OJEE 14:3 - Bibəl ta Sar̄

³ Ī-tél ī-reēī rɔ̄ Kɔ́ɔ̄ɓē tə́ kə najə̄ gə̄ ń toō: Ī-mā̰ȳ rɔ̄í dɔ yá̰a̰ rāājí kə́ gōtə́ aĺ gə̄ tə́ ō, ī-taā yá̰á̰ kə́ majə ń jə-ndējī ní ō. J-a jə-ndējī najə̄ kə́ tají tə́ kum gotə man̄g kə́ bəra kə́ tun̄ gə̄.

Bible sar

³ Ī-tél ī-reēī rɔ̄ Kɔ́ɔ̄ɓē tə́ kə najə̄ gə̄ ń toō: Ī-mā̰ȳ rɔ̄í dɔ yá̰a̰ rāājí kə́ gōtə́ aĺ gə̄ tə́ ō, ī-taā yá̰á̰ kə́ majə ń jə-ndējī ní ō. J-a jə-ndējī najə̄ kə́ tají tə́ kum gotə man̄g kə́ bəra kə́ tun̄ gə̄.

OJEE 14:3 Referans Kwoze

PĀ GƏ̄ 68:5

Ə̄nīī pā ɔ́siīneé gɔn Nə́ɓā, ī-tɔ̄yī rīn, ī-tɔ̄yī nge kal̄ kil̄ man̄ gə̄ sə́ndá tə́, rīn na i Kɔ́ɔ̄ɓē, ī-tḭ́ḭ̄ī bal walya ta kumən tə́.

PĀ GƏ̄ 10:14

Tá yá̰á̰ kə́ gōtə́ aĺ ngá̰ý ń ni-rāā kə nge ndoó ō, ka̰a̰ tápə̄ yā nge ndoō ō ní, ḭ̄ á̰a̰ā̰ ō, īkɔ́ ə̄ndā rɔ̄í ta yá̰a̰ gə̄ ń reēn̄ dɔn tə́ ní malang. Nge tɔ́gə gətóo əya̰ rɔ̄n i kem jīí ḭ̄ tə́. Ḭ̄ i nge rāā kə ngōn̄ halaá.

OJEE 14:8

De gə̄ kə́ Israel tə́ a télən̄ yā reē ndi ndílə́ḿ tə́. Nin̄ a ndɔrə̄n̄ gémē gogə́ ō, a hútə̄n̄ tītə̄ kāgə̄ nduú beē ō, rīdə́ a ɓār̄ ngá̰ý tītə̄ yā kasə nduú kə́ Liban tə́ beē ō.

OJEE 5:13

Epəraim ger̄ kadə̄ ni i mo̰y ō, Juda ger̄ kadə̄ ni-ənge do ō. Loo ń noō tə́ Epəraim tūr̄ rɔ̄n kə̄ rɔ̄ Asiri tə́, ni-əla de gə̄ rɔ̄ mban̄g kə́ bo kə́ ɓē ngeé ń noō tə́. Banī mban̄g ní asə rāā kadə̄ rɔ̄sí ngáā aĺ ō, asə rāā kadə̄ do yāsí edə̄ aĺ ō.

OJEE 2:17

Loo ń noō tə́ m-ā m̄-tél kə ndɔr̄ ngán kāgə̄ nduú yān gə̄ yā kadə̄n gogə́ ō, wól loo kə́ Akor ń i wól loo yā yá̰á̰ kə́ to kum tō ndoō ní, m-ā m̄-rāā kadə̄ a tél ta róbə kəndā kem dɔ yá̰á̰ tə́ ō. Loo ń noō tə́ ni a un gōḿ tītə̄ ń unəń gōḿ kə gōn̄ dūúneé ní, tītə̄ ń unəń gōḿ dan ń ni teēń kɔ̄ɔ́ kem ɓē kə́ Ejiptə tə́ ní.

