OJEE 7:1 - Bibəl ta Sar̄

¹ Kum mbang ń m̄-sāā rāań kadə̄ Israel ənge rɔ̄ ngáā ní ɓáa, m-á̰á̰ yá̰á̰ kə́ gōtə́ aĺ gə̄ ń Epəraim gə̄ rāān̄ ní ō, m-á̰á̰ yá̰á̰ kə́ majaĺ ngá̰ý gə̄ ń de kə́ Samari gə̄ rāān̄ ní ō. A̰á̰ā̰, nin̄ i de kə́ rɔ̄kum aĺ gə̄, ngé ɓogə gə̄ a túdə̄n̄ kə̄ kem kújə gə̄ tə́ dɔ gúú tə́ ō, ngé gān̄g róbə gə̄ a rāān̄ yá̰a̰ i kum róbə kɔsə gə̄ tə́ ō.

Bible sar

¹ Kum mbang ń m̄-sāā rāań kadə̄ *Israel ənge rɔ̄ ngáā ní ɓáa, m-á̰á̰ yá̰á̰ kə́ gōtə́ aĺ gə̄ ń *Epəraim gə̄ rāān̄ ní ō, m-á̰á̰ yá̰á̰ kə́ majaĺ ngá̰ý gə̄ ń de kə́ Samari gə̄ rāān̄ ní ō. A̰á̰ā̰, nin̄ i de kə́ rɔ̄kum aĺ gə̄, ngé ɓogə gə̄ a túdə̄n̄ kə̄ kem kújə gə̄ tə́ dɔ gúú tə́ ō, ngé gān̄g róbə gə̄ a rāān̄ yá̰a̰ i kum róbə kɔsə gə̄ tə́ ō.

OJEE 7:1 Referans Kwoze

OJEE 7:13

Yá̰á̰ kə́ to kum kaȳ aĺ kə́ ba̰ý beē tām̄ yā Epəraim gə̄ tə́! Nin̄ a̰ȳn̄ rɔ̄ḿ tə́ kɔ̄ɔ́ aw̄n̄ sa̰y! A nujən̄də́ kɔ̄ɔ́, tɔdɔ̄ nin̄ əsōn̄ wōn̄g taḿ tə́. Nin̄ ɔrə̄n̄ najə̄ kə́ sor̄ gə̄ dɔḿ tə́. Loo ń noō tə́ ní, m-ā m̄-rāā i ba̰ý n m-ā m-ásəń gān̄g dɔdə́ ní?

OJEE 6:4

Kɔ́ɔ̄ɓē tūr̄ ədasí na: Epəraim, yá̰á̰ ń kə m̄-rāā tām̄ yāí tə́ ní i rí? Ba ḭ̄ Juda, yāí ḭ̄ i rí ō? Tár yāsí kə́ tām̄ yāḿ tə́ to i tītə̄ kil̄ man̄ kə́ dəloí beé, i tītə̄ man̄ kə́ tə́sō ndɔ̄ɔ́ ba ḭḭ̄ kɔ̄ɔ́ kə̄ ta jī tə́ beé.

Najə̄ kə́ Majə yā Jeju ń Luk ndang ní 19:42

Nə́ngētə́ ɓōólaā ń toō ḭ̄ ī-ger̄ yá̰á̰ ń a adī lɔm ní anī, ba ngɔlaā yá̰á̰ ń toō i kə́ ɓɔ̄ɔ̄ kɔ̄ɔ́ ta kumií tə́.

OJEE 4:2

Nin̄ ndɔ̄lə́n̄ loo kə̄ loo gə̄ tə́ ō, sorə̄n̄ ō, tɔ̄lə̄n̄ de gə̄ ō, əhɔn̄ de gə̄ dɔ gúú tə́ aw̄n̄ sedə́ kɔ̄ɔ́ ō. Nin̄ rāān̄ rāȳ ō, rāān̄ yá̰a̰ i kə tɔ́gə́də́ ō, kəla rāādə́ i tɔ̄l̄ de gə̄ ō.

