OJEE 7:14 - Bibəl ta Sar̄

¹⁴ Dan ń nin̄ ɓāŕmə̄n̄ kadə̄ m̄-dḭḭ̄də́ anī, i kə́ rɔ̄kum tə́ alé. Banī nin̄ tṵ́ṵ̄n̄ dɔ tə̄rá yādə́ gə̄ tə́ ō, tə́jān̄ rɔ̄də́ kə doó ō, yā kəngeń gémē ō, kasə nduú kə́ kijə ō. I tītə̄ ń noō n yá̰á̰ ń mā m̄-ndigə ní nin̄ rāān̄ alé.

Bible sar

¹⁴ Dan ń nin̄ ɓāŕmə̄n̄ kadə̄ m̄-dḭḭ̄də́ anī, i kə́ rɔ̄kum tə́ alé. Banī nin̄ tṵ́ṵ̄n̄ dɔ tə̄rá yādə́ gə̄ tə́ ō, tə́jān̄ rɔ̄də́ kə doó ō, yā kəngeń gémē ō, kasə *nduú kə́ kijə ō. I tītə̄ ń noō n yá̰á̰ ń mā m̄-ndigə ní nin̄ rāān̄ alé.

OJEE 7:14 Referans Kwoze

JAKƏ 4:3

Ī-dəjeī yá̰a̰ ba ə́ngeī yá̰á̰ ní alé, tɔdɔ̄ ī-dəjeī i kə gír̄ kə́ majaá alé. Gír̄ yāsí ní, ī-sāāī i nujə yá̰á̰ ń ī-dəjeī ní tām̄ yā rɔ̄nel̄ yāsí kə́ karī tə́ ngóy.

JEREMI 3:10

Ngōkó̰o̰ Israel kə́ dəyá̰ ń i Juda kə́ sew aĺ ní rāā yá̰a̰ gə̄ ń noō malang banī tél reē rɔ̄ḿ tə́ gogə́ kə ngarā̰ kemənneé alé, ni gól̄ i loo. Najə̄ ń Kɔ́ɔ̄ɓē əda ní n noó.

PILIPƏ 3:19

Ta tɔ̄l̄ tadə́ i kudə ń nin̄ a udən̄ kɔ̄ɔ́ ní. Nə́ɓā yādə́ i kemdə́. Yá̰á̰ ń majə kadə̄ adə̄də́ rɔ̄sɔl̄ ɓá anī nin̄ a ɔjənə̄ń i rɔ̄də́. Nin̄ a gírə̄n̄ i dɔ yá̰á̰ kə́ dɔ nang tə́ laā gə̄ tə́ ngóy ō.

JAKARI 7:5

yá̰á̰ ń ni tūr̄ əda ní, kə m-ə́dá ngé tun̄ yá̰a̰ gə̄ ō, de kə́ kem ɓēé gə̄ malang ō, kadə̄ gerə̄n̄. Najə̄ ń ni tūr̄ əda ní n toó: Sḭḭ̄ ī-*ndiī ɓō tām̄ yā Nə́ɓā tə́ ō, ə̄nī pā yo ō, kem nāā kə́ nge ko̰ mí tə́ ō, sīrí tə́ ō, asə ɓāl̄ kutə sīrí kɔ̄ɔ́ ɓá. Ba ī-*ndiī ɓō tām̄ yā Nə́ɓā tə́ ní, i tām̄ yāḿ mā tə́ rɔ̄kum a?

AMOS 2:8

Loo malang ń a rāān̄ kəla tū tə́ a adə̄n̄ Nə́ɓā ní, nin̄ a ton̄ tū tə́ i dɔ kūbə̄ gə̄ kə́ táān̄ jī ngé ndoō gə̄ tə́ tə́. Kem kújə yā nə́ɓā yādə́ tə́ ɓáa, nin̄ a a̰ȳn̄ i kasə nduú kə́ táā jī de gə̄ tə́.

IJAI 29:13

Kɔ́ɔ̄ɓē ɔr̄ najə̄ yā gír de gə̄ ń toō əda na: Gír de gə̄ ń toō ní, nin̄ i ngɔr rɔ̄ḿ tə́ i kə najə̄ kə́ tadə́ tə́. Nin̄ rɔȳmə̄n̄ i kə tadə́, banī kemdə́ əya̰m̄ sa̰y ngá̰ý. Ɓōĺ ń nin̄ a ɓōlə́n̄ gidəḿ ní, i yá̰á̰ kə́ kəda kadə̄ yā rāā kə́ i de gə̄ n ndóōn̄də́ kadə̄ rāān̄.

MISE 2:11

Tá de kə́rēý gə̄ ɔrə̄n̄ najə̄ kə́ sor̄ gə̄, ədan̄ na: Ā ā̰yī kasə nduú ō, kasə kə́ ngan̄g ō. Tá ngé kɔr̄ najə̄ wa gə̄ ngeé ń toō ədan̄ ɓáý to̰ na: Israel gə̄ ń teēn̄ ta yo tə́ ní, Nə́ɓā a ɔsə njadə́ kə̄ naā tə́.

IJAI 65:14

Ngé gə̄ ń rāān̄ kəla adə̄mə̄n̄ ní, a əgan̄ kɔŕ rɔ̄nel̄, tɔdɔ̄ ngarā̰ kemdə́ i kə́ rosə kə rɔ̄nelēé, banī sḭḭ̄, ā ə́gaī kɔŕ wur kɔl, tɔdɔ̄ wursí tōr̄sí ngá̰ý. A̰á̰ā̰, ā ī-nōōī, tɔdɔ̄ kemsí tɔ̄ɔ̄ táḿ táḿ kɔ̄ɔ́.