IJAI 31:1

Ngé kaw̄ dɔ nang kə́ Ejiptə tə́ sāā de kə́ ngé rāā sedə́ gə̄ tə́ ní, i yá̰á̰ kə́ to kum kaȳ aĺ kə́ ba̰ý beē n i tām̄ yādə́ tə́ ní! Nin̄ əndān̄ tɔ́gə́də́ i dɔ sə́nda gə̄ tə́, nin̄ əndān̄ kemdə́ i dɔ púsə rɔ̄ɔ̄ gə̄ tə́, tām̄ púsə rɔ̄ɔ̄ gə̄ i ngá̰ý ō, əndān̄ kemdə́ i dɔ ngé kal̄ sə́nda gə̄ tə́, tām̄ nin̄ ngangə̄n̄ ngá̰ý ō. Banī nin̄ a̰a̰n̄ loo kum kə̄ rɔ̄ Nə́ɓā kə́ táĺ yā Israel tə́ alé. Nin̄ sāān̄ Kɔ́ɔ̄ɓē alé.

IJAI 30:16

Sḭḭ̄ ə́daī na: I beé alé, j-a j-un sə́nda yā ka̰ȳń. I beé ɓá ní, a̰á̰ā̰, sḭḭ̄ ā ā̰yī naā. Sḭḭ̄ ə́daī to̰ na: Sə́nda yājí gə̄ a ngɔ̄də̄n̄ ngá̰ý. I beé ní, ngé ngɔ̄də̄sí gə̄ a a̰ȳn̄ ngɔ̄də̄ ngá̰ý ō.

PĀ GƏ̄ 33:17

Sə́nda i yá̰á̰ gól̄ rɔ̄ karī, deē a tetəń rɔ̄ɔ̄ alé, tɔ́gən kə́ ngá̰ý a teē kə deé ta yo tə́ alé.

JA̰A̰ 14:18

M-ā m-ə́yá̰sí hal alé, m-ā m̄-tél yā reē rɔ̄sí tə́.

OJEE 12:1

Kɔ́ɔ̄ɓē əda na: Gír deē yā Epəraim gə̄ sorə̄n̄ gīr̄nəń gidəḿ. A̰á̰ā̰, Israel gə̄ ɓír̄mə̄n̄ kə gól̄ looó. Deē yā Juda gə̄ i seḿ ɓáý, banī nin̄ na̰yn̄ kə̄ loo kəhɔ gō nə́ɓā kə́ rang gə̄ tə́.

OJEE 8:9

Epəraim aw̄ dɔ nang kə̄ Asiri tə́, ni to i tītə̄ kərō kə́ bembeé kə́ a rāā yá̰a̰ i kə kérneé beē. Tá ni-adə̄ yá̰á̰ gíŕ ngé sāān gə̄ tə́ yā kəngeńdə́.

OJEE 8:6

Ngōn̄ man̄g yāsí ḭḭ i Israel, i kɔdə̄ kógə̄ḿ n rāān. Ngōn̄ man̄g ní i Nə́ɓā alé! A̰á̰ā̰, ngōn̄ man̄g kə́ Samari a əsō yā tétə̄ rárák kɔ̄ɔ́.

OJEE 7:11

Epəraim to i tītə̄ déŕ kə́ mbóo beé. Ni gír̄ yá̰a̰ alé. Ni ɓāŕ Ejiptə ba gō tə́ anī, ni aw̄ dɔ nang kə́ Asiri tə́.

EJEKIEL 37:23

Ā ī-yḛriī rɔ̄sí kə rɔȳ nə́ɓā yāsí kə́ rɔ̄kum aĺ gə̄ to̰ aĺ ō, kə rāā yá̰á̰ kə́ majaĺ ngá̰ý gə̄ to̰ aĺ ō, kə rāā yá̰á̰ kə́ gōtə́ aĺ kə́ tayā tayā gə̄ malang to̰ aĺ ō. Yá̰a̰ gə̄ kə́ ɔjən̄ kadə̄ ī-raī dɔ ndūsí tə́ aĺ gə̄ malang ń ī-rāāī seḿ ní, m-ā m-ɔ̄r̄sí kum tə́ kɔ̄ɔ́. M-ā m̄-rāāsí kadə̄ ā ūnjī njáý njáý. Loo ń noō tə́ sḭḭ̄ i gír deē yāḿ gə̄ ō, mā i Nə́ɓā yāsí ō.

