OJEE 6:5 - Bibəl ta Sar̄

⁵ I tām̄ najə̄ ń noō tə́ n m̄-rɔ̄ɔ̄sí kə ta kūl̄ kəla kə ngé koō ta gēé ní. M-ə́la ɓōĺ kemsí tə́ kə ta kūl̄ kədasí na m-ā m̄-tɔ̄l̄sí. Sarya gāngə̄ḿ teē tītə̄ loo kə́ unjə̄ kow beé.

Bible sar

⁵ I tām̄ najə̄ ń noō tə́ n m̄-rɔ̄ɔ̄sí kə ta kūl̄ kəla kə *ngé koō ta gēé ní. M-ə́la ɓōĺ kemsí tə́ kə ta kūl̄ kədasí na m-ā m̄-tɔ̄l̄sí. Sarya gāngə̄ḿ teē tītə̄ loo kə́ unjə̄ kow beé.

OJEE 6:5 Referans Kwoze

JEREMI 23:29

Najə̄ yāḿ to i tītə̄ hor kə́ o̰o̰ loo ō, i tītə̄ mūú kə́ tɔ̄ɔ̄ mbal̄ adə̄ tetə ndujə̄ ō aĺ a? Najə̄ ń Kɔ́ɔ̄ɓē əda ní n noó.

JEREMI 1:10

Ī-ger̄ majə kadə̄ m-ādī ndū ko̰o̰ ɓē dɔ nápar de gə̄ tə́ ō, dɔ ɓē ko̰o̰ gə̄ tə́ ō ɓōólaā, yā kadə̄ ī-ró̰ȳ kə ngəraá ō, ī-ɓéngə̄lē ō, yā kadə̄ ī-nujəń ō, ī-bótə̄yō̰ ō, yā kadə̄ ī-rāā ō, ə̄ndā ō.

JEREMI 5:14

I tām̄ najə̄ ń toō tə́ n Kɔ́ɔ̄ɓē Nə́ɓā kə́ Nge tɔgə yá̰a̰ malang əda tītə̄ ń toō beé na: Sḭḭ̄ ɔ̄rī najə̄ beé ɓá ní, m-ā m̄-rāā kadə̄ najə̄ yāḿ ń m-ə̄ndā taí tə́ ní tél hor ō, m-ā m̄-rāā gír de gə̄ ń toō i kīr̄ kə́ yā kadə̄ hor a o̰o̰ tə́ ō.

HEBƏRO 4:12

Tɔdɔ̄ najə̄ yā Nə́ɓā i najə̄ kə́ ndi kə kumneé ō, tɔ́gən to ō, tan atə tɔȳ kəyā kaskar kə́ atə dām̄ jōó ō. Ni-udə kem deē tə́, aw̄ bátə́ ugə̄ loo ń wur deē ō, ndíl deē ō, əngen̄ naā tə́ tū tə́ ní tə́ ba kēgə̄də́ naā tə́ ō, aw̄ bátə́ ugə̄ loo ń kúkə̄lú kə̄ngā gə̄ ō, yibə̄ kə́ kem kə̄ngāá ō, əngen̄ naā tū tə́ ní ba kēgə̄də́ naā tə́ ō. Najə̄ yā Nə́ɓā gān̄g sarya dɔ ngur gə̄ kə́ kem deē tə́ ō, dɔ gír̄ kə́ kem deē tə́ ō.

Makətūbə̄ ń Pol ndang adə̄ Rom gə̄ ní 2:5

Ba dɔ ngan̄g yāí ń noō ō, kem ngan̄g yāí ń ā ī-tūrəń hálí aĺ noō ō, a bə̄gān̄ wōn̄g dɔí tə́ ndɔ̄ wōn̄g ń Nə́ɓā nəkɔ́ a ɔjəń sarya yān kə́ gō tə́ kə̄ ndágá wáńg tə́ ní.

JEJU TEĒ KUM JA̰A̰ 9:21

Nin̄-ndə̄ngān̄ rɔ̄də́ tām̄ tɔ̄l̄ ń nin̄-tɔ̄lə̄n̄ de gə̄ tə́ ní aĺ ō, tām̄ rāā kəga yādə́ gə̄ tə́ aĺ ō, tām̄ sāā naā loo kaya tə́ yādə́ gə̄ tə́ aĺ ō, tām̄ ɓogə yādə́ gə̄ tə́ aĺ ō.

