OJEE 6:1 - Bibəl ta Sar̄

¹ Tā anī, sḭḭ̄ ə́daī na: Ādə̄ jə-tél jə-reēī gogə́ rɔ̄ Kɔ́ɔ̄ɓē tə́. I ni n adə̄jí do ní, ni a rāā do yājí kadə̄ a edə̄.

Bible sar

¹ Tā anī, sḭḭ̄ ə́daī na: Ādə̄ jə-tél jə-reēī gogə́ rɔ̄ Kɔ́ɔ̄ɓē tə́. I ni n adə̄jí do ní, ni a rāā do yājí kadə̄ a edə̄.

OJEE 6:1 Referans Kwoze

NDŪ NAJƏ̄ 32:39

Beé ní ī-gerī kadə̄ i mā n i Nə́ɓā ní, ba nə́ɓā kə́ rang gətóo kadəḿ tə́. I mā n i nge rāā kadə̄ deē oy ō, kadə̄ deē ndi kə kumneé ō ní. I mā n i nge kadə̄ deē do ō, nge rāā kadə̄ do edə̄ ō ní. I náā n asə taā deē jīḿ tə́ kəya̰n dɔɔ́ ní?

Makətūbə̄ yā Job 5:18

I ni n i nge kadə̄ do ō, nge ndem̄ ta do ō ní. Ni-adə̄ deē do ō, jīn rāā do ní adə̄ idə̄ ō.

1 SAMUEL 2:6

I Kɔ́ɔ̄ɓē n i nge rāā kadə̄ deē oy ō, ndi kə kumneé ō ní. I ni n i nge kaw̄ kə deé ɓádá ō, teē seneé ō ní.

OJEE 14:4

Dɔ nang kə́ Asiri asə kajəjí alé. J-a j-ḭḭ gidə sə́nda rɔ̄ɔ̄ gə̄ tə́ to̰ alé. Yá̰á̰ kə́ tɔ́sə̄ kum gotə yá̰a̰ gə̄ ń jḭḭ kɔ́ gə̄ jə-tɔ́sə̄ kə jījí ní, j-a jə-ɓāŕdə́ na i Nə́ɓā yājí to̰ alé. Tɔdɔ̄ i ḭ̄ ngóy n á̰a̰ kum tō ndoō yā ngán hal gə̄ ní.

IJAI 55:7

Majə kadə̄ de kə́ majaĺ gə̄ əya̰n̄ háĺdə́ kɔ̄ɔ́. Majə kadə̄ nge rāā yá̰á̰ kə́ majaĺ əya̰ gír̄ yān kə́ to kem ndul gə̄ kɔ̄ɔ́. Majə kadə̄ de gə̄ malang tél reēn̄ kə̄ rɔ̄ Kɔ́ɔ̄ɓē tə́, tɔdɔ̄ kumən a o̰o̰n tām̄ yādə́ tə́. Majə kadə̄ de gə̄ malang tél reēn̄ kə̄ rɔ̄ Nə́ɓā yājí tə́, tɔdɔ̄ ni mā̰ȳ rɔ̄n ngá̰ý.

JEREMI 30:17

M-ā m̄-rāā kadə̄ rɔ̄í əsō naā tə́ majə ō, kadə̄ doí gə̄ edə̄n̄ ō. Tɔdɔ̄ de gə̄ ɓāríīn̄ na i yá̰á̰ kə́ ɓōkə́ kɔ̄ɔ́ ō, Siyo̰ ń de kə́ usən dɔ tə́ gətóo ō ní. Najə̄ ń Kɔ́ɔ̄ɓē əda ní n noó.

IJAI 2:3

Gír de gə̄ ngá̰ý a əsōn̄ róbó. Nin̄ a ədan̄ na: Ī-reē j-awī dɔ mbal̄ yā Kɔ́ɔ̄ɓē tə́, j-awī kújə yā Nə́ɓā yā Jakob tə́. Ni a ndóōjí yá̰á̰ ń ni a sāā rɔ̄jí tə́ ní ō, róbə́ ń ni ɔjəjí ní, j-a j-uniī ō. Tām̄ yá̰á̰ ndóō yā Kɔ́ɔ̄ɓē ḭḭ i Siyo̰ n reē ní. A̰á̰ā̰, najə̄ yān teē i Jerusalem n reē ugə̄ rɔ̄jí tə́ ní.

