OJEE 2:4 - Bibəl ta Sar̄

⁴ Ə́daī yá̰á̰ kə́ majaĺ gə̄ ń kó̰ó̰sí rāā ní, ə́daī yá̰á̰ kə́ majaĺ gə̄ ń ni-rāā ní. Tɔdɔ̄ ni i nə̄yá̰ḿ to̰ aĺ ō, mā i ngaan to̰ aĺ ō. Ni-aw̄ kə yá̰a̰ gə̄ ta kumən tə́ kə́ ɔjən̄ kadə̄ ni i dəyá̰ ájə́ba. Ādə̄ ni-ɔr̄ yá̰a̰ gə̄ ní kɔ̄ɔ́! Ni-aw̄ kə yá̰a̰ gə̄ dɔ dán mbaan gə̄ tə́ kə́ ɔjən̄ kadə̄ ni i dəyá̰ kə́ nge rāȳ. Ādə̄ ni-ɔr̄ yá̰a̰ gə̄ ní kɔ̄ɔ́!

Bible sar

⁴ Ə́daī yá̰á̰ kə́ majaĺ gə̄ ń kó̰ó̰sí rāā ní, ə́daī yá̰á̰ kə́ majaĺ gə̄ ń ni-rāā ní. Tɔdɔ̄ ni i nə̄yá̰ḿ to̰ aĺ ō, mā i ngaan to̰ aĺ ō. Ni-aw̄ kə yá̰a̰ gə̄ ta kumən tə́ kə́ ɔjən̄ kadə̄ ni i dəyá̰ ájə́ba. Ādə̄ ni-ɔr̄ yá̰a̰ gə̄ ní kɔ̄ɔ́! Ni-aw̄ kə yá̰a̰ gə̄ dɔ dán mbaan gə̄ tə́ kə́ ɔjən̄ kadə̄ ni i dəyá̰ kə́ nge rāȳ. Ādə̄ ni-ɔr̄ yá̰a̰ gə̄ ní kɔ̄ɔ́!

OJEE 2:4 Referans Kwoze

OJEE 1:6

Gomer ndān̄ ngōn̄ ɓáý to̰ ba ojə ngōn̄ kógə̄ḿ kə́ dəyá̰. Anī Kɔ́ɔ̄ɓē əda Ojee na kə əndā rī ngōn̄ ní na i Loo Ruhama ń kumən na i tárəm̄ alé ní. Tɔdɔ̄ m-ā m̄-ɔ́jə́ tár kə̄ ndágá tām̄ yā de gə̄ kə́ Israel tə́ to̰ alé, m-ā m̄-táŕdə́ to̰ aĺ i kə́ bátə́ gə̄ tə́.

OJEE 1:2

Ta kəla gír najə̄ ń Kɔ́ɔ̄ɓē əda gír deē yān gə̄ kə ta kūl̄ Ojee ní n toó. Ni-əda Ojee na: Āw̄ ī-taā dəyá̰ kə́ nge rāā ájə́ba gíŕ kújə ɓesēé. Ngán gə̄ ń ni a ojə yā kadī ní, i ngán dəyá̰ kə́ nge rāā ájə́ba. Tɔdɔ̄ de kə́ kem ɓē ń toō tə́ gə̄ rāān̄ ájə́ba, tām̄ nin̄ rɔyn̄ nə́ɓā kə́ rang gə̄ kanjə̄ kadə̄ i mā Kɔ́ɔ̄ɓē.

EJEKIEL 8:18

Adə̄ ta i yāḿ kadə̄ m̄-rāā yá̰a̰ sedə́ kə wōn̄g kə́ to ɓōĺ ngá̰ý. M-ā m-ə́yá̰də́ aĺ ō, kumḿ a o̰o̰m̄ sedə́ aĺ ō. Nin̄ a əgan̄ kɔŕ ngá̰ý yā ɓāŕməń kadə̄ m̄-dḭḭ̄də́, banī m-ā m-ōō ɓār̄ yādə́ alé.

