OJEE 8:1 - Bibəl ta Sar̄

¹ Ī-kɔ̄ríī tōw̄ gajə batə̄ yāsí gə̄ ī-tāāiń de gə̄. Yá̰á̰ kə́ to kum kaȳ aĺ a reē kə̄ dɔ ɓē yā Kɔ́ɔ̄ɓē tə́ tītə̄ kə̄rō kə́ a jə̄ngā beé. Kɔ́ɔ̄ɓē əda na: Nin̄-ɓōlə́n̄ gidə madə̄ naā yāḿ aĺ ō, ran̄ dɔ yá̰á̰ ń m̄-ndóōdə́ ní tə́ aĺ ō. mbātə́n̄ yá̰a̰ gə̄ ń m-ɔ́jə́də́ ní ō.

Bible sar

¹ Ī-kɔ̄ríī tōw̄ gajə batə̄ yāsí gə̄ ī-tāāiń de gə̄. Yá̰á̰ kə́ to kum kaȳ aĺ a reē kə̄ dɔ ɓē yā Kɔ́ɔ̄ɓē tə́ tītə̄ kə̄rō kə́ a jə̄ngā beé. Kɔ́ɔ̄ɓē əda na: Nin̄-ɓōlə́n̄ gidə *madə̄ naā yāḿ aĺ ō, ran̄ dɔ yá̰á̰ ń m̄-ndóōdə́ ní tə́ aĺ ō. mbātə́n̄ yá̰a̰ gə̄ ń m-ɔ́jə́də́ ní ō.

OJEE 8:1 Referans Kwoze

OJEE 6:7

Ba sḭḭ̄, kem ɓē kə́ Adam tə́ ní, ī-ɓōlíī gidə madə̄ naā yāḿ alé, sḭḭ̄ ī-raī dɔ ndūsí tə́ seḿ alé.

NDŪ NAJƏ̄ 28:49

Ni a ɔy nápar de gə̄ kógə̄ḿ kə́ ḭ̄ ī-ger̄ kum najə̄ kɔr̄də́ aĺ gə̄, ta ngóy dɔ nang tə́ sa̰y yā reē ɓōkə́də́ dɔí tə́ tītə̄ kə̄rō kə́ a jə̄ngā kə̄ dɔ dā̰ tə́ yā kəhɔn beé.

OJEE 5:8

Kɔ́ɔ̄ɓē əda na: Ī-kɔ̄ríī tōw̄ gajə batə̄ kem ɓē kə́ Gibea tə́, ī-kɔ̄ríī bərúnjə kem ɓē kə́ Rama tə́! Ī-tāāī de kə́ Bet Aben gə̄. Sḭḭ̄ de kə́ gír ɓē yā Benjamḛ tə́ gə̄, madə̄ ba̰ā̰ a rə̄ngō rɔ̄n i gidəsí tə́ n a ənīńsí rɔ̄ɔ̄ ní.

JEREMI 4:13

Á̰a̰ī, madə̄ ba̰ā̰jí n a reē tītə̄ kil̄ man̄ yā kənījí rɔ̄ɔ̄ toó. Púsə rɔ̄ɔ̄ yān gə̄ ton̄ tītə̄ nél balway. Sə́nda yān gə̄ ɔlən̄ tɔȳ kə̄rō. Jḭḭ̄ i kə rɔ̄ tō ndoó tɔdɔ̄ nujən̄ sejí sák sák kɔ̄ɔ́.

HABAKUK 1:8

Sə́nda yādə́ gə̄ a̰ȳn̄ ngɔ̄də̄ tɔȳn̄ malya gə̄ ō, ɔlən̄ tɔȳn̄ soó gə̄ kə́ ngé kaw̄ ndo̰ó̰ loo tíbí gə̄. Ngé kal̄ sə́nda yādə́ gə̄ ḭḭn̄ i sa̰y n reēn̄ ō, nin̄-tḭ́ḭ̄n̄ bal ō. Nin̄ əlan̄ ngɔ̄də̄ tītə̄ kə̄rō kə́ a risə kə̄ dɔ dā̰ tə́ yā kəsan beé.

1 KORḚNTƏ 15:52

a tūr̄ i láẃ ngá̰ý tītə̄ kum de kə́ kənda sapə beé, dan ń bərúnjə́ kə́ ta tɔ̄l̄ ta tə́ a ɓār̄ ní. Tɔdɔ̄ kōō bərúnjə a ɓār̄, anī de gə̄ ń oyn̄ ní a ndólə̄n̄ ō, rɔ̄də́ a ndum to̰ aĺ ō, ba jḭḭ̄ ní rɔ̄jí a tūr̄.