Najə̄ kə́ Majə yā Jeju ń Luk ndang ní 13:34

Jerusalem, Jerusalem, ḭ̄ nge tɔ̄l̄ ngé koō ta gə̄ ō, nge tə́nī ngé gə̄ ń Nə́ɓā əladə́ ní kə mbalá ō, nja ngá̰ý m̄-gḛy kán̄ ngání gə̄ kə̄ naā tə́ tītə̄ kó̰o̰ kə̄njá kə́ kán̄ ngánən gə̄ gír bɔ̄gə̄n tə́, ba sḭḭ̄ ī-gḛyiī alé.

MATIYE 23:37

Ɓē kə́ Jerusalem, ɓē kə́ Jerusalem, ḭ̄ ń i nge tɔ̄l̄ ngé koō ta gə̄ ō, nge tə́nī ngé gə̄ ń Nə́ɓā əladə́ looí ní kə mbalá tə́nī tɔ̄l̄də́ ō ní! Nja i kóndóńg n m̄-gḛy kán̄ ngání gə̄ kə̄ naā tə́, tītə̄ ń kó̰o̰ kə̄njá a kánəń ngánən gə̄ gír bɔ̄gə̄n tə́ ní? Ba ngání gə̄ gḛyn̄ alé!

MISE 6:16

Sḭḭ̄ ī-ndájī jī bēl̄ loo rāā yá̰a̰ gə̄ yā mban̄g Omri ō, yā ngōnə̄n Akab ō, yā kojə yān ō. Sḭḭ̄ ī-ndájī jī bēl̄ loo rāā yá̰a̰ yādə́. Adə̄ m-ā m̄-nujə ɓē bo yāsí kɔ̄ɔ́. I beé n de kə́ rang gə̄ a əgōn̄neésí sḭḭ̄ de gə̄ ń ī-ndiī kemeé ní. Rɔ̄sɔl̄ ń rāā gír deē yāḿ gə̄ ní, a rāāsí.

AMOS 8:14

Ngé kə́rēý gə̄ a ənīn̄ ndūdə́ kə ngagāá ngá̰ý kə ta kūl̄ nə́ɓā kə́ rɔ̄kum aĺ kə́ Samari. Nin̄ túbən̄ ədan̄ na: Dan, m̄-túbə kə ta kūl̄ nə́ɓā yāí! Aláa ədan̄ na: m̄-túbə kə ta kūl̄ róbə́ kə́ yā ɓōĺ gidə kə́ ta kaw̄ kə̄ Beer Seba! Loo ń noō tə́ ní, de gə̄ ngeé ń noō a əsōn̄ ō, a télən̄ yā kḭḭ dɔɔ́ gogə́ to̰ aĺ ō!

OJEE 10:5

De kə́ Samari gə̄ ɓōlə́n̄ najə̄ yā ngōn̄ man̄g lɔ́ŕ kə́ Bet Aben tə́. Gír deē yān gə̄ ō, ngé tun̄ yá̰a̰ yān gə̄ ō, rāān̄ yon. Nin̄ asən̄ ndām̄ ndām̄ rɔ̄nel̄ majə, najə̄ yā majə kə́ ni majə ka̰ā̰ tə́. Majə yān ní gətóo kɔ̄ɔ́ ngɔlaā!

OJEE 8:9

Epəraim aw̄ dɔ nang kə̄ Asiri tə́, ni to i tītə̄ kərō kə́ bembeé kə́ a rāā yá̰a̰ i kə kérneé beē. Tá ni-adə̄ yá̰á̰ gíŕ ngé sāān gə̄ tə́ yā kəngeńdə́.

OJEE 8:5

I beé ní, sḭḭ̄ de kə́ Samari gə̄, ī-mbātíī ngōn̄ man̄g lɔ́r yāsí kɔ̄ɔ́! Ī-rāāmī adə̄ wōn̄g rāām̄. Sḭḭ̄ ásiī ndi kanjə̄ rāā yá̰á̰ kə́ gōtə́ aĺ alé. Nge ń noō a to i bátə́ ta kə́ rá?

