OJEE 7:2 - Bibəl ta Sar̄

² Banī nin̄ gírə̄n̄ yá̰á̰ ń toō alé: Yá̰á̰ kə́ majaĺ gə̄ malang ń nin̄ rāān̄ ní, əga kemḿ dɔ tə́. Ngɔlaā ní, yá̰a̰ rāādə́ gə̄ gīr̄ gidədə́ əla ta naā tə́. M-á̰á̰də́ ta kumḿ tə́ ngándáńg.

Bible sar

² Banī nin̄ gírə̄n̄ yá̰á̰ ń toō alé: Yá̰á̰ kə́ majaĺ gə̄ malang ń nin̄ rāān̄ ní, əga kemḿ dɔ tə́. Ngɔlaā ní, yá̰a̰ rāādə́ gə̄ gīr̄ gidədə́ əla ta naā tə́. M-á̰á̰də́ ta kumḿ tə́ ngándáńg.

OJEE 7:2 Referans Kwoze

Najə̄ kə́ Majə yā Jeju ń Luk ndang ní 12:2

Tɔdɔ̄ yá̰á̰ kógə̄ḿ kə́ to loo mundə̄ tə́ kə́ kadə̄ dɔ teē ndágá aĺ ní gətóo ō, yá̰á̰ kə́ to loo ɓɔ̄ɔ̄ tə́ kə́ kadə̄ deē ger̄ aĺ ní gətóo ō.

PĀ GƏ̄ 90:8

Ḭ̄ ī-tə́ndā yá̰á̰ kə́ gōtə́ aĺ gə̄ ń jə-rāā ní ta kumií tə́. Loo kə́ unjə̄ kow yāí unjə̄ dɔ yá̰a̰ yājí gə̄ kə́ ton̄ loo mundə̄ tə́.

AMOS 8:7

Kɔ́ɔ̄ɓē ənī ndūn kə ngangá ngá̰ý əda na: Israel ɔjə rɔ̄n kə ɓē yānneé. I beé ní, m̄-túbə̄ kə ɓē ń toō, loo rāā yá̰a̰ yāsí gə̄ ní, dɔḿ a ndigə̄nal aĺ i kə́ bátə́ gə̄ tə́.

JEREMI 14:10

Kɔ́ɔ̄ɓē ɔr̄ najə̄ kə gír de gə̄ ń toō i beé: Rɔ̄kum, nin̄ ndigən̄ i dáȳ dɔɔ́, nin̄ gírə̄n̄ gō tóo njadə́ tə́ alé. Nin̄ rāān̄ yá̰á̰ kə́ nel kem Kɔ́ɔ̄ɓē alé, adə̄ ngɔlaā ní ni ter̄ kemdə́ dɔ yá̰á̰ kə́ gōtə́ aĺ yādə́ gə̄ tə́ ō. əndadə́ tām̄ majaĺ ń rāān̄ tə́ ní ō.

JEREMI 2:19

Ādə̄ yá̰á̰ kə́ gōtə́ aĺ yāí tél əndaī, ādə̄ túy taā kem yāí gɔŕyɔ̄ī. Ī-ndi kem wur kɔl tə́ ō, kem wur katə̄ tə́ ō, mbóńg ta tɔ̄l̄ ta tə́, sɔɔ̄ ń dɔ mbātə́ kə́ ī-mbātə́ Kɔ́ɔ̄ɓē Nə́ɓā yāí. Rɔ̄kum, ī-ndew to̰ aĺ bátə́ gə̄gē ta kumḿ tə́. Najə̄ ń Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý əda ní n noó.

HEBƏRO 4:13

Yá̰a̰ malang ń Nə́ɓā rāā ní, nge kógə̄ḿ kə́ kumən a̰ā̰ aĺ gətóo. Gíŕ yá̰a̰ malang to i kə̄ dɔ ndágá ta kumən tə́. Kumən aw̄ kə tɔ́gə dɔ yá̰a̰ malang tə́ ō. I ni n j-a j-ɔjiī-n gíŕ yá̰a̰ rāājí gə̄ malang ní ō.

