OJEE 5:15 - Bibəl ta Sar̄

¹⁵ Mā Kɔ́ɔ̄ɓē m-ɔ́tə m-āw̄, m-ā m̄-tél yā kaw̄ gogə́ ɓēé, bátə́ kadə̄ nin̄ gerə̄n̄ yá̰a̰ rāādə́ kə́ gōtə́ aĺ ba tūrə̄n̄ rɔ̄də́ kə̄ rɔ̄ḿ tə́. Dan ń nin̄ a ndin̄ dan wur kɔl tə́ anī, a sāāmə̄n̄.

Bible sar

¹⁵ Mā Kɔ́ɔ̄ɓē m-ɔ́tə m-āw̄, m-ā m̄-tél yā kaw̄ gogə́ ɓēé, bátə́ kadə̄ nin̄ gerə̄n̄ yá̰a̰ rāādə́ kə́ gōtə́ aĺ ba tūrə̄n̄ rɔ̄də́ kə̄ rɔ̄ḿ tə́. Dan ń nin̄ a ndin̄ dan wur kɔl tə́ anī, a sāāmə̄n̄.

OJEE 5:15 Referans Kwoze

IJAI 26:16

Kɔ́ɔ̄ɓē, dan ń wur kɔl əsō dɔjí tə́ anī, jə-tūr̄ rɔ̄jí kum kə̄ rɔ̄í tə́. Dan ń ḭ̄ ə́ndá ndéy anī, j-əda ndɔ̄ȳ gə̄ kə̄ nja naā tə́ kə ndūjí kə́ tél kə̄ nang tə́.

PĀ GƏ̄ 78:34

Dan ń Nə́ɓā a tɔ̄l̄də́ anī, nin̄ sāān̄ njan. Əya̰n̄ yá̰a̰ rāādə́ gə̄ ba tūrə̄n̄ rɔ̄də́ kə̄ rɔ̄ Nə́ɓā tə́.

PĀ GƏ̄ 50:15

Gō tə́ ré wur kɔl əsō dɔí tə́ anī ī-ɓārə́m̄, anī m-ā m-ájiī kadə̄ ā ɔ́sə gɔnəḿ.

JEREMI 3:13

Majə kadə̄ ī-gēr̄ gō majaĺ ń ī-rāā ní. I Kɔ́ɔ̄ɓē Nə́ɓā yāí n ī-mbātə́n ní. ī-ndi gotə kógə̄ḿ alé ba ī-tə́lá halí naā tə́ kə nə́ɓā kə́ mbā gēé kə gír kāgə̄ kə́ mbōl̄ gə̄ malang. Sḭḭ̄ ōōī ndūḿ alé. Najə̄ ń Kɔ́ɔ̄ɓē əda ní n noó.

JEREMI 2:27

Nin̄ ədan̄ kāgə̄ na: Ḭ̄ i bɔbə́ḿ, nin̄ ədan̄ mbal̄ na: I ḭ̄ n ójəm̄. Rɔ̄kum, nin̄ tūrə̄n̄ i gə́ra gōdə́ n ɔjəmə̄n̄ ba i nɔtə nodə́ alé. Ba dan nəkɔ́ ń yá̰á̰ kə́ to kum tō ndoō teē dɔdə́ tə́ anī, nin̄ ədamə̄n̄ na: Ḭ́ḭ dɔɔ́, ájə́jí!

Najə̄ kə́ Majə yā Jeju ń Luk ndang ní 13:25

Dan ń kɔ́ɔ̄ kújə a ḭḭ ba a utə̄ ta kújə kɔ̄ɔ́, tá kadə̄ sḭḭ̄ ń ā ī-raī gidə tə́ ndágá ní, ā ī-gógī ta kújə ba ā ə́daī na: Kɔ́ɔ̄ɓē, ī-teē ta kújə ādə̄jí tə́ ní anī, ni a ədasí na: Sḭḭ̄ i de kə́ rá gə̄ a mā m̄-ger̄ alé.