MATIYE 24:28

Loo ń nīń dā̰ i tū tə́ ní, māl̄ gə̄ a kánə̄n̄ naā tū tə́ ō.

JAKARI 11:1

Sḭḭ̄ mbal̄ bo gə̄ kə́ Liban, ī-teēī ta róbə yāsí gə̄ ō, ādə̄ hor o̰o̰ kāgə̄ sedər yāsí gə̄ ō!

JAKARI 9:14

Loo ń noō tə́ Kɔ́ɔ̄ɓē a teē hɔy dɔdə́ tə́ dɔɔ́ ō, kum gərā yān a teē tītə̄ tel̄ man̄ beé ō. Kɔ́ɔ̄ɓē Nə́ɓā a kɔ̄ŕ bərúnjə. Man̄ kə́ a edə kə néĺ kə́ əla kə ngangá ngá̰ý ń a ḭḭ dām̄ mbɔ́r ɓē kə́ geleé tə́ yā reē ní, ni a reēń.

SOPONI 1:16

Ndɔ̄ ngeé ń noō tə́ ní, deē a oō kōō áskar gə̄ loo kɔ̄ŕ bərúnjə́ tə́ ō, loo túr̄ kɔĺ rɔ̄ɔ̄ tə́ ō, dɔ ɓē gə̄ kə́ ndogə̄ mbal̄ gə̄ gīrə̄n̄ gidədə́ gə̄ tə́ ō, dɔ kújə́ ngɔ̄m̄ ɓē yādə́ gə̄ kə́ ngāl̄ ɓururu kum kə̄ dɔɔ́ gə̄ tə́ ō.

AMOS 9:1

M-á̰á̰ Kɔ́ɔ̄ɓē ra kə njan kə́ dɔɔ́ dɔ loo tun̄ yá̰á̰ tə́. Ni-əda na: Ī-tə́ndā dɔ kāgə̄ nga dan kə́ ngāl̄ ɓururu gə̄ ādə̄ gír gisədə́ gə̄ yéȳn̄. Ī-tétə̄də́ ādə̄ tə́sōn̄ dɔ de gə̄ tə́. Ré ngé kə́rēý gə̄ ndin̄ kə kumdə́ ɓáý anī, m-ā m̄-tɔ̄l̄də́ kə kaskaraá. De kə́ yā teē ka̰ȳ a gətóo ō, de kə́ yā ndi kə kumneé a gətóo ō.

AMOS 8:3

Najə̄ ń mā Kɔ́ɔ̄ɓē Nə́ɓā m-ə́dá ní n toó: Ndɔ̄ ń m-ā m̄-rāāń yá̰á̰ tə́ ní, gōsə̄ pā kə́ dəyá̰ gə̄ kə́ ndogó mbangāá a ənīn̄ i pā yo. Nin̄ gə̄ a ton̄ ngá̰ý. A tə́nīn̄ nīń de gə̄ kə̄ loo gə̄ tə́. Loo a to kúkúkú kə̄ loo gə̄ tə́ malang.

AMOS 3:6

Deē a kɔĺ tōw̄ rɔ̄ɔ̄ kem ɓēé kanjə̄ kəla ɓōĺ kem de kə́ kem ɓēé gə̄ tə́ a? Yá̰á̰ kə́ to kum kaȳ aĺ kógə̄ḿ a reē dɔ ɓē tə́ kanjə̄ kadə̄ i Kɔ́ɔ̄ɓē n əlań a?

JOEL 2:1

Ī-kɔ̄ríī tōw̄ Siyo̰ tə́. Úriī kɔl rɔ̄ɔ̄ dɔ mbal̄ yāḿ kə́ táĺ tə́. Ādə̄ de kə́ kem ɓēé gə̄ malang ndewn̄. Ndɔ̄ yā Kɔ́ɔ̄ɓē a reē noó, dɔ ndɔ̄ ní i ngɔr.

OJEE 9:15

Kɔ́ɔ̄ɓē əda ɓáý to̰ na: Kem ndul yādə́ ɔjə rɔ̄n kə̄ ndágá malang i loo kə́ yā ɓōĺ gidən ń rīn na i Gilgal ní tə́. Əla gír kadə̄ a nelə̄m̄ sedə́ aĺ i loo ń noō tə́. M-ā m̄-tə̄ɓādə́ kɔ̄ɔ́ kem kújə yāḿ tə́, a nelə̄m̄ sedə́ to̰ alé, i najə̄ yá̰a̰ rāādə́ kə́ majaĺ tə́. Ngār yādə́ gə̄ malang mbātə́n̄ najə̄ yāḿ.

