OJEE 2:15 - Bibəl ta Sar̄

¹⁵ M-ā m̄-rɔ̄ɔ̄n najə̄ kum mbang ń ni un rɔȳń ɓesə̄ Baal gə̄ ní. Ni róō ndujə̄ yá̰á̰ kə́ kotə majə adə̄də́. Ni o̰ō̰ nə̄ngá gə̄ ō, yá̰á̰ súū rɔ̄ gə̄ ō tām̄ yādə́ tə́. Ni un gō ngé sāān gə̄, mā ɓáa dɔn ndígə̄naləḿ kɔ̄ɔ́ ō. Najə̄ ń Kɔ́ɔ̄ɓē əda ní n noó.

Bible sar

¹⁵ M-ā m̄-rɔ̄ɔ̄n najə̄ kum mbang ń ni un rɔȳń ɓesə̄ *Baal gə̄ ní. Ni róō ndujə̄ yá̰á̰ kə́ kotə majə adə̄də́. Ni o̰ō̰ nə̄ngá gə̄ ō, yá̰á̰ súū rɔ̄ gə̄ ō tām̄ yādə́ tə́. Ni un gō ngé sāān gə̄, mā ɓáa dɔn ndígə̄naləḿ kɔ̄ɔ́ ō. Najə̄ ń Kɔ́ɔ̄ɓē əda ní n noó.

OJEE 2:15 Referans Kwoze

EJEKIEL 28:26

Nin̄ a ndin̄ loo ń kanjə̄ sōl̄ yá̰á̰ kógə̄ḿ. Nin̄ a rāān̄ kújə gə̄ ō, a ndɔrə̄n̄ kāgə̄ nduú gə̄ ō. Nin̄ a ndin̄ kanjə̄ sōl̄ yá̰á̰ kógə̄ḿ. Tɔdɔ̄ gír de gə̄ ndin̄ kadədə́ gə̄ tə́ á i madə̄ ɓēdə́ kə́ ngé kídə̄də́ gə̄ ní, m-ā m-ún sarya gāngə̄ḿ yā rāań yá̰a̰ sedə́. Loo ń noō tə́ nin̄ a gerə̄n̄ kadə̄ Kɔ́ɔ̄ɓē Nə́ɓā yādə́ i mā.

JEREMI 2:2

Āw̄, ə́ga kɔŕ ta mbī de gə̄ kə́ Jerusalem tə́: Najə̄ ń Kɔ́ɔ̄ɓē əda ní n toó: m̄-ter̄ kemií dɔ kəhɔ kə́ ə́hɔ gō Kɔ́ɔ̄ɓē adə̄ gan̄g dan mandií tə́ ō, dɔ tár yāí tə́ dan taí ngaa kijə tə́ ō. Ḭ̄ ún gōḿ kem dəla loo tə́ ō, dɔ nang kə́ deē ndɔr̄ tū tə́ aĺ tə́ ō.

OJEE 11:1

Kɔ́ɔ̄ɓē əda na: Dan ń Israel i ngōn̄ ɓáý ní, m̄-tárən ō, m̄-ɓārə́n ni ngōnə̄ḿ kadə̄ teē kɔ̄ɔ́ kem ɓē kə́ Ejiptə tə́ ō.

JOJUE 7:26

Gō tə́ anī kánə̄n̄ mbal̄ gə̄ adə̄ ton̄ dɔ naā tə́ bing dɔn tə́. Mbal̄ gə̄ ń kánə̄n̄ dɔn tə́ ní ton̄ nuú bátə́ ɓōólaā. Loo ń noō tə́ wōn̄g yā Kɔ́ɔ̄ɓē tetə. I tām̄ najə̄ ń nuū tə́ n a ɓārə́n̄ wól loo ní na i Akor bátə́ ɓōólaā ní.

KƏLA RĀĀ 14:27

Dan ń ugə̄n̄ A̰tiyos anī, ɔsən̄ dɔ ngé taā kem gə̄ naā tə́, ba ənīn̄də́ gotə yá̰a̰ malang ń Nə́ɓā rāā kə ta kūl̄də́ ní ō, ɔjən̄də́ loo teē ń Nə́ɓā teē ta róbə adə̄ de gə̄ kə́ nin̄ i Jipə aĺ gə̄, yā kadə̄ nin̄-taān̄ kem ō ní.

JA̰A̰ 10:9

Mā i ta gɔng. Ré deē udə kem gɔngɔɔ́ kə ta kūlə̄ḿ anī, a ajə. Ni a udə ō, a teē ō, a ənge yá̰a̰ kəsa ō.