EJEKIEL 36:25

M-ā m̄-ɓōkə́ man̄ kə́ unjə̄ njáý njáý dɔsí tə́, adə̄ sḭḭ̄ ā ūnjī njáý njáý. M-ā m̄-tə́gó yá̰á̰ kə́ yḛr gə̄ ń sḭḭ̄ ī-rāāī tām̄ yā nə́ɓā kə́ rɔ̄kum aĺ gə̄ tə́ ní kɔ̄ɔ́ rɔ̄sí tə́ kadə̄ ā ūnjī njáý njáý. M-ā m-ādə̄sí ngarā̰ kem kə́ kijə. M-ā m-ə̄ndā ndíĺ kə́ kijə kemsí tə́. M-ā m-ɔ̄r̄ kemsí kə́ ngan̄g tītə̄ mbal̄ kɔ̄ɔ́, ba m-ā m-ādə̄sí kem kə́ to dā̰

IJAI 36:8

Beé ɓáa ī-tɔ́sī gātə̄ naā kə kɔ́ɔ̄ḿ mban̄g kə́ Asiri: Ré ḭ̄ Ejekias ásə kənge ngé kal̄ sə́nda gə̄ dūbú jōó anī, m-ā m-ādī sə́nda dūbú jōó kadə̄ alə̄n̄.

IJAI 31:3

De kə́ Ejiptə tə́ gə̄ i deē ndul gə̄, nin̄ i nə́ɓā gə̄ alé. Sə́nda yādə́ gə̄ i dā̰ gə̄, nin̄ i yá̰á̰ kógə̄ḿ alé. Dan ń Kɔ́ɔ̄ɓē sə́ra jīn anī, nge rāā kə deé əsō ō, nge dəje kadə̄ rāān̄ seneé teē əsō kərim ō, nin̄ jōó mbak oyn̄.

IJAI 30:2

Sḭḭ̄ ə̄sōī róbó ta kaw̄ kə̄ Ejiptə, banī ī-dəjeī gír̄ yāḿ mā kə́ dɔ tə́ alé. Ī-sāāī kadə̄ mban̄g kə́ Ejiptə ngɔ̄m̄sí ō, ī-sāāī ɓɔ̄ɔ̄ rɔ̄sí ndíl ɓē yān tə́ ō!

IJAI 27:9

Loo kun ń a unən̄ yá̰a̰ rāā kə́ gōtə́ aĺ yā Jakob kɔ̄ɔ́ ní n toó, mā̰ȳ rɔ̄ kə́ dɔ yá̰a̰ rāān kə́ gōtə́ aĺ tə́ a ojə i yá̰á̰ ń toō: A tɔ̄ɔ̄n̄ mbal̄ gə̄ malang kə́ dɔ loo tun̄ yá̰a̰ gə̄ tə́ kɔ̄ɔ́, tītə̄ kə́ i yā rāā ndujə̄ tə́ beē. Kāgə̄ ɓesə̄ gə̄ kə́ yā ɓōĺ gidə gə̄ ō, loo róō ndujə̄ yá̰á̰ kə́ kotə majə gə̄ ō ní, a ran̄ dɔɔ́ to̰ alé.

IJAI 2:20

Ndɔ̄ ngeé ń noō tə́ ní, yá̰a̰ gə̄ ń de gə̄ rāān̄də́ yā kɔsə kejədə́ nang tə́ nodə́ tə́, adə̄ i nə́ɓā yādə́ kə́ rɔ̄kum aĺ gə̄ kə́ rāā kə gində̄ arjā̰a̰ ō, lɔ́r ō ní, kɔ́ɔ̄ gə̄ a tə́nīn̄də́ yā kadə̄ yégə̄ gə̄ ō, birbir gə̄ ō.

IJAI 1:29

Loo ń noō tə́ rɔ̄sí a sɔl̄sí najə̄ yā kāgə̄ kə́ yā ɓōĺ gidə gə̄ ń kété nel̄sí ngá̰ý ní tə́. Ndɔr̄ gə̄ ń ī-gə̄rāīdə́ yā rāā kəla kemeé kadə̄ nə́ɓā kə́ rɔ̄kum aĺ gə̄ ní a əlan̄ rɔ̄sɔl̄ dɔsí tə́.

PĀ GƏ̄ 146:9

Kɔ́ɔ̄ɓē ngɔ̄m̄ ngé nam̄ ɓē gə̄. Ni i nge rāā kə ngōn̄ halaá ō, kə dəyá̰ kə́ ngaa koyoó ō. Banī yá̰á̰ ń ngé kem ndul gə̄ nómə̄n̄ rāā ní, ni nujəń kɔ̄ɔ́.

