OJEE 2:8 - Bibəl ta Sar̄

⁸ I tām̄ najə̄ ń noō tə́ n mā Kɔ́ɔ̄ɓē m-ā m̄-də̄sə́ yá̰á̰ róbən tə́ ní, m-ā m-dēsə́ túpə kōn̄ gə̄ róbən tə́. M-ā m-ə̄ndā ndogə̄ mbal̄ yā gīrəń gidən ō, ni a ənge ta róbə yān to̰ aĺ ō.

Bible sar

⁸ I tām̄ najə̄ ń noō tə́ n mā Kɔ́ɔ̄ɓē m-ā m̄-də̄sə́ yá̰á̰ róbən tə́ ní, m-ā m-dēsə́ túpə kōn̄ gə̄ róbən tə́. M-ā m-ə̄ndā ndogə̄ mbal̄ yā gīrəń gidən ō, ni a ənge ta róbə yān to̰ aĺ ō.

OJEE 2:8 Referans Kwoze

IJAI 1:3

Man̄g ger̄ kɔ́ɔ̄n ō, kərō ger̄ loo ń kɔ́ɔn a adə̄n yá̰a̰ kəsa tū tə́ ní ō. Banī Israel ger̄ yá̰á̰ kógə̄ḿ alé, gír deē yāḿ gə̄ gerə̄n̄ najə̄ alé.

OJEE 13:2

Ba ɓōólaā Epəraim gə̄ na̰yn̄ kə̄ loo rāā yá̰á̰ kə́ majaĺ tə́ ɓáý: Nin̄ nōōn̄ gində̄ rāān̄ kum gotə yá̰a̰ gə̄ tə́. Nin̄ rāān̄ nə́ɓā kə́ rɔ̄kum aĺ gə̄ kə gində̄ arjā̰a̰ yādə́ ō, kə jīī ger̄ yá̰a̰ yādə́ ō. I kɔdə̄ gə̄ n rāān̄ yá̰a̰ gə̄ ní, banī nin̄ ədan̄ na: Ī-ndējīdə́ yá̰á̰ kə́ tun̄ gə̄! Deē ndul gə̄ əhɔn̄ ngán man̄g gə̄ ɓirə̄n̄də́ dagə kə̄ rɔ̄də́ tə́ wa!

OJEE 8:4

Nin̄ əndān̄ mban̄g gə̄, banī i kanjə̄ koō yāḿ mā ō, gə̄rān̄ de kə́ bo gə̄, banī i kanjə̄ kədam̄ mā ō. Nin̄ ɔyn̄ gində̄ arjā̰a̰ yādə́ gə̄ ō, lɔ́r yādə́ gə̄ ō, nōn̄ horoó rāān̄ ɓesə̄ gə̄ tə́. Nge ń noō i ta róbə́ kə́ majə kə́ yā tḭ̄ḭń ta yá̰a̰ malang kɔ̄ɔ́!

OJEE 4:11

Rāā ájə́ba ō, ka̰ȳ kasə nduú ō, rāādə́ adə̄ nin̄ télən̄ de gə̄ kə́ dɔdə́ ndi gōtə́ aĺ gə̄.

Makətūbə̄ ń Pol ndang adə̄ Rom gə̄ ní 1:28

Dan ń nin̄-mbātə́n̄ ger̄ Nə́ɓā ní, Nə́ɓā əya̰də́ kə ger̄ yá̰a̰ aĺ yādə́ adə̄ nin̄-rāān̄ yá̰á̰ ń sɔɔ̄ kadə̄ nin̄-rāān̄ aĺ ní.

Najə̄ kə́ Majə yā Jeju ń Luk ndang ní 15:13

Ba gō tə́ ndɔ̄ ngá̰ý aĺ ɓá anī, nge kə́ dūú ní kán̄ yá̰a̰ yān malang, ba aw̄ gō nang kógə̄ḿ kə́ sa̰y ngá̰ý tə́, aw̄ nujəń kɔ̄ɔ́ loo rāā kaya tə́.

HABAKUK 1:16

Nin̄-tunə̄n̄ yá̰a̰ adə̄n̄ réng yādə́ gə̄ ō, róōn̄ ndujə̄ yá̰á̰ kə́ kotə majə rɔȳn̄neédə́ ō. Tām̄ nin̄-əhɔn̄ kānjə̄ ngá̰ý ō, əsan̄ yá̰á̰ kə́ nel̄ tadə́ ō, i kə ta kūl̄də́.

OJEE 2:5

Ré i beé aĺ anī, m-ā m-ɔ̄r̄ yá̰a̰ rɔ̄n tə́ kɔ̄ɔ́ kadə̄ rɔ̄n i karī tītə̄ kə́ ndɔ̄ kojən tə́. M-ā m̄-rāā dɔ nang kə́ Israel kadə̄ tél to tītə̄ loo kə́ dəla loo tə́. M-ā m̄-tūrə̄n kadə̄ tél to tītə̄ dɔ nang kə́ tutə káḿ káḿ. M-ā m̄-rāā kadə̄ kəndā man̄ tɔ̄lən.

