OJEE 7:13 - Bibəl ta Sar̄

¹³ Yá̰á̰ kə́ to kum kaȳ aĺ kə́ ba̰ý beē tām̄ yā Epəraim gə̄ tə́! Nin̄ a̰ȳn̄ rɔ̄ḿ tə́ kɔ̄ɔ́ aw̄n̄ sa̰y! A nujən̄də́ kɔ̄ɔ́, tɔdɔ̄ nin̄ əsōn̄ wōn̄g taḿ tə́. Nin̄ ɔrə̄n̄ najə̄ kə́ sor̄ gə̄ dɔḿ tə́. Loo ń noō tə́ ní, m-ā m̄-rāā i ba̰ý n m-ā m-ásəń gān̄g dɔdə́ ní?

Bible sar

¹³ Yá̰á̰ kə́ to kum kaȳ aĺ kə́ ba̰ý beē tām̄ yā *Epəraim gə̄ tə́! Nin̄ a̰ȳn̄ rɔ̄ḿ tə́ kɔ̄ɔ́ aw̄n̄ sa̰y! A nujən̄də́ kɔ̄ɔ́, tɔdɔ̄ nin̄ əsōn̄ wōn̄g taḿ tə́. Nin̄ ɔrə̄n̄ najə̄ kə́ sor̄ gə̄ dɔḿ tə́. Loo ń noō tə́ ní, m-ā m̄-rāā i ba̰ý n m-ā m-ásəń gān̄g dɔdə́ ní?

OJEE 7:13 Referans Kwoze

OJEE 9:12

Ká ré nin̄ a ngɔ̄mə̄n̄ ngán gə̄ gə̄gē anī, m-ā m̄-taādə́ jīdə́ tə́ kɔ̄ɔ́ yā kadə̄ deē kógə̄ḿ na̰yń alé. A̰á̰ā̰, kə́ rɔ̄kum tə́ ní, i yá̰á̰ kə́ to kum kaȳ aĺ kə́ ba̰ý beē tām̄ yā Epəraim gə̄ tə́ dan ń m-ā-ə́yá̰də́ ba m-ā m-āw̄ sa̰y kɔ̄ɔ́ ní!

JEJU TEĒ KUM JA̰A̰ 8:13

Anī m-á̰a̰ kə̄rō kógə̄ḿ nēl̄ ɓōdə̄ rā̰ tə́, ba un ndūn kə̄ dɔɔ́ ngá̰ý ədań na: Rɔ̄ tō ndoō, rɔ̄ tō ndoō, rɔ̄ tō ndoō i yā de kə́ dɔ nang tə́ gə̄, dan ń gotə de kə́ dɔ rā̰ tə́ kə́ mətá gə̄ a kɔ̄rə́n̄ bərúnjə gə̄ ní.

1 JA̰A̰ 1:10

Ré j-ədaī na jə-rāāī majaĺ aĺ anī, j-ɔsiī i Nə́ɓā sor̄, adə̄ najə̄ yān gətóo kemjí tə́.

MATIYE 23:37

Ɓē kə́ Jerusalem, ɓē kə́ Jerusalem, ḭ̄ ń i nge tɔ̄l̄ ngé koō ta gə̄ ō, nge tə́nī ngé gə̄ ń Nə́ɓā əladə́ looí ní kə mbalá tə́nī tɔ̄l̄də́ ō ní! Nja i kóndóńg n m̄-gḛy kán̄ ngání gə̄ kə̄ naā tə́, tītə̄ ń kó̰o̰ kə̄njá a kánəń ngánən gə̄ gír bɔ̄gə̄n tə́ ní? Ba ngání gə̄ gḛyn̄ alé!

MISE 6:4

m̄-rāā adə̄ ī-teēī kɔ̄ɔ́ kem ɓē kə́ Ejiptə tə́. M-ɔ̄r̄sí ɓəloó kɔ̄ɔ́. Ngār gə̄ ń m-ādə̄sí ní, i Moijə ō, Aaro̰ ō, Miriam ń i ngōkó̰ó̰də́ kə́ dəyá̰ ní ō. I yá̰á̰ ń noō n ā ī-gɔŕyɔ̄m̄ najə̄n tə́ ní a?