JEJU TEĒ KUM JA̰A̰ 9:15

Anī tútən̄ de kə́ dɔ rā̰ tə́ kə́ sɔ́ gə̄ ń əndān̄ dɔdə́ danaá tām̄ yā kum mbang ō, ndɔ̄ ō, nāā ō, ɓāl̄ ō ń kadə̄ tɔ̄lə̄n̄neé de gə̄ tə́ ní. Ré gángə̄n̄ deē ndul gə̄ gír loo mətá anī, gírən kə́ kógə̄ḿ ní nin̄-tɔ̄lə̄n̄də́ malang kɔ̄ɔ́.

JEJU TEĒ KUM JA̰A̰ 2:16

I beé ní, ī-tūr̄ hálí. Ré ī-tūr̄ hálí aĺ anī, m-ā m-āw̄ looí ngɔr ń toō tə́ yā rɔ̄ɔ̄də́ kə kəyā kə́ taḿ tə́.

JEJU TEĒ KUM JA̰A̰ 1:16

Tə́yō̰ gə̄ sīrí i jī ko̰n tə́ ō, kəyā kə́ tan lēmbə́ ba atə dām̄ jōó teē tan tə́ ō, ta kumən ndə́lē tītə̄ mbang kə́ dan kadə ndaá beē ō.

KƏLA RĀĀ 7:31

Yá̰á̰ ń Moijə a̰a̰ ní ɔr kumən ngá̰ý, adə̄ ni ɔtə a aw̄ kə̄ rɔ̄ tə́ ngɔr yā kaw̄ ka̰a̰ yá̰á̰ ní kə gōó, anī ni-oō ndū Kɔ́ɔ̄ɓē loo kɔr̄ najə̄ tə́.

SOPONI 3:5

Ɓá tā ba Kɔ́ɔ̄ɓē i kem ɓēé, ni-rāā yá̰á̰ kógə̄ḿ kə́ gōtə́ aĺ alé. Ni-gān̄g sarya yān dəloí kə dɔ ndɔ̄ gə̄. Banī de kə́ majaĺ gə̄ rāān̄ yá̰a̰ kanjə̄ rɔ̄sɔl̄.

EJEKIEL 43:3

Yá̰á̰ ń m-á̰a̰ā̰ ní, to tītə̄ yá̰á̰ ń m-á̰a̰ā̰ kété dan ń Kɔ́ɔ̄ɓē reēń nujə ɓē kə́ Jerusalem tə́ ō, dan ń m̄-rāń kadə bā Kebar tə́ ní ō. Loo ń noō tə́ m̄-tétə̄ kejəḿ nang tə́ ō, m-ɔ́sə noḿ nang tə́ ō.

EJEKIEL 3:9

M-ā m̄-rāā dɔí kadə̄ a ngan̄g tītə̄ mbal̄ diyamā̰a̰ beé ō, kadə̄ a ngan̄g mān̄ kɔkərɔ ō. Ī-lōō ɓōĺdə́ ō, ī-lōō ra ta kumdə́ tə́ a ndew ō. Tām̄ i gír de kə́ ngé mbātə́ najə̄ gə̄.

JEREMI 13:13

anī ā ə́dádə́ na: Najə̄ ń Kɔ́ɔ̄ɓē əda ní n toó: M-ā m̄-rāā kadə̄ kasə a rāā de gə̄ malang kə́ kem ɓē ń toō tə́ ō, a rāā mban̄g gə̄ kə́ gír yā Dabid tə́ ń ndin̄ dɔ kōr̄ kāgə̄ mbang yān tə́ ní ō, ngé tun̄ yá̰a̰ gə̄ ō, ngé koō ta gə̄ ō, de gə̄ malang kə́ kem ɓē kə́ Jerusalem tə́ ō.

JEREMI 1:18

Ɓōólaā m-ə̄ndāī dɔ ɓē tə́ kə taá malang tītə̄ ɓē bo kə́ ngan̄g ngá̰ý ō, tītə̄ ngaa dan gində̄ ō, tītə̄ ndogə̄ mbal̄ kə́ rāā kə gində̄ nə̄ngá kasaá ta kum mban̄g gə̄ kə́ Juda tə́ ō, de kə́ bo gə̄ tə́ ō, ngé tun̄ yá̰a̰ yān gə̄ tə́ ō, ta kum gír de kə́ kem ɓēé gə̄ tə́ ō.

IJAI 58:1

Kɔ́ɔ̄ɓē əda na: Ī-teē ngaāí ngá̰ý ə́gań kɔŕ! Ī-lōō kəhɔ rɔ̄í! Ī-rāā ndūí ādə̄ ɓār̄ tītə̄ bərúnjə beé! Ɔ́jə́ gír deē yāḿ gə̄ yá̰a̰ rāādə́ kə́ gōtə́ aĺ gə̄, ɔ́jə kojə yā Jakob gə̄ majaĺ yādə́ gə̄.