OJEE 3:5

Gō tə́ anī, nin̄ a télən̄ yā reē rɔ̄ Kɔ́ɔ̄ɓē Nə́ɓā yādə́ tə́. Nin̄ a tūrə̄n̄ rɔ̄də́ kə̄ rɔ̄n tə́ ō, kə̄ rɔ̄ mban̄g yādə́ ń ojənən̄ i gír yā Dabid tə́ ní ō. Ndɔ̄ ń tə́ anī ɓōĺ a rāādə́ kadə̄ a ndewn̄ loo reē tə́ sāā Kɔ́ɔ̄ɓē tə́, kadə̄ ni-rāā majə sedə́.

EJEKIEL 36:31

Kum mbang ngeé ń noō tə́ ɓáa a əga kemsí dɔ háĺsí kə́ majaĺ tə́ ō, dɔ yá̰a̰ rāāsí gə̄ kə́ majaĺ tə́ ō.

EJEKIEL 6:9

A əga kem deē yāsí gə̄ ń teēn̄ ta yo tə́ ní dɔḿ tə́, dɔ dáń nápar de gə̄ ń a əhɔn̄də́ nin̄ dɔ gúú tə́ aw̄n̄ sedə́ dandə́ tə́ ní, nin̄ ń m-ā m̄-tétə̄ ngarā̰ kemdə́ kə́ a rāā ájə́ba ń mbātə́m̄ kɔ̄ɔ́ ní ō, kumdə́ gə̄ kə́ rāān̄ háĺ ájə́ba kə ɓesə̄ yādə́ gēé ō ní. Nin̄ a a̰ā̰n̄ ta kum naā to̰ alé ɔjəń dɔ yá̰á̰ kə́ majaĺ ń nin̄ rāān̄ ní ō, sɔɔ̄ń dɔ yá̰á̰ kə́ majaĺ ngá̰ý gə̄ malang yādə́ ō.

IJAI 26:9

Ndɔ̄ɔ́ anī, mā m̄-sāāī kə ngarā̰ kemḿ ō. Dan ń ún sarya gāngīí gə̄ ī-rāań kəla dɔ nang tə́ anī, de kə́ dɔ nang tə́ gə̄ malang ndóōn̄ rāā yá̰á̰ kə́ nelī ō.

MISE 1:3

A̰á̰ā̰, Kɔ́ɔ̄ɓē teē loo ń ni-ndi tū tə́ ní tə́. Ni risə, ba njə̄rā dɔ loo ndɔ̄ȳ gə̄ tə́ dɔ nang tə́.

OJEE 5:6

Nin̄ sāān̄ Kɔ́ɔ̄ɓē i kə batə̄ yādə́ gə̄ ō, man̄g yādə́ gə̄ ō ń aw̄n̄ yā tɔ̄l̄ ba ndējə̄ ní. Banī nin̄ a əngenən̄ alé, tɔdɔ̄ ni əya̰də́ ba aw̄ sa̰y kɔ̄ɔ́.

EJEKIEL 20:43

Ā ī-gírī dɔ háĺsí kə́ mān̄ kɔ̄ɔ́ tə́ ō, dɔ yá̰a̰ rāāsí gə̄ malang ń rāān̄sí adə̄ ī-téliī de kə́ yḛr gə̄ ní tə́ ō loo ngeé ń noō tə́. Rɔ̄sí a nel̄sí kə rɔ̄sí sḭḭ̄ kɔ́ gɔ̄ɔ́ alé, sɔɔ̄ń yá̰a̰ malang kə́ majaĺ ń ī-rāāī ní.

EJEKIEL 11:23

Gō tə́ anī kɔsə gɔn yā Kɔ́ɔ̄ɓē ḭḭ kum kə̄ dɔɔ́ dan ɓēé ba aw̄ dəba dɔ mbal̄ bo tə́ dām̄ kə́ gír ɓē tə́.