Makətūbə̄ yā Job 34:29

Ba ré ni udə ndi beé loo yān anī, i náā n a gān̄g sarya dɔn tə́ ní? Ré ni ɓɔ̄ɔ̄ ta kumən kɔ̄ɔ́ anī, i náā n a a̰a̰n ní? Tá ni i nge kəndā kumən gō nápar de gə̄ tə́, tītə̄ ń a əndāń kumən gō de gə̄ tə́ ní ō.

OJEE 14:1

De kə́ Samari gə̄ a əgān̄ kə̄rā yá̰a̰ rāādə́ kə́ gōtə́ aĺ gə̄, tɔdɔ̄ nin̄ mbātə́n̄ najə̄ gō Nə́ɓā yādə́ tə́. Nin̄ a oyn̄ ta rɔ̄ɔ̄ tə́ ō, a rējə̄n̄ ngáń kásə̄ yādə́ gə̄ ō, a njarən̄ kem dəyá̰ yādə́ gə̄ kə́ ndānə̄n̄ ngán gə̄ ō.

JEREMI 50:4

Dan ń noō tə́ ní, kum mbang nəkɔ́ ń noō tə́, ngán Israel gə̄ ō, Juda gə̄ ō, a reēn̄ naā tə́ mbak. A njə̄rān̄ kə nōó kumdə́ tə́ yā sāań Kɔ́ɔ̄ɓē Nə́ɓā yādə́.

JEREMI 3:22

Ngáń kə́ ngé túy taā kem gə̄ ī-tél ī-reēī, m̄-ndigə rāā kadə̄ gír túy taā kem yāsí gān̄g kɔ̄ɔ́. Jḭḭ n toó! Jḭḭ i tām̄ yāí tə́. Rɔ̄kum i ḭ̄ n i Kɔ́ɔ̄ɓē Nə́ɓā yājí ní.

IJAI 30:26

Ndɔ̄ ń Kɔ́ɔ̄ɓē a ndem̄ ta do yā gír deē yān gə̄ anī, dan ń ni a rāā do yā gír deē yān gə̄ kadə̄ idə̄ ní, nāā a ndə́lē tītə̄ mbang ō, mbang kə́ ndɔ̄ kógə̄ḿ a ɔsə, loo kə́ unjə̄ kow yā mbang kə́ ɔsə ndɔ̄ kógə̄ḿ a asən̄ naā kə loo kə́ unjə̄ kow yā mbang kə́ ɔsə ndɔ̄ sīrí.

JEREMI 33:5

De gə̄ ḭḭ ənīn̄ Kalde gə̄ rɔ̄ɔ̄ i yā kadə̄ nīń de gə̄ ń m-ā m̄-tɔ̄ldə́ kə wōngōó ō, kə wōn̄g kə́ ngá̰ý ō ní taań kem kújə gə̄ ń noō. Tɔdɔ̄ m̄-tūr̄ gidəḿ kɔ̄ɔ́ ta ɓē ń toō tə́ najə̄ kem ndul yān tə́.

PĀ GƏ̄ 30:7

Ba mā tā a dan ń m̄-ndi majə ní m-ə́da na: Yá̰a̰ a yéȳm̄ yek alé.

JEREMI 30:12

Kɔ́ɔ̄ɓē ɔr̄ najə̄ i tītə̄ ń toō beé: Ī-nujə i nujə kə́ al̄ naā ngá̰ý adə̄ dum̄ kəndaī ta naā tə́. Do gə̄ kə́ rɔ̄í tə́ i kə́ dum̄ kedə̄.

