OJEE 5:9 - Bibəl ta Sar̄

⁹ Ndɔ̄ ń m-ā m-ə́ndań de gə̄ kə́ gír ɓē yā Epəraim tə́ ní, loo yādə́ a tél dəla loo. Yá̰á̰ kə́ ɔjə dɔ gír ɓē gə̄ yā Israel ń m-ə́da najə̄n kété no tə́ beé ní, i yá̰á̰ kə́ a rāā yá̰a̰ rɔ̄kum.

Bible sar

⁹ Ndɔ̄ ń m-ā m-ə́ndań de gə̄ kə́ gír ɓē yā *Epəraim tə́ ní, loo yādə́ a tél dəla loo. Yá̰á̰ kə́ ɔjə dɔ gír ɓē gə̄ yā *Israel ń m-ə́da najə̄n kété no tə́ beé ní, i yá̰á̰ kə́ a rāā yá̰a̰ rɔ̄kum.

OJEE 5:9 Referans Kwoze

JAKARI 1:6

Ɓá tā banī najə̄ yāḿ gə̄ ō, yá̰a̰ gə̄ ń m-ə́dá ngé kəla yāḿ gə̄ ń i ngé koō ta gə̄ ní kadə̄ rāān̄ ní, ta tɔ̄l̄ ta anī, yá̰a̰ gə̄ ní rāān̄ kaasí gə̄. Loo ń noō tə́ nin̄ tūrə̄n̄ háĺdə́ adə̄ ədan̄ na: Kɔ́ɔ̄ɓē kə́ bo kə́ tɔ́gən i ngá̰ý gḛy rāā yá̰á̰ kógə̄ḿ sejí sɔɔ̄ ń háĺjí ō, yá̰a̰ rāājí gə̄ ō. Adə̄ i yá̰á̰ ń noō n ni-rāā ní.

IJAI 46:10

Yá̰á̰ ń sɔɔ̄ kadə̄ rāā yá̰á̰ ní, m-ə́dá kété kɔ̄ɔ́ i ta kəla gíŕ tə́ nú. Yá̰á̰ kə́ kadə̄ rāā yá̰a̰ ba rāā yá̰a̰ aĺ ɓáý ní, mā m-ə́da najə̄n kɔ̄ɔ́ i kété jóó ngá̰ý. M-ə́da na: Yá̰á̰ ń m̄-núm̄ ní a reē yā kudə gíŕ kə́ rɔ̄ tə́. Yá̰a̰ malang ń m̄-ndigə ní, m-ā m̄-rāā.

JA̰A̰ 16:4

M-ə́dásí najə̄ ń toō i yā kadə̄ loo ń ndɔ̄ ní ugə̄ anī, əga kemsí dɔ tə́ kadə̄ m-ə́dásí kɔ̄ɔ́. M-ə́dásí najə̄ ní kété alé, i tɔdɔ̄ mə̄kɔ́ i sesí ɓáý.

AMOS 7:17

I beé ní, najə̄ ń Kɔ́ɔ̄ɓē əda ní n toó: Nə̄yá̰í a téĺ ájə́ba kem ɓēé ō, a tɔ̄lə̄n̄ ngání kə́ dəngam gə̄ ō kə́ dəyá̰ gə̄ ō, a mbɔ̄jə́n̄ ngāl̄ dɔ nang yāí yā nə̄ɓō de kə́ rang gə̄ ō. Ba ḭ̄ ā óy kem ɓē kógə̄ḿ kə́ yḛr tə́ ō, a ɔyn̄ Israel gə̄ yā kaw̄ sedə́ dɔ ɓē kə́ rang tə́ dɔ gúú tə́, kadə̄ nin̄ i sa̰y rɔ̄ ɓē yādə́ tə́ ō.

AMOS 7:9

Loo ndɔ̄ȳ gə̄ yā kojə yā Isaak ní, m-ā m̄-nujəń kɔ̄ɔ́ ō, loo kə́ kɔr̄ kam̄ tām̄ yā Nə́ɓā tə́ gə̄ yā Israel ní, m-ā m̄-nujəń kɔ̄ɔ́ ō, m-ā m̄-rɔ̄ɔ̄ kojə kə́ ndogó mbangāá yā Jeroboam ō.

AMOS 3:7

Yá̰á̰ ń Kɔ́ɔ̄ɓē Nə́ɓā sāā rāā ní, ni a rāā yá̰á̰ ní kanjə̄ kɔjə ngé kəla yān gə̄ ń i ngé koō ta gə̄ ní alé i tītə̄ ń noō ō.

OJEE 8:8

Urən̄ Israel kɔ̄ɔ́. Ngɔlaā ní, ni-ndi dan nápar de gə̄ tə́ i tītə̄ yá̰á̰ kógə̄ḿ kə́ gātə̄n gətóo beé.

