OJEE 2:5 - Bibəl ta Sar̄

⁵ Ré i beé aĺ anī, m-ā m-ɔ̄r̄ yá̰a̰ rɔ̄n tə́ kɔ̄ɔ́ kadə̄ rɔ̄n i karī tītə̄ kə́ ndɔ̄ kojən tə́. M-ā m̄-rāā dɔ nang kə́ Israel kadə̄ tél to tītə̄ loo kə́ dəla loo tə́. M-ā m̄-tūrə̄n kadə̄ tél to tītə̄ dɔ nang kə́ tutə káḿ káḿ. M-ā m̄-rāā kadə̄ kəndā man̄ tɔ̄lən.

Bible sar

⁵ Ré i beé aĺ anī, m-ā m-ɔ̄r̄ yá̰a̰ rɔ̄n tə́ kɔ̄ɔ́ kadə̄ rɔ̄n i karī tītə̄ kə́ ndɔ̄ kojən tə́. M-ā m̄-rāā dɔ nang kə́ *Israel kadə̄ tél to tītə̄ loo kə́ dəla loo tə́. M-ā m̄-tūrə̄n kadə̄ tél to tītə̄ dɔ nang kə́ tutə káḿ káḿ . M-ā m̄-rāā kadə̄ kəndā man̄ tɔ̄lən.

OJEE 2:5 Referans Kwoze

OJEE 3:1

Kɔ́ɔ̄ɓē ədam̄ na: Ī-na̰y kə̄ loo tár dəyá̰ kə́ nge ra dɔ ndūn tə́ aĺ ń a tár dəngam kə́ rang ní. Ī-tárən tītə̄ ń mā Kɔ́ɔ̄ɓē m̄-tárəń ngán Israel gə̄ ní. Ɓá tā banī, nin̄ tūrə̄n̄ rɔ̄də́ kə̄ rɔ̄ nə́ɓā kə́ rang gə̄ tə́ ō, kan̄ kāgə̄ nduú kə́ kɔsə mbō̰ tə́ nel̄də́ ō.

OJEE 2:8

I tām̄ najə̄ ń noō tə́ n mā Kɔ́ɔ̄ɓē m-ā m̄-də̄sə́ yá̰á̰ róbən tə́ ní, m-ā m-dēsə́ túpə kōn̄ gə̄ róbən tə́. M-ā m-ə̄ndā ndogə̄ mbal̄ yā gīrəń gidən ō, ni a ənge ta róbə yān to̰ aĺ ō.

IJAI 1:21

Ɓē kə́ ra dɔ ndūn tə́ ń toō rāā i ba̰ý n télń dəyá̰ kə́ nge rāā ájə́ba ní? Kété ní, de gə̄ ɓōlə́n̄ gidə yá̰á̰ kə́ súmūú kem ɓē kə́ Jerusalem tə́ ō, i de kə́ gōtə́ gə̄ n ndin̄ kem ɓēé ní ō. Ba ngɔlaā ń toō i ngé tɔ̄l̄ de gə̄ n taān̄ loo kem ɓēé ní.

OJEE 9:10

Kɔ́ɔ̄ɓē əda na: Kété ní Israel gə̄ nelə̄n̄ taḿ tītə̄ kan̄ nduú kə́ kem dəla loo tə́ beé. m̄-teē dɔ kaasí gə̄ tə́ i kə rɔ̄nelēé tītə̄ ń deē a teēń dɔ kan̄ kótə̄ kə́ ta kəga dɔ tə́ dɔ kāgə̄ kótə̄ tə́ ní beē. Banī dan nəkɔ́ ń nin̄ reē ɔtə̄n̄ Bet Peor anī, unən̄ rɔ̄də́ adə̄n̄ ɓesə̄ Baal rɔ̄sɔl̄ i kə́ njɔ́ḿ gə̄ tə́. Adə̄ nin̄ télən̄ i de gə̄ kə́ nelə̄m̄ sedə́ aĺ ngá̰ý, tītə̄ ń nel̄məń aĺ ngá̰ý kə ɓesə̄ ń nin̄ tárnən̄ ní beē.

OJEE 8:9

Epəraim aw̄ dɔ nang kə̄ Asiri tə́, ni to i tītə̄ kərō kə́ bembeé kə́ a rāā yá̰a̰ i kə kérneé beē. Tá ni-adə̄ yá̰á̰ gíŕ ngé sāān gə̄ tə́ yā kəngeńdə́.

OJEE 4:5

Ā ī-bḭ́ḭ̄ dɔ róbə́ tə́ dan kadə ndaá ō, ndɔ̄ɔ́ anī, ngé koō ta gə̄ a bḭ́ḭ̄n̄ dɔ róbə́ tə́ tītə̄ yāsí ō. M-ā m̄-rāā kadə̄ kó̰ó̰sí Israel a ndi kə tan kə́ mbóó ō.

OJEE 2:2

Loo ń noō tə́ de kə́ Juda gə̄ ō, de kə́ Israel gə̄ ō, a télən̄ yā ɓoo naā gogə́. Nin̄ a əndān̄ ngār kə́ kógə̄ḿ beē dɔdə́ tə́ ō, nin̄ a télən̄ Kɔ́ɔ̄ ɓē gə̄ ō. Ndɔ̄ ń noō i ndɔ̄ kə́ bo yā Jisreel.

