OJEE 6:8 - Bibəl ta Sar̄

⁸ Galaad i ɓē yā de kə́ majaĺ gə̄, gotə mósə́ kə́ ɓōkə́ nang tə́ gə̄ i ngá̰ý kemeé.

Bible sar

⁸ Galaad i ɓē yā de kə́ majaĺ gə̄, gotə mósə́ kə́ ɓōkə́ nang tə́ gə̄ i ngá̰ý kemeé.

OJEE 6:8 Referans Kwoze

OJEE 12:11

Dan ngeé ń noō tə́ ní, m-ɔ̄r̄ najə̄ kə ngé koō ta gēé. Adə̄ yá̰á̰ kə́ yā ká̰ā̰ gə̄ ní, m-ə́lań i ngá̰ý m-ādə̄də́ adə̄ a̰a̰n̄. Tá kə ta kūl̄ ngé koō ta gə̄ ní, m-ə́da najə̄ yá̰a̰ gə̄ ń m̄-núm̄ rāā ní ɓáý to̰.

KƏLA RĀĀ 25:3

kadə̄ kə rāā kem majə sedə́ ba kə reē kə Poló Jerusalem. Kə́ rɔ̄kum tə́ ɓáa nin̄-oōn̄ naā dɔ Pol tə́ yā tɔ̄lən róbó.

MISE 7:2

Ngé ra dɔ ndūdə́ tə́ gə̄ kə Nə́ɓāá gətóon̄ kɔ̄ɔ́ kem ɓēé, deē kógə̄ḿ kə́ rɔ̄kum gətóo. Nin̄ malang a sāān̄ i ta róbə tɔ̄l̄ deē. Nin̄ kógə̄ḿ kógə̄ḿ ní, a əyān̄ gūmbə̄ i yā kəhɔń madə̄də́ gə̄.

OJEE 5:1

Kɔ́ɔ̄ɓē əda na: Sḭḭ̄ ngé tun̄ yá̰a̰ gə̄, ōōī majə, sḭḭ̄ ngār gə̄ yā Israel gə̄, ī-nēlī mbīsí, ba sḭḭ̄ de kə́ ndogó mbangāá gə̄, ī-teēī mbīsí! Majə kadə̄ ī-gāngī sarya kə́ gōtə́. Ɓá tā banī sḭḭ̄ ə́hɔī de gə̄ kə gūmbūú Misəpa. Sḭḭ̄ ī-selíī réńg nodə́ tə́ dɔ mbal̄ Tabor tə́.

OJEE 4:2

Nin̄ ndɔ̄lə́n̄ loo kə̄ loo gə̄ tə́ ō, sorə̄n̄ ō, tɔ̄lə̄n̄ de gə̄ ō, əhɔn̄ de gə̄ dɔ gúú tə́ aw̄n̄ sedə́ kɔ̄ɔ́ ō. Nin̄ rāān̄ rāȳ ō, rāān̄ yá̰a̰ i kə tɔ́gə́də́ ō, kəla rāādə́ i tɔ̄l̄ de gə̄ ō.

JEREMI 11:19

Mā, m̄-to tītə̄ ngōn̄ batə̄ kə́ dɔn sɔl̄ lɔ́ḿ lɔ́ḿ ń aw̄n̄ seneé kə̄ loo tɔ̄lən tə́ ní. m̄-ger̄ kadə̄ gír̄ yādə́ kə́ majaĺ gə̄ ní sɔɔ̄ i dɔḿ mā alé. Nin̄ ədan̄ na: Jə-nujiī kə kāgə̄ kə́ a̰ȳ bəto ngá̰ý, jə-tɔ̄l̄niī kɔ̄ɔ́ kem ɓē yā de kə́ ndin̄ kə kumdə́ gə̄ tə́.

