OJEE 7:11 - Bibəl ta Sar̄

¹¹ Epəraim to i tītə̄ déŕ kə́ mbóo beé. Ni gír̄ yá̰a̰ alé. Ni ɓāŕ Ejiptə ba gō tə́ anī, ni aw̄ dɔ nang kə́ Asiri tə́.

Bible sar

¹¹ *Epəraim to i tītə̄ déŕ kə́ mbóo beé. Ni gír̄ yá̰a̰ alé. Ni ɓāŕ Ejiptə ba gō tə́ anī, ni aw̄ dɔ nang kə́ Asiri tə́.

OJEE 7:11 Referans Kwoze

OJEE 12:1

Kɔ́ɔ̄ɓē əda na: Gír deē yā Epəraim gə̄ sorə̄n̄ gīr̄nəń gidəḿ. A̰á̰ā̰, Israel gə̄ ɓír̄mə̄n̄ kə gól̄ looó. Deē yā Juda gə̄ i seḿ ɓáý, banī nin̄ na̰yn̄ kə̄ loo kəhɔ gō nə́ɓā kə́ rang gə̄ tə́.

OJEE 5:13

Epəraim ger̄ kadə̄ ni i mo̰y ō, Juda ger̄ kadə̄ ni-ənge do ō. Loo ń noō tə́ Epəraim tūr̄ rɔ̄n kə̄ rɔ̄ Asiri tə́, ni-əla de gə̄ rɔ̄ mban̄g kə́ bo kə́ ɓē ngeé ń noō tə́. Banī mban̄g ní asə rāā kadə̄ rɔ̄sí ngáā aĺ ō, asə rāā kadə̄ do yāsí edə̄ aĺ ō.

OJEE 11:11

Nin̄ ḭḭn̄ Ejiptə reēn̄ kə rɔ̄ ndebeé tītə̄ ngán yel̄ kə́ dūú gə̄ beé ō, ḭḭn̄ Asiri reēn̄ tītə̄ dér dum gə̄ kə́ ḭḭn̄ bɔ̄gə̄ beé ō. M-ā m̄-rāā kadə̄ nin̄ a ndin̄ kə̄ kem ɓē yādə́ gə̄ tə́. Najə̄ ń Kɔ́ɔ̄ɓē əda ní n noó.

OJEE 4:11

Rāā ájə́ba ō, ka̰ȳ kasə nduú ō, rāādə́ adə̄ nin̄ télən̄ de gə̄ kə́ dɔdə́ ndi gōtə́ aĺ gə̄.

OJEE 9:3

Epəraim gə̄ a asən̄ ndi dɔ nang yā Kɔ́ɔ̄ɓē tə́ alé. Nin̄ a télən̄ yā kaw̄ gogə́ dɔ nang kə́ Ejiptə tə́, aĺ ɓáa a aw̄n̄ Asiri. Nin̄ a əsan̄ yá̰á̰ kə́ yḛr loo ń noō tə́.

OJEE 14:3

Ī-tél ī-reēī rɔ̄ Kɔ́ɔ̄ɓē tə́ kə najə̄ gə̄ ń toō: Ī-mā̰ȳ rɔ̄í dɔ yá̰a̰ rāājí kə́ gōtə́ aĺ gə̄ tə́ ō, ī-taā yá̰á̰ kə́ majə ń jə-ndējī ní ō. J-a jə-ndējī najə̄ kə́ tají tə́ kum gotə man̄g kə́ bəra kə́ tun̄ gə̄.

JEREMI 2:36

Tītə̄ ń ḭ̄kɔ́ ī-rāā ādə̄ de gə̄ kídīnī sɔɔ̄ ń dɔ hál koō naā loo mundə̄ tə́ yāí gə̄ ní, rɔ̄í a sɔlī ngá̰ý Ejiptə tə́ ō, Asiri tə́ ō.

JEREMI 2:18

Ngɔlaā ní i rí n nelī ngá̰ý kum róbə́ kə́ Ejiptə tə́, kadə̄ āw̄ ā̰ȳ man̄ bā kə́ Nil tə́ ní? I rí n nelī ngá̰ý kum róbə́ kə́ Asiri tə́, Kadə̄ āw̄ ā̰ȳ man̄ kə́ bāá ní?

Gōsə̄ najə̄ gə̄ 17:16

Kəla rāā nar kə́ to jī mbóo deē tə́ i rí? I yā mangəń kum kedə̄ a? Ba ń ni ger̄ kum yá̰a̰ kógə̄ḿ aĺ ní!

Gōsə̄ najə̄ gə̄ 15:32

Nge mbātə́ kɔjə̄ i de kə́ nge rāā ndāńg kə rɔ̄n nəkɔ́, banī de kə́ ndigə kadə̄ ndāńgnən̄ i de kə́ a ngáā.

Gōsə̄ najə̄ gə̄ 6:32

De kə́ nge sāā nə̄yá̰ madə̄n i de kə́ kur̄ dɔn gətóo, ni-rāā adə̄ dəyá̰ ní tél i nge nujə seneé.

