OJEE 4:12 - Bibəl ta Sar̄

¹² Nin̄ aw̄n̄ sāā tə́ rɔ̄ kāgə̄ kə́ tɔ́sə̄ tə́ ō, i gūrū kāgə̄ n i nge daldə́ najə̄ ō. Néĺ ájə́ba kógə̄ḿ əla dɔdə́ tə́ ba rāādə́ adə̄ əya̰n̄ róbə́ kə́ majə kɔ̄ɔ́. Loo ń noō tə́ nin̄ rāān̄ ájə́ba kə ta kūl̄ kəya̰m̄ mā Nə́ɓā yādə́ kɔ̄ɔ́ ba kaw̄ sa̰y.

Bible sar

¹² Nin̄ aw̄n̄ sāā tə́ rɔ̄ kāgə̄ kə́ tɔ́sə̄ tə́ ō, i gūrū kāgə̄ n i nge daldə́ najə̄ ō. Néĺ ájə́ba kógə̄ḿ əla dɔdə́ tə́ ba rāādə́ adə̄ əya̰n̄ róbə́ kə́ majə kɔ̄ɔ́. Loo ń noō tə́ nin̄ rāān̄ ájə́ba kə ta kūl̄ kəya̰m̄ mā Nə́ɓā yādə́ kɔ̄ɔ́ ba kaw̄ sa̰y.

OJEE 4:12 Referans Kwoze

OJEE 5:4

Yá̰á̰ ń Israel gə̄ rāān̄ ní, adə̄də́ ta róbə́ tél reē gogə́ rɔ̄ Nə́ɓā yādə́ tə́ alé. A̰á̰ā̰, néĺ ájə́ba kógə̄ḿ əla dandə́ tə́ ō, nin̄ gerə̄n̄ Kɔ́ɔ̄ɓē aĺ ō.

JEREMI 2:27

Nin̄ ədan̄ kāgə̄ na: Ḭ̄ i bɔbə́ḿ, nin̄ ədan̄ mbal̄ na: I ḭ̄ n ójəm̄. Rɔ̄kum, nin̄ tūrə̄n̄ i gə́ra gōdə́ n ɔjəmə̄n̄ ba i nɔtə nodə́ alé. Ba dan nəkɔ́ ń yá̰á̰ kə́ to kum tō ndoō teē dɔdə́ tə́ anī, nin̄ ədamə̄n̄ na: Ḭ́ḭ dɔɔ́, ájə́jí!

HABAKUK 2:19

I yá̰á̰ kə́ to kum kaȳ aĺ kə́ ba̰ý beē n rāāsí ní! Sḭḭ̄ ə́daī dugə̄jū kāgə̄ na: Ī-ndól̄ dɔ ɓīī tə́! Mbal̄ kə́ tɔ́sə̄ rāā yá̰á̰ tə́ ń ɔr̄ najə̄ aĺ ní, sḭḭ̄ ə́dain̄ na: Ī-lōō ɓīī! Tá nin̄ asən̄ ndóōsí yá̰á̰ kógə̄ḿ alé. Rāān̄ lɔ́r ō, gində̄ arjā̰a̰ ō, gidə yá̰á̰ kə́ tɔ́sə̄ gə̄ ní tə́ rɔ̄kum. Banī koō kə́ yā rāādə́ kadə̄ ndin̄ kə kumdə́ gətóo kemdə́ tə́!

NDŪ NAJƏ̄ 31:16

Kɔ́ɔ̄ɓē əda Moijə na: Ā óy yā kaw̄ gō kaaí gə̄ tə́, ba gír de gə̄ ń toō a ḭḭn̄ gotií tə́ yā rāā ɓesə̄ gə̄ ń i nə́ɓā yā tə̄rā gə̄ ń ndin̄ dɔ nang ń nin̄ a aw̄n̄ kə̄ tū tə́ ní. Nin̄ a əya̰mə̄n̄, adə̄ a gāngə̄n̄ madə̄ naā ń m-ə́hɔ sedə́ ní kɔ̄ɔ́.

TƏ́DA 15:39

Adə̄ ā ō̰ō̰ī kūbə̄ gə̄ kə́ ta kəlā kəjōdə́ gə̄ teēn̄ kə̄ ndágá, yā kadə̄ ré á̰a̰ī tadə́ anī, əga kemsí dɔ ndū najə̄ gə̄ yā Kɔ́ɔ̄ɓē tə́ malang, kadə̄ ī-rāāiń yá̰a̰ gə̄ ń ədan̄ ní. Loo ń noō tə́ ā úniī gō ngur yá̰a̰ gə̄ kə́ kemsí tə́ ō, kum kəsō yá̰a̰ gə̄ ō, kadə̄ ī-téliīń ngé rāā yá̰a̰ gōtə́ aĺ gə̄ alé.

MISE 2:11

Tá de kə́rēý gə̄ ɔrə̄n̄ najə̄ kə́ sor̄ gə̄, ədan̄ na: Ā ā̰yī kasə nduú ō, kasə kə́ ngan̄g ō. Tá ngé kɔr̄ najə̄ wa gə̄ ngeé ń toō ədan̄ ɓáý to̰ na: Israel gə̄ ń teēn̄ ta yo tə́ ní, Nə́ɓā a ɔsə njadə́ kə̄ naā tə́.

OJEE 9:1

Israel rāā rɔ̄nel̄ ngá̰ý tītə̄ yā gotə gír de kə́ rang gə̄ alé. Tɔdɔ̄ ḭ̄ Israel ə́yá̰ Nə́ɓā yāí ba āw̄ sa̰y kɔ̄ɔ́ kə ta kūl̄ rāāí ájə́ba. Nelī kadə̄ əndān̄ njaí najə̄n tə́ loo malang ń de gə̄ a əndan̄ gémē tū tə́ ní tə́.

