OJEE 13:14 - Bibəl ta Sar̄

¹⁴ Ba mā Kɔ́ɔ̄ɓē ní, i kadə̄ kə m-ɔ̄rən kɔ̄ɔ́ gíŕ tɔ́gə yā loo kə́ ɓádá tə́ a? I kadə̄ kə m-ájən kɔ̄ɔ́ ta yo tə́ a? Yo, yá̰a̰ rɔ̄ɔ̄ yāí i rá? Yo, tɔ́gí ń kadə̄ ī-tɔ̄ləń deē ní i rá? Kumḿ a o̰o̰m̄ tām̄ yā Epəraim tə́ alé.

Bible sar

¹⁴ Ba mā Kɔ́ɔ̄ɓē ní, i kadə̄ kə m-ɔ̄rən kɔ̄ɔ́ gíŕ tɔ́gə yā loo kə́ ɓádá tə́ a? I kadə̄ kə m-ájən kɔ̄ɔ́ ta yo tə́ a? Yo, yá̰a̰ rɔ̄ɔ̄ yāí i rá? Yo, tɔ́gí ń kadə̄ ī-tɔ̄ləń deē ní i rá? Kumḿ a o̰o̰m̄ tām̄ yā Epəraim tə́ alé.

OJEE 13:14 Referans Kwoze

IJAI 25:8

Ni a nujə yo kɔ̄ɔ́ i kə́ njɔ́ḿ gə̄ tə́. Kɔ́ɔ̄ɓē Nə́ɓā a ɔl̄ man̄ nōō kə́ kum de gə̄ tə́ malang kɔ̄ɔ́. Ni a un rɔ̄sɔl̄ kɔ̄ɔ́ dɔ gír deē yān gə̄ tə́ kem ɓēé malang. Yá̰á̰ ń Kɔ́ɔ̄ɓē ənī ndūn yā rāā ní n noó.

JEJU TEĒ KUM JA̰A̰ 21:4

Ni a ɔl̄ man̄ nōō kə́ kumdə́ tə́ kɔ̄ɔ́ ō, deē a oy to̰ aĺ ō. Kəhɔ ndoō a gətóo ō, kɔŕ a gətóo ō, rɔ̄ tōr̄ a gətóo ō, tɔdɔ̄ yá̰á̰ kə́ jóo gə̄ mānə̄n̄ kɔ̄ɔ́.

JAKƏ 1:17

Yá̰á̰ kə́ majə gə̄ malang ń adə̄n̄jí ní ō, kadə̄ karī kə́ majə ɔtə̄ kə taá mámák gə̄ malang ō ní, i yá̰a̰ gə̄ kə́ ḭḭn̄ i dɔ rā̰ tə́, ba teēn̄ i rɔ̄ Bɔbə̄ Ngōn̄ kə́ nge rāā loo kə́ unjə̄ kow tə́. Nə́ɓā tūr̄ aĺ ō, ni a ndɔ́tə̄ á a rāā ndíl dɔ yá̰a̰ gə̄ tə́ aĺ ō.

IJAI 26:19

Gír deē yāḿ gə̄, de kə́ koy yāsí gə̄ a télən̄ yā ndi kə kumdə́ gogə́, a ḭḭn̄ yā ra dɔɔ́ gogə́. Ngé to kum bumbə́rú tə́ gə̄ a ndólə̄n̄ ō, a əgan̄ kɔŕ rɔ̄nel̄ ō. Kɔ́ɔ̄ɓē a əla kə tal kógə̄ḿ kə́ i loo kə́ unjə̄ kow yā kadī, ba kə ta kūl̄ tal ngeé ń toō ní, dɔ nang a rāā kadə̄ de kə́ koy gə̄ tél ndin̄ kə kumdə́ gogə́.

PĀ GƏ̄ 49:15

Kánə̄n̄də́ ɓádá tītə̄ batə̄ gə̄, i yo n i nge kaw̄ sedə́ dɔ mu tə́ ní. Teē kə ndɔ̄ kə́ noō anī de kə́ súmūú gə̄ tə́ɓān̄də́ njadə́ tə́. Deē asə ger̄ ta kumdə́ ɓádá to̰ alé. Nin̄ i sa̰y ngá̰ý kadə kújə́ kə́ ngáā ngáā yādə́ gə̄ tə́.

PĀ GƏ̄ 30:3

Kɔ́ɔ̄ɓē Nə́ɓā yāḿ, m̄-nōō kə̄ dɔí tə́, anī ḭ̄ ī-rāā adə̄ rɔ̄ḿ ngan̄g.

Makətūbə̄ yā Job 33:24

kə́ kadə̄ kumən o̰o̰n tām̄ yā nge mo̰y ní tə́ ba əda Nə́ɓā na: Ī-lōō kəya̰n kadə̄ aw̄ ɓádá, na m-ə́ngé yá̰a̰ gān̄g dɔn kɔ̄ɔ́!

