OJEE 5:3 - Bibəl ta Sar̄

³ Mā m̄-ger̄ de gə̄ kə́ gír ɓē yā Epəraim tə́ majə ō, yá̰á̰ kə́ Israel aw̄ń kə́ to loo mundə̄ tə́ tām̄ yāḿ tə́ gətóo ō. sḭḭ̄ ī-sə̄lāī Epəraim adə̄ rāā ájə́ba, ba ngɔlaā ɓáa Israel gə̄ malang i de gə̄ kə́ rāān̄də́ adə̄ télən̄ de kə́ yḛr gə̄ kɔ̄ɔ́.

Bible sar

³ Mā m̄-ger̄ de gə̄ kə́ gír ɓē yā *Epəraim tə́ majə ō, yá̰á̰ kə́ *Israel aw̄ń kə́ to loo mundə̄ tə́ tām̄ yāḿ tə́ gətóo ō. sḭḭ̄ ī-sə̄lāī *Epəraim adə̄ rāā ájə́ba, ba ngɔlaā ɓáa Israel gə̄ malang i de gə̄ kə́ rāān̄də́ adə̄ télən̄ de kə́ yḛr gə̄ kɔ̄ɔ́.

OJEE 5:3 Referans Kwoze

AMOS 3:2

Dan gír kojə gə̄ malang kə́ dɔ nang tə́ ní, i sḭḭ̄ ngóy m-ə̄ndā kumḿ gíŕsí tə́ ní. I tām̄ najə̄ ń noō tə́ n m-ā m̄-rāāsí yá̰á̰ kógə̄ḿ, najə̄ yá̰a̰ rāāsí gə̄ malang kə́ majaĺ ngá̰ý tə́ ní.

JEJU TEĒ KUM JA̰A̰ 3:15

m̄-ger̄ kəla rāāí gə̄, adə̄ ḭ̄ i de kə́ ī-sɔl̄ aĺ ō, ī-təngā aĺ ō. Ba majə kadə̄ ī-sɔl̄, aláa ī-təngā tá.

HEBƏRO 4:13

Yá̰a̰ malang ń Nə́ɓā rāā ní, nge kógə̄ḿ kə́ kumən a̰ā̰ aĺ gətóo. Gíŕ yá̰a̰ malang to i kə̄ dɔ ndágá ta kumən tə́. Kumən aw̄ kə tɔ́gə dɔ yá̰a̰ malang tə́ ō. I ni n j-a j-ɔjiī-n gíŕ yá̰a̰ rāājí gə̄ malang ní ō.

AMOS 5:12

A̰á̰ā̰, m̄-ger̄ kadə̄ yá̰a̰ rāāsí kə́ majaĺ ngá̰ý gə̄ i ngá̰ý ō, yá̰a̰ rāāsí kə́ gōtə́ aĺ gə̄ boon̄ ngá̰ý ō, de gə̄ ń najə̄ gətóo dɔdə́ tə́ ní, sḭḭ̄ i madə̄ ba̰ā̰də́ gə̄ ō, yá̰a̰ kəndā nja kə́ gōtə́ aĺ gə̄ ɓáa, sḭḭ̄ ī-taāī ō, loo sarya tə́ ɓáa, ɔ̄gī kadə̄ gāngə̄n̄ sarya yā ngé ndoō gə̄ kə gōó ō.

OJEE 13:1

Dan ń Epəraim a ɔrə̄ń najə̄ ní, ɓōĺ rāā de gə̄ malang adə̄ ndewn̄. Kété ní, loo yān kə́ Israel tə́ i loo kə́ bo ngá̰ý. Banī nəkɔ́ rāā adə̄ sarya əhɔn, tām̄ ni rāā ɓesə̄ Baal ō, oy najə̄n tə́ ō.

OJEE 12:1

Kɔ́ɔ̄ɓē əda na: Gír deē yā Epəraim gə̄ sorə̄n̄ gīr̄nəń gidəḿ. A̰á̰ā̰, Israel gə̄ ɓír̄mə̄n̄ kə gól̄ looó. Deē yā Juda gə̄ i seḿ ɓáý, banī nin̄ na̰yn̄ kə̄ loo kəhɔ gō nə́ɓā kə́ rang gə̄ tə́.

OJEE 8:11

Epəraim rāā loo tun̄ yá̰a̰ gə̄ gír i ngá̰ý yā kɔrə̄ń mān̄ dɔ ndū Nə́ɓā yān, banī ni mān̄ dɔ ndū Nə́ɓā i kə ta kūl̄ loo tun̄ yá̰a̰ gə̄ ngeé ń toō.

OJEE 6:4

Kɔ́ɔ̄ɓē tūr̄ ədasí na: Epəraim, yá̰á̰ ń kə m̄-rāā tām̄ yāí tə́ ní i rí? Ba ḭ̄ Juda, yāí ḭ̄ i rí ō? Tár yāsí kə́ tām̄ yāḿ tə́ to i tītə̄ kil̄ man̄ kə́ dəloí beé, i tītə̄ man̄ kə́ tə́sō ndɔ̄ɔ́ ba ḭḭ̄ kɔ̄ɔ́ kə̄ ta jī tə́ beé.