IJAI 11:4

Ni a gān̄g sarya yā ngé ndoō gə̄ i kə gō róbə́ yá̰á̰ kə́ gōtə́. De kə́ kem ɓēé gə̄ ń de kə́ nge rɔ̄ɔ̄ dɔdə́ tə́ gətóó ní, ni a gān̄g sarya kə́ gōtə́ tām̄ yādə́ tə́. Ni a ənda de kə́ kem ɓē yān tə́ gə̄ kə najə̄ kə́ tan tə́ tītə̄ kə́ i kə sálang kāgāá beē. Najə̄ kə́ tan tə́ a tɔ̄l̄ de kə́ majaĺ gə̄.

PĀ GƏ̄ 119:120

m̄-ra ta kumií tə́ anī m̄-ndebə kə̄ rɔ̄ḿ gə̄ tə́ malang, tɔdɔ̄ m̄-ɓōĺ ndílí ō, Ndūí gə̄ ń ī-ra dɔ tə́ yā rāā ní adə̄mə̄n̄ ɓōĺ ō.

PĀ GƏ̄ 37:6

Ni a ɔjə háĺ kə́ súmūú yāí kə̄ ndágá tītə̄ loo kə́ tīī unjə̄ ō, a rāā kadə̄ yá̰á̰ kə́ gōtə́ yāí teē ndágá tītə̄ loo kə́ dan kadə ndaá ō.

Makətūbə̄ yā Job 34:10

I beé ní, sḭḭ̄ ngé dɔ ndi majə gə̄ ōōī najə̄ yāḿ: Kem ndul i yá̰á̰ kə́ ndetə rɔ̄ Nə́ɓā ngɔr alé, yá̰á̰ kə́ gōtə́ aĺ i yá̰á̰ kə́ ndetə rɔ̄ Nə́ɓā kə́ tɔ́gən i ngá̰ý alé.

2 YÁ̰A̰ GƏ̄ 21:12

Joram ənge makətūbə̄ kógə̄ḿ kə́ Eli nge koō ta ndang əlań adə̄n. Najə̄ kə́ kem makətūbə̄ ní tə́ n toó: Najə̄ ń Kɔ́ɔ̄ɓē Nə́ɓā yā kaaí Dabid əda ní n toó: Ḭ̄ ī-ndájə̄ hál bɔbí Josapat aĺ ō, hál kaaí Asa mban̄g kə́ Juda tə́ aĺ ō,

2 MBAN̄G 1:16

Eli əda mban̄g na: Kɔ́ɔ̄ɓē əda na ə́la de gə̄ koō taá rɔ̄ Baal Jebul nə́ɓā kə́ Ekəron tə́, tītə̄ kə́ Nə́ɓā kə́ yā kadə̄ deē aw̄ koō taá rɔ̄n tə́ gətóo Israel tə́ beē ɓá ní, tə̄rá ń ī-to dɔ tə́ toō ā ḭ́ḭ kɔ̄ɔ́ dɔ tə́ karī alé a oy gáŕ.

1 MBAN̄G GƏ̄ 19:17

Deē ń a teē ta kaskar yā Hajael tə́ ní, Yehu a tɔ̄lən ō, deē ń a teē ta kaskar yā Yehu tə́ ní, Elije a tɔ̄lən ō.

1 MBAN̄G GƏ̄ 18:17

Dan ń Akab a̰a̰ Eli ní a, ədan na: Nge reē kə yá̰á̰ kə́ majaĺ dɔ ɓē kə́ Israel tə́, i ḭ̄ nəkɔ́ a?

1 MBAN̄G GƏ̄ 17:1

Eli kə́ Tisbe ń i de kə́ gō nang kə́ Galaad tə́ ní əda mban̄g Akab na: Tītə̄ ń Kɔ́ɔ̄ɓē Nə́ɓā yā Israel ń mā i nge kəla yān ní ndiń kə kumneé noō, man̄ a edə to̰ aĺ ō, tal a əhɔ to̰ aĺ ō, kem ɓāl̄ gə̄ ń a reēn̄ tə́ noō bátə́ ré m-ə́da najə̄ pá tá.