OJEE 5:1

Kɔ́ɔ̄ɓē əda na: Sḭḭ̄ ngé tun̄ yá̰a̰ gə̄, ōōī majə, sḭḭ̄ ngār gə̄ yā Israel gə̄, ī-nēlī mbīsí, ba sḭḭ̄ de kə́ ndogó mbangāá gə̄, ī-teēī mbīsí! Majə kadə̄ ī-gāngī sarya kə́ gōtə́. Ɓá tā banī sḭḭ̄ ə́hɔī de gə̄ kə gūmbūú Misəpa. Sḭḭ̄ ī-selíī réńg nodə́ tə́ dɔ mbal̄ Tabor tə́.

OJEE 4:17

Epəraim gə̄ əhɔn̄ gō Nə́ɓā kə́ rɔ̄kum aĺ gə̄ ní, ə́ya̰īdə́!

EJEKIEL 23:4

Rī ni kə́ nga tɔ́gə na i Ohola, banī rī gidən na i Oholiba. Ni kə́ nga tɔ́gə i Samari, banī gidən i Jerusalem. Nin̄ i yāḿ gə̄ mbak ō, ojən̄ ngáń kə́ dəngam gə̄ ō, ngáń kə́ dəyá̰ gə̄ ō.

EJEKIEL 16:46

Rī ngōkó̰ó̰í kə́ dəyá̰ kə́ nga tɔ́gə na i Samari. Ni-ndi i dām̄ mbɔ́r ɓē kə́ ko̰ó̰ naā tə́ kə ngán ɓē kə́ dūú gēé kadən tə́. Ngōkó̰ó̰í kə́ dəyá̰ ń teē gidií tə́ ní rīn na i Sodom. Ni-ndi i dām̄ mbɔ́r ɓē kə́ geleé tə́, naā tə́ kə ngán ɓē kə́ dūú gēé kadən tə́.

JEREMI 51:9

Jə-nāā rāā kadə̄ do Babilon edə̄, ba dum̄ kedə̄. Ɔ́tiī tan tə́, ādə̄ náā nəkɔ́ ɓáa tél aw̄ ɓē yān tə́. Tɔdɔ̄ najə̄ yān aw̄ bátə́ ɔtə̄ dɔ rā̰ tə́ ō, ugə̄ dɔ kil̄ man̄ gə̄ tə́ ō.

IJAI 59:12

A̰á̰ā̰, Kɔ́ɔ̄ɓē, jə-mbātə́ taí ngándáńg. Majaĺ yājí gə̄ sekə́n̄jí. Jə-gír̄ dɔ kəsō wōn̄g yājí gə̄ tə́ kanjə̄ dəba, yá̰a̰ rāājí kə́ gōtə́ aĺ gə̄ ní jə-ger̄ majə.

IJAI 28:1

I yá̰á̰ kə́ to kum kaȳ aĺ kə́ ba̰ý beē tām̄ yā ɓē kə́ Samari tə́! Ɓē ń toō ń to tītə̄ jākā mbang beé ní, ngé kasə rāā gə̄ kə́ dɔ nang yā Epəraim tə́ əndan̄ gúúdə́ tāmən tə́ Ɓē ní ndi i dɔ ngōn̄ mbal̄ ń deē ra dɔ tə́ anī a̰a̰ wól loo kə́ teē kōō ngá̰ý ní. Súūn̄ ɓē ní adə̄ majə ngá̰ý. Banī ɓē ní to i tītə̄ hútə̄ yá̰á̰ kə́ tutə kə́ to dɔ de gə̄ kə́ kasə nduú rāādə́ kɔ̄ɔ́ tə́ beē.

EJEKIEL 24:13

Jerusalem, ḭ̄ i de kə́ yḛr tām̄ ī-rāā kaya. m̄-gḛy rāāī kadə̄ ūnjə̄ njáý njáý, banī ī-tél de kə́ ūnjə̄ njáý njáý alé. I beé ɓá ní, ré m-ə́ya̰ wōn̄g yāḿ kə́ ngá̰ý dɔɔ́ adə̄ rāā kəla bátə́ ta tɔ̄l̄ ta tə́ pá tá ā ūnjə̄ njáý njáý ɓáý. Ā ūnjə̄ kété no tə́ alé.

