OJEE 2:17 - Bibəl ta Sar̄

¹⁷ Loo ń noō tə́ m-ā m̄-tél kə ndɔr̄ ngán kāgə̄ nduú yān gə̄ yā kadə̄n gogə́ ō, wól loo kə́ Akor ń i wól loo yā yá̰á̰ kə́ to kum tō ndoō ní, m-ā m̄-rāā kadə̄ a tél ta róbə kəndā kem dɔ yá̰á̰ tə́ ō. Loo ń noō tə́ ni a un gōḿ tītə̄ ń unəń gōḿ kə gōn̄ dūúneé ní, tītə̄ ń unəń gōḿ dan ń ni teēń kɔ̄ɔ́ kem ɓē kə́ Ejiptə tə́ ní.

Bible sar

¹⁷ Loo ń noō tə́ m-ā m̄-tél kə ndɔr̄ ngán *kāgə̄ nduú yān gə̄ yā kadə̄n gogə́ ō, wól loo kə́ Akor ń i wól loo yā yá̰á̰ kə́ to kum tō ndoō ní, m-ā m̄-rāā kadə̄ a tél ta róbə kəndā kem dɔ yá̰á̰ tə́ ō. Loo ń noō tə́ ni a un gōḿ tītə̄ ń unəń gōḿ kə gōn̄ dūúneé ní, tītə̄ ń unəń gōḿ dan ń ni teēń kɔ̄ɔ́ kem ɓē kə́ Ejiptə tə́ ní.

OJEE 2:17 Referans Kwoze

Teē Ngán Israel gə̄ 23:13

Ā ə̄ndāī kumsí gíŕ yá̰a̰ gə̄ ń m-ɔ́jə́sí kadə̄ ī-rāāī tə́ ní malang. Ā ī-ɓāríī ɓesə̄ gə̄ ń i nə́ɓā kə́ rang gə̄ ní kadə̄ dḭḭ̄n̄sí aĺ ō, ādī deē oō rīdə́ tasí tə́ aĺ ō.

PĀ GƏ̄ 16:4

nujən̄ loo ngɔlaā tɔȳ kə́ kété ɓáý. De gə̄ bə̄gān̄ naā aw̄n̄ gōdə́ tə́. Banī mā m-ā m̄-tə́té mósə nang tə́ yā ndējə̄də́ to̰ aĺ ō taḿ a əda rīdə́ to̰ aĺ ō.

JOJUE 23:7

Ī-lōōī kaw̄ dan nápar de gə̄ ń ndin̄ rɔ̄sí tə́ ní ō, ɓāŕ rī ɓesə̄ yādə́ gə̄ ō, túbə kə rī ɓesə̄ yādə́ gə̄ ō, rāā ɓesə̄ yādə́ gə̄ ō, kəso kə̄ nang tə́ kə̄ no ɓesə̄ yādə́ gə̄ tə́ yā rɔȳndə́ ō.

JAKARI 13:2

Kɔ́ɔ̄ɓē kə́ bo kə́ tɔ́gən i ngá̰ý, əda wáńg na: Kum mbang ngeé ń noō tə́ ní, ɓesə̄ gə̄ kə́ kem ɓēé ní, m-ā m̄-ró̰ȳdə́ kɔ̄ɔ́ ō, deē a əda rīdə́ to̰ aĺ ō. M-ā m̄-tə̄ɓā ngé koō ta kə́ rɔ̄kum aĺ gə̄ kɔ̄ɔ́ kem ɓēé ō, m-ā m-ɔ̄r̄ ngur rɔȳ nə́ɓā kə́ rɔ̄kum aĺ gə̄ kɔ̄ɔ́ kemsí tə́ ō.

JEREMI 10:11

Yá̰á̰ ń ā ə́daīdə́ ní n toó: Nə́ɓā gə̄ ń rāān̄ dɔ rā̰ aĺ ō, dɔ nang aĺ ō ní, a gətóon̄ kɔ̄ɔ́ dɔ nang tə́ ō, gír rā̰ tə́ ō.

Teē Ngán Israel gə̄ 15:1

Loo ń noō tə́ Moijə nin̄ kə ngán Israel gēé ənīn̄ pā ɔsən̄neé gɔn Kɔ́ɔ̄ɓē, ədan̄ na: m̄-gḛy kənī pā yā kɔsəń gɔn Kɔ́ɔ̄ɓē, tɔdɔ̄ ni-tetə rɔ̄ɔ̄ kə́ bo. Ni-tə́nā sə́nda gə̄ kə ngé kal̄də́ gēé kum bā bo tə́.

JOJUE 7:26

Gō tə́ anī kánə̄n̄ mbal̄ gə̄ adə̄ ton̄ dɔ naā tə́ bing dɔn tə́. Mbal̄ gə̄ ń kánə̄n̄ dɔn tə́ ní ton̄ nuú bátə́ ɓōólaā. Loo ń noō tə́ wōn̄g yā Kɔ́ɔ̄ɓē tetə. I tām̄ najə̄ ń nuū tə́ n a ɓārə́n̄ wól loo ní na i Akor bátə́ ɓōólaā ní.

JEREMI 2:2

Āw̄, ə́ga kɔŕ ta mbī de gə̄ kə́ Jerusalem tə́: Najə̄ ń Kɔ́ɔ̄ɓē əda ní n toó: m̄-ter̄ kemií dɔ kəhɔ kə́ ə́hɔ gō Kɔ́ɔ̄ɓē adə̄ gan̄g dan mandií tə́ ō, dɔ tár yāí tə́ dan taí ngaa kijə tə́ ō. Ḭ̄ ún gōḿ kem dəla loo tə́ ō, dɔ nang kə́ deē ndɔr̄ tū tə́ aĺ tə́ ō.