Biblia Todo Logo
Bib sou entènèt

- Piblisite -




OJEE 6:6 - Bibəl ta Sar̄

6 A̰á̰ā̰, m̄-gḛy i tár, ba i dā̰ kə́ tɔ̄l̄ ba tun̄ alé. m̄-sāā i kadə̄ deē a̰a̰ gerə̄m̄ kadə̄ mā i Nə́ɓā, ba i kadə̄ deē róō dā̰ dɔ loo tun̄ yá̰á̰ tə́ alé.

Gade chapit la Kopi

Bible sar

6 A̰á̰ā̰, m̄-gḛy i tár, ba i dā̰ kə́ tɔ̄l̄ ba tun̄ alé. m̄-sāā i kadə̄ deē a̰a̰ gerə̄m̄ kadə̄ mā i Nə́ɓā, ba i kadə̄ deē róō dā̰ dɔ *loo tun̄ yá̰á̰ tə́ alé.

Gade chapit la Kopi




OJEE 6:6
24 Referans Kwoze  

Āw̄ ī-ndóōī kum najə̄ yā Nə́ɓā ń na, yá̰á̰ ń m̄-gḛy ní i rāā kem majə ba i-tɔ̄l̄ dā̰ tun̄ kadə̄m̄ alé ní. Tɔdɔ̄ m̄-reē i ɓāŕ de kə́ súmūú gə̄ tə́ alé, ba i ɓāŕ ngé rāā majaĺ gə̄ tə́.


Najə̄ ń na: Yá̰á̰ ń m̄-ndigə ní i rāā kem ndaa ba i yá̰a̰ tun̄ alé ní, nə́ngētə́ ī-gerī i kumən anī, ā ī-gāngī sarya dɔ de gə̄ ń toō ń najə̄ gətóo dɔdə́ tə́ ní alé.


Rāā yá̰á̰ kə́ gōtə́ ō, kə́ súmūú ō nel̄ Kɔ́ɔ̄ɓē tɔȳ yá̰á̰ kə́ deē tun̄ adə̄n.


Banī Samuel əda na: Dā̰ gə̄ kə́ róō horoó ō, yá̰á̰ kə́ tun̄ gə̄ ō ní, nel̄ Kɔ́ɔ̄ɓē tītə̄ ń koō tan nelə̄nneé ní a? Yḛtə alé. Koō ta Kɔ́ɔ̄ɓē majə tɔȳ yá̰á̰ kə́ tun̄ kadən̄ ō, sɔl̄ dɔ majə tɔȳ yibə̄ bal batə̄ gə̄ ō.


Njə̄rā mbā yāsí gə̄ kə́ yā kaw̄ń loo gə̄ kə́ yā ɓōĺ gidə tə́ nelə̄m̄ aĺ ngá̰ý. Nin̄ i yá̰á̰ kógə̄ḿ tām̄ yāḿ tə́ alé. M-ásə́ tə́gā taḿ dɔ kɔsə dɔ naā tə́ yāsí gə̄ tə́ to̰ alé.


Kɔ́ɔ̄ɓē əda na: Yá̰a̰ tun̄ yāsí kə́ ngá̰ý gə̄ ní, m-ā m̄-rāań i rí? Sḭḭ̄ ī-róōī batə̄ gə̄ kə taá ādə̄mī ō, ī-ndējə̄mī yibə̄ ngán man̄g gə̄ ō. Ba yá̰a̰ gə̄ ń noō malang ní, asəm̄ kɔ̄ɔ́. Mósə man̄g kə́ bəra gə̄ ō, mósə́ ngán batə̄ gə̄ ō, mósə bal bə̄yā̰ gə̄ ō ní, m̄-ndigə to̰ alé.


Ī-lōō teē taí kədań najə̄ láẃ ō, tebəle kənī míndí kadə̄ Nə́ɓā ō. Tɔdɔ̄ Nə́ɓā ndi i dɔ rā̰ tə́ ō, ḭ̄ ī-ndi i dɔ nang tə́ ō. I beé ní ādə̄ najə̄ yāí i ngá̰ý alé!