OJEE 4:6

Gír deē yāḿ gə̄ a oyn̄ i tām̄ nin̄ ger̄mə̄n̄ alé. Sḭḭ̄ ī-mbātíī gerə̄m̄. I tām̄ najə̄ ń toō tə́ n m̄ gḛy najə̄ yāsí to̰ aĺ ní. Sḭḭ̄ i ngé tun̄ yá̰a̰ yāḿ gə̄ to̰ alé. Dɔsí ndígə̄nal yá̰á̰ ń Nə́ɓā yāsí ndóōsí ní kɔ̄ɔ́ ɓá ní, dɔḿ mā a ndígə̄nal ngáńsí gə̄ ō.

EJEKIEL 16:59

Najə̄ ń mā Kɔ́ɔ̄ɓē Nə́ɓā m-ə́dá ní n toó: Usiī dɔ míndí ń ə̄nī tə́ ní alé, adə̄ ī-mbātə́ madə̄ naā ń j-əhɔ ní kɔ̄ɔ́. I beé ɓá ní, m-ā m̄-rāāī yá̰á̰ ń ḭ̄ ī-ndetə kadə̄ m̄-rāā seí ní.

EJEKIEL 7:14

De gə̄ a kɔ̄rə́n̄ bərúnjə ngá̰ý ō, a əndān̄ dɔ yá̰a̰ malang danaá kɔ̄ɔ́ ō ɓá tā, ba deē kógə̄ḿ kə́ yā kaw̄ ta rɔ̄ɔ̄ tə́ a gətóo. Tɔdɔ̄ wōn̄g rāām̄ i kə ngán Israel gēé malang.

JEREMI 51:27

Údiī dərapóo rɔ̄ɔ̄ ādī ra dɔɔ́, ī-kɔ̄ríī tōw̄ dan nápar de gə̄ tə́. Ɔ́siī dɔ nápar de gə̄ naā tə́ ādə̄ ənīnən̄ rɔ̄ɔ̄. Ī-ɓāríī ɓē ko̰o̰ gə̄ kə́ Ararat ō, Mini ō, Asəkenas ō, ādə̄ rɔ̄ɔ̄nən̄. Ī-tə́ndāī ngé kɔy de gə̄ áskaraá gə̄ ādə̄ ɔyn̄ de gə̄ rɔ̄ɔ̄nəń ɓē kə́ Babilon. Ɔ́siī dɔ sə́nda gə̄ naā tə́, ādə̄ ran̄ kadə naā tə́ meje meje tītə̄ yim̄ gə̄ beé.

JEREMI 48:40

Najə̄ ń Kɔ́ɔ̄ɓē əda ní n toó: To i tītə̄ māl̄ kə́ a nēl̄ ō, jā̰ bɔ̄gə̄n ō, dɔ ɓē kə́ Moab tə́ beē.

JEREMI 31:32

Madə̄ naā ní a to tītə̄ madə̄ naā ń m-ə́hɔ kə kaadə́ gēé, dan ń m-ə́hɔń ta jīdə́ m̄-ndɔ́rəńdə́ m̄-teēń sedə́ kɔ̄ɔ́ kem ɓē kə́ Ejiptə tə́ ní alé. Nin̄-mbātə́n̄ madə̄ naā ń m-ə́hɔ sedə́ ní. Banī mā i kɔ́ɔ̄ yá̰a̰ ɓēé loodə́. Najə̄ ń Kɔ́ɔ̄ɓē əda ní n noó.

JEREMI 6:1

Ngán Benjamḛ gə̄, ī-teēī kɔ̄ɔ́ Jerusalem ba ī-sāāī loo ɓɔ̄ɔ̄ rɔ̄ yāsí loo kə́ rang tə́. Ī-kɔ̄ríī tōw̄ Tekoa tə́. Ə́laī dərapóo kə̄ dɔɔ́ dɔ ɓē kə́ Bet Kerem tə́. Yá̰á̰ kə́ to kum kaȳ aĺ ḭḭ dām̄ mbɔ́r ɓē kə́ ko̰ó̰ tə́ a reēsí noó, ā ī-nujiī nujə kə́ to ɓōĺ ngá̰ý.

JEREMI 4:5

Ə̄nīī mbēr̄ ń toō Juda tə́. Ə̄nīī mbēr̄ ní ādə̄ de kə́ Jerusalem gə̄ oōn̄. Ī-kɔ̄rí tōw̄ kem ɓēé. Əgaī kɔŕ ə́daī na: Ī-kánī naā kadə̄ j-udiī kem loo kə́ ngan̄g gə̄ tə́.