1 MBAN̄G GƏ̄ 14:6

Dan ń kōō nja dəyá̰ ń a reē kə̄ ta kújə́ tə́ ní əsō mbī Ahia tə́ anī, Ahia un ndū kə̄ dɔɔ́ ədanəń na: Nə̄yá̰ Jeroboam, údə́ kújú! Ī-rāā tītə̄ kə́ ḭ̄ i dəyá̰ kə́ rang i tām̄ rí tə́? Najə̄ kə́ majaĺ kə́ kadə̄ m-ə́daī to laā.

1 SAMUEL 15:22

Banī Samuel əda na: Dā̰ gə̄ kə́ róō horoó ō, yá̰á̰ kə́ tun̄ gə̄ ō ní, nel̄ Kɔ́ɔ̄ɓē tītə̄ ń koō tan nelə̄nneé ní a? Yḛtə alé. Koō ta Kɔ́ɔ̄ɓē majə tɔȳ yá̰á̰ kə́ tun̄ kadən̄ ō, sɔl̄ dɔ majə tɔȳ yibə̄ bal batə̄ gə̄ ō.

1 SAMUEL 13:13

Samuel əda Saul na: Ī-rāā yá̰a̰ i tītə̄ de kə́ kur̄ dɔn gətóo beē. Yá̰á̰ ń Kɔ́ɔ̄ɓē Nə́ɓā yāí ədaī kadə̄ ī-rāā ní ī-rāā i yá̰á̰ kə́ karī tə́. Nə́ngētə́ gēé ī-rāā i gō míndə ń Kɔ́ɔ̄ɓē Nə́ɓā ə́daī ní anī, Kɔ́ɔ̄ɓē a rāā kadə̄ i gír kojə yāí ń a o̰o̰ ɓē dɔ Israel gə̄ tə́ i kə́ mbóńg gə̄ tə́ ní.

TA KƏLA 18:25

Tɔ̄l̄ de kə́ súmūú naā tə́ kə nge kem nduluú, kadə̄ yá̰a̰ yā de kə́ súmūú to tītə̄ yā nge kem ndul ní i yá̰a̰ rāāí ḭ̄ alé. Yá̰á̰ kə́ rāā tītə̄ ń noō i yá̰a̰ rāāí ḭ̄ alé. Nge gān̄g sarya dɔ de gə̄ malang kə́ dɔ nang tə́ tə́ a rāā yá̰á̰ kə́ gōtə́ aĺ alé.

EPEJƏ 6:17

Yā tɔ̄ləń ta anī, ə́laī jākā ń i kajə ń ajiī kɔ̄ɔ́ ní dɔsí tə́ ō, úniī kəyā kaskar ń i najə̄ yā Nə́ɓā ń Ndíĺ adə̄sí ní jīsí tə́ ō.

1 SAMUEL 15:32

Gō tə́ anī Samuel əda na: Ī-reēī kə Agag ń i mban̄g yā Amalek gə̄ ní ādə̄mī. Agag aw̄ rɔ̄ Samuel tə́ kə rɔ̄nelēé. Ɔjəń na n-ā n-oy to̰ alé.

1 SAMUEL 15:33

Banī Samuel əda Agag na: Kaskar yāí rāā adə̄ dəyá̰ gə̄ nalən̄ ngáńdə́ gə̄ ní, kó̰ó̰í a nal̄ ngōnən dan dəyá̰ madə̄n gə̄ tə́ ō. Loo ń noō tə́ Samuel tɔ̄l̄ Agag ta kum Kɔ́ɔ̄ɓē tə́ Gilgal.

EJEKIEL 32:18

Ḭ̄ ngōn̄ deē, ī-nōō tām̄ yā de gə̄ malang kə́ Ejiptə tə́. Ādə̄ pā yo yāí rāā adə̄ nin̄ gə̄gē, gotə nápar de gə̄ kə́ tɔ́gə́də́ i ngá̰ý gə̄gē, risə aw̄ ndin̄ gíŕ nángāá, loo ń de kə́ koy gə̄ risə aw̄n̄ tū tə́ ní tə́.

Makətūbə̄ yā Job 15:30

Ni a teē kɔ̄ɔ́ kum til tə́ alé. Ni i kāgə̄ kə́ hor o̰o̰ ta jīn gə̄ kɔ̄ɔ́! Koō kə́ ta Nə́ɓā tə́ a unən yā kaw̄ seneé sa̰y kɔ̄ɔ́.

EJEKIEL 11:4

I beé ní, ḭ̄ ngōn̄ deē, ī-teē kə gíŕdə́ dɔɔ́, kə ta kūl̄ najə̄ ń m-ə̄ndā taí tə́ ní.