OJEE 2:21 - Bibəl ta Sar̄

²¹ Israel, ā ī-tél nge nong yāḿ, ba i kə́ ngándáńg tə́. Ā ī-tél nge nong yāḿ, ba nar gírí ń m-ā m-ādə̄ ní i ra dɔ ndū tə́ ō, i yá̰a̰ rāā kə́ gōtə́ ō, i tár ō, rāā tɔdɔ̄ naā ō.

Bible sar

²¹ Israel, ā ī-tél nge *nong yāḿ, ba i kə́ ngándáńg tə́. Ā ī-tél nge *nong yāḿ, ba nar gírí ń m-ā m-ādə̄ ní i ra dɔ ndū tə́ ō, i yá̰a̰ rāā kə́ gōtə́ ō, i tár ō, rāā tɔdɔ̄ naā ō.

OJEE 2:21 Referans Kwoze

JAKARI 8:12

M-ā m̄-rāā kadə̄ lɔm a reē dɔ nang tə́ ō, kāgə̄ nduú gə̄ a anə̄n̄ ō, dɔ nang a teē yá̰a̰ ō, man̄ kə́ dɔ rā̰ tə́ a edə ō. Gír deē yāḿ gə̄ ń teēn̄ ta yo tə́ ní, m-ā m̄-rāā majə sedə́ kə yá̰a̰ gə̄ ń noō malang.

MATIYE 6:33

Yá̰á̰ ń kadə̄ ə̄ndāī kumsí gō tə́ ngá̰ý ī-sāāī ta kəga dɔ bang ní, i Ɓē ko̰o̰ yā Nə́ɓā ō, i háĺ kə́ súmūú ń ni-gḛy ní ō. Gō tə́ anī Nə́ɓā a adə̄sí yá̰a̰ gə̄ ń noō malang dɔ tə́ ɓáý.

Makətūbə̄ ń Pol ndang adə̄ Rom gə̄ ní 8:32

Nə́ɓā ń ɔgəjí Ngōnən alé, banī əlan jī de gə̄ tə́ tām̄ yājí tə́ ní, loo kadə̄ ni-adə̄jí yá̰a̰ malang kə Ngōnə̄neé aĺ i ba̰ý?

IJAI 65:24

Kété pá tá kadə̄ nin̄ ɓāŕmə̄n̄ ní, mā m-ā m̄-daldə́. Nin̄ a ɔrə̄n̄ najə̄ təgā aĺ ɓáý anī mā m-ā m-ōō najə̄ yādə́ ní kɔ̄ɔ́.

IJAI 55:10

Man̄ ō, néjə ō, ḭḭn̄ dɔ rā̰ tə́ tə́sōn̄. Nin̄ tél aw̄n̄ gogə́ dɔ rā̰ tə́ kanjə̄ rāā kadə̄ yá̰á̰ kógə̄ḿ to alé. Nin̄ rāān̄ adə̄ dɔ nang yḭ̄l̄ ō, teē yá̰a̰ ō, kum yá̰a̰ gə̄ əɓan̄ ō. I tītə̄ ń noō n nin̄ a adə̄nəń de gə̄ kum yá̰á̰ kə́ yā dubə̄ ō, yá̰á̰ kə́ yā kəsa ō ní.

JAKARI 13:9

Ngé gə̄ ń a ndin̄ kə kumdə́ ɓáý ní, m-ā m̄-rāādə́ kadə̄ nin̄ a unjə̄n̄ njáý njáý, tītə̄ lɔ́r ō gində̄ arjā̰a̰ ń deē nōō kum hor tə́ adə̄ unjə̄ njáý njáý noó beē. Loo ń noō tə́ nin̄ a ɓārə́mə̄n̄ ō, m-ā m̄-ndigədə́ ō. M-ā m-ə́da na: Sḭḭ̄ i gír deē yāḿ gə̄ ō, nin̄ a ədan̄ na: Kɔ́ɔ̄ɓē, ḭ̄ i Nə́ɓā yājí ō.

