OJEE 4:10 - Bibəl ta Sar̄

¹⁰ Nin̄ a əsan̄ yá̰a̰, banī ɓō a rāādə́ ngándáńg. A rāān̄ ájə́ba, banī a ojən̄ ngōn̄ alé. A̰á̰ā̰, mā ń i Kɔ́ɔ̄ɓē ní, nin̄ əya̰mə̄n̄ kɔ̄ɔ́ ba rāānəń ájə́ba.

Bible sar

¹⁰ Nin̄ a əsan̄ yá̰a̰, banī ɓō a rāādə́ ngándáńg. A rāān̄ ájə́ba, banī a ojən̄ ngōn̄ alé. A̰á̰ā̰, mā ń i Kɔ́ɔ̄ɓē ní, nin̄ əya̰mə̄n̄ kɔ̄ɔ́ ba rāānəń ájə́ba.

OJEE 4:10 Referans Kwoze

MISE 6:14

Ā ə́saī yá̰a̰, banī ɓō a rāāsí ɓáý. Ā ī-gerī yá̰á̰ ń i ɓō kə́ əsō ní. Ā ī-ngɔ̄mī yá̰a̰ kəsa tām̄ yāsí tə́, banī a to ta kaw̄ jóo alé. Ba ré ī-ngɔ̄mī yá̰á̰ kə́rēý anī, m-ā m̄-nujəń kɔ̄ɔ́ kə rɔ̄ɔ́.

LEBI GƏ̄ 26:26

Loo ń m-ā m-ɔ̄gə̄sí yá̰a̰ kəsa ní, dəyá̰ gə̄ kutə̄ a ɓoon̄ naā dɔ sīl̄ kə́ kógə̄ḿ beē tə́ yā ndīrəń yá̰a̰ adə̄ a ndān̄sí alé a ɔjən̄ i mbée n a adə̄n̄sí ní.

Makətūbə̄ yā Aje 1:6

Ī-dubī kōō ngá̰ý, banī ə́jaī kōō i sḛ́ý beē. Ə́saī yá̰a̰, ba tɔ̄l̄ ɓōsí alé. Ā̰yī yá̰a̰, banī asə tasí alé. Sḭḭ̄ ō̰ō̰ī kūbə̄, banī kūl̄ o̰o̰sí. Ə́ngeī nar gír kəla kə́ ī-rāāī tə́ banī ī-ɓōkíī nar yāsí ní i kem ngong kə́ mbutə tə́.

SOPONI 1:6

Ngé tūr̄ gidədə́ taḿ tə́ gə̄ ō, ngé sāāḿ aĺ gə̄ ō, ngé koō najə̄ kə́ taḿ tə́ aĺ gə̄ ō ní, mā Kɔ́ɔ̄ɓē, mā m̄-rāādə́ kadə̄ nin̄ a gətóon̄ kɔ̄ɔ́.

OJEE 4:14

M-ā m̄-rāā yá̰a̰ kə ngáńsí kə́ dəyá̰ gēé tām̄ ájə́ba ń nin̄ a rāān̄ tə́ ní aĺ ō, kə umsí kə́ dəyá̰ gēé tām̄ gól̄ ń nin̄ a gólə̄n̄ ngaadə́ gə̄ ní aĺ ō. M-ā m̄-rāā yá̰a̰ i sesí sḭḭ̄ ngé tun̄ yá̰a̰ gēé, tɔdɔ̄ āwī loo kə́ rang tə́ kə kéŕsí kə dəyá̰ ájə́ba gēé ō, ə́saī yá̰á̰ kə́ yā ɓōĺ gidə gə̄ naā tə́ kə ájə́ba gə̄ kə́ gíŕ kújə ndɔ̄ȳ yāsí gə̄ tə́ ō. Gír de gə̄ ń gerə̄n̄ kum yá̰á̰ kógə̄ḿ aĺ ní, i gír de gə̄ kə́ tadə́ tḭ̄ḭ̄ kɔ̄ɔ́ gə̄, tītə̄ ń ngɔ̄ý tām̄ ədań ní.