IJAI 30:22

Yá̰á̰ kə́ rāā kum gotə nə́ɓā kə́ rɔ̄kum aĺ gə̄, adə̄ i kāgə̄ kə́ tɔ́sə̄, aláa i gində̄ kə́ nō horoó ba rāā gində̄ arjā̰a̰ ō lɔ́r ō gidə tə́ ní, ā ī-rāādə́ i yá̰á̰ kə́ yḛr tə́. Ā ī-tə́nādə́ kɔ̄ɔ́ tītə̄ yá̰á̰ kə́ yə̄ró i tū tə́ beē ō, ā ə́da najə̄ yādə́ na i yedə̄ yá̰a̰ ō.

SOPONI 2:1

A tə̄ɓān̄sí tītə̄ mu kə́ gətóo kɔ̄ɔ́ kem ndɔ̄ kógə̄ḿ beē. Wōn̄g kə́ ngá̰ý yā Kɔ́ɔ̄ɓē a əsō dɔsí tə́. A̰á̰ā̰, ndɔ̄ wōn̄g yān a reē tām̄ yāsí tə́. I beé ní, sḭḭ̄ ń rɔ̄sí sɔl̄sí ndɔ̄ kógə̄ḿ aĺ ní, ī-gírī yá̰a̰ ō, ə́hɔī rɔ̄sí ō, kété pá tá kadə̄ yá̰a̰ gə̄ ń noō malang reē ugə̄n̄ ɓáý.

1 SAMUEL 7:3

Tā anī Samuel ədadə́ na: Ré ī-tél ī-reēī rɔ̄ Kɔ́ɔ̄ɓē tə́ i kə kemsí malang anī, ɓesə̄ yā tə̄rā gə̄ ō, ɓesə̄ Astarte gə̄ ō, kə́ dɔ dáńsí tə́ ní, ī-ró̰yīdə́ kɔ̄ɔ́ ō, ə́hɔī gō Kɔ́ɔ̄ɓē ō, i ni ngóy n ā ī-rāāī kəla yān ō ní. I loo ń noō tə́ ń ni a ɔr̄sí kɔ̄ɔ́ jī Pilistin gə̄ tə́ ní.

Makətūbə̄ yā Job 16:9

A̰á̰ā̰, ni ngɔ̄də̄ gōḿ kə wōngōó yā rə́yā̰m̄ naā tə́, ni ngor gɔgən mur mur dɔḿ tə́, madə̄ ba̰ā̰ḿ əndā kumən kə́ saan pírírí dɔḿ tə́.

PĀ GƏ̄ 6:2

Kɔ́ɔ̄ɓē, ī-lōō kəndam̄ kə wur katāá! Ī-lōō kəndam̄ kə wōngōó!

PĀ GƏ̄ 71:20

Ḭ̄ ī-rāā ādə̄ wur kɔl əsō dɔḿ tə́ ō, yá̰á̰ kə́ to kum kaȳ aĺ gə̄ teēn̄ dɔḿ tə́ ō. Banī ā ī-reē yā rāām̄ kadə̄ m-ā m̄-ndi kə kumḿ gogə́. Ā ī-reē yā teē seḿ kɔ̄ɔ́ ɓádá, kem bəlo kə́ lú ngá̰ý tə́.

KOHELET 3:3

Kum mbang tɔ̄l̄ deē i noó ō, kum mbang kajə deē i noó ō. Kum mbang tɔ̄ɔ̄ kújə i noó ō, kum mbang kəndā kújə i noó ō.

IJAI 17:7

Ndɔ̄ ngeé ń noō tə́ ní, deē ndul gə̄ a tūrə̄n̄ kumdə́ kə̄ rɔ̄ nge rāādə́ tə́, a unən̄ kumdə́ kə̄ dɔɔ́, kum kə̄ rɔ̄ Nə́ɓā kə́ táĺ yā Israel tə́.

JEREMI 33:6

Banī m-ā m̄-rāā kadə̄ ni-tél ndi majə gogə́ tītə̄ kə́ kété. M-ā m̄-rāā kadə̄ rɔ̄də́ ngan̄g ō, ndin̄ lɔm ō, kanjə̄ kadə̄ yá̰á̰ kógə̄ḿ a̰ȳ ndíĺdə́.

