OJEE 4:3 - Bibəl ta Sar̄

³ I tām̄ najə̄ ń toō tə́ n loo laa a rāā dɔ nang kə́ kem ɓēé kadə̄ tutə káḿ káḿ ní. De kə́ kem ɓēé gə̄ malang ō, dā̰ kə́ bembeé gə̄ ō, yel̄ kə́ dɔɔ́ gə̄ ō ní, tɔ́gə́də́ a gətóo i ndɔ̄ naā tə́ gidə kógə̄ḿ. Kānjə̄ gə̄ kə́ kum bā bo tə́ gə̄gē a gətóon̄ kɔ̄ɔ́.

Bible sar

³ I tām̄ najə̄ ń toō tə́ n loo laa a rāā dɔ nang kə́ kem ɓēé kadə̄ tutə káḿ káḿ ní. De kə́ kem ɓēé gə̄ malang ō, dā̰ kə́ bembeé gə̄ ō, yel̄ kə́ dɔɔ́ gə̄ ō ní, tɔ́gə́də́ a gətóo i ndɔ̄ naā tə́ gidə kógə̄ḿ. Kānjə̄ gə̄ kə́ kum bā bo tə́ gə̄gē a gətóon̄ kɔ̄ɔ́.

OJEE 4:3 Referans Kwoze

SOPONI 1:3

M-ā m̄-rāā kadə̄ deē ndul gə̄ gətóon̄ ō, dā̰ gə̄ gətóon̄ ō, yel̄ kə́ dɔɔ́ gə̄ gətóon̄ ō, kānjə̄ gə̄ kə́ kum bā bo tə́ gətóon̄ ō. M-ā m̄-rāā kadə̄ de kə́ majaĺ gə̄ gətóon̄ ō, yá̰á̰ ń rāādə́ adə̄ a rāān̄ yá̰a̰ majaĺ ní gətóo ō. M-ā m̄-rāā kadə̄ deē ndul gə̄ a gətóon̄ kɔ̄ɔ́ dɔ nang tə́.

NAHUM 1:4

Ni ndán̄g bā bo, anī bā bo iī. Ni-rāā adə̄ ngán man̄ gə̄ malang gətóon̄ kɔ̄ɔ́ kem kār̄də́ gə̄ tə́. Anī loo gə̄ ń a aw̄n̄ kə yá̰a̰ kul̄ gēé ko̰ó̰ tū tə́ dɔ nang kə́ Basan tə́ ō, mbal̄ bo kə́ Karmel ō ní, yá̰a̰ malang kə́ ndi kə kumneé gətóo tū tə́ kɔ̄ɔ́ ō, hútə̄ yá̰a̰ gə̄ kə́ Liban ndəlén̄ kɔ̄ɔ́ ō.

AMOS 5:16

I beé ní, Kɔ́ɔ̄ɓē Nə́ɓā, Nə́ɓā kə́ kɔ́ɔ̄ dɔ rā̰ ō dɔ nang ō, əda yá̰á̰ ń toō: De gə̄ a oōn̄ kōō pā yo gə̄ kə̄ ndágə loo gə̄ malang kə́ kem ɓēé tə́ ō, a ədan̄ kə̄ kum róbə kɔsə gə̄ tə́ malang na: Yá̰á̰ kə́ to kum kaȳ aĺ kə́ ba̰ý! Yá̰á̰ kə́ to kum kaȳ aĺ kə́ ba̰ý ō! A ɓārə́n̄ de kə́ kem ɓēé gə̄ kadə̄ aw̄n̄ yo tə́ ō, a ɓārə́n̄ dəyá̰ kə́ ngé nōō yo gə̄ kadə̄ aw̄ unən̄ pā yo gə̄ ō.

EJEKIEL 38:20

Kānjə̄ gə̄ kə́ kum bā bo tə́ ō, yel̄ kə́ dɔ rā̰ tə́ gə̄ ō, dā̰ kə́ bembeé gə̄ ō, lī kə́ kagə nang tə́ gə̄ ō, de kə́ dɔ nang tə́ gə̄ ō, nin̄ malang ní, ɓōĺ a rāādə́, adə̄ a ndewn̄ ta kumḿ tə́. Mbal̄ bo gə̄ a tə́sōn̄ ō, ngán mbal̄ gə̄ a tə́sōn̄ ō, ndogə̄ mbal̄ kógə̄ḿ kə́ yā ra dɔɔ́ a gətóo ō.

JEREMI 12:4

Dɔ nang a əhɔ ndoō i bátə́ ta kə́ rá? Mu kə́ ndɔrɔ́ a tutə kɔ̄ɔ́ malang i bátə́ ta kə́ rá? De kə́ kem ɓēé gə̄ ń ədan̄ na Nə́ɓā a̰a̰ yá̰á̰ kə́ ndɔ̄ń tə́ alé ní, kem ndul yādə́ a tɔ̄l̄ dā̰ kə́ bembeé gə̄ ō, yel̄ gə̄ ō yā təgā.

