OJEE 13:2 - Bibəl ta Sar̄

² Ba ɓōólaā Epəraim gə̄ na̰yn̄ kə̄ loo rāā yá̰á̰ kə́ majaĺ tə́ ɓáý: Nin̄ nōōn̄ gində̄ rāān̄ kum gotə yá̰a̰ gə̄ tə́. Nin̄ rāān̄ nə́ɓā kə́ rɔ̄kum aĺ gə̄ kə gində̄ arjā̰a̰ yādə́ ō, kə jīī ger̄ yá̰a̰ yādə́ ō. I kɔdə̄ gə̄ n rāān̄ yá̰a̰ gə̄ ní, banī nin̄ ədan̄ na: Ī-ndējīdə́ yá̰á̰ kə́ tun̄ gə̄! Deē ndul gə̄ əhɔn̄ ngán man̄g gə̄ ɓirə̄n̄də́ dagə kə̄ rɔ̄də́ tə́ wa!

Bible sar

² Ba ɓōólaā Epəraim gə̄ na̰yn̄ kə̄ loo rāā yá̰á̰ kə́ majaĺ tə́ ɓáý: Nin̄ nōōn̄ gində̄ rāān̄ kum gotə yá̰a̰ gə̄ tə́. Nin̄ rāān̄ nə́ɓā kə́ rɔ̄kum aĺ gə̄ kə gində̄ arjā̰a̰ yādə́ ō, kə jīī ger̄ yá̰a̰ yādə́ ō. I kɔdə̄ gə̄ n rāān̄ yá̰a̰ gə̄ ní, banī nin̄ ədan̄ na: Ī-ndējīdə́ yá̰á̰ kə́ tun̄ gə̄! Deē ndul gə̄ əhɔn̄ ngán man̄g gə̄ ɓirə̄n̄də́ dagə kə̄ rɔ̄də́ tə́ wa!

OJEE 13:2 Referans Kwoze

OJEE 2:8

I tām̄ najə̄ ń noō tə́ n mā Kɔ́ɔ̄ɓē m-ā m̄-də̄sə́ yá̰á̰ róbən tə́ ní, m-ā m-dēsə́ túpə kōn̄ gə̄ róbən tə́. M-ā m-ə̄ndā ndogə̄ mbal̄ yā gīrəń gidən ō, ni a ənge ta róbə yān to̰ aĺ ō.

IJAI 46:6

Ngé kə́rēý gə̄ teēn̄ kə lɔ́ŕ kə́ ngá̰ý kem ngong yādə́ tə́. Nin̄ mbɔ̄jə́n̄ kɔȳ gində̄ arjā̰a̰ kə yá̰a̰ mbɔ̄jə́ kɔȳ yá̰á̰. Nin̄ dəjen̄ kɔdə̄ nge nōō yá̰a̰ kadə̄ rāā nə́ɓā kógə̄ḿ kə adə̄də́. Gō tə́ anī, nin̄ ɔsən̄ nodə́ nang tə́ no nə́ɓā ní tə́ ō, rɔȳnən̄ ō.

1 MBAN̄G GƏ̄ 19:18

Banī m-ā m-ə́ya̰ de gə̄ dūbú sīrí dan ngán Israel gə̄ tə́ kadə̄ ndin̄ kə kumdə́. I de gə̄ ń nin̄-tə́tēn̄ kejədə́ no Baal tə́ aĺ ō, njíbə̄nən̄ kə tadə́ aĺ ō ní.

JEREMI 10:4

Rāān̄ gidə kə gində̄ arjā̰a̰á̰ ō, kə lɔ́rɔ́ ō adə̄ ndə́lē, ba əndan̄ tū kāgə̄ tə́ kə máyá̰ ō kə mūú ō kadə̄ yéȳ kə̄ loo gə̄ tə́ alé.

Makətūbə̄ ń Pol ndang adə̄ Rom gə̄ ní 11:4

Ba najə̄ ń Nə́ɓā tél ədan ní ōōī a? Nə́ɓā ədan na: M-ɔ̄r̄ de gə̄ dūbú sīrí m-ə̄ndādə́ dɔ jīḿ. I ngé gə̄ ń tetən̄ kejədə́ nang tə́ no ɓesə̄ Baal tə́ aĺ ní.

2 TIMOTE 3:13

Banī de kə́ majaĺ gə̄ ō, ngé gól̄ loo gə̄ ō, a rāān̄ yá̰á̰ kə́ majaĺ i kum kə̄ kété kété ō, nin̄ a gólə̄n madə̄də́ gə̄ ō, a gólə̄n̄də́ nin̄ ō.

Makətūbə̄ ń Pol ndang adə̄ Rom gə̄ ní 2:5

Ba dɔ ngan̄g yāí ń noō ō, kem ngan̄g yāí ń ā ī-tūrəń hálí aĺ noō ō, a bə̄gān̄ wōn̄g dɔí tə́ ndɔ̄ wōn̄g ń Nə́ɓā nəkɔ́ a ɔjəń sarya yān kə́ gō tə́ kə̄ ndágá wáńg tə́ ní.

