OJEE 4:9 - Bibəl ta Sar̄

⁹ Banī m-ā m̄-rāā ngé tun̄ yá̰a̰ gə̄ yá̰á̰ ń m̄-rāā kə gír deē yāḿ gēé ní: Yá̰á̰ ń m-ā m̄-rāā sedə́ ní, sɔɔ̄ń i háĺdə́ ō, yá̰á̰ ń nin̄ rāān̄ ní, m-ā m̄-téləń yā kadə̄də́ gogə́ ō.

Bible sar

⁹ Banī m-ā m̄-rāā *ngé tun̄ yá̰a̰ gə̄ yá̰á̰ ń m̄-rāā kə gír deē yāḿ gēé ní: Yá̰á̰ ń m-ā m̄-rāā sedə́ ní, sɔɔ̄ń i háĺdə́ ō, yá̰á̰ ń nin̄ rāān̄ ní, m-ā m̄-téləń yā kadə̄də́ gogə́ ō.

OJEE 4:9 Referans Kwoze

JEREMI 5:31

Ngé koō ta gə̄ ɔrə̄n̄ najə̄ kə́ rɔ̄kum aĺ ō, ngé tun̄ yá̰a̰ gə̄ sāān̄ i kə̄ ta yādə́ nin̄ kɔ́ gə̄ tə́ ō, ba hál gə̄ ń noō malang asə kum gír deē yāḿ gə̄. Ní ḭ̄ deē ā ī-rāā i rí kə́ rang gō tə́ to̰?

IJAI 24:2

I yá̰á̰ kə́ kógə̄ḿ beē n rāā nge tun̄ yá̰a̰ ō, nge tun̄ yá̰a̰ aĺ ō, kɔ́ɔ̄ ɓəlo ō, ɓəlo ō, kɔ́ɔ̄ kújə́ kə́ dəyá̰ ō, nge kəla kə́ dəyá̰ ō, nge kigə yá̰a̰ ō, nge mang yá̰a̰ ō, nge kadə̄ yá̰a̰ loo tə̄nā tə́ ō, nge tə̄nā yá̰a̰ ō, de kə́ kə̄rā i dɔn tə́ ō, de kə́ yá̰a̰ yān i dɔ deē tə́ ō ní.

MATIYE 15:14

Ní, ə́ya̰īdə́ na nin̄ i ngé kum tɔ̄ɔ̄ gə̄ kə́ ngé ndɔ́r̄ madə̄də́ gə̄ ta kāgə̄! Ba ré de kə́ kum tɔ̄ɔ̄ ndɔ́r̄ nge kum tɔ̄ɔ̄ madə̄n ta kāgə̄ anī, nin̄ a əsōn̄ bəloó jōó mbak.

JAKARI 1:6

Ɓá tā banī najə̄ yāḿ gə̄ ō, yá̰a̰ gə̄ ń m-ə́dá ngé kəla yāḿ gə̄ ń i ngé koō ta gə̄ ní kadə̄ rāān̄ ní, ta tɔ̄l̄ ta anī, yá̰a̰ gə̄ ní rāān̄ kaasí gə̄. Loo ń noō tə́ nin̄ tūrə̄n̄ háĺdə́ adə̄ ədan̄ na: Kɔ́ɔ̄ɓē kə́ bo kə́ tɔ́gən i ngá̰ý gḛy rāā yá̰á̰ kógə̄ḿ sejí sɔɔ̄ ń háĺjí ō, yá̰a̰ rāājí gə̄ ō. Adə̄ i yá̰á̰ ń noō n ni-rāā ní.

OJEE 9:9

Sḭḭ̄ ə̄sōī kum yá̰a̰ rāā kə́ majaĺ ngá̰ý tə́, tītə̄ ń ə̄sōiń kum tə́ kété kem ɓē kə́ Gibea tə́ ní. A əga kem Nə́ɓā dɔ yá̰a̰ rāāsí gə̄ kə́ majaĺ ngá̰ý tə́, ni a rāā yá̰á̰ kógə̄ḿ sesí najə̄ mān̄ kə́ ī-mānī dɔ ndūn tə́ tə́.

OJEE 8:13

Nin̄ ndə̄jə̄mə̄n̄ yá̰á̰ kə́ tun̄ gə̄, i tɔdɔ̄ nin̄ gḛyn̄ kəsa dā̰. Banī mā Kɔ́ɔ̄ɓē m̄-ndigə yá̰a̰ tun̄ yādə́ gə̄ alé. Ngɔlaā ní, a əga kemḿ dɔ yá̰a̰ rāādə́ gə̄ kə́ gōtə́ aĺ gə̄ tə́, m-ā m̄-rāādə́ yá̰á̰ kə́ tōr̄ najə̄ mān̄ ń nin̄ mānə̄n̄ dɔ ndūḿ gə̄ ní tə́. I gáŕ kadə̄ nin̄ a télən̄ yā kaw̄ gogə́ dɔ nang kə́ Ejiptə tə́.

OJEE 1:4

Anī Kɔ́ɔ̄ɓē əda Ojee na kə əndā rīn na i Isreel, tɔdɔ̄ sḛ́ý laā anī, m-ā m̄ rɔ̄ɔ̄ kə kojə yā mban̄g Yehu najə̄ yā mósə́ ń ɓōkə́n̄ nang tə́ wól loo kə́ Jisreel tə́ ní. M-ā m̄-nujə ko̰o̰ ɓē yā mban̄g kə́ dɔ nang kə́ Israel tə́ kɔ̄ɔ́.

