OJEE 14:5 - Bibəl ta Sar̄

⁵ Kɔ́ɔ̄ɓē əda na: Mo̰y kəra dɔ ndū tə́ aĺ ń rāā Israel ní, m-ā m̄-tɔ̄l̄ kɔ̄ɔ́ dɔn tə́. M-ā m̄-tárən kə kem kə́ majaá, tɔdɔ̄ wōn̄g rāām̄ seneé to̰ alé.

Bible sar

⁵ Kɔ́ɔ̄ɓē əda na: Mo̰y kəra dɔ ndū tə́ aĺ ń rāā *Israel ní, m-ā m̄-tɔ̄l̄ kɔ̄ɔ́ dɔn tə́. M-ā m̄-tárən kə kem kə́ majaá, tɔdɔ̄ wōn̄g rāām̄ seneé to̰ alé.

OJEE 14:5 Referans Kwoze

IJAI 35:2

Ūtə̄ gidə rɔ̄í kə hútə́ yá̰á̰ kə́ bembeé gēé. Ī-rāā rɔ̄nel̄, ī-rāā rɔ̄nel̄ ō ə́ga kɔŕ rɔ̄nel̄ ō! Kɔ́ɔ̄ɓē a rāāī kadə̄ ā ī-majə to ɓōĺ ngá̰ý tītə̄ mbal̄ bo gə̄ kə́ Liban beé, ni a rāāī kadə̄ ā ī-majə tītə̄ mbal̄ Karmel beé ō, kadə̄ ā ī-majə tītə̄ ndágə mbō gə̄ kə́ Saro̰ beé ō. Loo ń noō tə́ de gə̄ malang a a̰a̰n̄ kɔsə gɔn yā Kɔ́ɔ̄ɓē, a a̰a̰n̄ majə Nə́ɓā yājí.

IJAI 27:6

Kum mbang gə̄ ń a reēn̄ noō ní, gír deē yā Jakob gə̄ a tə́lan̄ ngəradə́, Israel a sitə ō, a hútə̄ ō. Ni a rāā kadə̄ kanə̄n gə̄ a taān̄ loo dɔ nang tə́.

EPEJƏ 3:17

Ba kadə̄ Kərist ndi kemsí tə́ kə ta kūl̄ taā kə́ ī-taāī kemən ō, ə́laī ngərasí kem tár tə́ ō, ī-raī ngan̄g dɔ tə́ ō.

MATIYE 6:28

I tām̄ rí tə́ á ī-sōlī najə̄ yā kūbə̄ kə́ yā kadə̄ ō̰ō̰ī tə́ ní? Á̰a̰ī loo tɔgə ń ndə́já kə́ bembeé gə̄ a tɔgən̄ ní. Nin̄-rāān̄ kəla aĺ ō, əjōn̄ kūbə̄ aĺ ō,

PĀ GƏ̄ 72:16

Ādə̄ ndɔr̄ taā loo kem ɓēé, bátə́ ta kaw̄ kə̄ ta tél mbal̄ gə̄ tə́ dɔɔ́. Ādə̄ dɔ kōō kə́ tū tə́ gə̄ yéȳn̄ tītə̄ kāgə̄ gə̄ kə́ Liban beé. Ādə̄ ré deē ra kem ɓēé anī, loo i mbī kámbə́ kə́ mbōl̄ malang.

Makətūbə̄ yā Job 29:19

m̄-to tītə̄ kāgə̄ kə́ əla ngəran kum man̄ tə́ beé ō, tal əhɔ dɔ ta jīḿ gə̄ tə́ ndɔ̄ɔ́ bátə́ loo tīī ō.

NDŪ NAJƏ̄ 32:2

Ādə̄ yá̰á̰ ndóō yāḿ gə̄ edən̄ tītə̄ man̄ ō, ādə̄ najə̄ kə́ taḿ tə́ teē tītə̄ tal kə́ a tə́sō ō, i tītə̄ man̄ kə́ edə dɔ mbī kámbə́ tə́ ō, dɔ mu tə́ ō.

MISE 5:7

Israel gə̄ ń na̰yn̄ kə kumdə́ dan nápar de gə̄ tə́, dan gír de gə̄ kə́ ngá̰ý gə̄ tə́ ní, a ngangə̄n̄ tītə̄ ɓɔl beé dan dā̰ gə̄ kə́ kem kuú tə́, a ngangə̄n̄ tītə̄ balsáa ɓɔl beé dan ɓūtə̄ batə̄ gə̄ tə́. Loo malang ń ni mān̄ tū tə́ ní, ni əhɔ dā̰ gə̄ ba rə́yā̰də́ naā tə́ ō, de kə́ asə taādə́ jīn tə́ gətóo ō.