1 KORḚNTƏ 4:5

Adə̄ ī-lōōī gān̄g sarya kété no ndɔ̄ sarya tə́, ī-ngóōī ādə̄ Kɔ́ɔ̄ɓē reē tá. Yá̰á̰ ń i kə́ ɓɔ̄ɔ̄ kum til tə́ ní, ni a teēń kum loo kə́ unjə̄ kow tə́ ō, yá̰a̰ gə̄ ń de gə̄ númə̄n̄ kemdə́ tə́ ní, ni a ɔjə kə̄ ndágá ō. Loo ń noō tə́ Nə́ɓā a ɓōkə́ deē kógə̄ḿ kógə̄ḿ tɔ̄ȳ kadə̄ asə kə gō kəla yānneé.

OJEE 9:9

Sḭḭ̄ ə̄sōī kum yá̰a̰ rāā kə́ majaĺ ngá̰ý tə́, tītə̄ ń ə̄sōiń kum tə́ kété kem ɓē kə́ Gibea tə́ ní. A əga kem Nə́ɓā dɔ yá̰a̰ rāāsí gə̄ kə́ majaĺ ngá̰ý tə́, ni a rāā yá̰á̰ kógə̄ḿ sesí najə̄ mān̄ kə́ ī-mānī dɔ ndūn tə́ tə́.

JEREMI 32:19

Nə́ɓā kə́ nge ger̄ kadə̄ kɔjə ngá̰ý ō, nge ger̄ rāā yá̰á̰ ngá̰ý ō, ə̄ndā kumií gíŕ hál de gə̄ tə́ malang ō, ə̄ndā njadə́ kógə̄ḿ kógə̄ḿ kə gō hál rāādə́ gēé ō, yá̰a̰ rāādə́ gēé ō.

JEREMI 16:17

Tɔdɔ̄ m-ə̄ndā kumḿ dɔ róbə njə̄rādə́ gə̄ tə́ malang. Nin̄ ton̄ loo ɓɔ̄ɔ̄ rɔ̄ tə́ ta kumḿ tə́ aĺ ō, yá̰á̰ kə́ gōtə́ aĺ yādə́ a to ta kumḿ tə́ ngándáńg ō.

JEREMI 4:18

I hálí ō, kəla rāāí gə̄ ō n reēn̄ kə yá̰a̰ gə̄ ń noō kə̄ dɔí tə́ ní I yá̰á̰ ń kem ndul yāí ojə adī ní n noó. I yá̰á̰ kə́ atə̄ rɔ̄kum ba aw̄ bátə́ ɔtə̄ ngarā̰ kemií tə́.

IJAI 5:12

Nin̄ əsan̄ yá̰a̰ ō, a̰ȳn̄ yá̰a̰ ō, adə̄ mān̄ dɔ majən. Dānə̄n̄ gō yá̰a̰ gə̄ ní i kə kənde kə́ laa kə́ kugə ō, i kə kənde kə́ karī kə́ kugə ō, i kə kɔdɔɔ́ ō, i kə nalaá ō. Banī yá̰á̰ ń Kɔ́ɔ̄ɓē rāā ní, nin̄ a̰a̰n̄ alé. Nin̄ a̰a̰n̄ kəla rāān alé.

PĀ GƏ̄ 25:7

Yá̰á̰ kə́ majaĺ gə̄ ō, yá̰a̰ kə́ gōtə́ aĺ gə̄ ō ń m̄-rāā kə ngōn̄ dūúḿ ní, ī-lōō gír̄ dɔ tə́. Banī Kɔ́ɔ̄ɓē, ī-gír̄ dɔḿ tə́ tām̄ ḭ̄ i nge ra dɔ ndūí tə́, sɔɔ̄ń kem majə yāí.

PĀ GƏ̄ 9:16

Nápar de kə́ rang gə̄ əsōn̄ kem bəlo ń nin̄ kɔ́ gə̄ ndērə̄n̄ tə́ ní, əlan̄ njadə́ kum gūmbə̄ ń nin̄ kɔ́ gə̄ əyān̄ ní tə́.