IJAI 3:10

Ngé gə̄ ń oōn̄ ta Nə́ɓā ní, ásiī kəda na nin̄ i ngé rɔ̄nel̄ gə̄. Yá̰á̰ ń nin̄ rāān̄ ní, a əngen̄ yá̰á̰ kə́ majə tām̄ yādə́ tə́ gírí.

Gōsə̄ najə̄ gə̄ 5:22

Yá̰á̰ kə́ gōtə́ aĺ gə̄ ń nge kem ndul rāā ní tél əhɔn nəkɔ́ gūmbə̄ tə́ ō, kəlā majaĺ yān gə̄ a do̰ō̰n ō.

Gōsə̄ najə̄ gə̄ 12:14

Deē asə kənge yá̰a̰ kə ta kūl̄ najə̄ kɔrə̄n tītə̄ ń deē a əngeń yá̰á̰ gír kəla rāān tə́ ní.

OJEE 7:2

Banī nin̄ gírə̄n̄ yá̰á̰ ń toō alé: Yá̰á̰ kə́ majaĺ gə̄ malang ń nin̄ rāān̄ ní, əga kemḿ dɔ tə́. Ngɔlaā ní, yá̰a̰ rāādə́ gə̄ gīr̄ gidədə́ əla ta naā tə́. M-á̰á̰də́ ta kumḿ tə́ ngándáńg.

OJEE 9:15

Kɔ́ɔ̄ɓē əda ɓáý to̰ na: Kem ndul yādə́ ɔjə rɔ̄n kə̄ ndágá malang i loo kə́ yā ɓōĺ gidən ń rīn na i Gilgal ní tə́. Əla gír kadə̄ a nelə̄m̄ sedə́ aĺ i loo ń noō tə́. M-ā m̄-tə̄ɓādə́ kɔ̄ɔ́ kem kújə yāḿ tə́, a nelə̄m̄ sedə́ to̰ alé, i najə̄ yá̰a̰ rāādə́ kə́ majaĺ tə́. Ngār yādə́ gə̄ malang mbātə́n̄ najə̄ yāḿ.

OJEE 10:10

Kɔ́ɔ̄ɓē əda na: M-ā m̄-reē yā kəndadə́. Gír de gə̄ a ɔsən̄ dɔdə́ naā tə́ yā rɔ̄ɔ̄də́, a əndan̄də́ najə̄ yá̰a̰ rāādə́ kə́ gōtə́ aĺ ń gír i jōó ní tə́.

OJEE 12:2

Epəraim adə̄ de gə̄ kə́ Ejiptə tə́ yibə̄ ō, əndā jīn gír makətūbə̄ koō naā yādə́ kə de kə́ Asiri gēé tə́ ō. I tītə̄ ń noō n ni ulə̄ń rɔ̄n kə nélé ō, a̰ȳń ngɔ̄də̄ gō néĺ kə́ dūn̄ ɓē tə́ dəloí bátə́ loo tíbə dɔn tə́ ō ní. Ni seĺ sor̄ kə̄ loo gə̄ tə́ ō, nujə loo ɔyń yá̰a̰ yā de gə̄ dɔ gúú tə́ ō.

Gōsə̄ najə̄ gə̄ 11:31

Rɔ̄kum, əndān̄ nja de kə́ súmūú dɔ nang tə́ laā tām̄ kəla rāān tə́, banī nge kem ndul ō, nge rāā majaĺ ō ní, i najə̄ rí n kə deē kə əda dɔdə́ tə́ ní?

EJEKIEL 44:10

Kum mbang ń ngán Israel gə̄ unən̄ róbə́ kə́ majaĺ ba əya̰mə̄n̄ kɔ̄ɔ́ yā kunəń gō ɓesə̄ yādə́ gə̄ ní, ngán Lebi gə̄ rāān̄ majaĺ tītə̄ gotə ngán Israel gə̄. I beé ɓá ní, nin̄ a tə́gān̄ tadə́ dan yá̰a̰ gə̄ ń yá̰a̰ rāādə́ kə́ gōtə́ aĺ gə̄ a reēń dɔdə́ tə́ ní.

EJEKIEL 44:12

Dan ń ngán Israel gə̄ a unnə̄ń gō nə́ɓā kə́ rɔ̄kum aĺ gə̄ ní, nin̄ rāān̄ kəla adə̄n̄də́ ō, nin̄ rāān̄ adə̄ ngán Israel gə̄ mānə̄n̄ dɔ ndū Nə́ɓā ō. I tām̄ najə̄ ń toō tə́ n mā Kɔ́ɔ̄ɓē Nə́ɓā m-ə́da najə̄ ń toō ní: M-ā m̄-rāā yá̰á̰ kə́ tōr̄ sedə́ ō, nin̄ a tə́gān̄ tadə́ dan yá̰a̰ gə̄ ń yá̰a̰ rāādə́ kə́ gōtə́ aĺ gə̄ a reēń dɔdə́ tə́ ní ō.

OJEE 12:3

Kɔ́ɔ̄ɓē a rāā i sarya kə de gə̄ yā Juda gēé. Ni a rāā yá̰á̰ kógə̄ḿ kə gír deē yā Jakob gēé najə̄ háĺdə́ kə́ majaĺ tə́, a rāā yá̰á̰ kógə̄ḿ kə gír de gə̄ ń noō sɔɔ̄ ń kəla rāādə́ gə̄.