OJEE 5:14

Tɔdɔ̄ i mā Kɔ́ɔ̄ɓē n m-ə̄nī Epəraim rɔ̄ɔ̄ tītə̄ ɓɔl beé ní ō, m̄-rɔ̄ɔ̄ Juda tītə̄ balsáa ɓɔl beé ní ō. I mā n m-ā m̄-rə́yā̰sí naā tə́ ní. Gō tə́ anī, m-ā m-úńsí yā kaw̄ sesí tītə̄ batə̄ beé ō, de kə́ yā taāsí jīḿ tə́ a gətóo ō.

OJEE 5:12

I beé ɓá ní, mā m-ā m̄-to i tītə̄ do kə́ kumən rúu beé tām̄ yā Epəraim tə́, tītə̄ do kə́ edə̄ aĺ beē tām̄ yā Juda gə̄ tə́.

IJAI 48:5

I tām̄ najə̄ ń toō tə́ n yá̰a̰ gə̄ ń rāān̄ yá̰a̰ toó ní, m-ə́dásí najə̄n i kété jóó ní. m̄-tāāsí najə̄ yādə́ i kété pá tá kadə̄ reē ugə̄n̄ ɓáý. Kété ní m̄-ndigə i kadə̄ ə́daī najə̄ ń toō alé: I ɓesə̄ yāḿ n rāā yá̰a̰ malang, i kāgə̄ yāḿ kə́ tɔ́sə̄, aláa i gində̄ yāḿ kə́ nō horoó n əda kadə̄ yā rāā yá̰a̰ gə̄ ń noō malang tītə̄ ń noō ní.

IJAI 48:3

Yá̰á̰ kə́ ta kəga dɔ gə̄ ń rāān̄ yá̰á̰ ní, m-ə́da najə̄n i kété jóó ngá̰ý. M-ə̄nī ndūḿ najə̄ yādə́ tə́ ō, m̄-tāāsí najə̄n ō. m̄-rāā yá̰a̰ i gidə kógə̄ḿ, anī yá̰a̰ gə̄ ní rāān̄ yá̰a̰.

IJAI 37:3

I kadə̄ nin̄ ədan̄ nge koō ta najə̄ yā Ejekias ń toō: Ɓōólaā i ndɔ̄ wur kɔl yājí, i ndɔ̄ ndéy ō, i ndɔ̄ rɔ̄sɔl̄ ō. De gə̄ ədan̄ na ngōn̄ əndā dɔ rɔ̄n danaá kɔ̄ɔ́ yā teē kem kó̰o̰n tə́, banī tɔ́gə́ kó̰o̰n kə́ yā kojənəń gətóo.

Makətūbə̄ yā Job 12:14

Yá̰á̰ ń ni nujəń kɔ̄ɔ́ ní, deē a rāā gogə́ to̰ alé. Deē ń ni-əhɔn dəngáý ní deē a əya̰n dɔɔ́ alé.

IJAI 7:16

Ngɔlaā ní ḭ̄ ī-ɓōĺ mban̄g gə̄ kə́ Aram ō, kə́ Israel ō. Ɓá tā, ba pá tá kadə̄ ngōn̄ ní asə mbātə́ yá̰á̰ kə́ majaĺ ba gə̄rā yá̰á̰ kə́ majə ní, de gə̄ kə́ kem ɓē ko̰o̰ gə̄ kə́ gír i jōó gə̄ ń toō tə́ a əya̰n̄ ɓē yādə́ kɔ̄ɔ́.

OJEE 7:12

Dan ngeé ń noō tə́ ní, mā m-ə̄nī réng yāḿ dɔ Epəraim gə̄ tə́, m̄-rāā adə̄ nin̄ tə́sōn̄ tītə̄ yel̄ gə̄ beé. Dan ń m-ōō kōōdə́ loo kɔsə dɔdə́ naā tə́ tə́ anī, m-ə́wádə́ kə gūmbūú.

OJEE 9:7

Kum mbang ń Kɔ́ɔ̄ɓē a rɔ̄ɔ̄ńsí ní n toó. A̰á̰ā̰, i kum mbang kə́ yā kadə̄ deē ɔjəń gíŕ yá̰a̰ rāān gə̄, majə kadə̄ Israel ger̄ nge ń noō. Sḭḭ̄ ə́daī na nge koō ta ń toō dɔn na ndi gōtə́ alé, ə́daī na nge kəda yá̰á̰ kə́ reē dɔn tə́ toō na a ɔr̄ i najə̄ kə̄ noó. I beé ɓá ní, ré dɔḿ ndi gōtə́ aĺ anī, i najə̄ yá̰a̰ rāāsí kə́ majaĺ ngá̰ý gə̄ kə́ i ngá̰ý tə́, i najə̄ kənī kə́ ə̄nīmī rɔ̄ɔ̄ kə ngangá ngá̰ý tə́.

MISE 6:13

I tām̄ najə̄ ń toō tə́ n m-ə́lá gír kəndasí ní, m-ə́lá gír nujəsí kɔ̄ɔ́ najə̄ mān̄ dɔ ndū Nə́ɓā yāsí gə̄ tə́ ní.