JONAS 1:10

Gō tə́ anī, ni-ənīdə́ gotə najə̄ yān. Ɓōĺ rāā ngé rāā kəla kem to boó gə̄ ngá̰ý adə̄ ədan̄ Jonas na: I rí kə́ beē n ī-rāā toó! Tām̄ ngɔlaā nin̄ gerə̄n̄ kadə̄ Jonas a a̰ȳ i Kɔ́ɔ̄ɓē yā kaw̄ sa̰y. Nin̄ dəjenən̄ najə̄ ədan̄ na:

JONAS 1:3

Jonas ḭḭ dɔɔ́ əsō róbó, banī i yā ka̰ȳ kaw̄ Tarsis sa̰y kɔ̄ɔ́ rɔ̄ Kɔ́ɔ̄ɓē tə́. Ni ugə̄ Japa. Anī ənge to bo kógə̄ḿ kə́ a aw̄ kə̄ Tarsis. Ni əgā too ní ba al̄ kemeé, yā kaw̄ Tarsis naā tə́ kə ngé rāā kəla kem too bo ní tə́ gə̄, sa̰y kɔ̄ɔ́ ta kum Kɔ́ɔ̄ɓē tə́.

OJEE 11:2

Ba gō tə́, dan ń m̄-ɓārə́n ngá̰ý anī, ni əya̰m̄ ba aw̄ sa̰y ngá̰ý ō. Gír deē yāḿ gə̄ ndējə̄n̄ ɓesə̄ Baal gə̄ yá̰á̰ kə́ tun̄ gə̄. Nin̄ róōn̄ ndujə̄ yá̰á̰ kə́ kotə majə gə̄ no nə́ɓā kə́ rɔ̄kum aĺ gə̄ tə́.

OJEE 9:17

Nə́ɓā yāḿ a mbātə́ Epəraim gə̄, tɔdɔ̄ nin̄ oōn̄ najə̄ yān alé. Nin̄ a aw̄n̄ kə̄ loo gə̄ tə́ malang dan nápar de gə̄ tə́.

OJEE 7:3

Kə ta kūl̄ kem ndul yādə́, nin̄ rāān̄ mban̄g adə̄ rɔ̄n nelə̄n, kə ta kūl̄ sor̄ yādə́, nin̄ rāān̄ de kə́ bo gə̄ ādə̄ əren̄ kumdə́ ta yá̰á̰ tə́ alé.

OJEE 7:1

Kum mbang ń m̄-sāā rāań kadə̄ Israel ənge rɔ̄ ngáā ní ɓáa, m-á̰á̰ yá̰á̰ kə́ gōtə́ aĺ gə̄ ń Epəraim gə̄ rāān̄ ní ō, m-á̰á̰ yá̰á̰ kə́ majaĺ ngá̰ý gə̄ ń de kə́ Samari gə̄ rāān̄ ní ō. A̰á̰ā̰, nin̄ i de kə́ rɔ̄kum aĺ gə̄, ngé ɓogə gə̄ a túdə̄n̄ kə̄ kem kújə gə̄ tə́ dɔ gúú tə́ ō, ngé gān̄g róbə gə̄ a rāān̄ yá̰a̰ i kum róbə kɔsə gə̄ tə́ ō.

EJEKIEL 34:6

Ɓūtə̄ yá̰a̰ kul̄ yāḿ gə̄ aw̄ tḭ̄ḭ̄n̄ ta rɔ̄də́ kə̄ dɔ mbal̄ gə̄ tə́ ō, kə̄ dɔ ngán mbal̄ gə̄ tə́ ō. Batə̄ yāḿ gə̄ tə̄ndān̄ naā tḭ̄ḭ̄n̄ kə̄ loo gə̄ tə́ kem ɓēé kə taá malang. Deē aw̄ sāādə́ aĺ ō, deē əndā kumən gíŕdə́ tə́ aĺ ō.

EJEKIEL 18:25

Ɓá tā banī sḭḭ̄ ə́daī na jī bēl̄ loo rāā yá̰a̰ gə̄ yā Kɔ́ɔ̄ɓē na majə alé! Sḭḭ̄ Israel gə̄ ōōī, i jī bēl̄ loo rāā yá̰a̰ yāḿ mā n i kə́ majə aĺ ní a? I jī bēl̄ loo rāā yá̰a̰ yāsí gə̄ n i kə́ majə aĺ ní.

EJEKIEL 18:2

I tām̄ rí tə́ á ədan̄ kāgə̄ najə̄ ń toō kə̄ nja naā tə́ dɔ nang kə́ Israel tə́ ní, ədan̄ na: Bɔbə̄ ngán gə̄ əsan̄ kan̄ kāgə̄ nduú kə́ ɓogə́ro, ba i ngán gə̄ n ngān̄gdə́ oy ō ní?