Makətūbə̄ ń Pol ndang adə̄ Rom gə̄ ní 11:29

Tɔdɔ̄ yá̰á̰ ń Nə́ɓā adə̄ de gə̄ ní a tél yā taā gogə́ aĺ ō, ɓāŕ ń ni-ɓāŕdə́ ní, a ndə̄ngā rɔ̄n tāmə̄n̄ tə́ aĺ ō.

PĀ GƏ̄ 86:13

Tɔdɔ̄ kem majə ń ī-rāā seḿ ní to ɓōĺ ngá̰ý, ī-teē seḿ kem bəlo kə́ lú ngá̰ý yā yo tə́ kɔ̄ɔ́.

PĀ GƏ̄ 16:10

Tɔdɔ̄ ā ə́ya̰m̄ ɓádá alé, ā ə́ya̰ deē yāí kadə̄ a̰a̰ bāá yon kə kumneé alé.

1 SAMUEL 15:29

Kɔ́ɔ̄ɓē ń i tɔ́gə yā ngán Israel gə̄ ní, a sor̄ aĺ ō, a tūr̄ ndūn aĺ ō, tɔdɔ̄ ni i deē á a tūr̄ ndūn alé.

JEJU TEĒ KUM JA̰A̰ 20:13

De gə̄ ń oyn̄ kum bā bo tə́ ní bā bo teē sedə́ ō, yo teē kə de gə̄ ń oyn̄ ní ō. De gə̄ ń oyn̄ á ton̄ ɓádá ní, loo kə́ ɓádá teē sedə́ ō. Ba gāngə̄n̄ sarya dɔ de gə̄ tə́ kógə̄ḿ kógə̄ḿ i kə gō kəla rāādə́ gēé.

1 TESALONIK 4:14

Tɔdɔ̄ ré jə-taāī kem kadə̄ Jeju oy ba ndól̄ anī, ngé gə̄ ń oyn̄ ní, Nə́ɓā a ndól̄də́ kə ta kūl̄neé ō.

2 KORḚNTƏ 5:4

Rɔ̄kum, dan ń jə-ndiī i kem kújə́ kə́ dɔ nang tə́ ń toō tə́ ɓáý ní, j-a jə-to̰ō̰ī i mbée rus rus, tām̄ jḭḭ̄ i gíŕ yá̰á̰ kə́ kɔȳń tɔȳ tɔ́gə́jí tə́. Kumən na jə-sāāī i kadə̄ rɔ̄jí kə́ dɔ nang tə́ kə gətóo kɔ̄ɔ́ alé, banī jə-ndə̄ngāī i kadə̄ əlan̄ rɔ̄jí kə́ dɔ rā̰ tə́ rɔ̄jí tə́, yā kadə̄ yá̰á̰ ń a oy kɔ̄ɔ́ ní, ndi kə kumuú utə̄ dɔn kɔ̄ɔ́.

Makətūbə̄ ń Pol ndang adə̄ Rom gə̄ ní 11:15

Tɔdɔ̄ ré kɔr̄ ń ɔr̄ əndān̄də́ gidə tə́ ndágá ní rāā tá kadə̄ de kə́ dɔ nang tə́ gə̄ əsōn̄ naā tə́ kə Nə́ɓā anī, i rí n a rāā yá̰a̰ ndɔ̄ ń tél a reēn̄ sedə́ gogə́ rɔ̄ Nə́ɓā tə́ ní? Ndɔ̄ ń noō tə́ ní, de kə́ koy gə̄ a teēn̄ ɓádá yā ndi kə kumdə́.

MALASI 3:6

Mā Kɔ́ɔ̄ɓē m̄-tūr̄ alé. Ba sḭḭ̄, ngándáńg ní sḭḭ̄ i ngán Jakob gə̄!

OJEE 6:2

Gō tə́ rāā ndɔ̄ jōó anī, ni a rāā kadə̄ j-a jə-tél jə-ndiī kə kumjí gogə́. Kə ndɔ̄ kə́ nge ko̰ mətá anī, ni a tél yā kunjí dɔɔ́ gogə́ ō, j-a jə-ndiī kə kumjí ta kumən tə́ ō.

PĀ GƏ̄ 71:20

Ḭ̄ ī-rāā ādə̄ wur kɔl əsō dɔḿ tə́ ō, yá̰á̰ kə́ to kum kaȳ aĺ gə̄ teēn̄ dɔḿ tə́ ō. Banī ā ī-reē yā rāām̄ kadə̄ m-ā m̄-ndi kə kumḿ gogə́. Ā ī-reē yā teē seḿ kɔ̄ɔ́ ɓádá, kem bəlo kə́ lú ngá̰ý tə́.