IJAI 58:1

Kɔ́ɔ̄ɓē əda na: Ī-teē ngaāí ngá̰ý ə́gań kɔŕ! Ī-lōō kəhɔ rɔ̄í! Ī-rāā ndūí ādə̄ ɓār̄ tītə̄ bərúnjə beé! Ɔ́jə́ gír deē yāḿ gə̄ yá̰a̰ rāādə́ kə́ gōtə́ aĺ gə̄, ɔ́jə kojə yā Jakob gə̄ majaĺ yādə́ gə̄.

IJAI 24:5

A̰á̰ā̰, deē ndul gə̄ rāān̄ dɔ nang adə̄ tél kə́ yḛr, nin̄ mbātə́n̄ rāā yá̰á̰ ń Kɔ́ɔ̄ɓē ədadə́ kadə̄ rāān̄ ní, nin̄ kídə̄n̄ jī bēl̄ loo rāā yá̰a̰ yān gə̄, madə̄ naā ń ɓoodə́ naā tə́ kə Nə́ɓāá kə́ njɔ́ḿ gə̄ tə́ ní, nin̄ gāngə̄n̄ madə̄ naā ní kɔ̄ɔ́.

IJAI 18:3

Sḭḭ̄ de gə̄ malang ń ī-ndiī dɔ nang tə́ ní, sḭḭ̄ ń ī-taāī loo malang dɔ nang tə́ ní, dan ń a udən̄ yá̰á̰ kə́ ɔjə kadə̄ yá̰á̰ kógə̄ḿ a rāā yā rāā yá̰a̰ dɔ mbal̄ bo gə̄ tə́ anī, á̰a̰ī ō, dan ń a kɔ̄rə́n̄ tōw̄ gajə batə̄ anī, ōōī ō.

2 MBAN̄G 18:27

Ngol nge kɔsə kíl Senakerib tél ədadə́ na: Najə̄ ń kɔ́ɔ̄ḿ əlam̄ kɔrɔ́ ní i tām̄ yā kɔ́ɔ̄sí tə́ ō, tām̄ yāsí sḭḭ̄ tə́ ō ngóy a? I tām̄ yā de gə̄ malang ń ran̄ dɔ ndogə̄ mbal̄ tə́ noō ō, nin̄ ń a əsan̄ yedə̄də́ tītə̄ yāsí ō, a a̰ȳn̄ ngédə̄ māńdə́ tītə̄ yāsí ō ní!

JOEL 2:15

Ī-kɔ̄ríī tōw̄ Siyo̰ tə́, ī-*ndiī ɓō tām̄ yā Nə́ɓā tə́ ɔ̄rīneé kamsí, ə̄nīī mbēr̄ kán̄ naā kə́ táĺ.

JEREMI 34:18

Ngé ko̰o̰ ɓē kə́ Juda gə̄ ō, kə́ Jerusalem gə̄ ō, ngé kəla kə́ bo gə̄ ō, ngé tun̄ yá̰a̰ gə̄ ō, ngáń ngé ɓē gə̄ malang ō, njarən̄ duĺ man̄g kə́ tun̄ naā tə́ ba mānə̄n̄ danaá ənīn̄neé ndūdə́ adə̄mə̄n̄. Banī nin̄ ran̄ dɔ ndūdə́ ń ənīn̄ tə́ ní alé.

JEREMI 49:22

To i tītə̄ kə̄rō kə́ ḭḭ kum kə̄ dɔɔ́ ba nēl̄ ō, j-ā̰ā̰ bɔ̄gə̄n dɔ Bosra tə́ ō. Ndɔ̄ ń noō tə́ ní, kem go̰ rɔ̄ɔ̄ gə̄ kə́ Edom tə́ a to i tītə̄ kem dəyá̰ kə́ nge rāā kem beé.

EJEKIEL 17:3

Ā ə́da na mā Kɔ́ɔ̄ɓē Nə́ɓā m-ə̄nīdə́ gotə najə̄ ń toō: I gotə najə̄ yā kə̄rō kə́ bo, kə́ bɔ̄gə̄n laa ō, belə̄n ngāl̄ ō, nder̄ gidə naā tə́ ō, ɓálən gə̄ i ngá̰ý ō. Kə̄rō ní ḭḭ bɔ̄gə̄ aw̄ bátə́ ugə̄ mbal̄ gə̄ kə́ Liban tə́.

EJEKIEL 11:4

I beé ní, ḭ̄ ngōn̄ deē, ī-teē kə gíŕdə́ dɔɔ́, kə ta kūl̄ najə̄ ń m-ə̄ndā taí tə́ ní.