OJEE 3:1 - Bibəl ta Sar̄

¹ Kɔ́ɔ̄ɓē ədam̄ na: Ī-na̰y kə̄ loo tár dəyá̰ kə́ nge ra dɔ ndūn tə́ aĺ ń a tár dəngam kə́ rang ní. Ī-tárən tītə̄ ń mā Kɔ́ɔ̄ɓē m̄-tárəń ngán Israel gə̄ ní. Ɓá tā banī, nin̄ tūrə̄n̄ rɔ̄də́ kə̄ rɔ̄ nə́ɓā kə́ rang gə̄ tə́ ō, kan̄ kāgə̄ nduú kə́ kɔsə mbō̰ tə́ nel̄də́ ō.

Bible sar

¹ Kɔ́ɔ̄ɓē ədam̄ na: Ī-na̰y kə̄ loo tár dəyá̰ kə́ nge ra dɔ ndūn tə́ aĺ ń a tár dəngam kə́ rang ní. Ī-tárən tītə̄ ń mā Kɔ́ɔ̄ɓē m̄-tárəń ngán *Israel gə̄ ní. Ɓá tā banī, nin̄ tūrə̄n̄ rɔ̄də́ kə̄ rɔ̄ nə́ɓā kə́ rang gə̄ tə́ ō, kan̄ *kāgə̄ nduú kə́ kɔsə mbō̰ tə́ nel̄də́ ō.

OJEE 3:1 Referans Kwoze

JEREMI 31:20

Epəraim i ngōn̄ kó tár tām̄ yāḿ mā tə́ a? I ngōn̄ kə́ nelə̄m̄ seneé ngá̰ý a? Kə ndɔ̄ gə̄ ré m-ɔ̄r̄ najə̄ yān anī, rīn reē tamḿ tə́ kə̄ nja naā tə́. Kemḿ tōrə̄m̄ najə̄ yān tə́. Kumḿ o̰o̰m̄ seneé ba tél o̰o̰m̄ ɓáý to̰. Najə̄ ń Kɔ́ɔ̄ɓē əda ní n noó.

IJAI 45:22

Sḭḭ̄ ń ī-ndiī ta ngóy dɔ nang tə́ ní, ī-tūrī kumsí kə̄ rɔ̄ḿ tə́, anī ā ájiī. A̰á̰ā̰, mā i Nə́ɓā ō, nə́ɓā kə́ rang gətóo ō.

MISE 7:7

Banī mā m̄-tūr̄ rɔ̄ḿ kə̄ rɔ̄ Kɔ́ɔ̄ɓē tə́, m̄-ngóō Nə́ɓā ń a ajəm̄ ní. Ni Nə́ɓā yāḿ, a oōm̄.

OJEE 11:8

Epəraim, loo kadə̄ m-ə́ya̰ī kɔ̄ɔ́ i noó a? Israel, loo kadə̄ m̄-tél gōí tə́ kɔ̄ɔ́ i noó a? Yá̰á̰ ń m̄-rāā kə ɓē kə́ Adəma ní, m-ásə rāāī a? M-ásə rāāī kadə̄ ī-to tītə̄ Seboim a? Kem nujə kɔ̄ɔ́ ō, m̄-ndew kə̄ rɔ̄ḿ gə̄ tə́ malang ō.

1 PIYER 4:3

Tɔdɔ̄ kété ní sḭḭ̄ úniī kum mbang kə́ təsó ngá̰ý ī-rāāīneé yá̰a̰ tītə̄ ń de kə́ ndágá gə̄ a rāān̄neé ní. Adə̄ sḭḭ̄ ī-rāāī yá̰á̰ kə́ majaĺ gə̄ ń ɓōn i kemsí tə́ ní ō, sḭḭ̄ i ngé kum ndaa yá̰a̰ gə̄ ō, ngé ka̰ȳ kasə kadə̄ rāāsí gə̄ ō, ngé kəsa wa gə̄ ō, ngé ka̰ȳ kasə ngá̰ý loo rɔ̄nel̄ gə̄ tə́ ō, ngé rāā ɓesə̄ kə́ majaĺ ngá̰ý gə̄ ō.

JAKARI 1:16

I tām̄ najə̄ ń toō tə́ n m-ə́da najə̄ ń toō ní, mā ń i Kɔ́ɔ̄ɓē kə́ bo kə́ tɔ́gə́ḿ i ngá̰ý ní. M-ā m̄-tūr̄ rɔ̄ḿ kə̄ rɔ̄ Jerusalem tə́ ɓáý to̰ kə kem kə́ majaá. Loo ń noō tə́ a télən̄ yā rāā kújə́ kə́ bo yāḿ gogə́ rang ō, a télən̄ yā rāā ɓē gogə́ rang ō.

