OJEE 12:6 - Bibəl ta Sar̄

⁶ I loo ń noō tə́ n Nə́ɓā nge rāā dɔ rā̰ ō dɔ nang ō, ni ń rīn na i Kɔ́ɔ̄ɓē ní, ədań najə̄ ń toō ní:

Bible sar

⁶ I loo ń noō tə́ n Nə́ɓā nge rāā dɔ rā̰ ō dɔ nang ō, ni ń rīn na i Kɔ́ɔ̄ɓē ní, ədań najə̄ ń toō ní:

OJEE 12:6 Referans Kwoze

MISE 6:8

Kɔ́ɔ̄ɓē rāā adə̄ ī-ger̄ yá̰á̰ kə́ majə. Yá̰á̰ ń ni-dəje deē ndul gə̄ malang kadə̄ rāān̄ ní n toó: I rāā yá̰á̰ kə́ gōtə́ ō, i kadə̄ nel̄ deē rāā kem majə ō, i kadə̄ deē ndi kə Nə́ɓā yānneé kanjə̄ kɔjə rɔ̄n ō.

MISE 7:7

Banī mā m̄-tūr̄ rɔ̄ḿ kə̄ rɔ̄ Kɔ́ɔ̄ɓē tə́, m̄-ngóō Nə́ɓā ń a ajəm̄ ní. Ni Nə́ɓā yāḿ, a oōm̄.

OJEE 14:1

De kə́ Samari gə̄ a əgān̄ kə̄rā yá̰a̰ rāādə́ kə́ gōtə́ aĺ gə̄, tɔdɔ̄ nin̄ mbātə́n̄ najə̄ gō Nə́ɓā yādə́ tə́. Nin̄ a oyn̄ ta rɔ̄ɔ̄ tə́ ō, a rējə̄n̄ ngáń kásə̄ yādə́ gə̄ ō, a njarən̄ kem dəyá̰ yādə́ gə̄ kə́ ndānə̄n̄ ngán gə̄ ō.

JAKƏ 2:13

Tɔdɔ̄ deē ń a̰a̰ kum tō ndoō yā madə̄n gə̄ aĺ ní, Nə́ɓā a a̰a̰ kum tō ndoō yān loo sarya tə́ aĺ ō, banī ka̰a̰ kum tō ndoō i yá̰á̰ kə́ tetə sarya rɔ̄ɔ̄.

JAKƏ 1:27

Rɔȳ Nə́ɓā kə́ kə gō ń Bɔbə̄jí Nə́ɓā ndigə ní, i go̰ō̰ ngán hal gə̄, kə dəyá̰ kə́ ngaa koy gə̄, dan wur kɔl yādə́ tə́ ō, i ngɔ̄m̄ rɔ̄ najə̄ yá̰á̰ kə́ yḛr gə̄ malang kə́ dɔ nang tə́ ō.

KƏLA RĀĀ 26:20

Ba m-ɔ́jə de kə́ Damas gə̄ najə̄ ta kəga dɔ, gō tə́ anī i de kə́ Jerusalem gə̄ ō, de kə́ gō nang malang kə́ Jude tə́ ō, tá nápar de gə̄ ń nin̄ i Jipə aĺ gə̄ ní m-ɔ́jə́də́ najə̄ ō. M-ɔ́jə́də́ kadə̄ əya̰n̄ gíŕ yá̰a̰ rāādə́ kə́ majaĺ gə̄ kɔ̄ɔ́, ba kə tūrə̄n̄ rɔ̄də́ kə̄ rɔ̄ Nə́ɓā tə́ ō, kə rāān̄ yá̰á̰ kə́ ɔjə kadə̄ nin̄-əya̰n̄ majaĺ yādə́ gə̄ kɔ̄ɔ́ rɔ̄kum ō.