OJEE 11:6

I tām̄ najə̄ ń noō tə́ n rɔ̄ɔ̄ a əsō kə̄ kem ɓē yādə́ gə̄ tə́ ní, rɔ̄ɔ̄ ní nujə yá̰á̰ ń a ngɔ̄m̄də́ ní kɔ̄ɔ́, nujə yá̰a̰ malang kɔ̄ɔ́, tɔdɔ̄ Israel gə̄ númə̄n̄ rāā yá̰á̰ kə́ majaĺ gə̄.

OJEE 10:1

Kété ní Israel i kāgə̄ nduú kə́ an̄ ngá̰ý. Dan ń ni an̄ ngá̰ý anī, ni-rāā loo tun̄ yá̰a̰ gə̄ ngá̰ý ō. Dan ń ɓē yān ənge yá̰á̰ ngá̰ý anī, mbal̄ yān kə́ kudə nang tə́ kə́ yā ɓōĺ gidə gə̄ majən̄ ngá̰ý ō.

OJEE 8:6

Ngōn̄ man̄g yāsí ḭḭ i Israel, i kɔdə̄ kógə̄ḿ n rāān. Ngōn̄ man̄g ní i Nə́ɓā alé! A̰á̰ā̰, ngōn̄ man̄g kə́ Samari a əsō yā tétə̄ rárák kɔ̄ɔ́.

OJEE 8:4

Nin̄ əndān̄ mban̄g gə̄, banī i kanjə̄ koō yāḿ mā ō, gə̄rān̄ de kə́ bo gə̄, banī i kanjə̄ kədam̄ mā ō. Nin̄ ɔyn̄ gində̄ arjā̰a̰ yādə́ gə̄ ō, lɔ́r yādə́ gə̄ ō, nōn̄ horoó rāān̄ ɓesə̄ gə̄ tə́. Nge ń noō i ta róbə́ kə́ majə kə́ yā tḭ̄ḭń ta yá̰a̰ malang kɔ̄ɔ́!

IJAI 46:8

Ādə̄ əga kemsí dɔ nge ń noō tə́ ba ī-téĺ ə́hɔī rɔ̄sí tɔgə gogə́! Sḭḭ̄ de kə́ ngé ra dɔ ndūsí tə́ aĺ gə̄, ī-gírī dɔ tə́!

IJAI 45:20

Sḭḭ̄ ń ī-teēī ta yo tə́ á ī-ndiī dan nápar de gə̄ tə́ ní, ɔ́siī dɔsí naā tə́ ba ī-reēī! Ī-reēī kə̄ kété naā tə́ malang. Ngé kətō kāgə̄ yādə́ kə́ tɔ́sə̄ gə̄ ō, a ndɔ̄ȳn̄ nə́ɓā kə́ asə kajə deē aĺ ō ní, i de kə́ ger̄ yá̰a̰ aĺ gə̄.

IJAI 30:1

Najə̄ ń Kɔ́ɔ̄ɓē əda ní n toó: Yá̰á̰ kə́ to kum̄ kaȳ aĺ a teē dɔsí tə́, sḭḭ̄ ngáń kə́ ngé mbātə́ najə̄ gə̄! Sḭḭ̄ ī-númī yá̰á̰ kə́ yā rāā gə̄ kə́ i mā n m-ɔ́jə rāā alé. Sḭḭ̄ ə̄nī ndūsí ādī naā, ba kənī ndū yāsí ní mbātə́ nge ń mā m̄-ndigə ní. Sḭḭ̄ ī-rāāī yá̰á̰ kə́ gōtə́ aĺ ba ī-reē ə̄nī dɔ madə̄ kə́ gōtə́ aĺ tə́.

IJAI 1:5

I loosí kə́ rá n i yā kənda ní? Dɔsí i do malang. Kújə́ mósə́sí kə taá i kə́ mo̰y rāān.

PĀ GƏ̄ 2:12

Ī-rɔyī ngōn̄, na sōgə́ wōn̄g rāān anī ā óyiī róbó. Yá̰á̰ kə́ sḛ́ý beē gə̄gē anī wōn̄g rāān kɔ̄ɔ́. De gə̄ malang ń ni i loo ɓɔ̄ɔ̄ rɔ̄ yādə́ ní rɔ̄də́ nel̄də́.

2 YÁ̰A̰ GƏ̄ 33:23

Ni ger̄ majaĺ yān ta kum Kɔ́ɔ̄ɓē tə́ ō, rāān ɓɔ́ ō, tītə̄ yā bɔbə̄n Manase alé, banī rāā yá̰á̰ kə́ majaĺ tɔȳ dɔ yā bɔbə̄n ɓáý.