JEREMI 3:20

Banī kə́ rɔ̄kum tə́, tītə̄ ń dəyá̰ a tə́la rɔ̄n naā tə́ kə nge nong yānneé ní, sḭḭ̄ de kə́ Israel tə́ gə̄ ī-tə́laī rɔ̄sí naā tə́ seḿ ō. Najə̄ ń Kɔ́ɔ̄ɓē əda ní n noó.

PĀ GƏ̄ 123:2

Adə̄ jə-to i tītə̄ ɓəlo kə́ dəngam gə̄ kə́ ndi a ngóōn̄ ta jī kɔ́ɔ̄də́ kə́ dəngam gə̄ ō, ɓəlo kə́ dəyá̰ kə́ ndi a ngóō ta jī kɔ́ɔ̄n kə́ dəyá̰ ō. Rɔ̄kum j-un kumjí kə̄ dɔɔ́ j-a̰a̰ń loo ɗek ɗek kə̄ rɔ̄ Nə́ɓā yājí tə́, jə-ngóōń tan kadə̄ a̰a̰ kum tō ndoō yājí.

1 KORḚNTƏ 10:21

Sḭḭ̄ ásiī ka̰ȳ yá̰á̰ kə́ kem kópə yā Kɔ́ɔ̄ɓē tə́ ō, yá̰á̰ kə́ kem kópə yā ndíĺ kə́ majaĺ gə̄ tə́ ō dɔ naā tə́ alé. Sḭḭ̄ ásiī kəsa yá̰a̰ ta kār̄ yā Kɔ́ɔ̄ɓē tə́ ō, ta kār̄ yā ndíĺ kə́ majaĺ gə̄ tə́ ō dɔ naā tə́ alé.

AMOS 6:6

Sḭḭ̄ ā̰yī kasə nduú kem káĺ kə́ bo gə̄ tə́ ō, ī-ndumiī yibə̄ kə́ gatə̄n i ngá̰ý kə́ kotə majə gə̄ ō. Banī kojə yā Jəjep ní, a nujənə̄ń sák sák kɔ̄ɔ́ ō, usəsí sḭḭ̄ yá̰á̰ kógə̄ḿ aĺ ō a!

AMOS 2:8

Loo malang ń a rāān̄ kəla tū tə́ a adə̄n̄ Nə́ɓā ní, nin̄ a ton̄ tū tə́ i dɔ kūbə̄ gə̄ kə́ táān̄ jī ngé ndoō gə̄ tə́ tə́. Kem kújə yā nə́ɓā yādə́ tə́ ɓáa, nin̄ a a̰ȳn̄ i kasə nduú kə́ táā jī de gə̄ tə́.

NEHEMI 9:31

Banī kumií o̰o̰ī ngá̰ý, adə̄ ə́ya̰də́ ādə̄ nujən̄ sedə́ kɔ̄ɔ́ malang aĺ ō, ə́yá̰də́ kɔ̄ɔ́ aĺ ō. Tɔdɔ̄ ḭ̄ i Nə́ɓā kə́ nge kem majə ō, kə́ kumií a o̰o̰ī adə̄ ā ī-mā̰ȳ rɔ̄í ō.

2 MBAN̄G 13:23

Banī ta tɔ̄l̄ ta anī Kɔ́ɔ̄ɓē a̰a̰ kum tō ndoō yādə́. Ni mā̰ȳ rɔ̄n dɔdə́ tə́ sɔɔ̄ń madə̄ naā ń ni-əhɔ kə Abəraham ō, Isaak ō, Jakob ō ní tə́. Adə̄ ni-lōō gír tɔ̄l̄də́ malang kɔ̄ɔ́ tə́. Jóo nəkɔ́ ń toō ní, ni-ɔr̄də́ sa̰y kɔ̄ɔ́ rɔ̄n tə́ alé.

2 SAMUEL 6:19

Gō tə́ anī adə̄ nə̄ɓōn̄ kósə́ ngán Israel gə̄ yá̰a̰ kəsa. De gə̄ malang dəngam gə̄ ō, dəyá̰ gə̄ ō, əngen̄ mápá kə́ gōr̄ kógə̄ḿ kógə̄ḿ ō, makəla kan̄ túmbur kógə̄ḿ kógə̄ḿ ō, makəla kan̄ kāgə̄ nduú kə́ tutə kógə̄ḿ kógə̄ḿ ō. Gō tə́ anī de gə̄ malang télən̄ kə̄ ɓē gə̄ tə́.