JEREMI 11:13

Ḭ̄ Juda, kutə nə́ɓā yāí gə̄ asə naā kə kutə ɓē yāí gə̄ ō, kutə loo tun̄ yá̰a̰ kə́ to rɔ̄sɔl̄ ń i loo róō yá̰á̰ kə́ tun̄ gə̄ yā kadə̄ Baal ní asə naā kə kutə kəla róbə gə̄ kə́ Jerusalem tə́ ō.

JEREMI 2:20

Nəkɔ́ ń jóo toó ḭ̄ ā ī-tétə̄ njúkə kɔ̄ɔ́ ō, ī-gān̄g kəlā kə́ tṵ́ṵ̄īn̄neé gə̄ kɔ̄ɔ́ ō, ba ə́da na: m̄-ndigə rāā ɓəlo to̰ alé. Kə dɔ ngán mbal̄ gə̄ tə́ malang ō, kə gír kāgə̄ gə̄ kə́ to mbōl̄ gə̄ tə́ malang ō ní, ḭ̄ ī-rāā ájə́ba yā rāań ɓesə̄.

IJAI 50:1

Yá̰á̰ ń Kɔ́ɔ̄ɓē əda ní n toó: Sḭḭ̄ ə́daī na mā na m̄-tə̄ɓā kó̰ó̰sí Jerusalem kɔ̄ɔ́ rɔ̄kum. Ní, ɔ́jəmī makətūbə̄ ń m̄-ndang m̄-tə̄ɓānəń kɔ̄ɔ́ ní! Ə́daī na mā na m-ígə sesí kadə̄ āwī ɓəloó, na i yā kəgāń kə̄rā gə̄ kə́ dɔḿ tə́ rɔ̄kum. Ní, ə́damī dɔ deē ń m-ígə sesí jīn tə́ ní! Ré igən̄ sesí anī, i najə̄ yá̰a̰ rāāsí kə́ gōtə́ aĺ gə̄ tə́. Ré tə̄ɓān̄ kó̰ó̰sí anī, i najə̄ majaĺ yāsí gə̄ tə́.

NGÉ SARYA 16:23

Ndɔ̄ kə́rēý tə́ anī mban̄g gə̄ yā Pilistin gə̄ kánə̄n̄ naā yā tun̄ yá̰a̰ kadə̄ nə́ɓā yādə́ ń rīn na i Dagon ní ō, yā rāań rɔ̄nel̄ ō. Nin̄ ədan̄ na i nə́ɓā yādə́ n na əla madə̄ ba̰ā̰də́ Samso̰ kem jīdə́ tə́ ní.

OJEE 1:2

Ta kəla gír najə̄ ń Kɔ́ɔ̄ɓē əda gír deē yān gə̄ kə ta kūl̄ Ojee ní n toó. Ni-əda Ojee na: Āw̄ ī-taā dəyá̰ kə́ nge rāā ájə́ba gíŕ kújə ɓesēé. Ngán gə̄ ń ni a ojə yā kadī ní, i ngán dəyá̰ kə́ nge rāā ájə́ba. Tɔdɔ̄ de kə́ kem ɓē ń toō tə́ gə̄ rāān̄ ájə́ba, tām̄ nin̄ rɔyn̄ nə́ɓā kə́ rang gə̄ kanjə̄ kadə̄ i mā Kɔ́ɔ̄ɓē.

JEREMI 6:8

Jerusalem, ādə̄ yá̰á̰ ń m̄-ndóōī ní udə dɔí tə́. Ré i beé aĺ anī, m-ā m-ɔ̄r̄ jīḿ gírí tə́ kɔ̄ɔ́. M-ā m̄-rāāī kadə̄ ī-tél loo kə́ nujə sák sák kɔ̄ɔ́ ō, ɓē kə́ de gə̄ ndin̄ kemeé aĺ ō.

JEREMI 13:22

Ī-dəje rɔ̄í najə̄ ə́da na: I tām̄ rí tə́ á yá̰á̰ ń toō rāām̄ ní? I tām̄ yá̰á̰ kə́ gōtə́ aĺ ngá̰ý ń ī-rāā tə́ ní n de gə̄ sa̰ā̰n̄neé kūbə̄ kə́ ta gírí tə́ kə̄ dɔɔ́ ō, ɓīīn̄neé seí dɔ gúú tə́ ō ní.

EJEKIEL 16:4

Dan ń ojiīn̄ ní, deē əja kūmīí aĺ ō, ndogīīn̄ kə maná adə̄ ūnjə̄ aĺ ō, usən̄ rɔ̄í kə katāá aĺ ō, ɓir̄nī kə kūbūú aĺ ō.

EJEKIEL 16:35

I beé ní, ḭ̄ Jerusalem ń i dəyá̰ ájə́ba ní, ōō najə̄ yā Kɔ́ɔ̄ɓē.

EJEKIEL 16:39

M-ā m-ə́laī kem jī ngé sāāí gə̄ tə́. Nin̄ a nujən̄ loo yāí kə́ kḭḭ kə̄ dɔɔ́ gə̄ ń ī-rāā adə̄ majə ní kɔ̄ɔ́ malang. Nin̄ a ɔyn̄ kūbə̄ yāí gə̄ kɔ̄ɔ́ ō, a ɔyn̄ yá̰á̰ súū rɔ̄ yāí kə́ majə gə̄ kɔ̄ɔ́ ō, ba a əya̰īn̄ kɔ̄ɔ́ kadə̄ ā ī-ndi rɔ̄í karī.

AMOS 8:13

Ndɔ̄ ń noō tə́ ní, kəndā man̄ a taā tɔ́gə́ ngáń kə́ dəyá̰ kə́ mandə ngá̰ý gə̄ ō, balsáa gə̄ ō.