JEREMI 4:25

M-á̰a̰ loo anī, m-á̰a̰ kadə̄ de gə̄ gətóon̄ ō, kadə̄ yel̄ gə̄ a̰ȳn̄ naā kɔ̄ɔ́ malang ō.

AMOS 8:8

I tām̄ najə̄ ń toō tə́ n dɔ nang a ndew ní. De kə́ kem ɓēé gə̄ malang a əhɔn̄ ndoō. Tītə̄ bā Nil kə́ Ejiptə kə́ rosə kem kārə̄n ba rə̄ɓā kə̄ ndágá ní, nin̄ malang a ḭḭn̄, ba gō tə́ anī, a əsōn̄.

AMOS 1:2

Amos əda na: Kɔ́ɔ̄ɓē nōō tītə̄ ɓɔl beé dɔ mbal̄ kə́ Siyo̰ tə́. A̰á̰ā̰, ni-ra Jerusalem rāań adə̄ de gə̄ oōn̄ ndūn. Loo gə̄ ń a aw̄n̄ kə yá̰a̰ kul̄ gēé tūtə̄ kadə̄ əsan̄ yá̰a̰ ní majən̄ aĺ ngá̰ý. Dɔ mbal̄ Karmel i kə́ tutə káḿ káḿ kɔ̄ɔ́.

IJAI 33:9

Ɓē əhɔ ndoō ō, tutə kɔ̄ɔ́ ō. Mbal̄ bo gə̄ kə́ Liban ń əlan̄ rɔ̄sɔl̄ dɔdə́ tə́ ngá̰ý ní, tutən̄ malang kɔ̄ɔ́. Ndágə mbō kə́ Saro̰ tə́ to i tītə̄ dəla loo beé. Kāgə̄ gə̄ gətóon̄ kɔ̄ɔ́ dɔ mbal̄ gə̄ kə́ Basan tə́ ō, dɔ mbal̄ gə̄ kə́ Karmel tə́ ō.

JEREMI 9:10

M-ā m̄-rāā Jerusalem kadə̄ to tītə̄ mbal̄ kə́ kán̄ dɔ naā tə́ ō, kadə̄ to tītə̄ loo ra tal̄ gə̄ ō. m-ā m̄-rāā ɓē kə́ Juda tə́ gə̄ kadə̄ télən̄ loo kə́ to kum ko̰ ō, de gə̄ a gətóon̄ kemeé ō.

JEREMI 23:10

De gə̄ malang kə́ kem ɓēé rāān̄ rāȳ, adə̄ ɓē nujə ō, ndɔ̄ĺ i dɔ tə́ ō. Yá̰a̰ tutə malang loo ń yá̰a̰ kul̄ gə̄ a o̰o̰n̄ tū tə́ ní. O̰o̰ de gə̄ i ta rāā yá̰á̰ kə́ majaĺ ō, əhɔn̄ rɔ̄də́ tɔgə i ta nujə loo ō ngóy.

JOEL 1:18

Yá̰a̰ kul̄ gə̄ tṵ́ṵ̄n rus rus, man̄g gə̄ dáȳn̄ biriri kə̄ loo gə̄ tə́, tɔdɔ̄ mu kə́ mbōl̄ gətóo. Tá ɓūtə̄ yá̰a̰ kul̄ kə́ dūú gə̄ gə̄gē a oyn̄ ō.

JAKARI 5:4

Kɔ́ɔ̄ɓē kə́ bo kə́ tɔ́gən i ngá̰ý əda wáńg na: M-ə̄nī ndɔ̄ĺ ń noō i yā kadə̄ udə kem kújə yā ngé ɓogə gə̄ tə́ ō, kadə̄ udə ɓē de gə̄ malang ń unən̄ rīḿ a túbənə̄ń dɔ láḿ tə́ ní ō. Ndɔ̄ĺ ní a ndi noó ō, a nujə yá̰a̰ malang kɔ̄ɔ́ ō. A nujə sáā kāgə̄ gə̄ gə̄gē, mbal̄ gə̄ gə̄gē, kɔ̄ɔ́.

JEREMI 9:9

m̄-nōō pul pul dɔ mbal̄ gə̄ tə́ ō, m̄-nōō rɔ̄ḿ loo kəsa yá̰a̰ yā dā̰ gə̄ tə́ kem dəla loo tə́ ō. Tɔdɔ̄ əlan̄ hor dɔ loo gə̄ ní tə́ kɔ̄ɔ́ ō, deē teē tū tə́ to̰ aĺ ō. Deē oō kōō ɓūtə̄ yá̰a̰ kul̄ gə̄ tū tə́ to̰ alé. Yel̄ gə̄ ō, yá̰a̰ kul̄ gə̄ o a̰ȳn̄ naā malang kɔ̄ɔ́. Yá̰á̰ kə́ rang sḛ́ý gətóo.