NGÉ SARYA 10:16

Gō tə́ anī ró̰ȳn̄ ɓesə̄ yā tə́rā gə̄ ń udən̄ loodə́ ní kɔ̄ɔ́ ba tél rāān̄ kəla yā Kɔ́ɔ̄ɓē. Adə̄ Kɔ́ɔ̄ɓē asə tə́gā tan dɔ ko̰y yādə́ tə́ to̰ alé.

NGÉ SARYA 9:27

Nin̄ teē aw̄n̄ kem ndɔr̄ kāgə̄ nduú yādə́ gə̄ tə́, aw̄ tə́jān̄ kanə̄n gə̄ ba mbə́rēn̄ manə̄n. Gō tə́ anī rāān̄ rɔ̄nel̄. Nin̄ aw̄n̄ kem kújə yā nə́ɓā yādə́ tə́, əsan̄ yá̰a̰ ō, a̰ȳn̄ ō, ba ndɔ̄lə́n̄ Abimelek.

Teē Ngán Israel gə̄ 32:6

Teē bírí anī ngán Israel gə̄ ḭḭn̄ dɔɔ́ kə gír looí ɓatə, ndējə̄n̄ yá̰a̰ tun̄ gə̄ kə́ yā róō horoó ō, yá̰a̰ tun̄ gə̄ kə́ tām̄ yā kem kógə̄ḿ tə́ ō. Gō tə́ anī tél ndin̄ nang tə́ əsan̄ yá̰a̰ ō, a̰ȳn̄ ō, ḭḭn̄ dɔɔ́ kógə̄n̄ naā ō.

1 KORḚNTƏ 10:7

Ī-lōōī rāā ɓesə̄ tītə̄ ń ngé kə́rēý gə̄ dáńdə́ tə́ rāān̄neé ní. Tɔdɔ̄ ndangən̄ kem makətūbə̄ yā Nə́ɓā tə́ na: Ngán Israel gə̄ na ndin̄ nang tə́ əsan̄ yá̰a̰ ō, a̰ȳn̄ ō, ba gō tə́ ɓáa na ḭḭn̄ dɔɔ́ na ndāmə̄n̄ naā.

MATIYE 26:50

Jeju tūr̄ ədan na: Madāá, yá̰á̰ ń ī-reē rāāá ní ī-rāā! Loo ń noō tə́ de gə̄ ń Judas reē sedə́ ní, njə̄rān̄ kə̄ rɔ̄ Jeju tə́, ba tetən̄ jīdə́ dɔn tə́ əhɔnən̄.

OJEE 7:5

Dan ń i ndɔ̄ yā mban̄g anī, de kə́ bo yān gə̄ rāān̄ yá̰a̰ tītə̄ kə́ mo̰y rāādə́ beē, nin̄ a̰ȳn̄ kasə nduú adə̄ mān̄ dɔ majən. Nin̄ rāān̄ de gə̄ mbóó tə́ ō, mban̄g rāā tītə̄ yādə́ ō.

OJEE 4:11

Rāā ájə́ba ō, ka̰ȳ kasə nduú ō, rāādə́ adə̄ nin̄ télən̄ de gə̄ kə́ dɔdə́ ndi gōtə́ aĺ gə̄.

1 YÁ̰A̰ GƏ̄ 16:3

Gō tə́ anī nə̄ɓō ngán Israel gə̄ malang kə́ dəngam gē kə dəyá̰ gē yá̰a̰ kəsa: Mápá kə́ gōr̄ ō, kan̄ túmbur kə́ kɔsə ba tənī dɔ bəran ō, kan̄ kāgə̄ nduú kə́ kɔsə ba tənī dɔ bəran ō, kógə̄ḿ kógə̄ḿ kə dɔdə́ gēé.

PĀ KƏ́ MAJƏ 2:5

Ādə̄mī makəla kan̄ kāgə̄ nduú tə́ ādə̄ m-ə́ngeń tɔ́gə gogə́ rang! Ādə̄mī kan̄ kāgə̄ póḿ tə́ ādə̄ rɔ̄ḿ ngangə̄ń, tɔdɔ̄ mo̰y tár rāām̄.

OJEE 2:5

Ré i beé aĺ anī, m-ā m-ɔ̄r̄ yá̰a̰ rɔ̄n tə́ kɔ̄ɔ́ kadə̄ rɔ̄n i karī tītə̄ kə́ ndɔ̄ kojən tə́. M-ā m̄-rāā dɔ nang kə́ Israel kadə̄ tél to tītə̄ loo kə́ dəla loo tə́. M-ā m̄-tūrə̄n kadə̄ tél to tītə̄ dɔ nang kə́ tutə káḿ káḿ. M-ā m̄-rāā kadə̄ kəndā man̄ tɔ̄lən.