OJEE 11:8

Epəraim, loo kadə̄ m-ə́ya̰ī kɔ̄ɔ́ i noó a? Israel, loo kadə̄ m̄-tél gōí tə́ kɔ̄ɔ́ i noó a? Yá̰á̰ ń m̄-rāā kə ɓē kə́ Adəma ní, m-ásə rāāī a? M-ásə rāāī kadə̄ ī-to tītə̄ Seboim a? Kem nujə kɔ̄ɔ́ ō, m̄-ndew kə̄ rɔ̄ḿ gə̄ tə́ malang ō.

IJAI 59:13

Kɔ́ɔ̄ɓē, jə-mbātə́ taí, jə-tél gōí tə́ kɔ̄ɔ́, Nə́ɓā yājí, j-a̰yī j-aw̄ sa̰y. J-a j-ɔr̄ i najə̄ rējə̄ madə̄jí gə̄ ngóy ō, i najə̄ kəsō wōn̄g ngóy ō. Sor̄ i ngá̰ý kemjí tə́ ō, i ngá̰ý dɔjí tə́ ō.

IJAI 59:14

I tām̄ najə̄ ń toō tə́ n ɓōĺ gidə yá̰á̰ kə́ súmūú tél kə̄ gogə́ ní, yá̰a̰ rāā kə́ gōtə́ i sa̰y rɔ̄jí tə́. Na̰y i ngɔr kadə̄ kɔr̄ najə̄ kə́ rɔ̄kum teē əsō ndágə loo kə́ súkūú tə́, ɓōĺ gidə yá̰a̰ rāā kə́ gōtə́ aw̄ ndágə loo kə́ súkūú tə́ to̰ alé.

OJEE 12:1

Kɔ́ɔ̄ɓē əda na: Gír deē yā Epəraim gə̄ sorə̄n̄ gīr̄nəń gidəḿ. A̰á̰ā̰, Israel gə̄ ɓír̄mə̄n̄ kə gól̄ looó. Deē yā Juda gə̄ i seḿ ɓáý, banī nin̄ na̰yn̄ kə̄ loo kəhɔ gō nə́ɓā kə́ rang gə̄ tə́.

OJEE 12:2

Epəraim adə̄ de gə̄ kə́ Ejiptə tə́ yibə̄ ō, əndā jīn gír makətūbə̄ koō naā yādə́ kə de kə́ Asiri gēé tə́ ō. I tītə̄ ń noō n ni ulə̄ń rɔ̄n kə nélé ō, a̰ȳń ngɔ̄də̄ gō néĺ kə́ dūn̄ ɓē tə́ dəloí bátə́ loo tíbə dɔn tə́ ō ní. Ni seĺ sor̄ kə̄ loo gə̄ tə́ ō, nujə loo ɔyń yá̰a̰ yā de gə̄ dɔ gúú tə́ ō.

AMOS 3:9

Ī-raī dɔ kújə́ kə́ majə gə̄ kə́ kem ɓē kə́ Asdod tə́ ō, kə́ kem ɓē kə́ Ejiptə tə́ ō, ə́gaīń kɔŕ ə́daī na: Ɔ́siī dɔsí naā tə́ loo kə́ kḭḭ kə̄ dɔɔ́ gə̄ kə́ Samari tə́ tə́, ba á̰a̰ī yá̰á̰ kə́ a̰a̰ gō naā aĺ gə̄ kə́ ngá̰ý ō, yá̰á̰ kə́ rāā kə dɔ́nɔ́ kə́ i kemeé.

AMOS 3:10

Kɔ́ɔ̄ɓē əda na: Yá̰a̰ malang ń yá̰a̰ rāā kə́ kə dɔ́nɔ́ reēń ō, ɓogə reēń ō ní, ngé kə́rēý gə̄ kánə̄n̄ kə̄ dɔ naā tə́ kem kújə yādə́ kə́ majə gə̄ tə́. De gə̄ ń noō nin̄ gerə̄n̄ rāā yá̰á̰ kə́ rɔ̄kum alé.