OJEE 5:13

Epəraim ger̄ kadə̄ ni i mo̰y ō, Juda ger̄ kadə̄ ni-ənge do ō. Loo ń noō tə́ Epəraim tūr̄ rɔ̄n kə̄ rɔ̄ Asiri tə́, ni-əla de gə̄ rɔ̄ mban̄g kə́ bo kə́ ɓē ngeé ń noō tə́. Banī mban̄g ní asə rāā kadə̄ rɔ̄sí ngáā aĺ ō, asə rāā kadə̄ do yāsí edə̄ aĺ ō.

OJEE 5:11

Yá̰a̰ rāā kə́ gōtə́ aĺ rējə̄ Epəraim kɔ̄ɔ́. De gə̄ ɓōlə́n̄ gidə yá̰a̰ yān gə̄ alé, i tām̄ ni gḛy ngɔ̄də̄ gō nél.

OJEE 5:9

Ndɔ̄ ń m-ā m-ə́ndań de gə̄ kə́ gír ɓē yā Epəraim tə́ ní, loo yādə́ a tél dəla loo. Yá̰á̰ kə́ ɔjə dɔ gír ɓē gə̄ yā Israel ń m-ə́da najə̄n kété no tə́ beé ní, i yá̰á̰ kə́ a rāā yá̰a̰ rɔ̄kum.

IJAI 7:17

Banī Kɔ́ɔ̄ɓē a əla kə ndɔ̄ kə́ majaĺ gə̄ yā kadī ō, yā kadə̄ gír deē yāí gə̄ ō, yā kadə̄ gír kojə yāí ō. Əla gír ndɔ̄ ń ɓē ko̰o̰ kə́ Israel tə́ ɔrə̄ń rɔ̄n kɔ̄ɔ́ rɔ̄ ɓē ko̰o̰ kə́ Juda tə́ ní, ndɔ̄ gə̄ kə́ ton̄ tītə̄ ndɔ̄ gə̄ ń noō gətóon̄ ɓáý. Yá̰á̰ ń noō a rāā yá̰a̰ i kə ta kūl̄ mban̄g kə́ Asiri.

IJAI 7:5

I rɔ̄kum kadə̄ Aram gə̄ ō, Peka ō, áskar gə̄ yā Epəraim ō, gḛyn̄ rāāī yá̰á̰ kə́ majaĺ. Nin̄ ədan̄ na:

NDŪ NAJƏ̄ 33:17

Ādə̄ de gə̄ rɔȳn̄ Jəjep. Ni-ngan̄g tītə̄ man̄g kə́ bəra beé. Gajən kə́ ngan̄g ngan̄g gə̄ i jōó tītə̄ gajə dɔgə. Ni-tɔ́səń gír de gə̄ ō, bugə́juńdə́ bátə́ aw̄ sedə́ əndādə́ ta ngóy dɔ nang tə́ ō. Gajən kə́ kógə̄ḿ i dūbə̄ de kə́ ngá̰ý gə̄ yā Epəraim, ba gajən kə́rēý i ɓūtə̄ de kə́ ngá̰ý gə̄ yā Manase.

IJAI 7:16

Ngɔlaā ní ḭ̄ ī-ɓōĺ mban̄g gə̄ kə́ Aram ō, kə́ Israel ō. Ɓá tā, ba pá tá kadə̄ ngōn̄ ní asə mbātə́ yá̰á̰ kə́ majaĺ ba gə̄rā yá̰á̰ kə́ majə ní, de gə̄ kə́ kem ɓē ko̰o̰ gə̄ kə́ gír i jōó gə̄ ń toō tə́ a əya̰n̄ ɓē yādə́ kɔ̄ɔ́.

OJEE 1:2

Ta kəla gír najə̄ ń Kɔ́ɔ̄ɓē əda gír deē yān gə̄ kə ta kūl̄ Ojee ní n toó. Ni-əda Ojee na: Āw̄ ī-taā dəyá̰ kə́ nge rāā ájə́ba gíŕ kújə ɓesēé. Ngán gə̄ ń ni a ojə yā kadī ní, i ngán dəyá̰ kə́ nge rāā ájə́ba. Tɔdɔ̄ de kə́ kem ɓē ń toō tə́ gə̄ rāān̄ ájə́ba, tām̄ nin̄ rɔyn̄ nə́ɓā kə́ rang gə̄ kanjə̄ kadə̄ i mā Kɔ́ɔ̄ɓē.

OJEE 6:10

M-á̰á̰ yá̰á̰ kə́ majaĺ ngá̰ý gə̄ kem ɓē kə́ Israel tə́: Epəraim rāā ájə́ba i loo ń noō tə́. A̰á̰ā̰, rāān̄ Israel adə̄ tél de kə́ yḛr i najə̄ yá̰á̰ ń noō tə́.

OJEE 13:5

Mā m̄-gerī i dəla loo tə́, dɔ nang kə́ loo tū tə́ i kə́ tutə tə́.