EJEKIEL 16:23

Yá̰á̰ kə́ majaĺ gə̄ malang ń ī-rāā ní, yá̰a̰ gə̄ ń noō a reēn̄ kə yá̰á̰ kə́ to kum kaȳ aĺ dɔí tə́! I mā Kɔ́ɔ̄ɓē Nə́ɓā n m-ə́da najə̄ ń noō ní.

NŌŌ RƆ̄ 5:16

Jākā mbang kə́ dɔjí tə́ teē əsō kɔ̄ɔ́. Yá̰á̰ kə́ to kum kaȳ aĺ əsō dɔjí tə́, tɔdɔ̄ jə-rāā majaĺ.

JEREMI 42:20

Sḭḭ̄ kɔ́ gə̄ ī-gólī rɔ̄sí, tɔdɔ̄ sḭḭ̄ ə́lamī rɔ̄ Kɔ́ɔ̄ɓē Nə́ɓā yāsí tə́ ə́daī na: Ɔ̄r̄ najə̄ kə Kɔ́ɔ̄ɓē Nə́ɓāá tām̄ yājí tə́, ə́dájí yá̰a̰ malang ń Kɔ́ɔ̄ɓē Nə́ɓā yājí əda ní kə ta njaá na j-a jə-rāā.

JEREMI 14:10

Kɔ́ɔ̄ɓē ɔr̄ najə̄ kə gír de gə̄ ń toō i beé: Rɔ̄kum, nin̄ ndigən̄ i dáȳ dɔɔ́, nin̄ gírə̄n̄ gō tóo njadə́ tə́ alé. Nin̄ rāān̄ yá̰á̰ kə́ nel kem Kɔ́ɔ̄ɓē alé, adə̄ ngɔlaā ní ni ter̄ kemdə́ dɔ yá̰á̰ kə́ gōtə́ aĺ yādə́ gə̄ tə́ ō. əndadə́ tām̄ majaĺ ń rāān̄ tə́ ní ō.

IJAI 63:8

Ni-ɔr̄ najə̄ yā de gə̄ yā Israel, əda na: Nin̄ i gír deē yāḿ gə̄, i ngánə́ḿ gə̄, nin̄ a gól̄mə̄n̄ aĺ ō, kété ni i nge kajədə́.

IJAI 59:13

Kɔ́ɔ̄ɓē, jə-mbātə́ taí, jə-tél gōí tə́ kɔ̄ɔ́, Nə́ɓā yājí, j-a̰yī j-aw̄ sa̰y. J-a j-ɔr̄ i najə̄ rējə̄ madə̄jí gə̄ ngóy ō, i najə̄ kəsō wōn̄g ngóy ō. Sor̄ i ngá̰ý kemjí tə́ ō, i ngá̰ý dɔjí tə́ ō.

IJAI 43:1

Israel ní, ngɔlaā ní Kɔ́ɔ̄ɓē ədaī yá̰á̰ ń toō, ni ń əndāī ō, rāāī ō ní: Ī-lōō ɓōĺ, m̄-gān̄g dɔí. m̄-ɓāríī kə rīí, ḭ̄ i yāḿ mā.

IJAI 41:14

Sḭḭ̄ gír deē yā Jakob gə̄, ī-lōōī ɓōĺ. Ngōn̄ kele kə́ dūú, ḭ̄, gotə de gə̄ yā Israel kə́ tɔ́gə́də́ gətóo gə̄. Najə̄ ń Kɔ́ɔ̄ɓē əda ní n toó: m̄-reē i yā dḭḭ̄. Nge taā kəya̰ī dɔɔ́ i mā, Nə́ɓā kə́ táĺ yā Israel.

IJAI 31:1

Ngé kaw̄ dɔ nang kə́ Ejiptə tə́ sāā de kə́ ngé rāā sedə́ gə̄ tə́ ní, i yá̰á̰ kə́ to kum kaȳ aĺ kə́ ba̰ý beē n i tām̄ yādə́ tə́ ní! Nin̄ əndān̄ tɔ́gə́də́ i dɔ sə́nda gə̄ tə́, nin̄ əndān̄ kemdə́ i dɔ púsə rɔ̄ɔ̄ gə̄ tə́, tām̄ púsə rɔ̄ɔ̄ gə̄ i ngá̰ý ō, əndān̄ kemdə́ i dɔ ngé kal̄ sə́nda gə̄ tə́, tām̄ nin̄ ngangə̄n̄ ngá̰ý ō. Banī nin̄ a̰a̰n̄ loo kum kə̄ rɔ̄ Nə́ɓā kə́ táĺ yā Israel tə́ alé. Nin̄ sāān̄ Kɔ́ɔ̄ɓē alé.