EJEKIEL 21:21

Kaskar kə́ a əja yá̰a̰ gān̄g, ī-tə́gā de gə̄ ko̰ó̰ gē geleé gē! Ī-tūr̄ taí kə́ atə límbé límbé kə̄ loo gə̄ tə́ malang.

JEREMI 10:8

I mbóo gə̄ malang ō, gerə̄n̄ najə̄ aĺ ō. Ɓesə̄ yādə́ gə̄ ń unən̄ gōdə́ ní, ndóōn̄də́ yá̰á̰ kə́ kanjə̄ kumən gə̄.

PĀ GƏ̄ 73:27

Deē ń ɔr̄ rɔ̄n rɔ̄í tə́ kɔ̄ɔ́ ní a oy ō, ā ī-nujə kə deē ń əya̰ī kɔ̄ɔ́ ba aw̄ rāā rāȳ ní ō.

2 YÁ̰A̰ GƏ̄ 21:13

ba ī-ndájə̄ i hál mban̄g gə̄ kə́ Israel tə́. Ḭ̄ ī-sə̄lā de kə́ Jerusalem gə̄ ō, de kə́ Juda gə̄ ō, adə̄ tūrə̄n̄ rɔ̄də́ kə̄ rɔ̄ nə́ɓā kə́ rɔ̄kum aĺ gə̄ tə́ tītə̄ yā de kə́ kem kújə yā Akab tə́ gə̄. Ngákó̰ó̰í gə̄ ń majən̄ tɔȳnī ní gə̄gē ḭ̄ ī-tɔ̄l̄də́ kɔ̄ɔ́.

LEBI GƏ̄ 20:5

m-ā m̄-tūr̄ rɔ̄ḿ yā rɔ̄ deē ní ō, m-ā m̄-rɔ̄ɔ̄ de gə̄ kə́ gír kojə yān tə́ ō, m-ā m-ɔ̄rən kɔ̄ɔ́ dan gír deē yān gə̄ tə́ ō, naā tə́ kə de gə̄ malang ń unən̄ gōdə́ a rāānəń kəla adə̄n̄ ɓesə̄ Molok ní.

LEBI GƏ̄ 17:7

I beé tá ngán Israel gə̄ a lōōnəń gír tun̄ yá̰á̰ kə́ rim tə́ kadə̄ ɓesə̄ bal bə̄yā̰ gə̄. Nge ń noō i ndū najə̄ kə́ to ngándáńg tām̄ yādə́ ō, tām̄ yā ngáńdə́ gə̄ tə́ ō, ngán kaadə́ gə̄ tə́ ō.

PĀ GƏ̄ 106:39

Télən̄ de kə́ majaĺ tákə̄də́ gə̄ kə gō kəla rāādə́ gə̄ ō, télən̄ ájə́ba gə̄ kə gō yá̰a̰ rāādə́ gə̄ ō.

OJEE 14:3

Ī-tél ī-reēī rɔ̄ Kɔ́ɔ̄ɓē tə́ kə najə̄ gə̄ ń toō: Ī-mā̰ȳ rɔ̄í dɔ yá̰a̰ rāājí kə́ gōtə́ aĺ gə̄ tə́ ō, ī-taā yá̰á̰ kə́ majə ń jə-ndējī ní ō. J-a jə-ndējī najə̄ kə́ tají tə́ kum gotə man̄g kə́ bəra kə́ tun̄ gə̄.

NGÉ SARYA 18:5

De gə̄ ní tél ədanən̄ na beé ɓáa kə sāā kadə̄ n-a̰a̰n̄ ké Nə́ɓā a əda na mbā ń n-a n-aw̄n̄ toó a majə wa?

2 MBAN̄G 17:7

Yá̰á̰ ń noō rāā yá̰a̰ i tɔdɔ̄ ngán Israel gə̄ rāān̄ yá̰á̰ kə́ majaĺ kə Kɔ́ɔ̄ɓē Nə́ɓā yādə́ ń taādə́ jī Parao̰ mban̄g kə́ Ejiptə tə́, ba teē sedə́ kɔ̄ɔ́ kem ɓē kə́ Ejiptə tə́ ní ō, i i tɔdɔ̄ nin̄ ɓōlə́n̄ ndíl nə́ɓā gə̄ ń i ɓesə̄ gə̄ ō ní.

JEREMI 23:13

M-á̰á̰ yá̰á̰ kə́ ngɔr mbiti gə̄ rɔ̄ ngé koō ta kə́ Samari tə́ gə̄ tə́. Nin̄ ɔrə̄n̄ najə̄ kə rī Baal adə̄ gír deē yāḿ gə̄ ń i Israel gə̄ ní ndɔmə̄n̄ róbə.

EJEKIEL 20:32

Sḭḭ̄ ə́daī na ī-ndigiī kəto tītə̄ gotə nápar de gə̄, tītə̄ de gə̄ kə́ ɓē kə́ rang gə̄ tə́. Ə́daī na ī-ndigiī rɔȳ kāgə̄ gə̄ kə mbal̄ gə̄. Banī yá̰á̰ ń ī-gírī ní a rāā yá̰a̰ alé.

OJEE 6:10

M-á̰á̰ yá̰á̰ kə́ majaĺ ngá̰ý gə̄ kem ɓē kə́ Israel tə́: Epəraim rāā ájə́ba i loo ń noō tə́. A̰á̰ā̰, rāān̄ Israel adə̄ tél de kə́ yḛr i najə̄ yá̰á̰ ń noō tə́.