OJEE 8:13

Nin̄ ndə̄jə̄mə̄n̄ yá̰á̰ kə́ tun̄ gə̄, i tɔdɔ̄ nin̄ gḛyn̄ kəsa dā̰. Banī mā Kɔ́ɔ̄ɓē m̄-ndigə yá̰a̰ tun̄ yādə́ gə̄ alé. Ngɔlaā ní, a əga kemḿ dɔ yá̰a̰ rāādə́ gə̄ kə́ gōtə́ aĺ gə̄ tə́, m-ā m̄-rāādə́ yá̰á̰ kə́ tōr̄ najə̄ mān̄ ń nin̄ mānə̄n̄ dɔ ndūḿ gə̄ ní tə́. I gáŕ kadə̄ nin̄ a télən̄ yā kaw̄ gogə́ dɔ nang kə́ Ejiptə tə́.

IJAI 1:3

Man̄g ger̄ kɔ́ɔ̄n ō, kərō ger̄ loo ń kɔ́ɔn a adə̄n yá̰a̰ kəsa tū tə́ ní ō. Banī Israel ger̄ yá̰á̰ kógə̄ḿ alé, gír deē yāḿ gə̄ gerə̄n̄ najə̄ alé.

PĀ GƏ̄ 50:22

Sḭḭ̄ gə̄ ń dɔsí ndígə̄nal Nə́ɓā ní, ə̄ndāī kemsí dɔ najə̄ ń noō tə́ majə. Aĺ anī m-ā m̄-rə́yā̰sí naā tə́ háráńg háráńg kɔ̄ɔ́ ō, de kə́ yā taāsí jīḿ tə́ a gətóo ō.

Makətūbə̄ yā Job 34:21

Tɔdɔ̄ Nə́ɓā i nge kəndā kumən gíŕ hál de gə̄ tə́ ō, gír pā njə̄rā de gə̄ tə́ malang ō.

NDŪ NAJƏ̄ 32:29

Ré nin̄ i de kə́ ngáā gə̄ anī, a gerə̄n̄ loo ń yá̰a̰ gə̄ ń noō malang a aw̄n̄ sedə́ kə̄ tū tə́ ní.

TƏ́DA 32:23

Ba ré ī-rāāī tītə̄ ń noō aĺ anī ī-rāāī i yá̰á̰ kə́ majaĺ kə Kɔ́ɔ̄ɓē, ba majə kadə̄ ī-gerī majə na najə̄ a əsō dɔsí tə́.

IJAI 44:19

De kə́ gíŕ yá̰a̰ gətóo. De kə́ kur̄ dɔn to asə tām̄, aláa kə́ aw̄ kə ter kemən tə́ yā kɔrə̄ń najə̄ kə rɔ̄n nəkɔ́ kəda na: m̄-róō núsə kāgə̄ ō, yá̰á̰ ń m-ə́sá ní m̄-tə́ngān i dɔ hor tə́ ō. Ní, gotə kāgə̄ ń na̰y ní m̄-tɔ́sə̄ kə m̄-rāā yá̰á̰ kógə̄ḿ kə́ majə ka̰ā̰ aĺ tə́ a? Kə m-ə́ga nōr̄ kə̄ no dugə̄jū kāgə̄ tə́ a ní, gətóo.

IJAI 26:16

Kɔ́ɔ̄ɓē, dan ń wur kɔl əsō dɔjí tə́ anī, jə-tūr̄ rɔ̄jí kum kə̄ rɔ̄í tə́. Dan ń ḭ̄ ə́ndá ndéy anī, j-əda ndɔ̄ȳ gə̄ kə̄ nja naā tə́ kə ndūjí kə́ tél kə̄ nang tə́.

JEREMI 17:1

Yá̰á̰ kə́ gōtə́ aĺ yā Juda i kə́ ndang kə gəreé ō, kə diyamā̰a̰ kə́ ta nīmbə́ ō. Ndangən̄ i ngarā̰ kemdə́ tə́ ō, i dɔ gajə loo tun̄ yá̰a̰ gə̄ tə́ ō.

JEREMI 44:21

Yá̰a̰ ndējə̄ gə̄ ń sḭḭ̄ ō, kaasí gə̄ ō, mban̄g yāsí gə̄ ō, de kə́ bo yāsí gə̄ ō, gír de gə̄ kə́ kem ɓēé ō, ī-róōī kem ɓē gə̄ kə́ Juda tə́ ō, dɔ kə̄lá róbə gə̄ kə́ Jerusalem tə́ ō ní, Kɔ́ɔ̄ɓē ger̄ gō aĺ a? Əga kemən dɔ tə́ aĺ a?