2 YÁ̰A̰ GƏ̄ 28:13

ədan̄də́ na: De gə̄ ń ə́hɔīdə́ ɓəlo tə́ ní ī-lōōī reē sedə́ laā, tɔdɔ̄ ré ī-reēī sedə́ anī, jə-rāāī i yá̰á̰ kə́ gōtə́ aĺ kə Kɔ́ɔ̄ɓēé, adə̄ najə̄ a əsō dɔjí tə́. Yá̰á̰ kə́ gōtə́ aĺ ń jə-rāāī ní ɔȳjí ngá̰ý ō, wōn̄g rāā Kɔ́ɔ̄ɓē ngá̰ý kə Israel gēé ō anī ī-sāāī rāā yá̰á̰ kə́ majaĺ kə́ rang gə̄ ō, yá̰á̰ kə́ gōtə́ aĺ kə́ rang gə̄ ō, kə̄ dɔ tə́ ɓáý a?

1 SAMUEL 10:1

Samuel un yibə̄ ń ətō jīn tə́ kem kūú ní ur dɔ Saul tə́. Gō tə́ anī ɓirə̄n kə̄ rɔ̄n tə́ dagə ba ədan na: I Kɔ́ɔ̄ɓē nəkɔ́ n ur yibə̄ dɔí tə́ kadə̄ ḭ̄ i ngār yā deē yān gə̄ ní.

TƏ́DA 32:14

Ba sḭḭ̄ gír de kə́ ngé rāā majaĺ gə̄, ī-ndigiī kun gō bɔbə̄sí gə̄ yā rāā Kɔ́ɔ̄ɓē kadə̄ wōn̄g rāān kə ngán Israel gēé a?

JEREMI 10:8

I mbóo gə̄ malang ō, gerə̄n̄ najə̄ aĺ ō. Ɓesə̄ yādə́ gə̄ ń unən̄ gōdə́ ní, ndóōn̄də́ yá̰á̰ kə́ kanjə̄ kumən gə̄.

OJEE 4:17

Epəraim gə̄ əhɔn̄ gō Nə́ɓā kə́ rɔ̄kum aĺ gə̄ ní, ə́ya̰īdə́!

OJEE 8:5

I beé ní, sḭḭ̄ de kə́ Samari gə̄, ī-mbātíī ngōn̄ man̄g lɔ́r yāsí kɔ̄ɔ́! Ī-rāāmī adə̄ wōn̄g rāām̄. Sḭḭ̄ ásiī ndi kanjə̄ rāā yá̰á̰ kə́ gōtə́ aĺ alé. Nge ń noō a to i bátə́ ta kə́ rá?

OJEE 10:5

De kə́ Samari gə̄ ɓōlə́n̄ najə̄ yā ngōn̄ man̄g lɔ́ŕ kə́ Bet Aben tə́. Gír deē yān gə̄ ō, ngé tun̄ yá̰a̰ yān gə̄ ō, rāān̄ yon. Nin̄ asən̄ ndām̄ ndām̄ rɔ̄nel̄ majə, najə̄ yā majə kə́ ni majə ka̰ā̰ tə́. Majə yān ní gətóo kɔ̄ɔ́ ngɔlaā!

OJEE 14:3

Ī-tél ī-reēī rɔ̄ Kɔ́ɔ̄ɓē tə́ kə najə̄ gə̄ ń toō: Ī-mā̰ȳ rɔ̄í dɔ yá̰a̰ rāājí kə́ gōtə́ aĺ gə̄ tə́ ō, ī-taā yá̰á̰ kə́ majə ń jə-ndējī ní ō. J-a jə-ndējī najə̄ kə́ tají tə́ kum gotə man̄g kə́ bəra kə́ tun̄ gə̄.

IJAI 44:11

De gə̄ malang ń əhɔn̄ gō yá̰á̰ kə́ tɔ́sə̄ adə̄ ngan̄g ní, əlan̄ i rɔ̄sɔl̄ kə́ ngá̰ý dɔ rɔ̄də́ nin̄ kɔ́ gə̄ tə́. Kɔdə̄ ngé tɔ́sə̄ yá̰a̰ gə̄ nin̄ i deē ndul gə̄ ngóy. Ādə̄ nin̄ ɔsən̄ dɔdə́ naā tə́, ādə̄ nin̄ malang reē ran̄! Ɓōĺ a rāādə́ ō, rɔ̄də́ a sɔl̄də́ ngá̰ý ō.

JEREMI 8:5

Jerusalem, i tām̄ rí tə́ á gír de gə̄ ń toō tūrə̄n̄ gidədə́ kɔ̄ɔ́ taḿ tə́ ō, túyn̄ taā kem yādə́ kə̄ nodə́ tə́ kanjə̄ kadə̄ asədə́ ō ní? Nin̄ gólə̄n̄ rɔ̄də́ kə̄ nodə́ tə́ ba mbātə́n̄ tél dɔ njadə́ tə́.

OJEE 11:2

Ba gō tə́, dan ń m̄-ɓārə́n ngá̰ý anī, ni əya̰m̄ ba aw̄ sa̰y ngá̰ý ō. Gír deē yāḿ gə̄ ndējə̄n̄ ɓesə̄ Baal gə̄ yá̰á̰ kə́ tun̄ gə̄. Nin̄ róōn̄ ndujə̄ yá̰á̰ kə́ kotə majə gə̄ no nə́ɓā kə́ rɔ̄kum aĺ gə̄ tə́.