OJEE 4:8 - Bibəl ta Sar̄

⁸ Nin̄ əsan̄ dā̰ yá̰á̰ kə́ tun̄ gə̄ ń gír deē yāḿ gə̄ ndējə̄n̄ dan ń nin̄ mānə̄n̄ dɔ ndūḿ ní. Yá̰á̰ ń nin̄ gḛyn̄ ní i kógə̄ḿ beē ngóy: I kadə̄ gír deē yāḿ gə̄ rāān̄ yá̰á̰ kə́ gōtə́ aĺ.

Bible sar

⁸ Nin̄ əsan̄ dā̰ yá̰á̰ kə́ tun̄ gə̄ ń gír deē yāḿ gə̄ ndējə̄n̄ dan ń nin̄ mānə̄n̄ dɔ ndūḿ ní. Yá̰á̰ ń nin̄ gḛyn̄ ní i kógə̄ḿ beē ngóy: I kadə̄ gír deē yāḿ gə̄ rāān̄ yá̰á̰ kə́ gōtə́ aĺ.

OJEE 4:8 Referans Kwoze

IJAI 56:11

Nin̄ i bísə gə̄ kə́ əsan̄ yá̰a̰ malang ō, yá̰a̰ kəsa asə tadə́ nja kógə̄ḿ aĺ ō. Tá nin̄ i ngé kul̄ gír deē yāḿ gə̄! Nin̄ gerə̄n̄ kum yá̰á̰ kógə̄ḿ alé. I yá̰á̰ ń nel̄də́ ní ngóy n nin̄ rāān̄ ní. Nin̄ kógə̄ḿ kógə̄ḿ ní, a sāān̄ i yá̰á̰ kə́ majə tām̄ yādə́ nin̄ kɔ́ gə̄ tə́ ngóy.

TITƏ 1:11

Majə kadə̄ deē utə̄ tadə́ kɔ̄ɔ́, tām̄ nin̄ i ngé nujə kem de gə̄ kə́ kem gír kojə kə́ kógə̄ḿ beē tə́ gə̄ malang kə yá̰á̰ ndóō kə́ majə kadə̄ deē ndóō de gə̄ aĺ tə́. Nin̄-rāān̄ nge ń nuū i yā kəngeń yá̰a̰ kə ta róbə́ kə́ gō tə́ alé.

MISE 3:11

Ngé rāā sarya gə̄ a gāngə̄n̄ sarya i gíŕ yá̰á̰ kə́ kadə̄də́ karī tə́ tə́ ō, ngé tun̄ yá̰a̰ gə̄ a ndóōn̄ de gə̄ ndū najə̄ i gíŕ yá̰a̰ kəngeé ō, ngé koō ta gə̄ a ədan̄ yá̰á̰ kə́ ndɔ̄ń tə́ i gír naraá ō. Nin̄ əndān̄ tɔ́gə́də́ dɔ Kɔ́ɔ̄ɓē tə́, ba ədan̄ na: Kɔ́ɔ̄ɓē i sejí, adə̄ yá̰á̰ kə́ to kum kaȳ aĺ a teē dɔjí tə́ alé.

1 SAMUEL 2:29

Ba ī-kídī yá̰a̰ tun̄ gə̄ kə yá̰a̰ ndējə̄ gə̄ ń m-ə́da kadə̄ de gə̄ reēn̄neé kem loo kə́ táĺ tə́ ní i tām̄ rí tə́? Ī-ɓōĺ ngání gə̄ tɔȳm̄ mā tɔdɔ̄ ngán Israel gə̄ ń i deē yāḿ gə̄ ní reēn̄ kə yá̰a̰ ndējə̄ gə̄ adə̄mə̄n̄, anī ə́saī loon kə́ majə majə gə̄ kɔ̄ɔ́ malang ə̄ndāīneé yibə̄sí i tām̄ rí tə́?

Makətūbə̄ ń Pol ndang adə̄ Rom gə̄ ní 16:18

Tɔdɔ̄ de gə̄ ń noō nin̄-rāān̄ i kəla yā Kərist Kɔ́ɔ̄ɓē yājí alé, ba a rāān̄ i kəla tām̄ yā kemdə́ tə́. De gə̄ ń i kə́ kumdə́ gān̄g aĺ ní, nin̄-gólə̄n̄də́ kə najə̄ yādə́ kə́ majə gēé ō, kə́ nel̄ gēé ō.

MALASI 1:10

Kə́ só tə́ i kadə̄ deē kógə̄ḿ kə́ dansí tə́ utə̄ ta róbə́ kújə gə̄ yā Kɔ́ɔ̄ɓē kɔ̄ɔ́. I beé tá ā āwīiń dɔ loo tun̄ yá̰a̰ yāḿ tə́ yā rāā hor ndāńg alé. Tām̄ mā Kɔ́ɔ̄ɓē kə́ bo kə́ tɔ́gə́ḿ i ngá̰ý nelə̄m̄ ka̰a̰sí aĺ ō, yá̰a̰ ndējə̄ gə̄ ń ī-reēiń ādə̄mī ní, nelə̄m̄ aĺ ō.

