú yāí ō, kan̄ kāgə̄ kótə̄ yāí ō. Nin̄ reēn̄ kə kaskaraá nujən̄neé ɓē yāí kə́ ngan̄g gə̄ ń ī-ndi kemeé kanjə̄ sōl̄ yá̰á̰ kógə̄ḿ ní.

EJEKIEL 23:35

I tām̄ najə̄ ń toō tə́ n yá̰á̰ ń m-ə́dá ní n toó ní, m-ə́da na: Jerusalem, dɔí ndígə̄naləḿ kɔ̄ɔ́ ō, ḭ̄ ə́ya̰m̄ kɔ̄ɔ́ ō. I beé ɓá ní, īkɔ́ ā ī-ndíbə̄ hor yá̰á̰ ń hálí kə́ to rɔ̄sɔl̄ adə̄ i háĺ ájə́ba reēń dɔí tə́ ní.

OJEE 4:6

Gír deē yāḿ gə̄ a oyn̄ i tām̄ nin̄ ger̄mə̄n̄ alé. Sḭḭ̄ ī-mbātíī gerə̄m̄. I tām̄ najə̄ ń toō tə́ n m̄ gḛy najə̄ yāsí to̰ aĺ ní. Sḭḭ̄ i ngé tun̄ yá̰a̰ yāḿ gə̄ to̰ alé. Dɔsí ndígə̄nal yá̰á̰ ń Nə́ɓā yāsí ndóōsí ní kɔ̄ɔ́ ɓá ní, dɔḿ mā a ndígə̄nal ngáńsí gə̄ ō.