EJEKIEL 36:29

M-ā m-ɔ̄r̄ yá̰a̰ rāāsí kə́ yḛr gə̄ kɔ̄ɔ́ malang. M-ā m-ādə̄ ɓō a rāāsí, banī m-ā m̄-rāā kadə̄ gémē əɓa ō, ā ə́ngeī gémē ngá̰ý ndɔ̄ sāān tə́ ō.

OJEE 14:7

Ta jīn gə̄ a alən̄ ō, ni a majə tītə̄ kāgə̄ olibə beé ō, sēēn a otə majə tītə̄ sēē ku kāgə̄ gə̄ kə́ Liban tə́ beē ō.

JOEL 2:19

Kɔ́ɔ̄ɓē tél əda gír deē yān gə̄ na: M-ā m-ə́la kə gémē ō, kasə nduú ō, yibə̄ ō, yā kadə̄sí kadə̄ ndān̄sí. M-ā m-ādə̄sí yá̰a̰ gə̄ ń noō ngá̰ý. M-ā m̄-rāā kadə̄ yá̰á̰ kə́ to rɔ̄sɔl̄ əsō dɔsí tə́ dáń nápar de gə̄ tə́ to̰ aĺ bátə́.

MALASI 3:10

I beé ní, yá̰a̰ kənge yāsí gə̄ kə́ nge ko̰ kutə gə̄ ní, ī-reēīń kə́ rɔ̄kum tə́, kem kújə ngɔ̄m̄ yá̰a̰ kənge tə́, ādə̄ yá̰a̰ kəsa to ngándáńg kem kújə yā Kɔ́ɔ̄ɓē tə́. Mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́da na: Ásiī ndəle gír yā ger̄ kadə̄ m-ə́da i najə̄ kə́ rɔ̄kum. Loo ń noō tə́ ā á̰a̰ī kadə̄ m-ā m̄-teē ta kār̄ man̄ gə̄ kə́ dɔ rā̰ tə́ tām̄ yāsí tə́ ō, m-ā m̄-rāā majə sesí ngá̰ý ō.

MALASI 3:11

M-ā m̄-tūr̄ ta gaẃ gə̄ kɔ̄ɔ́ dɔsí tə́: Nin̄ a nujən̄ kōō yāsí gə̄ aĺ ō, a ɔgə̄n̄ kāgə̄ nduú yāsí gə̄ ka̰a̰n̄ aĺ ō. I mā Kɔ́ɔ̄ɓē kə́ bo kə́ tɔ́gə́ḿ i ngá̰ý n m-ə̄nī ndūḿ ní.

IJAI 62:4

A ɓāríīn̄ na i dəyá̰ kə́ əya̰nən̄ kɔ̄ɔ́ to̰ alé, a ədan̄ na ɓē yāí na i dəla loo kə́ rɔ̄nelāĺ i tū tə́ to̰ alé. Banī a ɓāríīn̄ na i dəyá̰ kə́ taā dəngam majə ō. A̰á̰ā̰, a nel̄ Kɔ́ɔ̄ɓē seí rɔ̄kum ō, dɔ nang yāí a ənge dəngam yā taā ō.

IJAI 62:5

Tītə̄ ń balsáa taāń ngōmandə ní, nge tél rāāī gogə́ rang a tél ngaaí i tītə̄ ń noō ō. Tītə̄ ń dəyá̰ kijə i yá̰a̰ rɔ̄nel̄ yā ngaan ní, ā ī-téĺ yá̰a̰ rɔ̄nel̄ yā Nə́ɓā yāí.

JAKARI 8:8

M-ā m̄-tél yā reē sedə́ gogə́, kadə̄ a ndin̄ kem ɓē kə́ Jerusalem tə́. Nin̄ a télən̄ gír deē yāḿ gə̄ ō, mā i Nə́ɓā yādə́ kə́ nge ra dɔ ndūn tə́ ō, kə́ nge rāā yá̰á̰ kə́ gōtə́ ō.