EJEKIEL 10:4

Kɔsə gɔn yā Kɔ́ɔ̄ɓē ń i dɔɔ́ dɔ Serubḛ gə̄ tə́ ní, ḭḭ aw̄ kum kə̄ ta róbə kə́ yā kudəń kə̄ kem kújə yā Kɔ́ɔ̄ɓē tə́ tə́. Loo ń noō tə́ kil̄ man̄ reē taā kem kújə yā Kɔ́ɔ̄ɓē ō, loo kə́ unjə̄ kow yā kɔsə gɔn yā Kɔ́ɔ̄ɓē taā loo ndágə loo kə́ gīr̄ gidə kújə yā Kɔ́ɔ̄ɓē tə́.

EJEKIEL 8:6

Ni-əda ɓáý to̰ na: Ḭ̄ ngōn̄ deē, á̰a̰ yá̰á̰ ń a rāān̄ noó a? Ngán Israel gə̄ rāān̄ yá̰á̰ kə́ majaĺ ngá̰ý loo ń toō tə́ laā yā kadə̄ m-ɔ̄rəń rɔ̄ḿ kɔ̄ɔ́ loo kə́ táĺ yāḿ tə́ ba m-āw̄ sa̰y ní a? Tá ā á̰á̰ yá̰á̰ kə́ rang kə́ majaĺ ngá̰ý gə̄ ɓáý to̰.

IJAI 26:21

Kɔ́ɔ̄ɓē a teē i mbée kɔ̄ɔ́ kem kújə yān tə́ kə̄ ndágá. Ni a ənda de kə́ dɔ nang tə́ gə̄ tām̄ yá̰a̰ rāādə́ kə́ gōtə́ aĺ gə̄ tə́. Dɔ nang a əya̰ mósə́ kə́ a̰ȳ nang tə́ yā kadə̄ de gə̄ a̰a̰n̄, de gə̄ ń tɔ̄lə̄n̄də́ ní, ni a ɓɔ̄ɔ̄də́ to̰ alé.

PĀ GƏ̄ 132:14

Ni əda wáńg na: Loo kɔr̄ koō yāḿ kə́ a to ta kaw̄ jóo n toó, i loo ń toō n m̄-sāā ndi tū tə́ ní.

PĀ GƏ̄ 83:16

ī-ngɔ̄də̄də́ kə nél man̄ yāí kə́ əla kə ngangá ngá̰ý, ə́la ɓōĺ kemdə́ tə́ kə nél balway yāí.

Makətūbə̄ yā Job 33:27

Ni-ənī pā ta kum de gə̄ tə́ malang əda na: Kété ní m̄-rāā yá̰a̰ gōtə́ alé, m̄-ɓōĺ ndū najə̄ gə̄ alé. Banī Nə́ɓā rāā háĺ kə́ tītə̄ yāḿ mā alé.

2 YÁ̰A̰ GƏ̄ 7:14

ba ré gír deē yāḿ gə̄ ń m-ə̄ndā rīḿ dɔdə́ tə́ ní télən̄ kə rɔ̄də́ kə̄ nang tə́ ō, ndɔ̄ȳmə̄n̄ ō, sāāmə̄n̄ ō, lōōn̄ gíŕ háĺdə́ kə́ majaĺ gə̄ tə́ ō anī, mā m-ā m̄-nēl̄ mbīḿ dɔ rā̰ tə́ yā koōń ndūdə́. M-ā m̄-mā̰ȳ rɔ̄ḿ dɔ majaĺ yādə́ tə́ ō, m-ā m̄-rāā kadə̄ ɓē yādə́ ndi kə lápə́yaá ō.

Gōsə̄ najə̄ gə̄ 8:17

Mā m̄-táŕ ngé tárəm̄ gə̄ ō, ngé sāām̄ gə̄ a əngemə̄n̄ ō.

NGÉ SARYA 4:3

Púsə rɔ̄ɔ̄ yān kə́ rāā kə gindīí gə̄ i ɓú ndōhó, adə̄ ni-rāā kum ngán Israel gə̄ ndoō tə́ ɓāl̄ kutə jōó. Loo ń noō tə́ ngán Israel gə̄ nōōn̄ kə̄ dɔ Kɔ́ɔ̄ɓē tə́.