PĀ GƏ̄ 106:10

Ni ajədə́ jī ngé kim̄də́ gə̄ tə́, ni-taādə́ jī madə̄ ba̰ā̰də́ gə̄ tə́.

Makətūbə̄ yā Job 22:17

Nin̄ ədan̄ Nə́ɓā na kə tūr̄ gidən kɔ̄ɔ́ tadə́ tə́! Ké Nə́ɓā kə́ tɔ́gən i ngá̰ý a rāā i rí sedə́ wa.

NEHEMI 1:10

Kɔ́ɔ̄ɓē, jḭḭ i ngé kəla yāí gə̄, jḭḭ i gír deē yāí gə̄! I jḭḭ ń toō n ī-gān̄g dɔjí kə ta kūl̄ tɔ́gí kə́ ngá̰ý ō, kə ta kūl̄ tɔ́gə jīí ō ní.

NDŪ NAJƏ̄ 15:15

Ādə̄ əga kemií na kété ní ḭ̄ i ɓəlo dɔ nang kə́ Ejiptə tə́ ba i Kɔ́ɔ̄ɓē Nə́ɓā yāí n gān̄g dɔí ní. I tām̄ najə̄ ń noō tə́ n m-ə́daīneé yá̰á̰ ń toō ɓōólaā ní.

JEREMI 7:15

M-ā m̄-tə̄ɓāsí rɔ̄ḿ tə́ kɔ̄ɔ́ sa̰y tītə̄ ń m̄-tə̄ɓāń ngákó̰ó̰sí gə̄ malang kə́ gír kaa yā Epəraim tə́ ní ō.

JEREMI 51:9

Jə-nāā rāā kadə̄ do Babilon edə̄, ba dum̄ kedə̄. Ɔ́tiī tan tə́, ādə̄ náā nəkɔ́ ɓáa tél aw̄ ɓē yān tə́. Tɔdɔ̄ najə̄ yān aw̄ bátə́ ɔtə̄ dɔ rā̰ tə́ ō, ugə̄ dɔ kil̄ man̄ gə̄ tə́ ō.

MISE 6:12

Ngé kənge yá̰á̰ kə́ kem ɓē bo ń toō tə́ gə̄ a əsan̄ i tətō ngé ndoō gə̄. De gə̄ ń ndin̄ kemeé ní, nin̄ i ngé sor̄ gə̄. Nin̄ teēn̄ tadə́ a ngól̄nəń i loo.

IJAI 30:1

Najə̄ ń Kɔ́ɔ̄ɓē əda ní n toó: Yá̰á̰ kə́ to kum̄ kaȳ aĺ a teē dɔsí tə́, sḭḭ̄ ngáń kə́ ngé mbātə́ najə̄ gə̄! Sḭḭ̄ ī-númī yá̰á̰ kə́ yā rāā gə̄ kə́ i mā n m-ɔ́jə rāā alé. Sḭḭ̄ ə̄nī ndūsí ādī naā, ba kənī ndū yāsí ní mbātə́ nge ń mā m̄-ndigə ní. Sḭḭ̄ ī-rāāī yá̰á̰ kə́ gōtə́ aĺ ba ī-reē ə̄nī dɔ madə̄ kə́ gōtə́ aĺ tə́.

IJAI 30:2

Sḭḭ̄ ə̄sōī róbó ta kaw̄ kə̄ Ejiptə, banī ī-dəjeī gír̄ yāḿ mā kə́ dɔ tə́ alé. Ī-sāāī kadə̄ mban̄g kə́ Ejiptə ngɔ̄m̄sí ō, ī-sāāī ɓɔ̄ɔ̄ rɔ̄sí ndíl ɓē yān tə́ ō!

OJEE 5:7

Nin̄ ran̄ dɔ ndūdə́ tə́ kə Kɔ́ɔ̄ɓēé alé, ojən̄ ngáń kə́ loo kaya tə́ gə̄. Ngɔlaā ní, asə nāā kógə̄ḿ anī, a nujən̄ ɓē yādə́ kɔ̄ɔ́.