2 MBAN̄G 15:19

Pul, mban̄g kə́ Asiri, reē dɔ nang kə́ Israel tə́. Anī Menahem adə̄n sə́lē arjā̰a̰ kə́ kɔȳn i kəlōo dūbú kutə mətá kadə̄ rāań seneé kadə̄ n-ndiń ngan̄g dɔ ɓē tə́.

MATIYE 10:16

Á̰a̰ī, m-ə́lásí i mbée tītə̄ batə̄ gə̄ kə̄ dan soó gə̄ tə́. I tām̄ ń toō tə́ ní ādī kumsí edə̄ tītə̄ yā lī gə̄ ō, ādī kemsí ndaa táĺ tītə̄ yā dér gə̄ ō.

OJEE 4:6

Gír deē yāḿ gə̄ a oyn̄ i tām̄ nin̄ ger̄mə̄n̄ alé. Sḭḭ̄ ī-mbātíī gerə̄m̄. I tām̄ najə̄ ń toō tə́ n m̄ gḛy najə̄ yāsí to̰ aĺ ní. Sḭḭ̄ i ngé tun̄ yá̰a̰ yāḿ gə̄ to̰ alé. Dɔsí ndígə̄nal yá̰á̰ ń Nə́ɓā yāsí ndóōsí ní kɔ̄ɔ́ ɓá ní, dɔḿ mā a ndígə̄nal ngáńsí gə̄ ō.

OJEE 5:4

Yá̰á̰ ń Israel gə̄ rāān̄ ní, adə̄də́ ta róbə́ tél reē gogə́ rɔ̄ Nə́ɓā yādə́ tə́ alé. A̰á̰ā̰, néĺ ájə́ba kógə̄ḿ əla dandə́ tə́ ō, nin̄ gerə̄n̄ Kɔ́ɔ̄ɓē aĺ ō.

OJEE 8:13

Nin̄ ndə̄jə̄mə̄n̄ yá̰á̰ kə́ tun̄ gə̄, i tɔdɔ̄ nin̄ gḛyn̄ kəsa dā̰. Banī mā Kɔ́ɔ̄ɓē m̄-ndigə yá̰a̰ tun̄ yādə́ gə̄ alé. Ngɔlaā ní, a əga kemḿ dɔ yá̰a̰ rāādə́ gə̄ kə́ gōtə́ aĺ gə̄ tə́, m-ā m̄-rāādə́ yá̰á̰ kə́ tōr̄ najə̄ mān̄ ń nin̄ mānə̄n̄ dɔ ndūḿ gə̄ ní tə́. I gáŕ kadə̄ nin̄ a télən̄ yā kaw̄ gogə́ dɔ nang kə́ Ejiptə tə́.

OJEE 9:6

Dan ń ā ī-teēī kɔ̄ɔ́ kem ɓē yāsí kə́ nujə tə́ anī, ɓē kə́ Ejiptə a əhɔsí kə̄ rɔ̄n tə́, banī ɓē kə́ Mempis a tél i bəlo yosí. Mu kə́ majaĺ gə̄ a ɔrən̄ rɔ̄ɔ̄ dɔ yá̰a̰ yāsí gə̄ kə́ gātə̄də́ i ngá̰ý tə́, túpə kōn̄ gə̄ a taān̄ loo kem kújə yāsí gə̄ tə́.

2 MBAN̄G 16:7

Akaj əla əda Tigəlatə Pileser mban̄g kə́ Asiri na: Mā i nge kəla yāí ō, ngōnīí ō. Ī-reē ī-taām̄ jī mban̄g kə́ Aram tə́ ō, mban̄g kə́ Israel tə́ ō, tɔdɔ̄ nin̄ ḭḭn̄ seḿ kə rɔ̄ɔ́.

OJEE 12:2

Epəraim adə̄ de gə̄ kə́ Ejiptə tə́ yibə̄ ō, əndā jīn gír makətūbə̄ koō naā yādə́ kə de kə́ Asiri gēé tə́ ō. I tītə̄ ń noō n ni ulə̄ń rɔ̄n kə nélé ō, a̰ȳń ngɔ̄də̄ gō néĺ kə́ dūn̄ ɓē tə́ dəloí bátə́ loo tíbə dɔn tə́ ō ní. Ni seĺ sor̄ kə̄ loo gə̄ tə́ ō, nujə loo ɔyń yá̰a̰ yā de gə̄ dɔ gúú tə́ ō.

ABƏDIAS 1:7

Tə̄ɓān̄sí kɔ̄ɔ́ dɔ nang yāsí tə́. Ngé ɓoo rɔ̄də́ tū yāsí gə̄ tə́ malang teēn̄ kə gíŕsí dɔɔ́ ō, nujən̄sí kɔ̄ɔ́ ō. Ngé kəsa yá̰a̰ sesí gə̄ əyān̄ gūmbə̄ gír njasí tə́. De gə̄ ədan̄ najə̄ yāsí na: Dɔdə́ ndi kə gōó alé.