TA KƏLA 42:21

Anī nin̄ tél ədan̄ naā dɔ dáńdə́ tə́ na yá̰á̰ kə́ tōr̄ ń toō rāādə́ na i najə̄ yá̰á̰ kə́ majaĺ ń na n-rāān̄ kə ngōkó̰ó̰də́ ní, tɔdɔ̄ dan ń na rāādə́ ɓɔ́ ní, n-a̰a̰n̄ wur kɔl yān ba na n-oōn̄ yān aĺ bátə́. I tām̄ najə̄ ń noō tə́ n wur kɔl ń toō na əsōń dɔdə́ tə́ ní.

TƏ́DA 21:7

Gír de gə̄ reē əngen̄ Moijə ba ədanən̄ na: Jə-rāā yá̰á̰ kə́ majaĺ tām̄ jə-tə́da najə̄ dɔ Kɔ́ɔ̄ɓē tə́ ō, dɔí tə́ ō. Ba ī-rāā Kɔ́ɔ̄ɓē ɓɔ́ ādə̄ tə̄ɓā lī gə̄ ń toō kɔ̄ɔ́ dɔjí tə́ ādə̄ aw̄n̄ sa̰y. Moijə rāā Kɔ́ɔ̄ɓē ɓɔ́ tām̄ yā gír de gə̄ tə́.

IJAI 18:4

Tām̄ Kɔ́ɔ̄ɓē ədam̄ na: m̄-ndigə ndi loo ndiḿ tə́ ka̰a̰ń loo ō, ndi tū tə́ jəke ō, tītə̄ mbang kə́ ɔsə ngá̰ý kum loo kə́ unjə̄ kow tə́ beē ō, tītə̄ tal kə́ to tītə̄ kil̄ man̄ dan yā sāā kōō gə̄ tə́ beē.

JEREMI 3:14

Ngáń kə́ ngé túy taā kem gə̄ ī-tél ī-reēī! Tɔdɔ̄ i mā n i Kɔ́ɔ̄ɓē ní. Najə̄ ń Kɔ́ɔ̄ɓē əda ní n noó. M-ā m-ɔ́ýsí kógə̄ḿ, kógə̄ḿ kə dɔ ɓē gēé ō, jōó jōó kə dɔ gír kaa gēé ō, yā kaw̄ sesí Siyo̰.

PĀ GƏ̄ 107:6

Nin̄ nōōn̄ kə̄ dɔ Kɔ́ɔ̄ɓē tə́ dan ń wur kɔl əsōń dɔdə́ ní tə́, anī ni-ɔr̄də́ kɔ̄ɔ́ kem sōl̄ yādə́ gə̄ tə́.

PĀ GƏ̄ 107:13

Nin̄ nōōn̄ kə̄ dɔ Kɔ́ɔ̄ɓē tə́ dan ń yá̰a̰ tɔyń dɔdə́ ní, anī ni-ɔr̄də́ kɔ̄ɔ́ kem sōl̄ yādə́ gə̄ tə́.

PĀ GƏ̄ 107:19

Nin̄ nōōn̄ kə̄ dɔ Kɔ́ɔ̄ɓē tə́ dan ń wur kɔl əsōń dɔdə́ ní tə́, anī ni-ɔr̄də́ kɔ̄ɔ́ kem sōl̄ yādə́ gə̄ tə́.

PĀ GƏ̄ 107:28

Nin̄ nōōn̄ kə̄ dɔ Kɔ́ɔ̄ɓē tə́ dan ń wur kɔl əsōń dɔdə́ ní tə́, anī ni-ɔr̄də́ kɔ̄ɔ́ kem sōl̄ yādə́ gə̄ tə́.

NŌŌ RƆ̄ 3:40

J-əndāī ma̰ȳ róbə njə̄rājí gə̄ j-a̰a̰ī majə ba jə-télī kə̄ rɔ̄ Kɔ́ɔ̄ɓē tə́.