AMOS 9:14

Israel gə̄ ń i gír deē yāḿ gə̄ ní, m-ā m̄-rāādə́ kadə̄ a tél a ndin̄ tītə̄ kə́ kété. Ɓē bo kə́ nujə kɔ̄ɔ́ gə̄ ní, nin̄ a télən̄ yā rāā gogə́ ō, a télən̄ yā ndi kem ɓē bo gə̄ ní tə́ gogə́ ō. Nin̄ a əhɔn̄ kāgə̄ nduú gə̄ ō, a a̰ȳn̄ kasə nduú ō. Nin̄ a ndɔrə̄n̄ ō, a əsan̄ yá̰á̰ kə́ ndɔrɔ́ ō.

EJEKIEL 16:60

Ba mā tā a m-ā m̄-ra dɔ madə̄ naā ń m-ə́hɔ seí dan mandií tə́ ní ō, m-ā m̄-tūr̄ madə̄ naā kə́ a to ngándáńg.

EJEKIEL 16:22

Dan ń ā ī-rāań yá̰a̰ malang kə́ majaĺ ngá̰ý gə̄ ń noō tə́ ní ō, ā ī-rāań ájə́ba tə́ ō ní, əga kemií dɔ ndɔ̄ gə̄ ń ḭ̄ i ngōn̄ dūú tə́ ní alé. Dɔí ndígə̄nal dɔ ndɔ̄ gə̄ ń rɔ̄í i karī tə́ ní ō, dɔ ndɔ̄ gə̄ ń ī-toń kum mosí tə́ ní ō.

EJEKIEL 16:8

m̄-tél m̄-mān̄ kadií tə́ ɓáý to̰, anī m-á̰a̰ kadə̄ ásə dəyá̰ kɔ̄ɔ́. Loo ń noō tə́ ní m-ə̄nī kūbə̄ yāḿ dɔí tə́ m-utəń gidə rɔ̄í, tām̄ rɔ̄í i karī. m̄-túbə̄ m-ɔ́jəń kadə̄ m-ā m̄-ra dɔ ndūḿ kə́ m-ə̄nī m-ādī tə́ ō, m-ə́hɔ madə̄ naā seí ō. Loo ń noō tə́ ní ḭ̄ i yāḿ, adə̄ mā Kɔ́ɔ̄ɓē Nə́ɓā m-ə́da nge ń noō kə̄ ndágá.

IJAI 65:21

Nin̄ a rāān̄ kújə gə̄ ō, a ndin̄ kemeé ō. A ndɔrə̄n̄ kāgə̄ nduú gə̄ ō, a əsan̄ kanə̄n ō.

JAKARI 9:12

Siī dəngáy gə̄ ń kəndā kem dɔ tə́ yāsí i ngá̰ý ní, ī-tél ī-reēī gogə́ kem ɓē yāsí kə́ ngɔ̄m̄nən̄ majə tə́! Ɓōólaā nəkɔ́ ń toō m-ə́dásí najən̄, yá̰á̰ ń sḭḭ̄ āwīiń kɔ̄ɔ́ ɓá ní, m-ā m-ādə̄sí yá̰á̰ ní loo nja kə́ jōó tə́.

NŌŌ RƆ̄ 3:21

Yá̰á̰ ń m̄-tél m̄-gír̄ dɔ tə́ kemḿ tə́ ō, yá̰á̰ ń m-ā m-ə̄ndā kemḿ dɔ tə́ ō ní n toó:

JEREMI 32:15

Tɔdɔ̄ najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: De gə̄ a mangən̄ kújə gə̄ ō, loo ndɔr̄ gə̄ ō, kāgə̄ nduú gə̄ ō kem ɓē ń toō tə́.

PĀ GƏ̄ 106:12

Loo ń noō tə́ nin̄ taān̄ kem najə̄ kɔr̄ Nə́ɓā adə̄ tɔ̄ȳnən̄ kə pāá.

TƏ́DA 21:17

Adə̄ ngán Israel gə̄ unən̄ pā ń toō ədan̄ na: Man̄ kə́ bəloó ī-teē, ī-ɓōkíin̄ tɔ̄ȳ.

OJEE 12:9

Ḭ̄ ə́da na: A̰á̰ā̰, m̄-tél de kə́ nge kənge yá̰a̰, m-ə́ngé yá̰á̰ kógə̄ḿ. Banī m̄-mān̄ dɔ ndū Nə́ɓā alé, m̄-rāā yá̰á̰ kógə̄ḿ kə́ gōtə́ aĺ alé, dan ń m-ə́ngeń nar ngeé ń toō tə́ ní!