JEREMI 50:5

Nin̄ a dəjen̄ róbə́ kə́ ta kaw̄ kə̄ Siyo̰ ō, tūrə̄n̄ kumdə́ i kə̄ noó ō. Nin̄ reē ɓoon̄ rɔ̄də́ tū yā Kɔ́ɔ̄ɓē tə́, kə ta kūl̄ madə̄ naā kə́ ngándáńg kə́ dɔdə́ a ndígə̄nal aĺ bátə́.

NŌŌ RƆ̄ 3:11

Ni-tə́lam̄ naā tə́ kə́ nja ngáā tə́ adə̄ m̄-ger̄ yá̰á̰ kə́ yā rāā to̰ aĺ ō, m̄-nujə kɔ̄ɔ́ ō.

OJEE 11:10

De gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, njə̄rān̄ kumdə́ kə̄ kété, nin̄ unən̄ gō Kɔ́ɔ̄ɓē, kə́ nge nōō tītə̄ ɓɔl beé. Dan ń ngánən kə́ no ɓē tə́ gə̄ oōn̄ nōōn anī, reēn̄ kə rɔ̄ ndebeé.

OJEE 12:6

I loo ń noō tə́ n Nə́ɓā nge rāā dɔ rā̰ ō dɔ nang ō, ni ń rīn na i Kɔ́ɔ̄ɓē ní, ədań najə̄ ń toō ní:

LEBI GƏ̄ 14:48

Ré longən̄ kadə̄ bɔr ní oy ō, nge tun̄ yá̰a̰ udə ba əndā ma̰ȳ a̰a̰ kadə̄ mə̄rō ní taā loo kum kə̄ kété aĺ ō anī, a əda wáńg na kújə́ ní i kə́ unjə̄ njáý njáý, tɔdɔ̄ mə̄rō ń əɓa tū tə́ ní gətóo kɔ̄ɔ́.

2 YÁ̰A̰ GƏ̄ 30:6

Makətūbə̄ gə̄ ń mban̄g nin̄ kə de kə́ bo yān gēé ndangən̄ ní, ngámbang kəla gə̄ aw̄n̄neé kə gō ɓē gə̄ kə́ Israel tə́ malang ō, gō ɓē gə̄ kə́ Juda tə́ ō. Nin̄ ədan̄ de gə̄ kə gō ndū mbangāá na: Ngán Israel gə̄, sḭḭ̄ ń ī-teēī ta yo tə́ jī mban̄g gə̄ kə́ Asiri tə́ ní, ī-tél ī-reēī gogə́ rɔ̄ Kɔ́ɔ̄ɓē Nə́ɓā yā Abəraham ō, Isaak ō, Israel ō tə́, anī ni a tél yā reē rɔ̄sí tə́ ō.

Makətūbə̄ yā Job 22:23

Ré ī-tél ī-reē rɔ̄ Nə́ɓā kə́ tɔ́gən i ngá̰ý tə́ anī, ni a tél yā rāā kadə̄ ī-ndi majə gogə́. Yá̰a̰ malang ń i yá̰á̰ kə́ gōtə́ aĺ ní, ɔ̄rən ɓēé looí kɔ̄ɔ́ āw̄ seneé sa̰y.

OJEE 3:5

Gō tə́ anī, nin̄ a télən̄ yā reē rɔ̄ Kɔ́ɔ̄ɓē Nə́ɓā yādə́ tə́. Nin̄ a tūrə̄n̄ rɔ̄də́ kə̄ rɔ̄n tə́ ō, kə̄ rɔ̄ mban̄g yādə́ ń ojənən̄ i gír yā Dabid tə́ ní ō. Ndɔ̄ ń tə́ anī ɓōĺ a rāādə́ kadə̄ a ndewn̄ loo reē tə́ sāā Kɔ́ɔ̄ɓē tə́, kadə̄ ni-rāā majə sedə́.