TƏ́DA 23:19

Nə́ɓā i deē á a sor̄ alé. Ni i ngōn̄ kaa Adam á a tūr̄ ndūn alé. Ni a ɔr̄ najə̄ i karī kanjə̄ rāā yá̰a̰ a? Yá̰á̰ ń ni-ənī míndən yā rāā ní, a rāā yá̰á̰ ní yā kadə̄ udə gírí.

PILIPƏ 3:21

Ni a tūr̄ rɔ̄jí kə́ dɔ nang tə́ kə́ to rɔ̄ tō ndoō ń toō kɔ̄ɔ́, kadə̄ tél to tītə̄ rɔ̄n nəkɔ́ ń i rɔ̄ kə́ to kɔsə gɔn ní. Ni a rāā nge ń noō i kə tɔ́gə́ ń ni a əlań dɔ yá̰a̰ malang gíŕ tɔ́gə yān tə́ ní.

JEREMI 15:6

I ḭ̄ n ə́yam̄ kɔ̄ɔ́ ō, ī-tūr̄ gidií taḿ tə́ kɔ̄ɔ́ ō ní. M-ə́la jīḿ kə̄ dɔí tə́ kadə̄ m̄-nujə seí. Kɔr asəm̄ ta tə́gā taḿ tə́.

JEJU TEĒ KUM JA̰A̰ 6:8

Anī m-á̰á̰ sə́ndá kə́ ɓálən ndul gusə gusə. Ba deē ń ndi gidən tə́ ní, rīn na i yo ō, loo kə́ ɓádá un gōn ō. Ré gángə̄n̄ dɔ nang gír loo sɔ́ anī, gírən kə́ kógə̄ḿ ní, adə̄n̄də́ tɔ́gə dɔ tə́ kadə̄ tɔ̄lə̄n̄ de kə́ tū tə́ gə̄ kə kaskaraá ō, kə ɓōó ō, kə mo̰yo̰ó̰ ō, kə dā̰ ngān̄g gə̄ kə́ dɔ nang tə́ ō.

JEREMI 20:16

Ādə̄ yá̰á̰ ń rāā ɓē gə̄ ń Kɔ́ɔ̄ɓē ɓéngə̄lēdə́ nang tə́ kɔ̄ɔ́ kanjə̄ ndə̄ngā rɔ̄n ní rāā deē ń noō. Ādə̄ əgan̄ kɔŕ dḭḭ̄ naā ta mbīn tə́ kə ndɔ̄ý ō, ādə̄ əgan̄ kɔŕ rɔ̄ɔ̄ ta mbīn tə́ dan kadə ndaá ō.

JEREMI 31:35

Kɔ́ɔ̄ɓē ń rāā mbang tām̄ kadə̄ loo kə́ kadaá unjə̄ń ō, Kɔ́ɔ̄ɓē ń rāā nāā ō tə́yō̰ gə̄ ō, kə gō naá majə kadə̄ loo kə́ ndɔ̄ɔ́ unjə̄ń ō, Kɔ́ɔ̄ɓē ń əla jīn kum man̄ bā bo tə́ anī i kōō bəngál man̄ gə̄ n ɓārə̄n̄ ō ní, rīn na i Kɔ́ɔ̄ɓē kə́ bo kə́ tɔ́gən i ngá̰ý.

EJEKIEL 37:9

Anī Kɔ́ɔ̄ɓē ədam̄ na: Ḭ̄ ń i ngōn̄ deē ní, ɔ̄r̄ najə̄ kə koō kə́ nge rāā kadə̄ deē ndi kə kumneé ādə̄m̄, ə́dan na: Koō kə́ nge rāā kadə̄ deē ndi kə kumneé, najə̄ ń Kɔ́ɔ̄ɓē Nə́ɓā əda ní n toó: Ḭ́ḭ dām̄ mbɔ́r ɓē kə́ ko̰ó̰ tə́ ō, geleé tə́ ō, gír ɓē tə́ ō, no ɓē tə́ ō, ī-reē ə́la dɔ de kə́ koy gə̄ ń toō tə́ ādə̄ ndin̄ kə kumdə́.

Makətūbə̄ yā Job 41:22

Kéngəlé kə́ ta katə gə̄ i gír kemən tə́, gō tóon to dɔ bɔr tə́ tītə̄ gō tóó yá̰a̰ jɔ̄r̄yɔ̄ nán̄g ta kɔsə ń rīn na i hérsə ní beē.

PĀ GƏ̄ 49:16

Banī Nə́ɓā a gān̄g dɔḿ mā jī yo tə́, a̰á̰ā̰, ni a unəm̄.

OJEE 7:10

Ngán Israel gə̄ ɔjən̄ rɔ̄də́, banī kɔjə rɔ̄ yādə́ ní ɔjə i rāā yá̰a̰ kə gōó alé yādə́ kə̄ ndágá. Israel tél reē rɔ̄ḿ mā Kɔ́ɔ̄ɓē Nə́ɓā yān tə́ alé. Yá̰a̰ malang ń rāān ní gə̄gē, ni sāā njaḿ alé.