KƏLA RĀĀ 2:38

Piyer ədadə́ na: Ī-tūrī háĺsí malang, ba ādə̄ rāān̄sí batém kógə̄ḿ kógə̄ḿ kə rī Jeju Kərist, kadə̄ Nə́ɓā mā̰yń rɔ̄n dɔ yá̰á̰ kə́ majaĺ gə̄ ń ī-rāāī tə́ ní. Ɓá anī ā ə́ngeī Ndíĺ kə́ Táĺ ń Nə́ɓā adə̄ de gə̄ karī ní.

JAKARI 8:16

Jī bēl̄ loo rāā yá̰a̰ gə̄ ń ā úniī gō ní n toó: Ə́daī naā najə̄ kə́ rɔ̄kum. Loo sarya yāsí gə̄ tə́ ɓáa, ī-gāngī sarya kə́ gōtə́, kə́ a reē kə lɔmɔɔ́.

SOPONI 3:8

Kɔ́ɔ̄ɓē əda wáńg kə̄ ndágá na: I beé ní, ī-ngóōī ndɔ̄ ń kadə̄ m̄-reēń yā kəndā najə̄ dɔsí tə́ ní! m̄-gḛy kɔsə dɔ gotə nápar de kə́ rang gə̄ kə̄ naā tə́, m̄-gḛy kɔsə dɔ ɓē ko̰o̰ gə̄ kə̄ naā tə́, yā kadə̄ m̄-bə̄gań wōn̄g yāḿ kə́ ngá̰ý dɔdə́ tə́. A̰á̰ā̰, hor wōn̄g yāḿ a o̰o̰ dɔ nang kə taá malang.

HABAKUK 2:3

Yá̰a̰ gə̄ ń m-ɔ́jiī adə̄ á̰a̰ā̰ ní a reēn̄ banī a reēn̄ i kum mbang ń ɔjən̄ tə́ ní ngóy. Sḛ́ý laā anī a rāān̄ yá̰a̰, i sor̄ alé. Ká ré to tītə̄ kə́ ɔr bā̰ā̰ gə̄gē anī, ə̄nī kemií mámák ī-ngóoń. A̰á̰ā̰, i rɔ̄kum, a reēn̄ gō gogə́ alé.

AMOS 5:24

Banī ī-rāāī ādə̄ yá̰á̰ kə́ súmūú əɓa bup tītə̄ man̄ kə́ əɓa nang tə́ beē ō, ə́ya̰ī yá̰á̰ kə́ gōtə́ ādī nūgə́ tītə̄ man̄ kə́ teē kə̄ ndágá kem kārə̄n tə́ beē ō!

JOEL 2:13

Ī-rə́yā̰ī dan wursí gə̄ ba i kūbə̄ kə́ rɔ̄sí tə́ gə̄ alé. Ī-téliī kə̄ rɔ̄ Kɔ́ɔ̄ɓē Nə́ɓā yāsí tə́. Ni i Nə́ɓā kə́ kumən a o̰o̰n ō, kə́ nge kem majə ō, kə́ a rāā wōn̄g láẃ aĺ ō, kə́ nge ra dɔ ndūn tə́ ō. Ni i nge lōō gír yá̰á̰ kə́ to kum kaȳ aĺ ń núm̄ kemən tə́ yā rāā kə deē ní ō.

OJEE 10:12

Ré yá̰á̰ ń ī-dubī ní i yá̰á̰ kə́ gōtə́ anī, yá̰á̰ ń ā ə́jaī ní, i kem majə. Ī-tə́gāī loo ndɔr̄ kə́ kijə tām̄ yāsí tə́. I kum mbang sāāḿ mā Kɔ́ɔ̄ɓē n toó, tá yā ngóoń kadə̄ m̄-reē m̄-rāā man̄ yá̰á̰ kə́ gōtə́ kadə̄ edə dɔsí tə́.

OJEE 4:1

Kɔ́ɔ̄ɓē a rāā i sarya kə de kə́ kem ɓēé gēé. Sḭḭ̄ Israel gə̄, ōōī najə̄ ń ni-ɔr̄ ní: Laā ní deē ra dɔ ndūn tə́ to̰ aĺ ō, deē rāā majə to̰ aĺ ō. De kə́ kem ɓēé ń toō tə́ gə̄ gerə̄mə̄n̄ kə́ Nə́ɓā tə́ to̰ alé.

