OJEE 14:1 - Bibəl ta Sar̄

¹ De kə́ Samari gə̄ a əgān̄ kə̄rā yá̰a̰ rāādə́ kə́ gōtə́ aĺ gə̄, tɔdɔ̄ nin̄ mbātə́n̄ najə̄ gō Nə́ɓā yādə́ tə́. Nin̄ a oyn̄ ta rɔ̄ɔ̄ tə́ ō, a rējə̄n̄ ngáń kásə̄ yādə́ gə̄ ō, a njarən̄ kem dəyá̰ yādə́ gə̄ kə́ ndānə̄n̄ ngán gə̄ ō.

Bible sar

¹ De kə́ Samari gə̄ a əgān̄ kə̄rā yá̰a̰ rāādə́ kə́ gōtə́ aĺ gə̄, tɔdɔ̄ nin̄ mbātə́n̄ najə̄ gō Nə́ɓā yādə́ tə́. Nin̄ a oyn̄ ta rɔ̄ɔ̄ tə́ ō, a rējə̄n̄ ngáń kásə̄ yādə́ gə̄ ō, a njarən̄ kem dəyá̰ yādə́ gə̄ kə́ ndānə̄n̄ ngán gə̄ ō.

OJEE 14:1 Referans Kwoze

OJEE 6:1

Tā anī, sḭḭ̄ ə́daī na: Ādə̄ jə-tél jə-reēī gogə́ rɔ̄ Kɔ́ɔ̄ɓē tə́. I ni n adə̄jí do ní, ni a rāā do yājí kadə̄ a edə̄.

OJEE 12:6

I loo ń noō tə́ n Nə́ɓā nge rāā dɔ rā̰ ō dɔ nang ō, ni ń rīn na i Kɔ́ɔ̄ɓē ní, ədań najə̄ ń toō ní:

JEREMI 4:1

Israel, ré ī-tél ī-reē anī, majə kadə̄ ī-reē i rɔ̄ḿ mā tə́.

OJEE 13:9

Ngɔlaā ní, Israel, ḭ̄ i kə́ nujiīn̄ sák sák kɔ̄ɔ́! Kété ní mə̄kɔ́ kə kérə́ḿ m-ásə dḭḭ̄.

NŌŌ RƆ̄ 5:16

Jākā mbang kə́ dɔjí tə́ teē əsō kɔ̄ɔ́. Yá̰á̰ kə́ to kum kaȳ aĺ əsō dɔjí tə́, tɔdɔ̄ jə-rāā majaĺ.

OJEE 5:5

Kɔjə rɔ̄ yā Israel əda najə̄ dɔn tə́. Israel nin̄ kə Epəraim əsōn̄ i najə̄ yá̰a̰ rāādə́ kə́ gōtə́ aĺ tə́. Juda əsō naā tə́ sedə́ tītə̄ yādə́ ō.

JEREMI 2:19

Ādə̄ yá̰á̰ kə́ gōtə́ aĺ yāí tél əndaī, ādə̄ túy taā kem yāí gɔŕyɔ̄ī. Ī-ndi kem wur kɔl tə́ ō, kem wur katə̄ tə́ ō, mbóńg ta tɔ̄l̄ ta tə́, sɔɔ̄ ń dɔ mbātə́ kə́ ī-mbātə́ Kɔ́ɔ̄ɓē Nə́ɓā yāí. Rɔ̄kum, ī-ndew to̰ aĺ bátə́ gə̄gē ta kumḿ tə́. Najə̄ ń Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý əda ní n noó.

IJAI 19:22

Kɔ́ɔ̄ɓē a ənda de kə́ Ejiptə tə́ gə̄. Ni a əndadə́ ba a rāādə́ kadə̄ rɔ̄də́ a ngáā. Nin̄ a télən̄ kə̄ rɔ̄ Kɔ́ɔ̄ɓē tə́ ō, Kɔ́ɔ̄ɓē a oōdə́ najə̄ yá̰á̰ ń nin̄ dəjenən̄ tə́ ní ō, ni a rāādə́ kadə̄ rɔ̄də́ a ngáā ō.

EJEKIEL 33:11

I beé ní, tītə̄ ń m̄-ndiń kə kumḿ rɔ̄kum nōō, najə̄ ń mā Kɔ́ɔ̄ɓē Nə́ɓā m-ə́dásí ní n toó: Koy de kə́ majaĺ gə̄ adə̄m̄ mā rɔ̄nel̄ alé. Yá̰á̰ ń mā m̄-ndigə ní, i kadə̄ nin̄ tūrə̄n̄ jī bēl̄ loo rāā yá̰a̰ yādə́ ba ndin̄ kə kumdə́. Ɓɔ́, ə́ya̰ī jī bēl̄ loo rāā yá̰a̰ yāsí kə́ majaĺ gə̄ kɔ̄ɔ́. Israel gə̄, kadə̄ óyiī i tām̄ rí tə́?