JEREMI 13:14

M-ā m̄-rāā kadə̄ bɔbə̄ ngán gə̄ ō, ngán gə̄ ō, malang tɔ́sə̄n̄ dɔdə́ naā tə́ tɔ̄ɔ̄n̄. De kógə̄ḿ kə́ kadə̄ m-ə́ya̰n karī gətóo. Yá̰á̰ kə́ a ɔgə̄m̄ nujə sedə́ a gətóo. M-ā m-á̰a̰ kum tō ndoō yādə́ aĺ ō, m-ā m̄-mā̰ȳ rɔ̄ḿ dɔdə́ tə́ aĺ ō, kumḿ o̰o̰m̄ sedə́ aĺ ō. Najə̄ ń Kɔ́ɔ̄ɓē əda ní n noó.

JAKƏ 2:13

Tɔdɔ̄ deē ń a̰a̰ kum tō ndoō yā madə̄n gə̄ aĺ ní, Nə́ɓā a a̰a̰ kum tō ndoō yān loo sarya tə́ aĺ ō, banī ka̰a̰ kum tō ndoō i yá̰á̰ kə́ tetə sarya rɔ̄ɔ̄.

Makətūbə̄ ń Pol ndang adə̄ Rom gə̄ ní 11:22

Majə kadə̄ ə̄ndā kumií á̰a̰ń rāā ń Nə́ɓā rāā kem majə kə de gēé ní ō, kəndā ń a əndā katə̄n dɔdə́ tə́ ní ō. Ni-əndā katə̄n i dɔ ngé gə̄ ń əsōn̄ tə́ ní, ɔjə kem majə yān i seí ḭ̄ḭ́ ō dan ń ə̄ndā kemií dɔ kem majə yān ń toō tə́ ní. Ré i beé aĺ anī, a tə́gāī kɔ̄ɔ́ tītə̄ yādə́ ō.

Makətūbə̄ ń Pol ndang adə̄ Rom gə̄ ní 9:18

Adə̄ deē ń Nə́ɓā gḛy ka̰a̰ kum tō ndoō yān ní a, Nə́ɓā a a̰a̰ kum tō ndoō yān ō, deē ń Nə́ɓā gḛy rāā kadə̄ kemən ngan̄g ngóróró ní a, a rāā kadə̄ kemən a ngan̄g ngóróró ō.

JA̰A̰ 8:41

Sḭḭ̄ ī-rāāī i kəla ń bɔbə̄sí rāā ní. Nin̄-ədan̄ na: Jḭ̄ i ngáń kə́ ojən̄jí loo kaya tə́ alé, bɔbə̄jí i kógə̄ḿ beē, i Nə́ɓā.

JAKARI 1:12

Anī nge kaw̄ kəla yā Kɔ́ɔ̄ɓē əda na: Kɔ́ɔ̄ɓē nge rāā dɔ rā̰ ō dɔ nang ō, ń toō asə ɓāl̄ kutə sīrí kɔ̄ɔ́ tā n ī-rāań wōn̄g kə ɓē kə́ Jerusalem ō, kə gotə ɓē kə́ rang gə̄ kə́ Juda tə́ ō ní. Ní, ā ī-ngóō i ɓāl̄ kóndóńg ɓáý to̰ tá kadə̄ kumií a o̰o̰īń tām̄ yān tə́ ní?

EJEKIEL 9:10

Adə̄ m-ā m-ə́yá̰də́ alé, kumḿ a o̰o̰m̄ tām̄ yādə́ tə́ alé. M-ā m̄-rāā kadə̄ yá̰á̰ kə́ majaĺ ń nin̄ rāān̄ ní tél əsō dɔdə́ nin̄ kɔ́ gə̄ tə́.

