OJEE 2:18 - Bibəl ta Sar̄

¹⁸ Kɔ́ɔ̄ɓē əda na: Ndɔ̄ ń noō tə́ ní, ni a ɓārə́m̄ na i Ngaaḿ, ni a ɓārə́m̄ na i ɓesə̄ Baal yāḿ ń kumən na i ngoləḿ ní to̰ alé.

Bible sar

¹⁸ Kɔ́ɔ̄ɓē əda na: Ndɔ̄ ń noō tə́ ní, ni a ɓārə́m̄ na i Ngaaḿ, ni a ɓārə́m̄ na i ɓesə̄ *Baal yāḿ ń kumən na i ngoləḿ ní to̰ alé.

OJEE 2:18 Referans Kwoze

EJEKIEL 34:25

M-ā m-ə́hɔ madə̄ naā kem sɔl̄ kə ɓūtə̄ yá̰a̰ kul̄ yāḿ gēé ō, m-ā m̄-rāā kadə̄ dā̰ kə́ do̰ gə̄ a gətóon̄ kɔ̄ɔ́ kem ɓēé ō. Loo ń noō tə́ dā̰ yāḿ gə̄ a ran̄ dəla loo tə́ kanjə̄ sōl̄ yá̰á̰ kógə̄ḿ ō, nin̄ a ɓīīn̄ kə̄ kem túpə́ kámbə gə̄ tə́ ō.

JEREMI 23:6

Ɓāl̄ yān tə́ ní, ngán Juda gə̄ a ajən̄ ō, ngán Israel gə̄ a ndin̄ kanjə̄ sōl̄ yá̰á̰ kógə̄ḿ ō. Ōōī rī ń a ɓār̄nən̄neé ní: Kɔ́ɔ̄ɓē i gōtə́ yājí.

IJAI 2:4

Ni a gān̄g sarya yān kə́ dɔ dáń nápar de gə̄ tə́ ō, a ra dɔ dáń gír de kə́ ngá̰ý gə̄ tə́ yā gān̄gəń sarya ō. Nin̄ a ɔyn̄ kaskar yādə́ gə̄ yā rāā kɔsə man̄g tə́ ō, a ɔyn̄ nənga yādə́ gə̄ yā rāā ngorong tə́ ō. Ɓē kógə̄ḿ a ḭḭ yā kənī ɓē kə́ rang rɔ̄ɔ̄ to̰ aĺ ō, de kə́ dəngam gə̄ a ndóōn̄ naā loo rɔ̄ɔ̄ to̰ aĺ ō.

PĀ GƏ̄ 46:9

Ī-reē á̰a̰ī kəla rāā Kɔ́ɔ̄ɓē, yá̰á̰ kə́ dɔ nang tə́ gə̄ ń ni nujəń sák sák ní!

IJAI 65:25

Soó ō, ngōn̄ batə̄ ō a əsan̄ yá̰a̰ naā tə́, ɓɔl a əsa mu kə́ tutə tītə̄ man̄g. Lī a ul̄ rɔ̄n i kə bumbə́rú. Yá̰á̰ kə́ majaĺ, aké yá̰á̰ kə́ rāā kə dɔ́nɔ́, a to dɔ mbal̄ yāḿ kə́ táĺ tə́ to̰ alé. I mā Kɔ́ɔ̄ɓē n m-ə́da najə̄ ń noō ní.

Makətūbə̄ yā Job 5:23

Ngán kɔkərɔ gə̄ ń a tə́nīn̄ kə̄ kem ndɔ̄r̄ yāí tə́ ō, dā̰ ngān̄g gə̄ ń a mānə̄n̄ ō ní, a nujən̄ ndɔr̄ yāí alé.

JAKARI 14:9

Kɔ́ɔ̄ɓē a ndi mban̄g dɔ dɔ nang malang tə́ kə taá. Ndɔ̄ ń noō tə́ ní, i Kɔ́ɔ̄ɓē ngóy n de gə̄ a rɔȳnən̄ tītə̄ Nə́ɓā beé ō, de gə̄ a ndɔ̄ȳn̄ i kə rīn nií ngóy ō.

JAKARI 14:4

Ndɔ̄ ngeé ń noō tə́ ní, ni a ra dɔ ngōn̄ mbal̄ kāgə̄ olibə gə̄ tə́, kadə ɓē kə́ Jerusalem tə́ ngɔr, dām̄ kə́ gír ɓē tə́. Ngōn̄ mbal̄ kāgə̄ olibə gə̄ ní a njar danaá bang ō, wól loo kə́ bo a to ō, a ḭḭ dām̄ kə́ gír ɓē tə́ bátə́ dām̄ kə́ no ɓē tə́. Ngōn̄ mbal̄ ní núsən kógə̄ḿ a aw̄ kum kə̄ dām̄ mbɔ́r ɓē kə́ ko̰ó̰ tə́, ba núsən kə́rēý a aw̄ kum kə̄ dām̄ mbɔ́r ɓē kə́ geleé tə́.

JAKARI 3:10

Ndɔ̄ ngeé ń noō tə́ ní, ā ī-ɓāríī naā kem ndɔr̄ kāgə̄ nduú yāsí gə̄ tə́ ō, ā ī-ɓāríī naā ndíl kāgə̄ kótə̄ yāsí gə̄ tə́ ō. I mā Kɔ́ɔ̄ɓē kə́ bo kə́ tɔ́gə́ḿ i ngá̰ý n m-ə́da najə̄ ń noō ní.

JAKARI 2:11

De kə́ Jerusalem gə̄, āwī! Sḭḭ̄ ń ī-ndiī Babilon ní, āwī láẃ!