IJAI 65:10

Tām̄ yā gír deē yāḿ gə̄ tə́ ní, tām̄ yā ngé gə̄ ń tūrə̄n̄ rɔ̄də́ kə̄ rɔ̄ḿ tə́ ní, ndágə mbō kə́ Saro̰ a tél i loo kə́ kadə̄ batə̄ gə̄ əsan̄ yá̰a̰ tū tə́ ō, wól loo kə́ Akor a tél i gong man̄g gə̄ ō.

OJEE 2:12

Ngɔlaā ní m-ā m̄-ɔ̄r̄ yá̰a̰ rɔ̄n tə́ ta kum ngé sāān gə̄ tə́, ba de kə́ yā kɔgə̄m̄ a gətóo.

PĀ GƏ̄ 129:1

Pā kə́ yā kaw̄ń kə̄ loo kə́ táĺ tə́. Madə̄ ba̰ā̰ḿ gə̄ rāān̄ kumḿ ndoō tə́ nja i ngá̰ý, əlan̄ gír rāā kumḿ ndoō tə́ i dan ń dɔḿ dūúnń ɓáý ní. Ādə̄ Israel gə̄ malang ədan̄ ɓáý!

JEREMI 2:1

Kɔ́ɔ̄ɓē ɔr̄ najə̄ seḿ əda na:

JEREMI 3:4

Nəkɔ́ ń toō gə̄gē ní ā ɓārə́m̄ jīí tə́ laā ɓáý na: Bɔbə́ḿ, i ḭ̄ n kemjí əhɔ naā majə dan mandəḿ tə́ ní.

JEREMI 29:11

Mā m̄-ger̄ yá̰a̰ gə̄ ń m̄-nóm̄ yā rāā tām̄ yāsí tə́ ní, i ndi majə ba i yá̰á̰ kə́ to kum kaȳ aĺ alé. Ta ndo̰sí a aw̄ kum kə̄ kété majə ō, ā ə́ngeī yá̰á̰ kə́ yā kəndā kemsí dɔ tə́ ō. Najə̄ ń Kɔ́ɔ̄ɓē əda ní n noó.

EJEKIEL 28:25

Najə̄ ń Kɔ́ɔ̄ɓē Nə́ɓā ɔr̄ ní n toó: Ngán Israel gə̄ ń m̄-tə̄ndā m̄-tḭ̄ḭ̄də́ dan gír de gə̄ tə́ ní, m-ā m-ɔ́sə njadə́ kə̄ naā tə́. I tītə̄ ń noō n m-ā m-ɔ́jəń gotə nápar de gə̄ kadə̄ mā i Nə́ɓā kə́ táĺ ní. Ngán Israel gə̄ a ndin̄ dɔ nang yādə́ tə́, dɔ nang ń m-ādə̄ nge kəla yāḿ Jakob ní.

OJEE 12:13

Jakob a̰ȳ aw̄ dɔ nang kə́ Mesopotami kə́ kḭḭ kə̄ dɔɔ́ tə́. Ni udə kəla yā deē kógə̄ḿ kə́ rang tə́ yā kəngeń dəyá̰. A̰á̰ā̰, ni ngɔ̄m̄ ɓūtə̄ yá̰a̰ kul̄ gə̄ gír dəyá̰á̰.

OJEE 13:4

Ɓá tā ba Israel, mā i Kɔ́ɔ̄ɓē Nə́ɓā yāí, əla gír i ndɔ̄ ń ī-teēń kɔ̄ɔ́ kem ɓē kə́ Ejiptə tə́ ní. Ḭ̄ ī-ger̄ Nə́ɓā kə́ rang alé ba i mā ngóy. Nge kajə de kə́ rang gətóo ba i mā ngóy.

NGÉ SARYA 8:34

Ba dɔdə́ ndígə̄nal Kɔ́ɔ̄ɓē Nə́ɓā yādə́ ń gān̄g dɔdə́ jī madə̄ ba̰ā̰də́ gə̄ ń ndin̄ gīrə̄n̄ gidədə́ əlan̄ ta naā tə́ ní kɔ̄ɔ́.

1 MBAN̄G GƏ̄ 16:31

Majaĺ gə̄ yā Jeroboam ngōn̄ Nebat ń ni ndájə̄ ní asən aĺ ɓáý, adə̄ taā Jesabel ngōn̄ Etəbaal mban̄g yā Sidon gə̄ ɓáý to̰ ō, ɔsə non nang tə́ no ɓesə̄ Baal tə́ ō.