JEREMI 16:5

Rɔ̄kum, Kɔ́ɔ̄ɓē ɔr̄ najə̄ i tītə̄ ń toō beé: Údə kem kújə́ kə́ de gə̄ kánə̄n̄ naā kemeé yā nōoń yo tə́ alé. Āw̄ loo rāā yá̰a̰ kūjə́ kə́ loo nōō yo gə̄ tə́ aĺ ō. Ādə̄ kumií o̰o̰ī kə de gə̄ ń noō aĺ ō, tɔdɔ̄ m-ā m̄-tél yā taā ndi lɔm yāḿ jī gír de gə̄ ń toō tə́ ō, m-ā m̄-rāā kem majə sedə́ to̰ aĺ ō, kumḿ a o̰o̰ḿ sedə́ to̰ aĺ ō. Najə̄ ń Kɔ́ɔ̄ɓē əda ní n noó.

IJAI 57:3

Sḭḭ̄ ngán dəyá̰ kə́ nge rāā kəga, ī-reēī kə̄ ngɔr. Sḭḭ̄ i ɓūtə̄ de kə́ ngé rāā rāȳ gə̄ ngóy ō, ɓūtə̄ de kə́ ngé rāā ájə́ba gə̄ ngóy ō.

IJAI 27:11

Dan ń ta jī kāgə̄ gə̄ a tutən̄ anī, nin̄ tétə̄n̄ ō, dəyá̰ gə̄ reē əlan̄ hor dɔ tə́ kɔ̄ɔ́ ō. Gír de gə̄ ń toō gerə̄n̄ kum yá̰a̰ alé. I tām̄ najə̄ ń toō tə́ n kum nge kəndān o̰o̰n tām̄ yān tə́ aĺ ní, nge rāān mā̰ȳ rɔ̄n dɔn tə́ alé.

2 MBAN̄G 9:22

Loo ń Joram əla kumən lap a̰a̰ń Yehu anī dəjen najə̄, əda na: Yehu, loo to karī a? Yehu tél ədan na: Ī-dəjem̄ najə̄ kə́ beē i tām̄ rí tə́? Dan ń kó̰ó̰í Jesabel a rāā kaya ō, a rāā kəga ō, jīn tə́ laā ɓáý ní, loo a to karī i ba̰ý?

EJEKIEL 23:25

Ḭ̄ Oholiba, wōn̄g a rāām̄ seí. I tām̄ najə̄ ń noō tə́ n yá̰á̰ ń nin̄ a rāān̄ seí ní i kə dɔ́nɔ́ ní. Nin̄ a gāngə̄n̄ kóní ō, a gángə̄n̄ mbīí gə̄ ō. A tɔ̄lə̄n̄ gotə de kə́ kem ɓēé gə̄ ń a na̰yn̄ ní kə kaskaraá ō, a ɔyn̄ ngání kə́ dəngam gə̄ ō kə́ dəyá̰ gə̄ ō, ngé gə̄ ń a ndin̄ kə kumdə́ ɓáý ní, a əlan̄ hor dɔdə́ tə́ kadə̄ hor o̰o̰də́ ō.

OJEE 5:7

Nin̄ ran̄ dɔ ndūdə́ tə́ kə Kɔ́ɔ̄ɓēé alé, ojən̄ ngáń kə́ loo kaya tə́ gə̄. Ngɔlaā ní, asə nāā kógə̄ḿ anī, a nujən̄ ɓē yādə́ kɔ̄ɔ́.

IJAI 50:1

Yá̰á̰ ń Kɔ́ɔ̄ɓē əda ní n toó: Sḭḭ̄ ə́daī na mā na m̄-tə̄ɓā kó̰ó̰sí Jerusalem kɔ̄ɔ́ rɔ̄kum. Ní, ɔ́jəmī makətūbə̄ ń m̄-ndang m̄-tə̄ɓānəń kɔ̄ɔ́ ní! Ə́daī na mā na m-ígə sesí kadə̄ āwī ɓəloó, na i yā kəgāń kə̄rā gə̄ kə́ dɔḿ tə́ rɔ̄kum. Ní, ə́damī dɔ deē ń m-ígə sesí jīn tə́ ní! Ré igən̄ sesí anī, i najə̄ yá̰a̰ rāāsí kə́ gōtə́ aĺ gə̄ tə́. Ré tə̄ɓān̄ kó̰ó̰sí anī, i najə̄ majaĺ yāsí gə̄ tə́.