OJEE 14:6 - Bibəl ta Sar̄

⁶ M-ā m̄-to tītə̄ tal kə́ dəloí beē tām̄ yā Israel tə́, ni a hútə̄ tītə̄ ndə́ja lis beé, ni a tə́la ngəran nang tə́ tītə̄ yā kāgə̄ gə̄ kə́ Liban tə́ beē.

Bible sar

⁶ M-ā m̄-to tītə̄ tal kə́ dəloí beē tām̄ yā *Israel tə́, ni a hútə̄ tītə̄ ndə́ja lis beé, ni a tə́la ngəran nang tə́ tītə̄ yā kāgə̄ gə̄ kə́ Liban tə́ beē.

OJEE 14:6 Referans Kwoze

PĀ GƏ̄ 52:8

Loo ń noō tə́ de kə́ súmūú gə̄ a a̰a̰n̄ adə̄ a ɓōlə́n̄. Nin̄ a əgōn̄ dɔn tə́ ba a ədan na:

PILIPƏ 4:18

Yá̰á̰ ń ə́laīneé ādə̄mī ní, m-ə́nge malang. Yá̰á̰ ní mān̄ dɔ yá̰á̰ ń ndoōn rāām̄ ní gə̄gē ɓáý. Dan ń Epapəroditə adə̄m̄ yá̰a̰ yāsí gə̄ ń ə́laniīneé ní, yá̰a̰ malang ń ndoōn rāām̄ ní m-ə́nge. Yá̰a̰ gə̄ ń ādə̄mī ní, ton̄ i tītə̄ yá̰a̰ ndējə̄ kə́ tɔ̄l̄ ba tun̄ kadə̄ Nə́ɓā, kə́ sēēn otə nel̄ ō, i tītə̄ yá̰a̰ tun̄ kə́ Nə́ɓā ndigə ō, nel̄ kemən ō beé.

JA̰A̰ 15:1

Mā i kāgə̄ nduú kə́ rɔ̄kum, ba Bɔbə́ḿ i nge ndɔr̄ kāgə̄ nduú ní.

MATIYE 13:31

Jeju ɔjədə́ kūjə́ najə̄ kə́ rang, ədadə́ na: Ɓē ko̰o̰ kə́ dɔ rā̰ tə́ to i tītə̄ kum mutardə kə́ deē un dubə̄ kem ndɔr̄ yān tə́ beē.

JEREMI 11:16

Rī ń Kɔ́ɔ̄ɓē əndā dɔí tə́ ní n toó: Kāgə̄ olibə kə́ to mbōl̄ ngándáńg ō, balsáá ngá̰ý kə ta kūl kanə̄n gə̄ kə́ majə páráńg ō. Kɔ́ɔ̄ɓē əla hor ādə̄ o̰o̰ mbīn gə̄ ō, de gə̄ tétə̄n̄ ta jīn gə̄ ō i dan ń kōō yá̰a̰ a ɓārəń kə ngangá ngá̰ý ní tə́.

PĀ GƏ̄ 128:3

Nə̄yá̰í a to tītə̄ kāgə̄ nduú kə́ an̄ ngá̰ý kem kújə yāí tə́. Ngání gə̄ a rosən̄ loo ta kār̄ kəsa yāí tə́, tītə̄ ngán kāgə̄ olibə gə̄ beé.

TA KƏLA 27:27

Ni-reē əhɔ bɔbə̄n kə̄ rɔ̄n tə́ ɓirə̄n dagə. Isaak un wusə kūbə̄ yān gə̄ ba tɔ́r̄ tan dɔn tə́, əda na: Wusə ngōnə̄ḿ otə tītə̄ wusə ndɔr̄ kə́ Nə́ɓā rāā majə seneé.

PĀ GƏ̄ 92:12

Ngé gə̄ ń a umə̄mə̄n̄ ní, m-á̰á̰də́ kə kumḿ ō, ngé kem ndul gə̄ ń ənīmə̄n̄ rɔ̄ ní, m-ōō kōōdə́ kə mbīḿ ō.

IJAI 27:6

Kum mbang gə̄ ń a reēn̄ noō ní, gír deē yā Jakob gə̄ a tə́lan̄ ngəradə́, Israel a sitə ō, a hútə̄ ō. Ni a rāā kadə̄ kanə̄n gə̄ a taān̄ loo dɔ nang tə́.

IJAI 35:2

Ūtə̄ gidə rɔ̄í kə hútə́ yá̰á̰ kə́ bembeé gēé. Ī-rāā rɔ̄nel̄, ī-rāā rɔ̄nel̄ ō ə́ga kɔŕ rɔ̄nel̄ ō! Kɔ́ɔ̄ɓē a rāāī kadə̄ ā ī-majə to ɓōĺ ngá̰ý tītə̄ mbal̄ bo gə̄ kə́ Liban beé, ni a rāāī kadə̄ ā ī-majə tītə̄ mbal̄ Karmel beé ō, kadə̄ ā ī-majə tītə̄ ndágə mbō gə̄ kə́ Saro̰ beé ō. Loo ń noō tə́ de gə̄ malang a a̰a̰n̄ kɔsə gɔn yā Kɔ́ɔ̄ɓē, a a̰a̰n̄ majə Nə́ɓā yājí.

IJAI 66:14

Dan ń ā ī-ndiī dan yá̰á̰ ń noō tə́ anī, kemsí i kə rɔ̄nelēé ō, dā̰ rɔ̄sí a tél yā ndi kə kumneé gogə́ tītə̄ mu kə́ gō man̄ kə́ edə tə́ beē. Kɔ́ɔ̄ɓē a rāā yá̰a̰ kə tɔ́gɔ́ tām̄ yā ngé gə̄ ń rāān̄ kəla adə̄nən̄ tə́ ní, banī madə̄ ba̰ā̰n gə̄ a gerə̄n̄ kɔȳ wōn̄g yān.

OJEE 6:3

Loo ń noō tə́ ní, ādə̄ j-a̰a̰ī jə-gerī kadə̄ Kɔ́ɔ̄ɓē i Nə́ɓā. Ādə̄ jə-sāāī loo gerə̄n kə́ rɔ̄kum tə́. Ni a reē rɔ̄kum tītə̄ ń loo a tīiń rɔ̄kum ní. Ni a reē kə̄ rɔ̄jí tə́ i tītə̄ man̄ kə́ a edə beé, i tītə̄ man̄ ta ɓāl̄ kə́ edə adə̄ dɔ nang sɔl̄ lum beé.