JEREMI 33:16

Ɓāl̄ yān tə́ ní, ngán Juda gə̄ a ajən̄ ō, de kə́ Jerusalem gə̄ a ndin̄ kanjə̄ kadə̄ yá̰á̰ kógə̄ḿ a̰ȳ ndíĺdə́ ō. Rī ń de gə̄ a ɓārə́n̄neé Jerusalem ní n toó: Kɔ́ɔ̄ɓē i nge rāājí kadə̄ jə-téliī de kə́ gōtə́ gə̄.

JEREMI 30:10

Ḭ̄, nge kəla yāḿ Jakob, ī-lōō ɓōĺ, Israel ī-lōō kə ndebə. M-ā m̄-taāī kɔ̄ɔ́ jī ɓē kə́ sa̰y gə̄ tə́ ō, m-ā m̄-gān̄g dɔ ngán kaaí gə̄ dɔ nang ń aw̄n̄ sedə́ tū tə́ ní tə́ ō. Jakob a tél yā reē, ni a ənī kemən mámák yā ndiń. Ni a ndi jəke ō, deē a a̰ȳ ndílən to̰ aĺ bátə́ ō. Najə̄ ń Kɔ́ɔ̄ɓē əda ní n noó.

IJAI 26:1

Ndɔ̄ ngeé ń noō tə́ ní, de kə́ Juda a ənīn̄ pā: J-awī kə ɓē kə́ de gə̄ rɔ̄ɔ̄n̄ dɔ tə́ majə. Kɔ́ɔ̄ɓē ənī ndogə̄ mbal̄ gə̄ jōó dɔ tə́ adə̄ gīr̄ gidə əla ta naā tə́, yā ngɔ̄məńjí.

IJAI 2:17

I gáŕ kadə̄ ngé kɔjə rɔ̄də́ gə̄ malang rugən̄ nang tə́ ō, ngé kənda kadədə́ gə̄ télən̄ kə rɔ̄də́ kə̄ nang tə́ ō. Ndɔ̄ ngeé ń noō tə́ ní, i Kɔ́ɔ̄ɓē kal kógə̄ḿ beē ngóy n i de kə́ bo ní.

IJAI 2:11

Ngé ka̰a̰ madə̄də́ gə̄ ba kídə̄də́ ní, i gáŕ kadə̄ nin̄ əgan̄ kumdə́ nang tə́ ō, i gáŕ kadə̄ ngé kɔjə rɔ̄də́ gə̄ rugən̄ nang tə́ ō. Ndɔ̄ ngeé ń noō tə́ ní, Kɔ́ɔ̄ɓē kal kógə̄ḿ beē ngóy n i de kə́ bo ní.

PĀ GƏ̄ 23:2

Ni-aw̄ seḿ dɔ mu kə́ mbōl̄ tə́. Njə̄rā seḿ kə gō kadə man̄ kə́ to lɔmɔɔ́.

JAKARI 9:10

Ni a rāā kadə̄ púsə rɔ̄ɔ̄ gə̄ kə́ Epəraim gətóon̄ kɔ̄ɔ́ ō, ni a rāā kadə̄ sə́nda gə̄ kə́ Jerusalem gətóon̄ kɔ̄ɔ́ ō. Ni a tétə̄ ga̰ gərā gə̄ kə́ yā rɔ̄ɔń kɔ̄ɔ́ ō, a rāā kadə̄ lɔm to dan nápar de gə̄ tə́ ō. Əla gír bā katə̄ tə́ bátə́ bā bo kə́ no ɓē tə́ ō, bā Opəratə tə́, bátə́ ta ngóy ɓē kə́ dām̄ kə́ rang tə́ ō ní, ni i ngol de gə̄.

Makətūbə̄ yā Job 5:22

Ā ə̄gō yá̰á̰ kə́ majaĺ kə́ teē dɔí tə́ ō, ā ə̄gō ɓō ō, ā ī-ɓōĺ dā̰ kə́ do̰ kə́ bembeé gə̄ aĺ ō.

PĀ GƏ̄ 148:10

dā̰ kə́ bembeé ō, kə́ ɓēé gə̄ malang ō, dā̰ gə̄ kə́ a agən̄ nang tə́ ō yel̄ gə̄ ō,

IJAI 32:18

Gír de gə̄ yā Kɔ́ɔ̄ɓē a ndin̄ i loo kógə̄ḿ kə́ loo to lɔm tū tə́ tə́, kem kújə gə̄ kə́ deē a taā kemdə́ mámák gə̄ tə́, kem loo gə̄ kə́ deē a ndi jəke tū tə́ tə́.

EJEKIEL 39:1

Kɔ́ɔ̄ɓē ədam̄ na: Ḭ̄ ngōn̄ deē, ɔ̄r̄ najə̄ kə Gog ādə̄m̄, ī-rɔ̄ɔń seneé ə́dan na: Najə̄ ń Kɔ́ɔ̄ɓē Nə́ɓā əda ní n toó: Ḭ̄ Gog, ḭ̄ ń i ngār kə́ bo yā gír de gə̄ kə́ Mesek ō, Tubal ō ní, m-ā m̄-rāā yá̰á̰ kə́ tōr̄ seí.

IJAI 54:5

I tām̄ najə̄ ń toō tə́: Ngaaí ń ā ə́ngé ní, i nge rāāī, i nge ń rīn na i Kɔ́ɔ̄ɓē kə́ bo kə́ tɔ́gən i ngá̰ý ní. Nge taā kəya̰ī dɔɔ́ i Nə́ɓā kə́ táĺ yā Israel, i nge ń a ɓāŕnən̄ na i Nə́ɓā yā dɔ nang kə taá malang ní.