Əndā rɔ̄n ta najə̄ yā deē ń əlan̄ rɔ̄sɔl̄ dɔn tə́ ní ō, ta najə̄ yā nge ndoō tə́ ō kə gōó adə̄ yá̰a̰ malang njə̄rā majə. Deē ń a rāā yá̰a̰ tītə̄ ń noō ní kɔ́ɔ̄ gerə̄m̄ i mbée n noō aĺ a? Najə̄ ń Kɔ́ɔ̄ɓē əda ní n noó.


Rɔ̄nel̄ i kə ngé gə̄ ń rāān̄ kem majə kə de gēé ní, tɔdɔ̄ Nə́ɓā a rāā kem majə sedə́.


un najə̄ ɔr̄, əda na: Babilon ń ɓē kə́ bo ń m̄-rāān i loo ndi mban̄g tə́ ní n toó. Ni ɔjə kə̄ ndágá kadə̄ tɔ́gə́ḿ i ngá̰ý ō, kadə̄ ko̰o̰ ɓē yāḿ to kɔsə gɔn ngá̰ý ō.


Banī ḭ̄ ngōnə́ḿ Salomo̰, Nə́ɓā ń m̄-rāā kəla yān ní, ī-ndóō loo gerə̄n kə gōó majə. Ādə̄ kemií kēgə̄ loo rɔȳn tə́ aĺ ō, ādə̄ rɔ̄í neli loo rāā kəla yān tə́ ō. Tɔdɔ̄ kum Kɔ́ɔ̄ɓē a̰a̰ loo bátə́ ugə̄ gə́le kem de gə̄ tə́ malang ō, Kɔ́ɔ̄ɓē əndā ma̰ȳ gír̄ gə̄ malang kə́ kem deē tə́ ō. Ré ī-sāān anī, a əya̰ rɔ̄n yā kadə̄ ə́ngen. Banī ré ə́ya̰n kɔ̄ɔ́ anī, a mbātíī i kə́ njɔ́ḿ gə̄ tə́.


Dan ń m̄-teē kə kaasí gēé kem ɓē kə́ Ejiptə tə́ kɔ̄ɔ́ ní, m-ə́dádə́ najə̄ kógə̄ḿ aĺ bátə́ ō, m̄-dəjedə́ yá̰a̰ tun̄ kə́ yā róō horoó aĺ ō, yá̰a̰ tun̄ kə́ rang aĺ ō.


Náā nəkɔ́ ń ndi kemən tə́ ní, a rāā majaĺ alé. Banī náā nəkɔ́ ń rāā majaĺ ní, i de kə́ a̰a̰ Jeju aĺ ō, gerə̄n aĺ ō.


Ré jə-rāāī yá̰a̰ kə gō míndəneé anī, i nge ń noō n ɔjə kadə̄ jə-ger̄niī ní.


Dan ń m-ɔ́sə kejəḿ nang tə́ no Kɔ́ɔ̄ɓē ń i Nə́ɓā kə́ dɔɔ́ sa̰y tə́ ní, yá̰á̰ ń kadə̄ m̄-ndējə̄ ní i rí? Kə m̄-ndējə̄n i duĺ man̄g kə́ bəra gə̄ ō, kə m̄-róōdə́ horoó kə taá malang yá̰a̰ tun̄ tə́ ō a?


Kɔ́ɔ̄ɓē a rāā i sarya kə de kə́ kem ɓēé gēé. Sḭḭ̄ Israel gə̄, ōōī najə̄ ń ni-ɔr̄ ní: Laā ní deē ra dɔ ndūn tə́ to̰ aĺ ō, deē rāā majə to̰ aĺ ō. De kə́ kem ɓēé ń toō tə́ gə̄ gerə̄mə̄n̄ kə́ Nə́ɓā tə́ to̰ alé.