PĀ GƏ̄ 59:2

Nə́ɓā yāḿ, ī-gān̄g dɔḿ jī madə̄ ba̰ā̰ḿ gə̄ tə́! Ɔ̄gə̄ ngé kənīm̄ rɔ̄ɔ̄ gə̄ kɔdə rɔ̄ḿ!

PĀ GƏ̄ 10:8

Ni ɓɔ̄ɔ̄ rɔ̄n gidə ɓē tə́ ngɔr a umə̄ń loo. Tɔ̄l̄ de kə́ najə̄ gətóo dɔn tə́ loo mundə̄ tə́. Kumən i dɔ de kə́ tɔ́gən gətóó tə́.

1 MBAN̄G GƏ̄ 2:5

Tá ɓáý to̰ ní, yá̰á̰ ń Joab kə́ ngōn̄ Seruya rāā seḿ ní ī-ger̄ majə. I ni n tɔ̄l̄ ngol ngé rɔ̄ɔ̄ kə́ jōó gə̄ kə́ Israel tə́ ń i Abner kə́ ngōn̄ Ner ō, Amasa kə́ ngōn̄ Yeter ō ní. Ni-tɔ̄l̄də́ ndɔ̄ kə́ karī tə́ daləń ba̰ā̰ mósə́ kə́ ndɔ̄ rɔ̄ɔ̄ tə́, adə̄ mósə́ ní to ɓōdə̄n tə́ ō, tū sāā yān tə́ ō.

2 SAMUEL 20:8

Nin̄ i kadə mbal̄ bo kə́ Gabaon tə́ n Amasa aw̄ əngeńdə́ ní. Joab ra i kə kūbə̄ áskar yān gēé rɔ̄n tə́. Ni do̰ō̰ kaskar kə hɔ̄pə̄n gēé gírən tə́ dɔ kūbə̄ ní tə́. Dan ń Joab a njə̄rā kə̄ kété anī kaskar ní teē əsō.

2 SAMUEL 3:27

Dan ń Abner tél dɔ tə́ reē ugə̄ Hebron anī, Joab ɓārə́n kə̄ gogə́ aw̄ seneé ta róbə ndogə̄ tə́ kum kə̄ kemeé, tītə̄ kə́ yā kaw̄ kɔr̄ najə̄ kə́ loo mundə̄ tə́ seneé beē. Ni-ɔsə kem Abner kə kəyá tɔ̄lən loo ń noō tə́ kum gotə ngōkó̰o̰n Asael ń Abner tɔ̄lən ní.

JOJUE 21:38

Ɓē gə̄ kə́ dɔ nang yā Gad tə́ ń adə̄n̄də́ ní i Ramot kə́ dɔ nang kə́ Galaad tə́ ń i ɓē ɓɔ̄ɔ̄ rɔ̄ ní ō, Mahanaim ō,

PĀ GƏ̄ 141:4

Ī-lōō kəya̰m̄ kadə̄ m-ə́da najə̄ kə́ majaĺ, kadə̄ m̄-rāā yá̰á̰ kógə̄ḿ kə kem nduluú, m̄-ndájəń nge rāā kadə̄ yá̰á̰ kə́ majaĺ reē dɔ madə̄də́ gə̄ tə́. Ī-lōō kəya̰m̄ kadə̄ taḿ nāā yá̰a̰ kəsa ń noō.

OJEE 12:12

De kə́ Galaad rāān̄ yá̰á̰ kə́ majaĺ ō, gotə yá̰a̰ yādə́ kə́ na̰y gətóo ō. Nin̄ ndējə̄n̄ man̄g kə́ bəra kə́ tun̄ gə̄ loo kə́ yā ɓōĺ gidə kə́ Gilgal tə́ tə́. Ba ngɔlaā ɓáa loo tun̄ yá̰a̰ yādə́ gə̄ ní télən̄ i kūbə̄rū mbal̄ gə̄ kə́ kánə̄n̄də́ dɔ naā tə́ bing gə̄ kə̄ kem ndɔr̄ gə̄ tə́.