EJEKIEL 18:24

Ba ré de kə́ majə lōō gír rāā yá̰á̰ kə́ gōtə́ tə́ ba rāā yá̰á̰ kə́ majaĺ, tām̄ ni ndájə̄ yá̰a̰ rāā kə́ majaĺ ngá̰ý gə̄ malang yā de kə́ majaĺ gə̄ anī, ɔ́jiīń na a ndi kə kumneé a? I beé alé! Yá̰a̰ malang kə́ majə gə̄ ń ni-rāā ní, dɔdə́ a ndígə̄nal dɔ tə́ kɔ̄ɔ́. Ni a oy sɔɔ̄ń ra kə́ ni-ra dɔ ndūn tə́ aĺ ō, yá̰á̰ kə́ majaĺ kə́ ni-rāā ō.

Gōsə̄ najə̄ gə̄ 13:25

De kə́ súmūú əsa yá̰a̰ ndān̄ banī ɓō rāā ngé kem ndul gə̄.

PĀ GƏ̄ 125:5

Banī ngé gə̄ ń unən̄ róbə́ kə́ súmūú aĺ gə̄ ní Kɔ́ɔ̄ɓē, majə kadə̄ ī-tə̄ɓādə́ kɔ̄ɔ́ naā tə́ kə ngé rāā madə̄də́ gə̄ yá̰á̰ kə́ majaĺ gēé! Ādə̄ lápə́ya reē kem ɓē kə́ Israel tə́!

PĀ GƏ̄ 36:3

Ni gír̄ kadə̄ ni i de kə́ majə, adə̄ ger̄ majaĺ yān aĺ ō, mbātə́ majaĺ yān aĺ ō.

2 YÁ̰A̰ GƏ̄ 24:17

Dan ń Yoyada oy kɔ̄ɔ́ anī, ngār kə́ Juda gə̄ reē əsō ɔsən̄ nodə́ nang tə́ no mban̄g tə́ adə̄ mban̄g oō najə̄ yādə́.

JEREMI 34:15

Ń toō ní, sḭḭ̄ ī-tūrī háĺsí adə̄ ī-rāāī yá̰á̰ kə́ gōtə́ ta kumḿ tə́. Sḭḭ̄ kógə̄ḿ kógə̄ḿ ə́daī na a ə́ya̰ī ngáń ngé ɓē madə̄sí gə̄ dɔɔ́ ō, ə̄nīī ndūsí ta kumḿ tə́ i kem kújə́ ń rīḿ ɓār̄ dɔ tə́ ní ō.

EJEKIEL 22:9

Ɓēé looí de kə́rēý gə̄ a sorə̄n̄ i dɔ madə̄də́ gə̄ tə́ yā tɔ̄ləńdə́. De gə̄ ń ndin̄ kemií tə́ ní, nin̄ i ngé kəsa yá̰á̰ kə́ tun̄ gə̄ dɔ mbal̄ gə̄ tə́ ō, nin̄ i de kə́ kaya gə̄ ō.

OJEE 7:4

Nin̄ malang rāān̄ rāȳ. Nin̄ ton̄ i tītə̄ púŕ kə́ təngā ngá̰ý, kə́ nge kɔr̄ mápa əndā kumən gírí to̰ alé. Ni-əla gír ka̰a̰ púŕ ní to̰ alé i dan ń ni ló̰yń ndujə̄ tə́ ní, bátə́ kadə̄ ndujə̄ kə́ ló̰ȳ ní agə̄ń.

JEREMI 9:12

Kɔ́ɔ̄ɓē əda na: Nin̄ əya̰n̄ gō yá̰á̰ ndóō yāḿ ń m-ə̄ndā nodə́ tə́ ní kɔ̄ɔ́, tɔdɔ̄ nin̄ oōn̄ najə̄ yāḿ aĺ ō, unən̄ gō najə̄ ní aĺ ō,