OJEE 4:9

Banī m-ā m̄-rāā ngé tun̄ yá̰a̰ gə̄ yá̰á̰ ń m̄-rāā kə gír deē yāḿ gēé ní: Yá̰á̰ ń m-ā m̄-rāā sedə́ ní, sɔɔ̄ń i háĺdə́ ō, yá̰á̰ ń nin̄ rāān̄ ní, m-ā m̄-téləń yā kadə̄də́ gogə́ ō.

OJEE 9:15

Kɔ́ɔ̄ɓē əda ɓáý to̰ na: Kem ndul yādə́ ɔjə rɔ̄n kə̄ ndágá malang i loo kə́ yā ɓōĺ gidən ń rīn na i Gilgal ní tə́. Əla gír kadə̄ a nelə̄m̄ sedə́ aĺ i loo ń noō tə́. M-ā m̄-tə̄ɓādə́ kɔ̄ɔ́ kem kújə yāḿ tə́, a nelə̄m̄ sedə́ to̰ alé, i najə̄ yá̰a̰ rāādə́ kə́ majaĺ tə́. Ngār yādə́ gə̄ malang mbātə́n̄ najə̄ yāḿ.

OJEE 12:2

Epəraim adə̄ de gə̄ kə́ Ejiptə tə́ yibə̄ ō, əndā jīn gír makətūbə̄ koō naā yādə́ kə de kə́ Asiri gēé tə́ ō. I tītə̄ ń noō n ni ulə̄ń rɔ̄n kə nélé ō, a̰ȳń ngɔ̄də̄ gō néĺ kə́ dūn̄ ɓē tə́ dəloí bátə́ loo tíbə dɔn tə́ ō ní. Ni seĺ sor̄ kə̄ loo gə̄ tə́ ō, nujə loo ɔyń yá̰a̰ yā de gə̄ dɔ gúú tə́ ō.

JONAS 1:2

Ḭ́ḭ dɔɔ́ āw̄ ɓē bo kə́ Ninibə tə́. Ə́la ɓōĺ kem de kə́ kemeé gə̄ tə́ kə najə̄ ń toō: Yá̰a̰ rāāsí kə́ majaĺ gə̄ ní, Kɔ́ɔ̄ɓē a̰ā̰ asən kɔ̄ɔ́.

PĀ GƏ̄ 10:11

Nge kem ndul gír̄ kemən tə́ na usə Nə́ɓā dɔ yá̰a̰ rāān tə́ alé. Nə́ɓā na ɓɔ̄ɔ̄ ta kumən kɔ̄ɔ́, Nə́ɓā na a̰a̰ yá̰á̰ kógə̄ḿ yḛtə aĺ bátə́.

EJEKIEL 21:29

I tām̄ najə̄ ń noō tə́ n mā Kɔ́ɔ̄ɓē Nə́ɓā m-ə́dásí yá̰á̰ ń toō ní: Sḭḭ̄ ī-rāāī adə̄ dɔ deē ndígə̄nal dɔ dɔ ngan̄g yāsí tə́ aĺ ō, ɔ́jiī majaĺ yāsí gə̄ kə̄ ndágá tū yá̰a̰ rāāsí gə̄ tə́ malang ō. I tītə̄ ń noō n ā ī-terīiń kemḿ dɔ yá̰a̰ rāāsí kə́ gōtə́ aĺ gə̄ tə́ ngándáńg kanjə̄ kadə̄ asəsí ní. I beé ní, madə̄ ba̰ā̰ a əhɔsí dəngáy, tām̄ sḭḭ̄ ī-rāāī adə̄ dɔḿ ndígə̄nalsí alé.

OJEE 6:2

Gō tə́ rāā ndɔ̄ jōó anī, ni a rāā kadə̄ j-a jə-tél jə-ndiī kə kumjí gogə́. Kə ndɔ̄ kə́ nge ko̰ mətá anī, ni a tél yā kunjí dɔɔ́ gogə́ ō, j-a jə-ndiī kə kumjí ta kumən tə́ ō.