Ndi ɓō kə́ nelə̄m̄ n toó: I tútə de gə̄ kə́ do̰ō̰n̄də́ kə súĺ kə ta róbə́ kə́ gōtə́ aĺ kəya̰də́ dɔɔ́, i kun njúgə́ kə́ ɔȳdə́ dɔdə́ tə́ kɔ̄ɔ́, i taā ngé gə̄ ń a rējə̄n̄də́ ní kəya̰də́ dɔɔ́, yā kadə̄ gō ngāləń ngá̰ý aĺ ɓáa, i rāā kadə̄ yá̰a̰ malang ń a rāādə́ ɓəlo tə́ ní gətóo kɔ̄ɔ́.


Loo ń noō tə́ ní, m-ā m-ə́hɔ madə̄ naā kə dā̰ kə́ bembeé gə̄ ō, kə yel̄ kə́ dɔɔ́ gə̄ ō, kə ngán dā̰ kə́ nang tə́ gə̄ ō, tām̄ yā gír deē yāḿ gə̄ tə́. M-ā m̄-rāā kadə̄ ga̰ gərā gə̄ ō, kaskar gə̄ ō, yá̰a̰ rɔ̄ɔ̄ gə̄ ō, gətóon̄ kɔ̄ɔ́ kem ɓēé. M-ā m-ādə̄ de kə́ kem ɓēé gə̄ a ɓīīn̄ loo yādə́ jəke.


M-ə̄ndā najə̄ dɔí tə́ i tām̄ yá̰a̰ tun̄ yāí gə̄ tə́ alé. Yá̰a̰ tun̄ yāí kə́ róō horoó gə̄ ton̄ ta kumḿ tə́ ngándáńg.


Ba kadə̄ deē tárən kə kemənneé malang ō, kə gír kə́ kemən tə́ malang ō, kə tɔ́gəneé malang ō, kadə̄ ni-tár madə̄n tītə̄ ngarān̄g kum rɔ̄n nəkɔ́ ō, ń toō tɔȳ yá̰a̰ tun̄ kə́ róōn̄ horó kə yá̰a̰ tun̄ gə̄ malang.


Israel, ī-tél ī-reē rɔ̄ Kɔ́ɔ̄ɓē Nə́ɓā yāí tə́. I yá̰a̰ rāāī kə́ gōtə́ aĺ rāāī adə̄ ə̄sō ní.


Kɔ́ɔ̄ɓē rāā adə̄ ī-ger̄ yá̰á̰ kə́ majə. Yá̰á̰ ń ni-dəje deē ndul gə̄ malang kadə̄ rāān̄ ní n toó: I rāā yá̰á̰ kə́ gōtə́ ō, i kadə̄ nel̄ deē rāā kem majə ō, i kadə̄ deē ndi kə Nə́ɓā yānneé kanjə̄ kɔjə rɔ̄n ō.


Nin̄ i de gə̄ kə́ əjan̄ mɔtədə́ kɔ̄ɔ́, ba ngán Israel kə́ dəngam gə̄ malang ń ojən̄də́ dɔ róbə́ tə́ kem dəla loo tə́ ní, deē əja mɔtədə́ alé. I tām̄ najə̄ ń noō tə́ n Jojue əjań mɔtədə́ ní.


Nin̄ ndə̄jə̄mə̄n̄ yá̰á̰ kə́ tun̄ gə̄, i tɔdɔ̄ nin̄ gḛyn̄ kəsa dā̰. Banī mā Kɔ́ɔ̄ɓē m̄-ndigə yá̰a̰ tun̄ yādə́ gə̄ alé. Ngɔlaā ní, a əga kemḿ dɔ yá̰a̰ rāādə́ gə̄ kə́ gōtə́ aĺ gə̄ tə́, m-ā m̄-rāādə́ yá̰á̰ kə́ tōr̄ najə̄ mān̄ ń nin̄ mānə̄n̄ dɔ ndūḿ gə̄ ní tə́. I gáŕ kadə̄ nin̄ a télən̄ yā kaw̄ gogə́ dɔ nang kə́ Ejiptə tə́.


Swiv nou:

Piblisite


Piblisite