OJEE 4:19 - Bibəl ta Sar̄

¹⁹ Nél a ɔydə́ gidə bɔ̄gə̄n tə́ yā kaw̄ sedə́ kɔ̄ɔ́ ō, rɔ̄də́ a sɔl̄də́ tām̄ yá̰a̰ tun̄ yādə́ gə̄ tə́ ō.

Bible sar

¹⁹ Nél a ɔydə́ gidə bɔ̄gə̄n tə́ yā kaw̄ sedə́ kɔ̄ɔ́ ō, rɔ̄də́ a sɔl̄də́ tām̄ *yá̰a̰ tun̄ yādə́ gə̄ tə́ ō.

OJEE 4:19 Referans Kwoze

IJAI 1:29

Loo ń noō tə́ rɔ̄sí a sɔl̄sí najə̄ yā kāgə̄ kə́ yā ɓōĺ gidə gə̄ ń kété nel̄sí ngá̰ý ní tə́. Ndɔr̄ gə̄ ń ī-gə̄rāīdə́ yā rāā kəla kemeé kadə̄ nə́ɓā kə́ rɔ̄kum aĺ gə̄ ní a əlan̄ rɔ̄sɔl̄ dɔsí tə́.

OJEE 13:15

Dan ń Epəraim tɔgə dan ngákó̰o̰n gə̄ tə́ anī, nél kə́ dūn̄ ɓē tə́ reē, néĺ ní ḭḭ i dəla loo tə́. I mā Kɔ́ɔ̄ɓē n m-ə́la seneé ní. Loo ń noō tə́ ní, loo gə̄ ń man̄ gə̄ a əɓan̄ tū tə́ ní, man̄ kə́ tū tə́ gə̄ gətóon̄ kɔ̄ɔ́ ō, kem bəlo man̄ gə̄ tutən̄ kɔ̄ɔ́ ō. Nél un yá̰a̰ kənge aw̄ń kɔ̄ɔ́, ni-ɔy yá̰a̰ malang kə́ gātə̄n i ngá̰ý aw̄ń kɔ̄ɔ́.

JEREMI 51:1

Najə̄ ń Kɔ́ɔ̄ɓē əda ní n toó: M-ā m̄-rāā kadə̄ néĺ kə́ nge nujə loo əla dɔ Babilon tə́ ō, dɔ de kə́ Kalde gə̄ tə́ ō.

OJEE 12:1

Kɔ́ɔ̄ɓē əda na: Gír deē yā Epəraim gə̄ sorə̄n̄ gīr̄nəń gidəḿ. A̰á̰ā̰, Israel gə̄ ɓír̄mə̄n̄ kə gól̄ looó. Deē yā Juda gə̄ i seḿ ɓáý, banī nin̄ na̰yn̄ kə̄ loo kəhɔ gō nə́ɓā kə́ rang gə̄ tə́.

OJEE 10:6

A unən̄ ngōn̄ man̄g yā kaw̄ seneé dɔ nang kə́ Asiri tə́ ō. A adə̄n̄ mban̄g kə́ bo kə́ dɔ nang ngeé ń noō tə́ ngōn̄ man̄g ní kadə̄ karī tə́. A télən̄ kə Epəraim kə̄ nang tə́, a̰á̰ā̰, rɔ̄ Israel a sɔlə̄n najə̄ yā yá̰a̰ gə̄ ń ni núm̄ rāā tə́ ní.

JEREMI 17:13

Kɔ́ɔ̄ɓē, ḭ̄ ń Israel gə̄ əndān̄ kemdə́ dɔí tə́ ní, de gə̄ malang ń əya̰nī kɔ̄ɔ́ ní rɔ̄də́ sɔl̄də́ ngá̰ý. Ngé gə̄ ń ɔrə̄n̄ rɔ̄də́ rɔ̄ḿ tə́ kɔ̄ɔ́ ní tadə́ a tḭ̄ḭ̄, tɔdɔ̄ nin̄ əya̰n̄ Kɔ́ɔ̄ɓē ń i ngəra kajə ní kɔ̄ɔ́.

IJAI 42:17

Ngé gə̄ ń ənīn̄ kemdə́ mámák adə̄n̄ ɓesə̄ gə̄ ní, ngé gə̄ ń ədan̄ yá̰a̰ yādə́ kə́ tɔ́sə̄ kum gotə yá̰a̰ gə̄ na: Nə́ɓā yājí gə̄ i sḭḭ̄ ní,

OJEE 10:10

Kɔ́ɔ̄ɓē əda na: M-ā m̄-reē yā kəndadə́. Gír de gə̄ a ɔsən̄ dɔdə́ naā tə́ yā rɔ̄ɔ̄də́, a əndan̄də́ najə̄ yá̰a̰ rāādə́ kə́ gōtə́ aĺ ń gír i jōó ní tə́.