JEREMI 22:15

Nelī rāā yá̰a̰ kə kāgə̄ sédər ngá̰ý ní ī-gír̄ i dɔ ko̰o̰ ɓē tə́ ta kaw̄ jóo a? Bɔbí əsa yá̰á̰ ō, a̰ȳ ō aĺ a? Banī ni rɔ̄ɔ̄ dɔ yá̰á̰ kə́ gōtə́ tə́ ō, dɔ yá̰á̰ kə́ súmūú tə́ ō. adə̄ yá̰a̰ malang i kə́ majə tām̄ yān tə́.

IJAI 58:6

Ndi ɓō kə́ nelə̄m̄ n toó: I tútə de gə̄ kə́ do̰ō̰n̄də́ kə súĺ kə ta róbə́ kə́ gōtə́ aĺ kəya̰də́ dɔɔ́, i kun njúgə́ kə́ ɔȳdə́ dɔdə́ tə́ kɔ̄ɔ́, i taā ngé gə̄ ń a rējə̄n̄də́ ní kəya̰də́ dɔɔ́, yā kadə̄ gō ngāləń ngá̰ý aĺ ɓáa, i rāā kadə̄ yá̰a̰ malang ń a rāādə́ ɓəlo tə́ ní gətóo kɔ̄ɔ́.

IJAI 40:31

Banī ngé gə̄ ń əndān̄ kemdə́ dɔ Kɔ́ɔ̄ɓē tə́ ní əngen̄ tɔ́gə́ kə́ kijə. Nin̄ ḭḭn̄ bɔ̄gə̄ tītə̄ kə̄rō gə̄ beé, nin̄ a̰ȳn̄ ngɔ̄də̄ kanjə̄ kadə̄ kɔr rāādə́, nin̄ njə̄rān̄ kumdə́ kə̄ kété kanjə̄ kadə̄ tɔ́gə́də́ təgā.

IJAI 31:6

Israel gə̄, sḭḭ̄ ī-tūrī gidəsí kɔ̄ɔ́ ta Kɔ́ɔ̄ɓē tə́. I beé ní, ī-tél ī-reēī kum kə̄ rɔ̄n tə́.

IJAI 30:18

Tá Kɔ́ɔ̄ɓē a ngóō i kum mbang kə́ yā kɔjəńsí kem majə yān kə́ tām̄ yāsí tə́. Ni a ḭḭ dɔɔ́ yā kɔjəsí táŕ kə́ kemən tə́. A̰á̰ā̰, Kɔ́ɔ̄ɓē i Nə́ɓā kə́ nge rāā yá̰á̰ kə́ gōtə́. Ngé gə̄ ń əndān̄ kemdə́ dɔn tə́ ō, ndi a ngóōnən̄ ō ní, rɔ̄də́ nel̄də́.

IJAI 8:17

m̄-ndi m̄-ngóō Kɔ́ɔ̄ɓē. Kə́ ngɔr ń toō tə́ ɓáa ni-əndā kumən gír kojə yā Jakob tə́ to̰ alé, banī m-ə̄ndā kemḿ dɔn tə́.

IJAI 1:16

Ī-tə́goī rɔ̄sí, ī-rāāī rɔ̄sí ādī unjə̄ njáý njáý. Yá̰á̰ rāāsí kə́ majaĺ gə̄ ní, āwīiń sa̰y kɔ̄ɔ́ ta kumḿ tə́. Ādī asəsí rāā yá̰á̰ kə́ majaĺ.

Gōsə̄ najə̄ gə̄ 21:3

Rāā yá̰á̰ kə́ gōtə́ ō, kə́ súmūú ō nel̄ Kɔ́ɔ̄ɓē tɔȳ yá̰á̰ kə́ deē tun̄ adə̄n.