IJAI 44:3

Tām̄ mā m̄-rāā kadə̄ man̄ a nūgə́ dɔ nang kə́ kəndā man̄ a rāān tə́ ō, m-ā m̄-rāā kadə̄ ngán man̄ gə̄ a nūgə́n̄ dɔ nang kə́ tutə tə́ ō. M-ā m̄-ɓōkə́ ndílə́ḿ dɔ ngání gə̄ tə́ ō, m-ā m̄-tɔ́r̄ taḿ dɔ ngán kaaí gə̄ tə́ ō.

IJAI 26:19

Gír deē yāḿ gə̄, de kə́ koy yāsí gə̄ a télən̄ yā ndi kə kumdə́ gogə́, a ḭḭn̄ yā ra dɔɔ́ gogə́. Ngé to kum bumbə́rú tə́ gə̄ a ndólə̄n̄ ō, a əgan̄ kɔŕ rɔ̄nel̄ ō. Kɔ́ɔ̄ɓē a əla kə tal kógə̄ḿ kə́ i loo kə́ unjə̄ kow yā kadī, ba kə ta kūl̄ tal ngeé ń toō ní, dɔ nang a rāā kadə̄ de kə́ koy gə̄ tél ndin̄ kə kumdə́ gogə́.

IJAI 18:4

Tām̄ Kɔ́ɔ̄ɓē ədam̄ na: m̄-ndigə ndi loo ndiḿ tə́ ka̰a̰ń loo ō, ndi tū tə́ jəke ō, tītə̄ mbang kə́ ɔsə ngá̰ý kum loo kə́ unjə̄ kow tə́ beē ō, tītə̄ tal kə́ to tītə̄ kil̄ man̄ dan yā sāā kōō gə̄ tə́ beē.

PĀ GƏ̄ 72:6

Ādə̄ ni risə tītə̄ man̄ kə́ a edə kə̄ dɔ mu kə́ tél sitə gogə́ tə́, tītə̄ man̄ kə́ edə ba rāā adə̄ dɔ nang sɔl̄ beé!

2 MBAN̄G 19:30

De kə́ kem ɓē ko̰o̰ kə́ Juda tə́ gə̄ ń teēn̄ ta yo tə́ ní, a télən̄ yā to tītə̄ kāgə̄ kə́ əla ngəran nang tə́ ō, ta jīn gə̄ anə̄n̄ ō.

2 SAMUEL 23:4

to tītə̄ mbang kə́ əɓa dəloí ndɔ̄ kə́ kil̄ man̄ gətóó tə́ adə̄ ndə́lē dɔ rā̰ tə́ beē. Yḛŕ mbang kə́ gō man̄ kə́ edə tə́ rāā adə̄ mu əɓa.

Najə̄ kə́ Majə yā Jeju ń Luk ndang ní 12:27

Á̰a̰ī ndə́ja gə̄, nin̄-əndan̄ kəlā kūbə̄ aĺ ō, əjōn̄ kūbə̄ aĺ ō, ba ādə̄ m-ə́dásí, kūbə̄ ko̰ō̰ mban̄g Salomo̰ i kūbə̄ kə́ majə ngá̰ý gə̄ ɓá tā, ba majə kūbə̄ yān gə̄ ní əndā gō majə hútə̄ ndə́já kógə̄ḿ tə́ alé.

PĀ KƏ́ MAJƏ 4:5

Mbaaí kə́ jōó gə̄ ton̄ tītə̄ ngán bə̄yā̰ gə̄ jōó, ton̄ tītə̄ ndəngā gə̄ yā kó̰o̰ kāl̄ kə́ ra a əsan̄ yá̰a̰ dan hútə̄ ndə́ja gə̄ tə́.

PĀ KƏ́ MAJƏ 2:16

Kó tár yāḿ i tām̄ yāḿ tə́ ō, mā i tām̄ yān tə́ ō. Ni-aw̄ kə yá̰a̰ kul̄ yān gēé adə̄ ra a əsan̄ yá̰a̰ dan hútə̄ ndə́ja gə̄ tə́.

Gōsə̄ najə̄ gə̄ 19:12

Wōn̄g yā mban̄g i yá̰á̰ kə́ to ɓōĺ ngá̰ý tītə̄ nōō ɓɔl beé, banī kem majə yān rāā majə kə deé tītə̄ tal kə́ əhɔ dɔ mu tə́ beé.

PĀ GƏ̄ 80:9

Kāgə̄ nduú ń ɔ̄rən Ejiptə tə́ ní, ḭ̄ ī-tə̄ɓā nápar de gə̄ kɔ̄ɔ́ ba ī-téĺ ə́hɔn rang.

PĀ GƏ̄ 92:12

Ngé gə̄ ń a umə̄mə̄n̄ ní, m-á̰á̰də́ kə kumḿ ō, ngé kem ndul gə̄ ń ənīmə̄n̄ rɔ̄ ní, m-ōō kōōdə́ kə mbīḿ ō.