DANIEL 5:23

Ḭ̄ ī-tɔ́sə̄ gātə̄ Nə́ɓā kə́ dɔ rā̰ tə́, tām̄ ādə̄ reēn̄ kə ngáń gájə́ yá̰a̰ rāā kəla gə̄ kə́ kem kújə yān tə́ adə̄ ā̰yń kasə nduú, ḭ̄ ō, de kə́ bo yāí gə̄ ō, də̄yá̰ gidə ndogə̄ yāí gə̄ ō, dəyá̰ kə́ ngé rāā kəla yāí gə̄ ō. Tá ɓáý to̰ ní ḭ̄ ī-tɔ̄ȳ nə́ɓā gə̄ kə́ rāān̄də́ kə gində̄ arjā̰a̰ ō, kə lɔ́r ō, kə gində̄ nə̄ngá kasə ō, kə gində̄ kə́ karī ō, kə kāgə̄ ō, kə mbal̄ ō. Adə̄ i nə́ɓā gə̄ kə́ a̰a̰n̄ loo aĺ ō, oōn̄ loo aĺ ō, gerə̄n̄ yá̰a̰ aĺ ō. Ba Nə́ɓā ń koōí ō, yá̰a̰ gə̄ ń a reēn̄ dɔí tə́ ndɔ̄n tə́ ō, i kem jīn tə́ ní, ḭ̄ ī-rɔȳn alé!

JEREMI 7:18

Ngán gə̄ ɔyn̄ kīr̄ ō, bɔbə̄də́ gə̄ unjə̄n̄ hor ō, dəyá̰ gə̄ ló̰ȳn̄ ndujə̄ ō yā rāań mápá kə́ kə yibīí yā kadə̄ Mban̄g kə́ dəyá̰ kə́ dɔ rā̰ tə́. Sḭḭ̄ ī-téteī kasə nang tə́ ādī nə́ɓā kə́ rang gə̄ ādə̄mīneé wōn̄g.

IJAI 46:6

Ngé kə́rēý gə̄ teēn̄ kə lɔ́ŕ kə́ ngá̰ý kem ngong yādə́ tə́. Nin̄ mbɔ̄jə́n̄ kɔȳ gində̄ arjā̰a̰ kə yá̰a̰ mbɔ̄jə́ kɔȳ yá̰á̰. Nin̄ dəjen̄ kɔdə̄ nge nōō yá̰a̰ kadə̄ rāā nə́ɓā kógə̄ḿ kə adə̄də́. Gō tə́ anī, nin̄ ɔsən̄ nodə́ nang tə́ no nə́ɓā ní tə́ ō, rɔȳnən̄ ō.

NGÉ SARYA 9:27

Nin̄ teē aw̄n̄ kem ndɔr̄ kāgə̄ nduú yādə́ gə̄ tə́, aw̄ tə́jān̄ kanə̄n gə̄ ba mbə́rēn̄ manə̄n. Gō tə́ anī rāān̄ rɔ̄nel̄. Nin̄ aw̄n̄ kem kújə yā nə́ɓā yādə́ tə́, əsan̄ yá̰a̰ ō, a̰ȳn̄ ō, ba ndɔ̄lə́n̄ Abimelek.

OJEE 10:1

Kété ní Israel i kāgə̄ nduú kə́ an̄ ngá̰ý. Dan ń ni an̄ ngá̰ý anī, ni-rāā loo tun̄ yá̰a̰ gə̄ ngá̰ý ō. Dan ń ɓē yān ənge yá̰á̰ ngá̰ý anī, mbal̄ yān kə́ kudə nang tə́ kə́ yā ɓōĺ gidə gə̄ majən̄ ngá̰ý ō.

NDŪ NAJƏ̄ 8:18

Ādə̄ əga kemsí na i Kɔ́ɔ̄ɓē Nə́ɓā yāsí n i nge kadə̄sí tɔ́gə kadə̄ ə́ngeīneé yá̰a̰ gə̄ ń noō ní. Rāā beé i yā kɔjəń na ɓōólaā gə̄gē ní ni-əhɔ ta madə̄ naā ń ni-əhɔ kə kaasí gēé ní ɓáý.

EJEKIEL 23:41

Gō tə́ anī nin̄ ton̄ dɔ tə̄rá kə́ majə ngá̰ý gə̄ tə́. Nin̄ əndān̄ tábəl kógə̄ḿ nodə́ tə́, ba əndān̄ ndujə̄ yá̰á̰ kə́ kotə majə ō, yibə̄ kə́ guŕ naā tə́ kə ítirií ō ń i yá̰a̰ yāḿ gə̄ gə̄ ní dɔ tə́.

DANIEL 3:1

Mban̄g Nabukodonosor rāā yá̰á̰ kə́ to tītə̄ deē kə lɔ́rɔ́. Ngālən kə́ kə̄ dɔɔ́ i métər kutə mətá ō, bon i métər mətá ō. Udə yá̰á̰ ní i ndágə mbō kə́ Dura tə́, gō nang kə́ Babilon tə́.

OJEE 13:1

Dan ń Epəraim a ɔrə̄ń najə̄ ní, ɓōĺ rāā de gə̄ malang adə̄ ndewn̄. Kété ní, loo yān kə́ Israel tə́ i loo kə́ bo ngá̰ý. Banī nəkɔ́ rāā adə̄ sarya əhɔn, tām̄ ni rāā ɓesə̄ Baal ō, oy najə̄n tə́ ō.

1 YÁ̰A̰ GƏ̄ 29:16

Kɔ́ɔ̄ɓē Nə́ɓā yājí, yá̰a̰ malang ń j-ɔsə dɔ naā tə́ yā rāań kújə yāí kə́ tām̄ yā rīí kə́ táĺ tə́ ní, ḭḭ i rɔ̄í tə́ ō, i yá̰a̰ yāí ō.

Makətūbə̄ yā Job 19:8

Ni-dēsə́ yá̰á̰ róbə́ḿ tə́ ɔgə̄m̄neé mān̄ ō, ni-ənī til dɔ kə̄lá róbə yāḿ gə̄ tə́ ō.