Gōsə̄ najə̄ gə̄ 1:23

Ōōī gír kə́ kemḿ tə́. Á̰a̰ī, m-ā m̄-rāā kadə̄ ndílə́ḿ a risə dɔsí tə́, m-ā m-ə́dásí najə̄ yāḿ kadə̄ ī-gerī.

PĀ GƏ̄ 123:2

Adə̄ jə-to i tītə̄ ɓəlo kə́ dəngam gə̄ kə́ ndi a ngóōn̄ ta jī kɔ́ɔ̄də́ kə́ dəngam gə̄ ō, ɓəlo kə́ dəyá̰ kə́ ndi a ngóō ta jī kɔ́ɔ̄n kə́ dəyá̰ ō. Rɔ̄kum j-un kumjí kə̄ dɔɔ́ j-a̰a̰ń loo ɗek ɗek kə̄ rɔ̄ Nə́ɓā yājí tə́, jə-ngóōń tan kadə̄ a̰a̰ kum tō ndoō yājí.

PĀ GƏ̄ 37:7

Ī-ndi jəke rɔ̄ Kɔ́ɔ̄ɓē tə́, ə̄ndā kemií dɔn tə́. Ī-lōō kadə̄ tōrī kə deē ń kəla rāān teēn yá̰á̰ tə́ ní ō, kə deē ń a rāā yá̰a̰ i kə gól̄ looó ō ní.

PĀ GƏ̄ 27:14

Ī-ngóō ta Kɔ́ɔ̄ɓē. Ə́hɔ rɔ̄í tɔgə ō, ə́hɔ kemií ngan̄g ō! Ī-ngóō ta Kɔ́ɔ̄ɓē.

TA KƏLA 49:18

Kɔ́ɔ̄ɓē, m-ə̄ndā kemḿ dɔí tə́ kadə̄ ī-dḭḭ̄m̄.

EJEKIEL 18:30

I tām̄ najə̄ ń noō tə́ n mā Kɔ́ɔ̄ɓē Nə́ɓā m-ə́dásí sḭḭ̄ Israel gə̄ najə̄ ń toō ní: M-ā m̄-rāā sarya sesí kógə̄ḿ kógə̄ḿ i kə gō háĺsí. I beé ní, ī-tūrī háĺsí, ī-tūrī gidəsí kɔ̄ɔ́ ta yá̰a̰ rāāsí kə́ gōtə́ aĺ gə̄ tə́. I tītə̄ ń noō n ā ə̄sōīiń kum majaĺ tə́ to̰ aĺ ní.

JOEL 2:12

Kɔ́ɔ̄ɓē ɔr̄ najə̄ əda na: Ngɔlaā ní, ī-teliī kə̄ rɔ̄ḿ tə́ kə ngarā̰ kemsí malang. Ī-*ndiī ɓō tām̄ yāḿ tə́ ō, ī-nōōī ō, ī-sɔ̄míī ō.

Teē Ngán Israel gə̄ 3:15

Ə́dádə́ na i Kɔ́ɔ̄ɓē Nə́ɓā yā kaadə́ gə̄, adə̄ i Nə́ɓā yā Abəraham ō, Nə́ɓā yā Isaak ō, Nə́ɓā yā Jakob ō n əlaī rɔ̄də́ tə́ ní. Rīḿ ń a to ngándáńg kadə̄ de gə̄ a ɓāŕmə̄n̄neé kə dɔ ɓāl̄ gə̄ ní n noó.

AMOS 4:13

I ni n rāā mbal̄ bo gə̄ ní. Ni-rāā nél ō, ɔjə deē ndul gə̄ yá̰a̰ gə̄ ń ni núm̄ rāā ní ō. Ni-rāā loo kə́ dəloí kə́ unjə̄ kow adə̄ tél loo kə́ ndɔ̄ɔ́ ō, njə̄rā dɔ loo kə́ kḭḭ kə̄ dɔɔ́ gə̄ kə́ dɔ nang tə́ tə́ ō. Rīn na i Kɔ́ɔ̄ɓē, Nə́ɓā kə́ kɔ́ɔ̄ dɔ rā̰ ō dɔ nang ō.