EJEKIEL 33:14

Ba ré m̄-tāā de kə́ majaĺ m-ə́dan na ni a oy rɔ̄kum, ba ni əya̰ róbə yān kə́ majaĺ kɔ̄ɔ́ ō, udə kə̄ rɔ̄ ɓōĺ gidə ndū najə̄ tə́ ō, kə̄ rɔ̄ rāā yá̰á̰ kə́ gōtə́ tə́ ō anī, deē ní a oy alé.

OJEE 4:8

Nin̄ əsan̄ dā̰ yá̰á̰ kə́ tun̄ gə̄ ń gír deē yāḿ gə̄ ndējə̄n̄ dan ń nin̄ mānə̄n̄ dɔ ndūḿ ní. Yá̰á̰ ń nin̄ gḛyn̄ ní i kógə̄ḿ beē ngóy: I kadə̄ gír deē yāḿ gə̄ rāān̄ yá̰á̰ kə́ gōtə́ aĺ.

OJEE 9:7

Kum mbang ń Kɔ́ɔ̄ɓē a rɔ̄ɔ̄ńsí ní n toó. A̰á̰ā̰, i kum mbang kə́ yā kadə̄ deē ɔjəń gíŕ yá̰a̰ rāān gə̄, majə kadə̄ Israel ger̄ nge ń noō. Sḭḭ̄ ə́daī na nge koō ta ń toō dɔn na ndi gōtə́ alé, ə́daī na nge kəda yá̰á̰ kə́ reē dɔn tə́ toō na a ɔr̄ i najə̄ kə̄ noó. I beé ɓá ní, ré dɔḿ ndi gōtə́ aĺ anī, i najə̄ yá̰a̰ rāāsí kə́ majaĺ ngá̰ý gə̄ kə́ i ngá̰ý tə́, i najə̄ kənī kə́ ə̄nīmī rɔ̄ɔ̄ kə ngangá ngá̰ý tə́.

OJEE 10:12

Ré yá̰á̰ ń ī-dubī ní i yá̰á̰ kə́ gōtə́ anī, yá̰á̰ ń ā ə́jaī ní, i kem majə. Ī-tə́gāī loo ndɔr̄ kə́ kijə tām̄ yāsí tə́. I kum mbang sāāḿ mā Kɔ́ɔ̄ɓē n toó, tá yā ngóoń kadə̄ m̄-reē m̄-rāā man̄ yá̰á̰ kə́ gōtə́ kadə̄ edə dɔsí tə́.

OJEE 12:8

Kɔ́ɔ̄ɓē əda na: Epəraim, ḭ̄ āw̄ kə yá̰a̰ mbɔ̄jə́ kɔȳ yá̰á̰ kə́ gōtə́ aĺ jīí tə́. Nelī gól̄ de gə̄ ngá̰ý.

2 MBAN̄G 8:12

Hajael dəjen na: Kɔ́ɔ̄ḿ, ā ī-nōō i rí? Elije tél ədan na: m̄-nōō i tɔdɔ̄ m̄-ger̄ yá̰á̰ kə́ majaĺ ń ā ī-rāā yā rāā kə ngán Israel gēé ní: Ā ī-tə́la hor dɔ ɓē kə́ ngan̄g yādə́ gə̄ tə́ ō, ā ī-tɔ̄l̄ balsáa yādə́ gə̄ kə kaskaraá ō, ā ī-rējə̄ ngáńdə́ kə́ dūú gə̄ ō, ā ī-njár̄ kem dəyá̰ yādə́ kə́ ndān̄ ngán gə̄ ō.

EJEKIEL 16:46

Rī ngōkó̰ó̰í kə́ dəyá̰ kə́ nga tɔ́gə na i Samari. Ni-ndi i dām̄ mbɔ́r ɓē kə́ ko̰ó̰ naā tə́ kə ngán ɓē kə́ dūú gēé kadən tə́. Ngōkó̰ó̰í kə́ dəyá̰ ń teē gidií tə́ ní rīn na i Sodom. Ni-ndi i dām̄ mbɔ́r ɓē kə́ geleé tə́, naā tə́ kə ngán ɓē kə́ dūú gēé kadən tə́.

OJEE 9:13

Tītə̄ ń m-á̰a̰ń ní, Epəraim rāā ngánən gə̄ i dā̰ gə̄ ń deē a tɔ̄l̄də́ bembeé loo ndo̰o̰ tə́ ní tə́. Ni əya̰də́ adə̄ a tínə̄n̄ ta nge ndo̰o̰.

AMOS 1:13

Najə̄ ń Kɔ́ɔ̄ɓē əda ní n toó: Yá̰á̰ kə́ majaĺ ngá̰ý gə̄ kə́ kadə̄ m̄-gɔŕyɔ̄ Amon gə̄ dɔ tə́ i ngá̰ý. Ni kə́ majaĺ ngá̰ý tɔȳ madə̄ gə̄ i nge ń toō: Nin̄ gḛyn̄ teē kem ɓē yādə́ kə̄ gogə́, adə̄ njárə̄n̄ kem dəyá̰ kə́ ndān̄ ngán gə̄ kə́ dɔ nang kə́ Galaad tə́. I tām̄ najə̄ ń noō tə́ n yá̰á̰ ń m̄-gḛy rāā ní, m-ā m̄-tūr̄ ndūḿ loon tə́ aĺ ní.