PĀ GƏ̄ 24:4

I deē ń jīn unjə̄ njáý njáý ō kemən ndaa tá táĺ ō ní. I deē ń əga rɔ̄n gidə Nə́ɓā tə́ rāań yá̰á̰ kə́ majaĺ aĺ ō, túbə yā góləń deē aĺ ō ní.

EJEKIEL 14:7

Yá̰á̰ kə́ rang ń a asə kə́ yā rāā yá̰á̰ ɓáý to̰ ní n toó: Ré ngōn̄ Israel kógə̄ḿ, aláa tə̄rā kógə̄ḿ kə́ ndi dɔ nang kə́ Israel tə́, əya̰m̄ kɔ̄ɔ́ ba aw̄ sa̰y. Ni-əhɔ gō ɓesə̄ yān gə̄ ō, gḛy yá̰á̰ ń a rāān adə̄ a tə́sō kum majaĺ tə́ ní ngá̰ý ō, ba reē koō najə̄ kə́ ta nge koō ta tə́ yā gerə̄ń ń yá̰á̰ ń m̄-ndigə ní anī, i mə̄kɔ́ Kɔ́ɔ̄ɓē n m-ā m̄-tūr̄ najə̄ yā kədan ní.

EJEKIEL 14:3

Ḭ̄ ngōn̄ deē, ōō! De gə̄ ń noō aw̄n̄ kə nə́ɓā yādə́ kə́ rɔ̄kum aĺ gə̄ ngarā̰ kemdə́ tə́ noō. Kemdə́ gḛy yá̰á̰ ń na rāādə́ adə̄ a tə́sōn̄ kum majaĺ tə́ ní ngá̰ý. Ní kə m-ə́ya̰ rɔ̄ḿ kadə̄ kə dəjemə̄n̄ najə̄ a?

PĀ GƏ̄ 25:1

Pā yā Dabid. Kɔ́ɔ̄ɓē, m̄-tūr̄ rɔ̄ḿ kə̄ rɔ̄í tə́.

2 PIYER 2:3

Sɔɔ̄ń rāā ta nar kə́ kemdə́ tə́ ní, ngé ndóō de gə̄ yá̰á̰ kə́ rɔ̄kum aĺ gə̄ ngeé ń toō, a ndóōn̄sí najə̄ kə́ tūr̄ gidə kɔ̄ɔ́ kə kum kedēé gə̄ yā kəsańsí. Banī a gāngə̄n̄ sarya dɔdə́ tə́ ngɔr ō, a nujən̄ sedə́ sák sák ngɔr ō.

OJEE 10:13

Banī sḭḭ̄ ī-ndɔrī i kem ndul, yá̰á̰ ń ə́jaī ní, i yá̰á̰ kə́ majaĺ ō, ə́saī i kan̄ sor̄ ō. Israel, ḭ̄ ə̄ndā kemií i dɔ tɔ́gí īkɔ́ tə́, i dɔ ngé rɔ̄ɔ̄ yāí gə̄ kə́ nin̄ i ngá̰ý tə́.

OJEE 12:8

Kɔ́ɔ̄ɓē əda na: Epəraim, ḭ̄ āw̄ kə yá̰a̰ mbɔ̄jə́ kɔȳ yá̰á̰ kə́ gōtə́ aĺ jīí tə́. Nelī gól̄ de gə̄ ngá̰ý.

OJEE 14:1

De kə́ Samari gə̄ a əgān̄ kə̄rā yá̰a̰ rāādə́ kə́ gōtə́ aĺ gə̄, tɔdɔ̄ nin̄ mbātə́n̄ najə̄ gō Nə́ɓā yādə́ tə́. Nin̄ a oyn̄ ta rɔ̄ɔ̄ tə́ ō, a rējə̄n̄ ngáń kásə̄ yādə́ gə̄ ō, a njarən̄ kem dəyá̰ yādə́ gə̄ kə́ ndānə̄n̄ ngán gə̄ ō.

LEBI GƏ̄ 6:22

Adə̄ i de kə́ dəngam gə̄ malang ń nin̄ i ngé tun̄ yá̰a̰ gə̄ ní ngóy n a asən̄ kəsa ní. I yá̰á̰ kə́ táĺ ngá̰ý.

2 MBAN̄G 12:16

De gə̄ ń adə̄n̄də́ nar ngeé ń toō kadə̄ əgān̄neé ngé rāā kəla gə̄ ní, dəjen̄də́ kadə̄ ɔjən̄də́ gír yá̰a̰ gə̄ ń rāān̄ kə nar ní alé. Tɔdɔ̄ nin̄ rāān̄ yá̰a̰ i kə gōó.