PĀ GƏ̄ 146:3

Ī-lōōī kəndā kemsí dɔ ngār gə̄ tə́, nin̄ i deē ndul gə̄, asən̄ kajə deē alé.

2 YÁ̰A̰ GƏ̄ 16:7

Dan ngé ń noō tə́ ní Hanani nge ka̰a̰ yá̰a̰ reē ənge Asa mban̄g kə́ Juda ba ədan na: Dan ń ə̄ndā tɔ́gí i dɔ mban̄g kə́ Aram tə́ ba i dɔ Kɔ́ɔ̄ɓē Nə́ɓā yāí tə́ aĺ ɓá ní, ādə̄ i ngé rɔ̄ɔ̄ gə̄ yā mban̄g kə́ Aram ta róbə teē kɔ̄ɔ́ gíŕ tɔ́gə yāí tə́.

NDŪ NAJƏ̄ 17:16

Mban̄g yāí a aw̄ kə sə́nda gə̄ ngá̰ý aĺ ō, a əla de gə̄ ngá̰ý mangaá dɔ nang kə́ Ejiptə tə́ aĺ ō. Tām̄ Kɔ́ɔ̄ɓē ədasí na: Ī-lōōī tél kun róbə́ gír njasí.

JAKARI 13:2

Kɔ́ɔ̄ɓē kə́ bo kə́ tɔ́gən i ngá̰ý, əda wáńg na: Kum mbang ngeé ń noō tə́ ní, ɓesə̄ gə̄ kə́ kem ɓēé ní, m-ā m̄-ró̰ȳdə́ kɔ̄ɔ́ ō, deē a əda rīdə́ to̰ aĺ ō. M-ā m̄-tə̄ɓā ngé koō ta kə́ rɔ̄kum aĺ gə̄ kɔ̄ɔ́ kem ɓēé ō, m-ā m-ɔ̄r̄ ngur rɔȳ nə́ɓā kə́ rɔ̄kum aĺ gə̄ kɔ̄ɔ́ kemsí tə́ ō.

JEREMI 49:11

Ī-sōlī najə̄ ngán hal yāsí gə̄ tə́ alé, na m-ā m-ə̄tōdə́ ō, dəyá̰ kə́ ngaa koy yāsí gə̄ a asən̄ kəndā kemdə́ dɔḿ tə́ ō ní, a gətóo.

OJEE 4:12

Nin̄ aw̄n̄ sāā tə́ rɔ̄ kāgə̄ kə́ tɔ́sə̄ tə́ ō, i gūrū kāgə̄ n i nge daldə́ najə̄ ō. Néĺ ájə́ba kógə̄ḿ əla dɔdə́ tə́ ba rāādə́ adə̄ əya̰n̄ róbə́ kə́ majə kɔ̄ɔ́. Loo ń noō tə́ nin̄ rāān̄ ájə́ba kə ta kūl̄ kəya̰m̄ mā Nə́ɓā yādə́ kɔ̄ɔ́ ba kaw̄ sa̰y.

OJEE 13:2

Ba ɓōólaā Epəraim gə̄ na̰yn̄ kə̄ loo rāā yá̰á̰ kə́ majaĺ tə́ ɓáý: Nin̄ nōōn̄ gində̄ rāān̄ kum gotə yá̰a̰ gə̄ tə́. Nin̄ rāān̄ nə́ɓā kə́ rɔ̄kum aĺ gə̄ kə gində̄ arjā̰a̰ yādə́ ō, kə jīī ger̄ yá̰a̰ yādə́ ō. I kɔdə̄ gə̄ n rāān̄ yá̰a̰ gə̄ ní, banī nin̄ ədan̄ na: Ī-ndējīdə́ yá̰á̰ kə́ tun̄ gə̄! Deē ndul gə̄ əhɔn̄ ngán man̄g gə̄ ɓirə̄n̄də́ dagə kə̄ rɔ̄də́ tə́ wa!

JONAS 2:10

Banī mā m-ā m-ə̄nī pā yā ɓōkíīneé tɔ̄ȳ. M-ā m̄-ndējī yá̰á̰ kə́ tun̄ gə̄. M-ā m̄-rāā yá̰a̰ gə̄ ń m-ə̄nī ndūḿ m-ādī najə̄n tə́ ní. A̰á̰ā̰, Kɔ́ɔ̄ɓē, i ḭ̄ n i nge kajə deē ní!