PĀ GƏ̄ 133:3

To i tītə̄ tal kə́ dɔ mbal̄ Hermon tə́, kə́ əhɔ dɔ mbal̄ Siyo̰ tə́. Kɔ́ɔ̄ɓē gḛy rāā majə kə deé ō, kadə̄ deē ndi kə kumneé ngándáńg ō, i loo ń noō tə́.

IJAI 45:8

Dɔ rā̰, ə́yá̰ yá̰a̰ rāā yāí kə́ gōtə́ ādə̄ tə́sō tītə̄ tal beé. Ādə̄ kil̄ man̄ gə̄ rāān̄ adə̄ yá̰a̰ rāā yāí kə́ gōtə́ edə kə́ man̄ tə́! Ādə̄ dɔ nang teē tan adə̄ kajə hútə̄ ō, ādə̄ yá̰á̰ kə́ gōtə́ əɓa ō! Mā Kɔ́ɔ̄ɓē, m̄-rāā yá̰a̰ gə̄ ń noō malang.

PĀ GƏ̄ 92:13

Banī de kə́ súmūú tɔgə tītə̄ kāgə̄ túmbur beé. Ta jīn tɔ̄ɔ̄ tītə̄ kāgə̄ sédər kə́ Liban beé.

IJAI 12:1

Gír de gə̄ kə́ ɔrə̄n̄də́ ɓəloó, ndɔ̄ ngeé ń noō tə́ ní ā ə́da na: Kɔ́ɔ̄ɓē, m̄-rāāī kə́ra. Kété ní wōn̄g rāāī seḿ, banī wōn̄g yāí ní tetə kɔ̄ɔ́ ō, ḭ̄ ī-rāā ādə̄ kemḿ tetə kə̄ nang tə́ ō.

IJAI 57:18

Hálən ń rāā ní, m-á̰a̰ā̰ majə ngá̰ý, banī m-ā m̄-rāān kadə̄ a ngáā. M-ā m-ɔ́jən ta róbə, m-ā m-ə́la go̰ kemən tə́. ngé gə̄ ń yo i dɔdə́ tə́ adə̄ nin̄ əhɔn̄ ndoō ní,

IJAI 57:19

m-ā m-ə̄ndā pā tɔ̄ȳ tadə́ tə́. Kɔ́ɔ̄ɓē əda na: Deē ń ndi sa̰y ní, kem sɔl̄ lɔm i tām̄ yān tə́ ō, deē ń ndi ngɔr ní, kem sɔl̄ lɔm i tām̄ yān tə́ ō! A̰á̰ā̰, m-ā m̄-rāā gír deē yāḿ gə̄ kadə̄ rɔ̄də́ ngáā.

JEREMI 3:22

Ngáń kə́ ngé túy taā kem gə̄ ī-tél ī-reēī, m̄-ndigə rāā kadə̄ gír túy taā kem yāsí gān̄g kɔ̄ɔ́. Jḭḭ n toó! Jḭḭ i tām̄ yāí tə́. Rɔ̄kum i ḭ̄ n i Kɔ́ɔ̄ɓē Nə́ɓā yājí ní.

JEREMI 32:41

Rɔ̄ḿ a nelə̄m̄ tām̄ majə kə́ m̄-rāā sedə́ tə́. Rɔ̄kum, m-ā m-ə̄ndādə́ kə́ rɔ̄ rɔ́ gə̄ tə́ kem ɓē ń toō tə́ kadə̄ tə́lan̄ ngəradə́ ngan̄g. M-a m̄-rāā yá̰á̰ ń noō i kə ngarā̰ kemḿ malang ō, i kə rɔ̄ḿ kə taá ō.

OJEE 6:3

Loo ń noō tə́ ní, ādə̄ j-a̰a̰ī jə-gerī kadə̄ Kɔ́ɔ̄ɓē i Nə́ɓā. Ādə̄ jə-sāāī loo gerə̄n kə́ rɔ̄kum tə́. Ni a reē rɔ̄kum tītə̄ ń loo a tīiń rɔ̄kum ní. Ni a reē kə̄ rɔ̄jí tə́ i tītə̄ man̄ kə́ a edə beé, i tītə̄ man̄ ta ɓāl̄ kə́ edə adə̄ dɔ nang sɔl̄ lum beé.

MISE 7:18

Nə́ɓā kə́ to tītīí ndi noó a? Ḭ̄ ɔ̄r̄ yá̰a̰ rāā kə́ gōtə́ aĺ gə̄ kɔ̄ɔ́ ō, ī-mā̰ȳ rɔ̄í dɔ mān̄ dɔ ndū najə̄ gə̄ yā gír deē yāí gə̄ ń na̰yn̄ kə kumdə́ ní tə́ ō. Wōn̄g yāí to gotoó ngándáńg alé, banī nelī kadə̄ ɔ́jə́jí kem majə yāí.