OJEE 2:9 - Bibəl ta Sar̄

⁹ Kɔ́ɔ̄ɓē əda na: Ni a ngɔ̄də̄ gō ngé sāān gə̄, ba a əngedə́ alé. Ni a ndəledə́, banī a əngedə́ alé. Loo ń noō tə́ ni a əda na: M-ā m̄-tél yā kaw̄ gogə́ jī ngaaḿ kə́ ta kəga dɔ tə́. A̰á̰ā̰, kété ní m̄-ndi majə tɔȳ kə́ ngɔlaā.

Bible sar

⁹ Kɔ́ɔ̄ɓē əda na: Ni a ngɔ̄də̄ gō ngé sāān gə̄, ba a əngedə́ alé. Ni a ndəledə́, banī a əngedə́ alé. Loo ń noō tə́ ni a əda na: M-ā m̄-tél yā kaw̄ gogə́ jī ngaaḿ kə́ ta kəga dɔ tə́. A̰á̰ā̰, kété ní m̄-ndi majə tɔȳ kə́ ngɔlaā.

OJEE 2:9 Referans Kwoze

MALASI 3:18

Loo ń noō tə́, ā á̰a̰ī dɔ nin̄ ngé koō taḿ gə̄ kə ngé koō taḿ aĺ gə̄ ō, ngé rāā kəla kadə̄m̄ gə̄ kə ngé rāā kəla kadə̄ḿ aĺ gə̄ ō.

MALASI 1:4

De gə̄ ngeé gə̄ ń noō ń i Edom gə̄ ní, majanī a ədan̄ na: Rējēn̄jí, banī ɓē yājí gə̄ ń nujənə̄ń sák sák kɔ̄ɔ́ ní, j-a jə-tél yā rāā gogə́ rang. Yá̰á̰ ń mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́dá ní n toó: Nin̄ asən̄ tél rāā gogə́ tā, ba yá̰á̰ ń nin̄ a rāān̄ ní, m-ā m̄-nujəń kɔ̄ɔ́! A ɓārə́n̄də́ na i Ɓē yā de kə́ majaĺ gə̄ ō, i Gír de gə̄ kə́ Kɔ́ɔ̄ɓē rāā wōn̄g sedə́ kanjə̄ dəba ō.

OJEE 2:3

Ə́daī ngákó̰ó̰sí kə́ dəngam gə̄ na: Sḭḭ̄ i gír deē yāḿ gə̄ ō, ngákó̰ó̰sí kə́ dəyá̰ gə̄ na: Sḭḭ̄ i Kó tár gə̄ ō.

SOPONI 1:13

I beé ɓá ní, a ɔyn̄ yá̰a̰ kənge yādə́ gə̄ dɔ gúú tə́ ō, a nujən̄ kújə yādə́ gə̄ kɔ̄ɔ́ ō. Nin̄ rāān̄ kújə gə̄, banī a ndin̄ kemeé alé. Nin̄ əhɔn̄ kāgə̄ nduú gə̄, banī a a̰ȳn̄ kasən alé.

JOEL 2:14

Majanī Nə́ɓā a tél yā tūr̄ ndūn ō, kemən a sɔl̄ ō, adə̄ a nujə sejí kɔ̄ɔ́ alé. Ni a adə̄jí yá̰a̰ kənge ngá̰ý ō. Adə̄ ā ī-tunī yá̰a̰ ō, ā ī-tə́teī kasə nduú ō, yā kadə̄ Kɔ́ɔ̄ɓē yāsí.

OJEE 9:2

Banī gémē ń a əndan̄ loo kənda gémē tə́ ní ō, yibə̄ ń a taān̄ ta loo mbérē yibə̄ tə́ ō ní, i tām̄ yāí tə́ alé. Kasə nduú kə́ kijə ń ī-ndi ā ī-ngóō ní ā ə́nge alé.

OJEE 8:7

Dan ń sḭḭ̄ ī-rāāī yá̰á̰ kə́ majaĺ ní, ā ī-ndíbī horən. Gémē kə́ ɔr̄ dɔn aĺ a teē ndujə̄ alé. Ba ré teē ndujə̄ anī, tə̄rā gə̄ a əsan̄ kɔ̄ɔ́.

DANIEL 11:13

Mban̄g kə́ dām̄ mbɔ́r ɓē kə́ ko̰ó̰ tə́ a tél dɔ tə́ yā kaw̄ gogə́. Banī a aw̄ yā kɔy de gə̄ ngá̰ý tɔȳ kə́ kété ɓáý yā rɔ̄ɔńsí ɓāl̄ kóndóńg wań anī a tél dɔ tə́ yā reē kə de kə́ ngá̰ý gə̄ ní ō, kə yá̰a̰ rɔ̄ɔ̄ gə̄ ngá̰ý ō.

EJEKIEL 23:26

Nin̄ a táān̄ kūbə̄ yāí gə̄ kɔ̄ɔ́ ō, a táān̄ yá̰á̰ súū rɔ̄ yāí kə́ majə ngá̰ý gə̄ kɔ̄ɔ́ ō.

EJEKIEL 16:39

M-ā m-ə́laī kem jī ngé sāāí gə̄ tə́. Nin̄ a nujən̄ loo yāí kə́ kḭḭ kə̄ dɔɔ́ gə̄ ń ī-rāā adə̄ majə ní kɔ̄ɔ́ malang. Nin̄ a ɔyn̄ kūbə̄ yāí gə̄ kɔ̄ɔ́ ō, a ɔyn̄ yá̰á̰ súū rɔ̄ yāí kə́ majə gə̄ kɔ̄ɔ́ ō, ba a əya̰īn̄ kɔ̄ɔ́ kadə̄ ā ī-ndi rɔ̄í karī.

EJEKIEL 16:27

Loo ń noō tə́ m-ɔ́jə́ tɔ́gə́ḿ dɔí tə́. M-ɔ̄gī yá̰a̰ kəsa ō, m-ə́laī kem jī madə̄ ba̰ā̰í gə̄ ń i ɓē gə̄ yā Pilistin gə̄ ní tə́ ō. Tɔdɔ̄ rɔ̄də́ sɔl̄də́ najə̄ hálí kə́ majaĺ ngá̰ý tə́.