NGÉ SARYA 9:27

Nin̄ teē aw̄n̄ kem ndɔr̄ kāgə̄ nduú yādə́ gə̄ tə́, aw̄ tə́jān̄ kanə̄n gə̄ ba mbə́rēn̄ manə̄n. Gō tə́ anī rāān̄ rɔ̄nel̄. Nin̄ aw̄n̄ kem kújə yā nə́ɓā yādə́ tə́, əsan̄ yá̰a̰ ō, a̰ȳn̄ ō, ba ndɔ̄lə́n̄ Abimelek.

JAKƏ 5:1

Ngɔlaā ní, sḭḭ̄ ngé kənge yá̰á̰ gə̄, ə́gaī kɔŕ ō ī-nōōī ō, tām̄ yā yá̰á̰ kə́ to kum tō ndoō gə̄ ń a reēn̄ kə̄ dɔsí tə́ ní.

Makətūbə̄ ń Pol ndang adə̄ Rom gə̄ ní 16:18

Tɔdɔ̄ de gə̄ ń noō nin̄-rāān̄ i kəla yā Kərist Kɔ́ɔ̄ɓē yājí alé, ba a rāān̄ i kəla tām̄ yā kemdə́ tə́. De gə̄ ń i kə́ kumdə́ gān̄g aĺ ní, nin̄-gólə̄n̄də́ kə najə̄ yādə́ kə́ majə gēé ō, kə́ nel̄ gēé ō.

AMOS 8:3

Najə̄ ń mā Kɔ́ɔ̄ɓē Nə́ɓā m-ə́dá ní n toó: Ndɔ̄ ń m-ā m̄-rāāń yá̰á̰ tə́ ní, gōsə̄ pā kə́ dəyá̰ gə̄ kə́ ndogó mbangāá a ənīn̄ i pā yo. Nin̄ gə̄ a ton̄ ngá̰ý. A tə́nīn̄ nīń de gə̄ kə̄ loo gə̄ tə́. Loo a to kúkúkú kə̄ loo gə̄ tə́ malang.

OJEE 3:1

Kɔ́ɔ̄ɓē ədam̄ na: Ī-na̰y kə̄ loo tár dəyá̰ kə́ nge ra dɔ ndūn tə́ aĺ ń a tár dəngam kə́ rang ní. Ī-tárən tītə̄ ń mā Kɔ́ɔ̄ɓē m̄-tárəń ngán Israel gə̄ ní. Ɓá tā banī, nin̄ tūrə̄n̄ rɔ̄də́ kə̄ rɔ̄ nə́ɓā kə́ rang gə̄ tə́ ō, kan̄ kāgə̄ nduú kə́ kɔsə mbō̰ tə́ nel̄də́ ō.

IJAI 52:5

Ba ngɔlaā ní m-ə́nge i rí gírí? Najə̄ ń Kɔ́ɔ̄ɓē əda ní n noó. Əhɔn̄ gír deē yāḿ gə̄ dəngáy ba aw̄n̄ sedə́ i karī. Ngé gə̄ ń ndin̄ dɔdə́ tə́ ní, urən̄ kɔĺ tetə rɔ̄ɔ̄ ō, nin̄ tájə̄n̄ rīḿ kanjə̄ kadə̄ asədə́ ō. Najə̄ ń Kɔ́ɔ̄ɓē əda ní n noó.

Teē Ngán Israel gə̄ 32:6

Teē bírí anī ngán Israel gə̄ ḭḭn̄ dɔɔ́ kə gír looí ɓatə, ndējə̄n̄ yá̰a̰ tun̄ gə̄ kə́ yā róō horoó ō, yá̰a̰ tun̄ gə̄ kə́ tām̄ yā kem kógə̄ḿ tə́ ō. Gō tə́ anī tél ndin̄ nang tə́ əsan̄ yá̰a̰ ō, a̰ȳn̄ ō, ḭḭn̄ dɔɔ́ kógə̄n̄ naā ō.

NŌŌ RƆ̄ 2:18

Ngarā̰ kem de kə́ Jerusalem gə̄ nōō kə̄ dɔ Kɔ́ɔ̄ɓē tə́. Ndogə̄ mbal̄ yā ngōmandə kə́ Siyo̰, ə́ya̰ man̄ kumií ādə̄ a̰ȳ tītə̄ man̄ kə́ wól loo tə́ beé kadaá ō, ndɔ̄ɔ́ ō. Ī-lōō taā koō ō, ādə̄ kumií i kə nōó ō.

OJEE 8:2

Nin̄ əgan̄ kɔŕ kə̄ dɔḿ tə́ ədan̄ na: Nə́ɓā yājí, jḭḭ Israel gə̄ jə-gerī!

OJEE 13:6

M-ɔ́riī ta róbə m-āw̄ seí ko̰ó̰ ō, ə́sá yá̰a̰ adə̄ tɔ̄l̄ ɓōí ō. Ba dan ń ī-ndān̄ anī, ɔ́jə rɔ̄í ō, dɔí ndígə̄naləḿ kɔ̄ɔ́ ō.

JEREMI 12:2

Ə̄ndādə́ tītə̄ kāgə̄ adə̄ tə́lan̄ ngəradə́ ō, tɔgən̄ bátə́ anə̄n̄ ō. Ḭ̄ i tāādə́ ɓa ɓang ba ī-gətóo ngarā̰ kemdə́ tə́.

OJEE 13:9

Ngɔlaā ní, Israel, ḭ̄ i kə́ nujiīn̄ sák sák kɔ̄ɔ́! Kété ní mə̄kɔ́ kə kérə́ḿ m-ásə dḭḭ̄.